CarriceChiu的個人專頁

叫左3送分量好少冷氣又壞食到成身汗湯底無味，就咁俾d麻辣汁就算唯獨蘿蔔好少少，其他嘢食都唔得，豬頸肉剩係得3塊，環境都一般下次都未必會幫襯好失望，唔怪得咁少人啦。…查看更多

今次嚟到旺角一間樓上嘅小店，店舖嘅座位大約只有20個。星期六日都有午市套餐，百幾蚊就有沙律或者餐湯，跟一個主菜同埋飲品。前菜我哋揀咗餐湯同蒜蓉包，蒜蓉包蒜味好食，角度脆卜卜，但又唔會好乾身。餐湯係蘑菇湯，菇菌嘅味道好濃郁，個人覺得忌廉嘅比例可以再多啲，令到個湯更加Creamy。主菜方便要咗鮮茄菠蘿豚肉意大利粉，我食得出廚師係用咗外國入口嘅蕃茄同埋豚肉，所以味道同平時喺街食嘅好唔同。蕃茄有一陣獨特嘅甜酸味，而豚肉就好有豬味。另外一款主菜要咗慢煮鴨髀，廚師同我哋介紹係煙燻咗四日。有啲似Parma Ham，有少少煙熏味，味道略為偏鹹，但係配埋薯蓉同蔬菜食就啱啱好。鴨髀嘅肉質都非常嫩滑。食得出廚師喺用料同埋製作食物時候嘅用心。…查看更多

近呢一年十二味開到成行成市，差唔多每一區都見到佢。因為唔係好食得辣，所以之前都冇試過呢種四川菜。見係返工附近開咗一間，所以專登夜晚嚟試吓。回鍋肉入邊有豬肉片韭菜同埋蓮藕，睇個賣相就知道炒得好靚，色香味俱全。可以辣度，唔辣都得。醬汁味道豐富，豬肉片炒到好有咬口，蓮藕亦都好爽口。干鍋自己揀五種或以上嘅食材，今次揀咗椰菜花薯仔蓮藕豬頸肉同埋牛柏葉。超級大碗，夠幾個人食。同樣有得揀辣度，會種食材都走過油，所以好香口。個人覺得椰菜花最好食，爽口得來椰菜花亦都吸晒啲醬汁。薯仔都唔錯，好軟冧。始終川菜味道比較偏濃，所以喺落單嘅時候可以選擇少油少鹽。…查看更多

落完單之後，店員會送上兩碗雞湯，胡椒味好重，好似飲緊胡椒豬肚雞湯咁，飲完即刻暖笠笠。海南雞半隻泰式嘅海南雞飯，個皮都比較淺色，同埋脂肪比較少，食落冇咁油膩。師傅已經起晒骨，所以啖啖肉。諗吓諗吓好似好少過有骨嘅海南雞。好鍾意佢個醬汁，唔會好辣，襯埋雞肉好惹味。豬手飯豬手炆得好冧，哦肉同埋豬皮唔使特別咬就已經好軟爛，而且上碟嘅時候出晒煙，熱辣辣。馬拉盞芥蘭芥蘭上面嘅肉碎都幾好食，最尾仲用咗嚟撈飯。燒魷魚仲可以揀切件上，非常方便食用。…查看更多

今次同朋友兩個人嚟食，叫咗一份牛扒同一份意大利飯，加$48可以變成套餐，有沙律餐湯餐包飲品同埋甜品。沙律，正常發揮，又唔同種類嘅沙律菜配上芝麻醬。餐湯係忌廉蘑菇薯仔湯，質地唔算好厚身，薯仔味道濃郁，口感棉密。餐包蒜蓉味香濃，而且烘到脆卜卜，用嚟點餐湯食就一流。軟殼蟹海膽意大利飯，軟殼蟹都幾大隻，炸漿唔會好厚，亦都唔會炸到好硬身。意大利飯嘅生熟程度都啱啱好，好creamy，忌廉味較重。牛扒就要做安格斯牛柳，五成熟。…查看更多

D2 Place一期門口嘅另外一邊其實有一間餐廳，但係嗰邊人流唔多，好難先至會留意到。今次專登行開嗰邊，先發覺之前間Cafe已經轉手，成為一間日本餐廳。而呢間餐廳嘅菜式，都令人10分驚喜。叫完嘢食之後，店員會每人提供一份前菜，係醃蘿蔔同埋醃牛蒡，味道酸酸甜甜，幾開胃。明太子玉子燒，新鮮整嘅玉子燒同平時雪凍咗嘅，真係爭好遠。玉子燒熱食嘅時候，雞蛋味道非常濃郁，質感鬆軟，好似食緊蛋糕咁。再加上明太子醬，令到味道更加豐富，唔會咁單一。另外一樣推薦嘅係慢煮叉燒烏冬，平時係拉麵店嘅叉燒，肥嘅部位比較多，因為瘦肉比較乾，所以要用肥嘅部位令到食落去軟身啲。但因為呢個係慢煮，所以冇咁多，肥肉都可以做到叉燒好軟身，值得一讚。…查看更多

深水埗真係有好多平民小店，好多類型嘅餐廳都有，今次就揀咗一個上海菜嘅小店。平日夜晚都好多人，幾乎爆場。餚肉好香豬骨濃湯嘅味道，凍冰冰，鹹鹹地，幾開胃。七十幾蚊，份量適中，作為前菜都唔錯。乾扁四季豆師傅手勢唔錯，炒得幾有鍋氣，四季豆唔會好老，所以食落去冇渣。四季豆加菜飯加嘢飲$80，係晚市小菜套餐。¼隻雲吞雞有四粒雲吞，六件雞，$88。入邊仲有娃娃菜，雞味濃郁。瑤柱賽螃蟹分量十足，啲蛋白炒得好嫩滑。除咗瑤柱，仲有啲唔知係蟹肉定蝦肉。…查看更多

又想食海南雞，又想食炭燒豬頸肉，呢度有個海南雞拼豬頸肉飯，一次過可以滿足兩個願望。海南雞非常出色，雞肉去咗骨，方便食用。浸雞嘅時間亦都啱啱好，所以雞肉嫩滑無比。選用嘅雞隻唔會太肥，所以冇乜皮下脂肪，唔可以太油膩。咁啱廚師俾咗雞上髀嘅位置，真係好彩。炭燒豬頸肉亦都唔錯，外層燒到好香，咬落去油香充滿口腔。另外仲叫咗一個肥牛船河，船河湯底味道濃郁，牛肉嘅份量都幾多。然後跟餐加埋小食，炸蝦餅同埋炸魚餅，兩款都真材實料，食得出滿滿嘅蝦肉同埋魚肉，唔會好多粉，口感彈牙。…查看更多

台灣菜有雞煲食，都係第一次見。由於唔係好食得辣，所以叫咗個三杯雞雞煲，諗住食完之後可以打吓邊爐。三杯雞嘅雞肉，肉質比較鬆軟，食得出走過油先至放落去炒，金不換蒜頭等配料都好充足，所以味道層次好豐富。滷水拼盤，質素極高，有豬手牛肚牛腱等等，每一種食材都冇得非常入味，烹調嘅時間啱啱好，滷到起晒膠質。而且滷水汁嘅味道亦都調配得恰到好處，叫一碗滷水拼盤加碗白飯就已經好滿足。由於食滷水拼盤食到好飽，所以打邊爐都冇特別叫好多嘢食。叫咗皇帝菜，鴨血，同埋大蝦。食材都算新鮮，而且價錢唔貴。…查看更多

碧海藍天呢個商場 一直以來嘅餐廳都有唔算好特別，通常都係啲連鎖餐廳。所以好少喺嗰個商場食飯。今日竟然見到有間新開嘅燒肉店，而且好多人排隊，於是決定一試。餐廳嘅裝修係用列車做主題，最有趣嘅地方佢係有㗎列車送餐去到你嘅枱前面，好似迴轉壽司咁。小朋友見到開心死。叫咗一個三重和牛套餐，300g, 二百幾蚊，一上到枱，俾佢個份量嚇親。300g非常多，總共都有成三十塊牛肉，一個人絕對食唔晒。建議可以朋友叫一個普通份量嘅餐，然後兩個人share食。和牛牛肉肉味香濃，每個部位嘅脂肪含量適中，所以油香味豐富，但又唔會太過肥膩。另外，朋友叫咗一個普通嘅牛五花，估唔到質素比想像中好，肉味濃郁。但價錢非常之抵，只係需要$88。呢個價錢嚟講，其實幾抵食，不過啱啱開張，所以好多人，需要花啲時間排隊。…查看更多

之前食過家後嘅第一間舖頭，雖然佢係一間餃子店，但就已經俾佢個巴斯克燒焦蛋糕深深吸引。見佢開咗一間分店，所以就黎試下佢分店嘅質素。舖頭應該啱啱開咗冇幾耐，所以裝修都好新淨，裝修風格係小清新。主食方便叫咗八隻湯餅同埋八隻煎餃，我有椰菜雲耳豬肉餃，菠菜豬肉餃，同埋韭菜豬肉餃。呢三款餃子個人最推薦菠菜豬肉，菠菜唔會好老，口感同香味最好。另外湯餅嘅老火湯都非常之足料入味。然後仲嗌咗滷水豬手，同埋一個青菜。滷水豬手炆得好淋最後壓軸出場，就係佢哋主打嘅巴斯克燒焦蛋糕，同之前食嘅一樣，中間軟心，口感棉密，蛋味非常之香濃。食完一件仲想encore第二件。…查看更多

呢間位於太子嘅酒吧餐廳，地面係餐廳俾人食飯，樓上有得玩飛鏢，適合一班朋友一齊食嘢一齊玩。餐廳而家做緊優惠$308任食生蠔，仲包一杯紅酒或者白酒。我同朋友都唔係好食得咁多，所以就叫咗半打生蠔食下。$68有六隻，好抵食。雖然價錢咁平，但係質素一啲都唔差。生蠔大大隻好creamy。呢個價錢有呢個質素真係冇得彈。另外，仲叫咗一個卡邦尼意粉同埋海鮮燴意大利飯。卡邦尼意粉，芝士同忌廉嘅味道都幾濃郁。海鮮會意大利飯，好足料，返入邊有好多八爪魚，蜆同蝦。每一款意粉或者會飯都只係$88。…查看更多

燒豬頸肉燒得外脆內軟，外層燒得好香口，仲有少少燶邊，食落又焦香嘅香味。豬頸肉裏面仲保持豬肉汁，好嫩身，口感唔會乾柴。一碟嘅份量都唔細，有八至九大塊。生牛肉牛骨湯河湯河嘅湯底非常夠熱，上碟嘅時候啲牛肉仲係生嘅，浸一浸就已經去到八九成熟，啱啱好。河粉亦都好幼身，滑脫脫。牛骨湯底味道濃郁，食得出應該冇落味精，食完唔會好頸渴。燒牛肉撈檬燒牛肉嘅醬汁味道好濃，唔使落撈檬醬汁成碗嘢都已經好夠味。最欣賞係花生同埋炸蒜片嘅份量好足夠，再加埋生菜絲，同埋其他蔬菜，所以食落去淡淡都有唔同口感。整體嚟講價錢親民，份量十足，非常抵食。…查看更多

酸菜魚 大份 揀咗鯛魚 微辣個酸菜魚鍋一上枱嘅時候，我同朋友都嚇親，因為好大份 魚肉堆到好似座山咁，二百幾蚊真係好抵食。鯛魚嘅肉質比較厚實，所以食落有咬口。而且啱啱一熟就即刻起鍋，所以肉質唔會好老。建議個火校到最細，咁樣時間長咗魚肉都唔會過熟。辣椒越煮越出味，麻而不太辣，非常適合唔食得太辣嘅朋友。而且個底仲有好多娃娃菜，有菜有肉，膠碗白飯就可以當一餐。另外，仲叫咗個燒烤拼盤，調味唔錯，甜甜地好惹味。雞翼燒得幾好，外脆內軟，啲肉做keep住好多汁好嫩渦。…查看更多

長沙灣呢間位於2樓嘅中菜餐廳 應該新開左一段時間 上網見到啲人話好抵食 所以即管黎試下叫咗嘢食之後會上一碟前菜 係涼拌豆芽雲耳 味道啱啱好 唔會太酸太濃味 作為開胃菜就最適合佢有幾款晚市套餐，都係$208 $200有一個海鮮，一個肉，非常之抵食，所以我哋叫咗兩份小炒王 炒得幾有鑊氣 配料一啲都唔馬虎 有帶子鮮蝦蝦乾菜譜等等 好惹味好適合送飯蒜蓉粉絲蒸開邊蝦 用咗生蒜加熟蒜 所以味道好香 廚師亦都非常貼心 將黑頭嘅位置斬走 食嘅時候就唔使驚拮到個嘴清蒸魚 火候啱啱好 魚肉好滑 而且一條嘅份量都唔細㗎叉燒亦都唔錯 用嘅部位幾好 所以肥瘦適中 唔會太乾太柴最尾仲有紅豆沙送作為糖水…查看更多