meiyin129的个人专页

元朗朋友知道我鍾意食意粉最近聽聞有間新開嘅手工意粉餐廳即刻捉我去試～🤣餐廳有室內同戶外座位假日到訪都好旺場過咗lunch time仲有人排隊等位🔥lunch set好抵食😋$58至$98就食到手工意粉仲包餐湯🍲難得嚟到梗係要嗌幾款試晒佢啦😍整體嚟講手工意粉煙韌有咬勁帶淡淡小麥香👍🏻👑 咸蛋黃汁鮮魷魚寬帶麵（$82）濃郁咸蛋香＋彈牙魷魚creamy又惹味🐮 紅酒燉牛面頰肉醬戒指粉（$98）牛面頰燉得好腍肉味濃郁戒指粉煙韌有咬口🌿 泰式青醬羅勒大啡菇吸管粉（$63）味道清新大啡菇多汁又掛汁夏天食啱晒～🥓 藍青口煙肉菠菜忌廉汁寬帶麵（$65）忌廉香滑煙肉鹹香提味層次感豐富🍤 烤大蝦牛油果紫菜米紙墨西哥夾餅（$88）呢款係我哋額外嗌嘅前菜外層紫菜米紙炸得酥脆賣相有啲似魚皮🤣配牛油果＋番茄＋彈牙大蝦好fresh好開胃～仲可以加配小食同飲品：🍗 脆炸咸蛋黃單骨雞翼（+$15）🍈巴馬火腿蜜瓜卷（1件）（＋$15）☕️ 榛子拿鐵（+$38）☕️Americao（+$20）…查看更多

最近見到唔少人推介呢間牛頭角雞白湯拉麵店《マヌル屋》，話係日本人主理，加上店入面貼滿貓貓畫🧡 即刻被吸引到，約咗朋友一齊嚟試！我哋平日黃昏7點到達，門口已經有2個人等緊，但翻枱速度好快，大約等咗10分鐘就有位👏🏻 仲要讚下店員，見天氣熱，會主動奉上凍水，好貼心💦店內大約得十幾個位，全是 bar 枱位，坐位格局高度還原日本拉麵店風格～牆身貼滿各款貓咪畫作，好療癒😻 望住貓貓食麵，心情都好啲！🍜 拉麵只有三款，分別為係瑪瑙瑙麵、黑蒜雞白湯拉麵以及辣味噌雞白湯拉麵。可選粗身有咬口嘅黃麵或幼身彈牙嘅白麵～😽瑪瑙瑙麵（$89）* 追加溏心蛋（$10）+ 紫菜（$10）｜配黃麵湯底用雞白湯打到起泡，入口清甜香滑，配黃麵啱啱好。叉燒肥瘦適中，雞胸肉嫩滑無柴味。加埋溏心蛋同紫菜，成碗麵更豐富！🧄 黑蒜雞白湯拉麵（$89）* 追加溏心蛋 x2（$20）｜配白麵黑蒜香氣撲鼻，混合雞湯後味道更濃郁但唔膩，白麵彈牙夠掛湯。💡P.S. 麵量唔算多，建議加配料會更滿足；半熟溏心蛋值得加，流心蛋黃超好味👍🏻…查看更多

是日來到沙田覓食～媽咪話想食日本菜🍣於是就帶咗佢嚟呢間以木系和風為主調嘅日式 café 試試！環境舒適又寧靜，除咗主食之外，甜品款式仲超多～對甜品控嚟講真係零抵抗力🤭💛🥩 鹽蔥厚切牛舌配照燒雞扒丼（$128）牛舌厚切得嚟仍然保持軟腍，入口肉香濃郁，配上鹽蔥更加惹味～照燒雞扒燒得恰到好處，外皮微脆、內裡嫩滑😋🐟 滑蛋鰻魚飯（$168）鰻魚肥美油潤、燒得香氣撲鼻，滑蛋軟嫩香滑～每一啖飯都掛滿鰻魚汁同蛋香，好治癒💫🥗 +$28 升級定食可選沙律或枝豆，再配$42以下或差價升級飲品👍🏻☕️ Flat White 澳白咖啡 (熱)咖啡香濃順滑，奶泡細緻柔軟☕️🍠 凍芋泥鮮奶（升級定食+$10）香滑芋泥加上香濃鮮奶～甜度剛剛好💜🍢 炭燒雞串X6（$48）雞肉多汁、外層微焦～炭香味滿滿🔥🍳 明太子玉子燒（$68）鋪滿明太子醬，鹹香濃郁～再加上紫菜條與蟹籽，層次豐富，入口充滿蛋香與明太子鹹鮮感🤤🍵 開心果奶蓋芭菲配3.5抹茶扭紋軟雪糕（$98）打卡度💯✨ 每層都有驚喜～開心果奶蓋香濃滑順，配上抹茶雪糕微苦回甘，甜度剛好～仲有一粒粒煙韌小丸子，食感豐富又滿足💚…查看更多

每次嚟到新蒲崗，我都一定會去「窩子」Cafe🤣佢哋嘅名物窩夫真係從未令我失望～甜窩夫出眾，鹹窩夫更係令人眼前一亮✨今次隔咗一段時間再訪，發現 menu 多咗好多新出品，當然要試下啲新嘢啦😋🧅 焦糖洋蔥黑椒牛柳粒酥皮薄餅（$188）新推出嘅自家製 8 吋酥皮薄餅賣相誘人 香氣撲鼻😋焦糖洋蔥同大大粒黑椒牛柳粒超邪惡🤭鬆化嘅鬆皮外層蓬鬆內裡薄脆層次豐富🥓 自家製煙豬腩卡邦尼曲曲意粉（$112）除咗酥皮pizza咁新奇嘅配搭Cafe亦跟隨熱潮推出捲捲意粉配卡邦尼汁 + 半熟蛋黃 + 煙燻豬腩肉，每一啖都 creamy 得嚟唔膩，超滿足🍝🍋 自家製檸檬吉士配伯爵茶牛油窩夫（$98）最後點可以唔食返個招牌窩夫🧇伯爵茶牛油香氣濃郁、甜而不膩配煙韌窩夫真係一流！🍫 凍鮮奶朱古力（$48）🍵 抹茶奶蓋椰子水（$52）厚厚嘅抹茶奶蓋茶味突出🍵飲完再啖啖椰子水，清新得嚟層次分明💚…查看更多

又喺工廈發現咗隱世寶藏！🤫今次我哋嚟到荔枝角嘅🇲🇽Picoso，餐廳由夫婦主理咗9年～喺工廈入面開咗間超有心思嘅墨西哥小店 💛裝修走木系溫暖風格，再配上墨西哥特色裝飾，好有旅行feel 🪅🌵🌯墨西哥巨無霸雞肉卷（$170）真係好大條！上面有滿滿牛油果醬🥑包埋又嫩又多汁嘅雞肉，仲有來自墨西哥嘅墨西哥豆蓉，豆香超濃郁～連平時唔太鍾意食豆嘅朋友都話正！💯🫑墨西哥芝士甜椒船（$138）炸到外脆內軟嘅甜椒，中間釀咗芝士🧀，再點埋蜜糖芥末醬，又辣又甜又creamy，好上癮🤤🐟皇牌脆香魚趣Taco（2件 $178）炸魚柳夠晒香脆🔥，配埋乳酪、黃椒、蕃茄粒、洋蔥等餡料，層次好豐富～飽肚又唔覺heavy 👍🏻🌶 枱上有兩款墨西哥辣醬畀你自由發揮👇🏻1️⃣ Habanero & Ghost燒烤味香濃，但真係辣到爆🥵2️⃣ Habanero & Grilled Pineapple甜甜地、入口易啲，啱晒新手🌶🍍🥑牛油果風暴（$72）牛油果控必試！真係超濃郁，唔落糖都好好飲🫶🏻🍵 伯爵茶（熱）（$22）隻杯好靚～粉紅色格仔花紋+不規則杯型，打卡一流📸 茶味清香，食完嘢飲番杯正好～…查看更多

最近手工意粉熱潮席卷香港 🤣～香港除咗茶記嗰啲港式意粉，原來仲有咁多款手工意粉可以試😍之前去過尖沙咀、大坑，今次就嚟到跑馬地一試究竟🤤呢間 Aedes Wine & Pasta Bar 店鋪麻雀雖小，大概得8張枱，燈光柔和有格調，成個 vibe 好似置身意大利小餐館🇮🇹～我平日夜晚去，走嗰陣幾乎全場滿座，好受歡迎！佢哋晚市係 A la carte，前菜、意粉、甜品都有～最特別係待應會捧住一個木盒嚟逐款介紹，入面有八款意粉，仲有六款係餐廳自家手工製作✨。聽完介紹揀 pasta，感覺真係似去咗 fine dining 餐廳，好玩又特別！我哋點咗：前菜🥖 Focaccia（$45）意大利酵母扁麵包，配酸忌廉同細香蔥。外皮脆卜卜，入面厚實又鬆軟，愈食愈香。🥔 Ham Croquettes（$88）炸到金黃香脆嘅薯蓉球，入面混咗 Serrano ham，仲有蒜香蛋黃醬點一點～完美組合，停唔到口！意粉🍝 Pappardelle Bolognese（$168）闊身 pappardelle，好有咬口，食落仲有啲似千層麵～配上安格斯牛同豬肉嘅肉醬，濃郁惹味，好滿足！🌱 Malloreddus Melanzana（$148）細細粒嘅貝殼意粉，竟然係全素！配上茄子+蕃茄醬汁，最後再放上 Burrata cheese～酸酸甜甜又 creamy，好開胃，一啲都唔膩。甜品🍰 Basque Cheesecake（$108）份量十足！芝士香濃得嚟入口軟滑，甜品控必點。🍯 Homemade Gelato（$48）有幾款味揀，我哋試咗澳洲蜂蜜味～一入口成個蜂蜜香氣爆晒出嚟，好清新。📍 Aedes Wine & Pasta Bar跑馬地源遠街14號地舖[IMG:7][G:10][[I[IMG:9[IMG:12]…查看更多

🍃呢間藏身於粉嶺三椏村嘅客家餐廳可從烏蛟騰或荔枝窩出發前往。懶得早起趕船到荔枝窩嘅我哋，選擇在烏蛟騰出發，經過九擔租，再踏上苗三古道🚶‍♀️，沿途風景怡人，靚到會忘記自己行咗幾耐✨會見到淺紅色粉沙岩🪨、濕地紅樹林🌱仲有藍天白雲下閃閃發光嘅海岸🌊撞正季節嘅話，仲可以見到金黃芒草＋紅葉🍁每行一步都係一幅風景畫！🏞️行咗好一陣，終於見到餐廳指示牌👀再穿過一大片茂密草原🌾前面就係綠悠悠嘅山莊，環境清幽，仲有個大花園～老闆娘熱情好客，同每枱客人都好好傾👏🏻📌推介必試：🍋 透心涼 陳皮冰糖檸檬🥢 鑊氣滿滿 客家炒米粉🥚 酥脆可口 香煎蠔仔餅🎃 煙靭有咬口 南瓜餅🍮 儀式感滿分 豆腐花📞 P.S. 平日去記得先打 23320994 訂位…查看更多

偶爾生活都需要啲儀式感💫最近就約咗幾位鍾意打卡嘅朋友👯‍♀️嚟銅鑼灣 Bochord 體驗法式 Fine Dining 🌟餐廳位於世貿中心11樓，一整排落地大玻璃維港景色盡收眼底🌆 夠晒浪漫✨當晚仲有 live band 桌邊獻唱生日歌🎶成間餐廳都充滿住紀念日氣氛～💰 Tasting Menu：($1388 / 位)🥖 開場嘅麵包，配上 basil 牛油以及海鹽牛油，好食到我哋忍唔住 add round🤣前菜分別有三款👇🏻1️⃣ Chu Toro Tartare：拖羅他他 + 柚子汁，入口清新2️⃣ Royal Caviar：魚子醬撻 + 日式高湯啫喱，鹹香有層次3️⃣ Red Prawn Tartare：甜蝦配上脆薯條，口感對比幾特別🦀 Hokkaido Sea Urchin用海膽殼盛起，賣相超吸睛！入面有蟹肉、蠔啫喱、墨魚汁面紗、海膽醬～鹹香鮮味一次過滿足！🦞 Lobster龍蝦刺身藏喺蘆筍砌成嘅小花圈中🌼 加上山椒＋檸檬泡泡＋蝦油碎～賣相同味道都好精緻✨🍲 Seafood Bouillabaisse海鮮濃湯湯底鮮味十足👍🏻入面有大蜆、蝦、龍蝦肉，加埋魚泡沫，味道好香濃～🐟 Red Grouper除咗外皮烘烤得香脆嘅魚柳，仲有帶子慕絲 同埋 牛肝菌～三重享受🫶🏻醬汁用上蠔忌廉同龍蝦油，提升鮮味！🐚 Charcoal Grilled Abalone炭燒鮑魚香氣十足🔥 配上日本素麵、蟹味噌、奶泡、牛油菜同乾魚子片，好驚喜！🥩 主菜：Red Wood & Charcoal Grilled As Miyazakigyu Beef宮崎和牛油花靚到發光✨ 配上薯蓉泡、鴨油薯角、紅酒醬肉質超嫩，咬落去近乎入口即融😆🍫 甜品：Belgium 64% Chocolate with Yuzu & Almond Cake柚子果醬配黑朱古力，唔會太甜，完美ending！🍸 飲品方面：🥂Mocktail - Tellado（$88）蘋果＋檸檬＋接骨木糖漿，果香清新 🍏🥃Cocktail - The Honey Thief（$128）Gin＋咖哩葉＋杏脯＋蜂蜜＋檸檬🍯酒味偏重，但加咗蜂蜜同焦糖脆餅後就 balance 咗，幾特別！…查看更多

最近想搵間環境靚又有氣氛嘅餐廳，慶祝朋友生日🎂於是揀咗位於將軍澳海岸嘅法式餐廳Bistro La Baie💙望住海景歎住lunch，真係好Chill☀️🌊今次我哋一行三人，點咗三個 Set Lunch，配有沙律同餐湯，份量都唔少，幾抵食👍🏻🍗 油封鴨腿、扁豆、香腸（$178）鴨腿煎到外皮香脆，肉質軟腍又入味～底層嘅扁豆吸收咗鴨油精華，食落唔會油膩，仲有香腸加持，令整道菜味道層次更豐富🌿🐓 香煎三黃雞、薏米飯、黑松露雞湯泡沫（$198）呢道菜一上枱已經聞到陣陣松露香😍雞皮煎得香脆，配搭酥脆羽衣甘藍，薏米飯吸滿雞湯泡沫，健康得嚟又好食，口感有驚喜～🍝 檸檬青醬扁意粉、蝦、羅勒、車厘茄、薄荷、烤合桃（$178）意粉爽口彈牙，調味有少少辣勁，超開胃🔥大蝦足料唔hea，啖啖都食到鮮味加埋合桃嘅脆口，整體味道清新得嚟好有層次🦐🍋…查看更多

好耐冇食返餐好啦🤣今次約咗朋友嚟中環試呢間環境同味道都好唔錯嘅扒房餐廳裝修走英倫復古風，有掛畫同吊燈🖼️🕯️氣氛有氣派得嚟帶點優雅，至啱chill住食餐靚嘢✨📋SPECIAL DINNER MENU （$498）🥗ROASTED ROMAINE HEART, GRAVLAX, TAHINI MAYO前菜係煙三文魚配羅馬生菜＋烘烤合桃味道爽口清新，輕鬆開胃💚🍣A5 WAGYU ROLL & SPOT SHRIMP TARTARE, COLD PEPPER SAUCE（+$108）薄切A5和牛肉質嫩滑，包住鮮甜味美嘅蝦肉他他配埋微辣醬汁，口感豐富得嚟又精緻，值得加錢試🤤🍳FRESH MUSHROOM, PARMA HAM & ONSEN EGG巴馬火腿鹹香四溢，配襯滑嘟嘟流心溫泉蛋～加埋菇香，整體味道平衡恰到好處😌🍝PORK SAUSAGE & CHORIZO RIGATONI辣肉腸味道夠惹味，粗管通心粉掛汁力一流面頭仲有啲拉絲芝士🧀 熱辣辣上枱，滿足感十足🥩BRAISED AUSTRALIAN BEEF CHEEK牛面珠炆得好腍，完全唔柴～醬汁帶啲甜香，幾入味，配紅酒好夾🍷🐓SLOW-GRILLED FRENCH CHICKEN BREAST, FRESH MUSHROOM MUSTARD SAUCE雞胸肉厚身但唔乾，皮煎到微脆個醬有少少芥末香，但唔會太刺激，味道溫和得嚟幾有層次～🍰 NYC DESSERT PLATTER甜品款式會不時轉換 今次有👇🏻* Opera Cake：咖啡朱古力味濃* Lemon Tart：酸甜味道平衡🍋* 焦糖啤梨蛋糕：最有驚喜～微焦香味突出🧡🍷SOMMELIER WINE PAIRING（+$218）由Prosecco打頭陣～前菜配白酒，主菜配紅酒餐酒配搭得細心，令整體用餐體驗更完整🎶…查看更多

最近去中環cafe hopping，嚟到PHI Coffee & Pancake，木系裝潢配上花藝佈置，彷彿置身秘密花園🌼最近佢哋推出咗一系列以「開心果」為主題嘅限定menu，作為開心果忠粉，當然即刻嚟試下！💚🍝 開心果帶子意粉（$138）一上枱已經被開心果綠色嘅意粉吸引住～賣相好清新，食落有啲似青醬意粉，不過更多咗陣陣堅果香～加埋煎得啱啱好嘅帶子、雜菇同開心果仁碎，口感同香氣都超豐富！☕️開心果咖啡（$68）呢杯我真係大推😍飲之前記住拌勻～飲落係咖啡香中帶住微甜堅果味，仲有粒粒開心果仁喺入面，口感好有驚喜！飲品漸層打卡一流，味道又唔會膩！🍰 特濃開心果迷上梳乎厘（$138）最後一定唔可以錯過呢個超用心之作！用上三個唔同國家嘅開心果製作，唔止層次感勁豐富，仲有滿滿堅果香。以美國産開心果製成嘅芝士奶蓋醬香濃幼滑，配埋以土耳其開心果製成嘅開心果奶凍，入口即溶，再加上意大利開心果＋法國忌廉嘅綿滑組合，真係每一啖都係驚喜😋🥐 班尼迪牛角包（$112）如果你鍾意食brunch，可以試下呢款牛角包～酥脆牛角包上配咗流心班尼迪蛋，調味唔會太重口味，啱晒鐘意輕盈早餐feel嘅朋友～🍵 抹茶鮮奶（$46）茶香突出，唔會太甜，配搭以上幾款甜品啱啱好，balance返味蕾～…查看更多

旺角竟然有間 cafe 神秘到咁？！👀無招牌、無裝飾，門面黑到一個點究竟內藏甚麼乾坤？🤫細心一睇 先發現張寫住「Black Coffee」嘅小紙貼一打開門，餐廳裏面都貫徹黑色美學✨黑牆、黑枱、黑椅，連食物都「黑」得有驚喜🍽️🍛炸黑炭豬扒印度香飯配瑪撒拉咖喱（$148）炸豬扒漆黑得嚟，香味四溢～皮炸得薄脆，冇過厚麵粉切開仲見到粉嫩肉質咖喱唔係傳統印度勁香料嗰隻而係偏日式味道，微辣唔搶味，好易入口🍛印度香飯粒粒分明，好食🙌🥓自家製煙燻豬腩配黑啤意大利飯（$138）煙燻豬腩果木味濃，肥瘦均勻有油香但唔膩✨意大利飯帶微微麥味，濕潤又creamy睇落細碗但食落真係好飽肚，估你唔到🤣🥗合桃南瓜雜菜沙律配柚子橙汁（$108）想食得健康啲？呢個沙律就啱晒啦💚大量沙律菜、香甜南瓜條、香脆合桃🥜仲加咗好多味道選爽甜嘅石榴籽，一啖咬落超滿足柚子橙汁酸酸甜甜，好清新～兩個人 share 啱啱好👏🍫70%黑朱古力髒髒日式梳乎厘鬆餅（$106）朱古力迷要準備尖叫啦！！朱古力醬厚到流晒出嚟，苦甜比例啱啱好～梳乎厘鬆餅焗得外脆內棉，再加上脆甜嘅焦糖烤香蕉🍌同棉花糖食完真係滿足到唔捨得走～🥭芒果茉莉花茶鮮奶（$58）顏值同味道都滿分💛💚上下漸層色超打卡able📸春日氣息滿滿🍀芒果香＋茉莉花香＋奶香，清新得嚟又有層次，好啱呢個季節飲🌿🌑竹炭黑芝麻鮮奶（$48）芝麻味香濃得嚟又唔會太膩，帶少少炭香🌚飲完超滿足，芝麻控必試❤️…查看更多

最近想帶媽咪去食好西👩‍👧❤️見到 YMCA 酒店再臨閣推出咗新嘅 泰式自助晚餐🥢🇹🇭即刻心動～話咁快就訂位去食！講到再臨閣，一定唔可以唔提佢個超靚 維港景色🌆坐喺窗邊食飯，望住夜景，氣氛一流～環境又靚又舒服，裝修好摩登🪑✨，真係好適合一家大細來chill～🍽️ 自助餐選擇超豐富，由冷盤到熱食，泰味十足！🥗 冷盤部份已經好吸引，有五款唔同風味嘅泰式沙律每款都開胃又醒神，仲有芝士拼盤、水晶肴肉等🔥 熱食都有好多選擇，泰式海南雞飯雞肉滑溜香口，火山排骨肉質嫩滑入味，配埋微辣嘅醬汁勁開胃泰式豬手煮得好入味，皮脆肉嫩，完全唔膩。即煮船麵湯底濃郁，麵條彈牙當然唔少得冰鎮海鮮任食！龍蝦🦞、大蝦🍤青口、蜆夠鮮甜仲有即煎虎蝦、即煮鮑魚、燒西冷、燒羊排骨加埋刺身同壽司🍣甜品方面更加係一大亮點，有一口芒果糯米飯熱辣辣嘅蒸香蕉糕、泰式奶茶慕絲蛋糕、玉桂木薯布甸、香茅芝士蛋糕等等，最驚喜係有超厚肉嘅 D24 榴槤 pancake榴槤控一定要試！😍當晚仲好開心欣賞到泰國樂手表演，氣氛滿分🎶最特別嘅係有米芝蓮推薦餐廳 Mekin Farm 嘅主理人 Pu 同 Yim 親自到場聯同 YMCA 酒店行政總廚黃志明師傅即席烹調咗3道正宗泰菜包括青辣椒汁蒸烏頭、特色咖哩魚同鮮花七味蝦每一道都賣相靚味道正!Mekin Farm主張Farm to table 秉承少油、健康嘅煮食理念炮製出嚟嘅菜式原汁原味 用料天然💕…查看更多

是日來到灣仔覓食👣，心思思想食啲暖笠笠又滿足嘅嘢～朋友早前推介咗一間拉麵店🍜咁啱落雨☔️，即刻諗都唔諗直衝去試！間舖真係幾隱世～藏身巷弄之中，仲被小販檔遮擋住門口👀冇認真搵可能會錯過🫣鋪面唔算大，但空間長而深裝潢以木系設計為主，好舒服門內外都掛住不少日式燈籠🏮未食已經加咗幾分氣氛✨餐廳主打日式拉麵同沾麵🍥仲有唔同款式嘅小食，啱晒邊食邊Chill～🍜 鹽湯大蜆赤雞胸拉麵（$128）當鹽湯赤雞胸遇上大蜆真係海陸雙鮮大滿足‼️湯底用鹽味打底，清澈但充滿層次飲落帶住雞香、蜆味交織而成嘅海陸精華～每一啖都係滋味無窮⚡️赤雞胸🐔慢煮得啱啱好入口即溶，食落無筋又唔鞋～配上肥美多汁嘅大蜆🦪啖啖肉，食完感覺好滿足！麵條夠彈牙，掛湯力又強每啖都吸晒湯底精華❤️🍜 胡麻王豚骨拉麵（$80）鍾意芝麻味嘅你一定會鍾意呢碗拉麵🥰湯底加入咗濃香嘅黑胡麻粉🖤味道即刻昇華咗，層次更豐富～豚骨湯底濃郁，加埋胡麻有少少堅果香、芝麻香夾雜住，飲落好有驚喜✨配料方面有厚切豚肉🐷肉質夠嫩，咬落肉汁四溢口感豐盈，整體好高分！🥟 雞皮餃子（$38）小食時間到⏰呢款雞皮餃子炸得香脆可口🔥外皮薄脆，內餡juicy🤤🧊 凍豆腐（$32）豆腐切成薄片，加上大量蔥花同白芝麻🌿再加少少醬油調味～簡單但好fresh，係清清地嘅開胃小菜🌱…查看更多

唔講唔知，原來銅鑼灣登龍街係隱世麵街！🤣🍜 短短一條街，集合晒中、港、日、台各路麵界代表，真係每間都想試🤤～但最終我被呢間走混搭風嘅《麵屋》吸引咗👀✨店鋪有種輕日式嘅感覺🇯🇵，門口掛住大大個霓虹燈招牌💡，入面啲日式竹牌寫住菜名同價錢，打卡都幾有feel📸佢哋主打港式粉麵 x 日式雞白湯🐔嘅創新組合，仲用上有半世紀歷史嘅永樂麵粉廠出品嘅乾麵🧺質感煙韌得嚟又唔容易淋💪 最抵讚係佢哋自家製辣菜脯🌶️鹹香中帶辣，撈麵一流！唔少人想買返屋企都冇得賣，真係要嚟食先試到～😆🔥火辣紫薯咖哩三拼撈麵（$94）呢個真係創新之選！💡紫薯同咖哩聽落好似唔夾，但撈埋一齊竟然幾match咖哩微辣唔嗆喉，連我呢啲唔太食得辣都覺得啱啱好～👍 紫薯粒粒藏身喺咖哩汁入面🟣每啖都有啲甜甜地嘅驚喜三拼包括： ✨招牌櫻花蝦雲吞🦐（超大隻，蝦味香濃） ✨彈牙墨丸⚫ ✨秘製慢煮牛腩🥩（我揀咗瘦版，牛味濃郁又唔油） 我選咗幼麵🍝，掛汁一流，撈得好開心～湯底另上，係濃郁雞白湯🐔，飲落滑滑順喉，幾好飲～🍲咩都有麵（$78）呢個真係名副其實！🙌雲吞、墨丸、牛丸、魚蛋、牛腩、貢丸⋯⋯咩都有！😱 料多得誇張，啱曬有選擇困難症嘅朋友因為佢哋可以全部要曬🤣粗麵夠咬口，撈湯都唔會腍配返大地魚雞白湯🐟🐔 香味濃郁🥬蠔油菜心苗（$22）加咗一碟油菜心苗，簡單清爽，用蠔油調味，唔會太鹹，啱啱好～✨🥛壹品豆漿（$12）…查看更多