missjch的个人专页

星期六下午約2點到訪，唔洗排隊。嗌咗蝦沾麵🦐✅蝦沾麵沾汁蝦味濃郁✅黑椒麵軟硬適中，有咬口，口感不錯，黑椒味同小麥味平衡❌店面冷氣不足，30度天氣下一邊食麵一邊出汗❌提供嘅水貼近室溫，好多拉麵店都會提供冰水，喺店面唔夠冷氣情況下更應該要俾冰水❌沾汁唔夠熱最大問題係，❌❌❌煮麵師傅不停索鼻同流鼻水，又冇戴口罩，戴住手套抹鼻，抹完只有輕輕洗手，之後就直接用手幫麵過冷河。遞麵俾顧客時都係索住鼻咁，希望多啲留意個人衛生…查看更多

平日中午去，餐廳好多附近返工客，但成個店面得一位員工做哂帶位、落單、送餐、執枱，連有吉枱都做唔切，連餐廳另一邊嘅bar枱都冇開放。結果我哋兩個人等咗45分鐘先入座，對上班族非常唔友好，建議利用自助服務提高效率。食物方面一貫連鎖餐廳質素，$29牛肉飯性價比好高，如果店面運作有進步會考慮再嚟。…查看更多

一直以為酒店入面嘅餐廳係貴夾唔飽，但見到呢間嘅menu價錢好親民就去咗一試🥢M5和牛火車頭湯河生牛河材料好豐富，除咗生牛肉之外仲有牛展、牛丸、牛柏葉同牛筋。牛肉果然係和牛，入口非常軟滑，牛筋入味+炆到好淋、牛柏葉非常有驚喜，見到佢白雪雪但原來好有牛湯味，牛丸爽彈，湯底濃牛骨味但飲完唔口渴，份量仲十分大，非常推薦👍🏻牛油雞翼雞翼勁大隻，面頭乾身，碟底唔冧油，真係做到外脆內嫩，擺咗一陣最後食返都仲脆身👍🏻豬頸肉撈檬份量都係好多，如果一個女仔應該食唔哂，豬頸肉爽口，香口有炭燒味，撈檬個汁偏甜，個人希望佢可以酸少少😛芒果糯米飯糯火飯分成5份好方便，椰汁嘅份量啱啱好，而且甜度適中，朋友麻麻地甜品，我一個人食咗4舊都唔會漏😋overall性價比好高，一開始冇預到份量咁多所以嗌多咗，兩個人食到勁飽都係$600埋單，正常嚟講兩個人應該$500樓下就ok。呢個價錢食酒店質素嘅食物真係非常抵，推薦大家嚟試吓👍🏻ps 餐廳員工好nice，服務非常殷勤，好想喺度表揚一下佢哋🙏🏻…查看更多

之前經朋友介紹下食過一次outdark，一直好掛住佢哋嘅炸雞，呢排忙完就再約朋友一齊再探outdark🥰坐低當然要嗌返我心心念念咗好耐嘅香蒜蜜糖炸雞🍗 炸雞一如既往咁好食😋 雞肉外脆內嫩，加埋份量剛剛好嘅香蒜蜜糖，好食到我可以一個人清哂半份😆 除咗炸雞仲有我同樣好鐘意嘅波浪薯條，好欣賞佢哋炸完後仲係好乾身，就算擺耐咗都唔會變到油冧冧。今次我哋仲加咗Cheese Stick，雖然我哋擺耐咗少少搞到凍咗，但仍然可以拉到絲😍除咗炸雞之外另一樣我都好鐘意嘅就係鐵板辣炒豬肉😋 呢碟份量超級多！除咗豬肉，仲加入咗芽菜同洋蔥等等索味嘅蔬菜，旁邊仲有唔同配料可以中途轉換口味，身為澱粉質愛好者嘅我就最鐘意紫菜拌飯，韓式辣醬同紫菜拌飯真係絕配嚟架😆嘢飲方面因為實在太熱，我就揀咗比較清爽嘅芒果特飲，其實就係類似雪碧加芒果汁同芒果肉咁，飲落唔會太甜，解渴之餘又夠大杯，朋友就叫咗藍莓smoothie，飲落係超級真材實料，啖啖都食到藍莓粒粒，呢個大推👍🏻第二次嚟outback都係非常滿意，希望餐廳繼續keep住水準！…查看更多

I’m working from home but there’s renovation around, so I got to this cafe for the first time hoping to get a little bit of quiet moment to focus on my work. But it turned out disappointing. First of all the environment is definitely not like a cafe, it’s a cafe-like restaurant. I expected it more like a cafe cuz the design of its entrance is very nice. However the interior is totally not that thing. Tables are closed together, you can’t feel space at all and you can hear what people talk very clearly. Look at the photo how close me and the ones are on my right. It’s not a place to chill out. Second drinks are overpriced. Look at the picture, I took it once it’s served. They could have put it a little bit fuller. Given this environment and location, a $48 + 10% small sized iced latte is definitely too overpriced.A definitely no for a second time visit. …查看更多

天氣又轉熱，一轉熱就想食壽司🥰 出開旺角買嘢，經過見到呢間壽司店，裝修企企理理，價錢又ok就入去幫襯。舖頭有lunch set，主要係丼飯，但我同朋友都想食手握壽司，所以決定散嗌。我哋坐喺bar枱位，師傅一握完就好似omakase咁上枱，感覺寧舍高級🤣三文魚腩好肥美，魚油味齒頰留香；帆立貝勁厚肉，超級鮮甜，啖啖肉勁滿足；赤蝦蝦肉黏黏咁，好大隻好鮮甜；油甘魚係我最愛嘅壽司之一，魚油滿分，超濃味🤤火炙三文魚係另一個我必嗌嘅壽司，燒過嘅三文魚入口即溶，有邊個會唔鐘意🥰；左口魚係入口即溶嘅究極版，魚油喺口入面爆開，每次必點；墨魚師傅介花好有心機，另到成件都好易咬👍🏻吞拿魚蓉份量好多，入口好滿足🤤；三文魚籽好有驚喜，我本身唔太鐘意三文魚籽因為食親都有腥味，呢隻係完全唔腥，咸香亦滿分💯overall性價比好高，每件壽司嘅份量都好足，加上有師傅喺你面前握壽司，成件事即刻高級哂😆…查看更多

一向都好鍾意台灣嘅食物，見到呢間台灣嘢係同路人，又就腳就收工嚟一試。鹽酥雞係其中一樣我最鍾意嘅台灣食物，呢度既鹽酥雞外皮係用番薯粉，連埋九層塔一齊咋，非常之有台式風味，每張枱面仲有一樽椒鹽粉，鍾意龍尾啲嘅可以自己再落，對我呢個重口味人士好友好🤣紅燒牛肉麵入面嘅牛肉好大嚿，份量好多，牛筋非常之軟腍，湯頭唔辣，算係比較清甜嘅一派。本身以為豬手飯就剩係得豬手同埋白飯，點知拎開啲豬手，就見到白飯上面仲有啲肉燥，同埋少少配菜，豬手件件都好大嚿，份量又多，每一件都有皮有肉，咬落去係充滿骨膠原嘅感覺，連埋肉燥好好送飯😆呢份麻辣鴨血一咬就非常之驚喜，第一鴨血嘅質地啱啱好，唔會一夾起就散晒，第二係鴨血煮得非常之入味，每一嚿都索晒麻辣湯嘅味道，而辣味方面唔會太辣，我朋友唔食得辣都大讚，鴨血份量仲要好多，呢個係必食推介！嘢飲方面我揀咗荔枝紅茶加椰果，朋友就揀咗黑糖珍珠鮮奶，嗌主食加$10左右就有嘢飲，最估唔到嘅係佢份量竟然係咁大杯！overall呢間台式餐廳嘅性價比好高，嘢食份量超大，如果係兩個女仔甚至可以嗌一個主食+嗌多幾個小食share，當中鴨血真係真係必食！…查看更多

過咗個peak season，終於有時間約朋友出街食飯，就揀咗間串燒可以慢慢食慢慢傾吓計。我哋book咗星期日夜晚6點，去到唔駛等就有得入座。首先嗌咗個刺身做前菜，刺身切得夠厚，有口感之餘亦到食到魚嘅味道。油甘魚魚油味濃郁，三文魚肥美，帆立貝清甜，海膽同蝦我有敏感就冇試，但朋友都係好評，overall中上水準。入正題前嗌咗條我最鐘意食嘅魚-鹽燒馬友😍 魚嘅表面燒到好乾身，魚皮脆卜卜，一介開見到有煙標出嚟，證明真係即燒，上枱仲熱辣辣👍🏻 入面嘅魚肉keep到嫩滑，加少少檸檬汁一齊食可以突出到魚嘅甜味，由於我本身真係好鐘意食魚，我自己一個都食咗大半條😆肉類方面揀咗西班牙豬肋骨肉，呢個非常驚喜，豬肉味好濃，肉質超級juicy，每一粒都係一口size，好味之餘仲食得好方便。串燒方面見到有個好得意嘅皮蛋紅薑就嗌咗試吓，佢係用豬肉加紅薑包住皮蛋嚟燒，口感食到啲薑脆卜卜，紅薑嘅味道可以中和皮蛋嘅味道，我諗就算唔鐘意食皮蛋嘅人都可以食😆豬小腸係粉粉地果樣，豬腸表面燒完好煙韌，我幾鐘意呢個口感。另外嗌咗啲蔬菜類。燒菇好juicy，調味應該係加咗啲醬油一齊燒，size係一口size，食落好方面唔會滴到周圍都係。仲嗌咗個椰菜芯，呢個又係燒得好juicy好有驚喜，本身椰菜芯嘅口感都係煙煙韌韌咁，估唔到串燒燒嚟食都幾好食。朋友鐘意食蛋，見到有流心蛋都嗌咗試吓，流心蛋食用煙肉包住，煙肉係成個串嘅咸味來源，流心蛋真係做到流心，食完一粒好滿足☺️最後嗌咗燒菠蘿做甜品，菠蘿嘅表面有一層薄薄嘅焦糖！菠蘿本身又甜又多汁，加埋焦糖覺得成件事好有誠意，呢個係必食！overall食物質素中上，店員service好nice，加水上菜都好積極主動，推薦大家嚟試吓☺️…查看更多

自從上次買過一次振興嘅牛丸之後，屋企人一直話想再食，今次經開呢頭嘅時候又再買多咗幾包試吓。清湯牛丸呢個keep住一貫振興水準，牛丸好有牛味之餘，質地非常爽彈，咬開見到入面有啲窿窿充滿肉汁，肉汁味道冇濃湯牛丸咁濃，非常適合同啲味道較濃嘅湯麵一齊食👍🏻豬骨濃汁貢丸由於係濃汁關係，我唔想同其他濃味嘅嘢疊味，所以就用咗氣炸鍋整嚟食。氣炸後丸嘅表面好煙韌，一啖咬開首先係好濃好濃嘅豬肉味，口感方面同樣係非常爽彈，入面都係有好多肉汁，同坊間好多實的的嘅貢丸好大分別。墨魚丸呢個墨魚丸係我有生以來食過最真材實料嘅墨丸，咬開真係食到有墨魚嘅切片，呢個非常驚喜！質感方面係冇牛丸咁彈，但取而代之嘅係好真實墨魚嘅味道，佢調味比較簡單，我會建議同淡味啲嘅湯一齊食，先可以食得出墨魚丸本身嘅味道。overall試過幾款唔同嘅丸類都係非常出色，雖然價錢係比超市好多其他品牌嘅貴，但佢嘅真材實料係絕對物超所值！…查看更多

今日約咗幾位同事一齊食晚飯，就揀咗一間唔近公司，平時冇乜機會去，大家又想食嘅餐廳一齊去試吓。🥢蟹肉茶漬飯我本身好鍾意食茶漬飯，呢度竟然有得食🥰 蟹肉好多，我哋四個人分都可以每人食到啖啖肉，湯嘅濃度適中，非常之適合送飯，米嘅軟硬程度比普通嘅飯硬少少，浸埋湯食就啱啱好。🥢紅燒牛肉麵牛肉麵嘅麵底係我好鐘意嘅稻庭烏冬，非常之驚喜！牛展同牛筋都好淋好入味，最有驚喜嘅係牛丸，牛丸好多汁，非常之彈牙，如果有牛丸麵嘅話就好😆🥢原條鰻魚飯一上枱見到咁大條鰻魚就心心眼咗😍 鰻魚好厚肉，鰻魚汁俾得好夠，食到最後都仲可以一啖魚一啖飯，仲唔會乾爭爭，呢個價錢冇得輸👍🏻🥢鹽酥雞鹽酥雞上枱嘅時候係啱啱炸起，熱辣辣又脆卜卜，份量仲唔少添！雞粒面頭嘅味粉足夠，雞肉入面又有味，一啖一粒唔覺意就食咗好多😋😋🥢酥炸地瓜條我本身唔太好蕃薯，但同事好想食就嗌咗，但食落好幾意想不到地好食，上枱又係熱辣辣，食落一啲都唔淋油，真係做到酥脆嘅口感，加上地瓜本身有甜味，估佢唔到幾好食！overall呢餐性價比好高，野食份量唔少，味道亦非常對得住個價錢，難怪當日平日夜晚都full house👍🏻 …查看更多

想講呢間真係我人生中食過最有誠意嘅一間車仔麵。我嚟呢間車仔麵舖買過好多次外賣，每次我都會睇住老細/店員好認真咁處理每一碗麵，包括「不」餸、裝袋等，每一個細節都好用心。有一次嗌河粉，明明冇+$1分湯，但店員主動幫我分咗湯，因為河粉好索湯嘅關係；嗌罐裝飲品店員裝袋時會盡量平衡兩邊嘅重量，避免拎返公司途中湯會倒瀉；每次「不」餸時老細都唔係求其「不」一羹落去，而係會睇清楚份量，唔會時多時少；食物嘅質素當然好反映到佢地對每一碗麵嘅高要求，米線夠滑、豬腸牛肚夠入味、菜心新鮮唔老、魚皮會用另一個袋分裝，所以材料嘅份量適中，唔會覺得店家好孤寒，性價比極高。希望店家繼續keep到呢個水準，我會繼續幫襯👍🏻…查看更多

喺網上見到有人介紹呢間餐廳，我個人又未食過關西風嘅壽喜燒，就趁平日收工過嚟朝聖一下。dinner set包咗一份前菜，當日嘅前菜分別係貝柱沙律、蕃茄蘿蔔柚子漬同汁煮牛肉。貝柱沙律爽脆，貝柱有鮮味！蕃茄蘿蔔柚子漬好清辣，酸酸哋嘅柚子汁非常開胃；汁煮牛入面嘅蘿蔔超級入味！唔係死咸，而係香甜嘅日式醬油加味淋🥰每張枱都有一個店員負責煮，我哋兩個女仔一人嗌咗一人一個set，店員好細心咁將兩個set內唔同部位嘅肉都分俾我哋兩個，等大家都試到多啲唔同嘅肉👍🏻開始食壽喜燒之前白飯同生雞蛋就上枱，呢兩樣都係我心目中食壽喜燒必須有嘅食物😆店員同牛脂肪開爐之後就開始煮牛肉，今日食嘅牛有幾款：日本牛腱 - 入口超級冧超級滑，肉味唔濃但有適量嘅油脂香，第一塊肉已經好驚艷到我，令我更期待之後嘅牛肉🤩牛肩胛心 - 肉味較濃，肉質同味道比較balance美國牛 - 肉質冇咁滑但牛肉味好實在，食得出同日本牛好大分別澳洲和牛 - 肉質較結實，肉道較油脂味突出，肉味仲比較羶日本和牛沙巴當 - 即係頸對上嘅位置，肉質又係超滑，肉味唔濃但油脂香非常突出，我勁鐘意！日本和牛三筋位 - 油脂比較清爽，肉味較清甜，口感較有嚼勁一邊食牛嘅同時，店員會無停手咁整啲蔬菜俾我哋，菜同牛肉梅花間竹咁食，食哂成碟牛都唔覺得膩🤩食哂牛肉同蔬菜後，店員就開始製作炊飯俾我哋。炊飯用咗牛肉、櫻花蝦、香蔥同雞蛋製成，上枱前再加上紫菜，炊飯口感有啲似未煮到開哂花嘅粥，味道香香甜甜，好有日式風味，我係澱粉質愛好者，食完自果碗仲食咗少少朋友果碗🤪最後甜品方面係豆腐雪糕，雪糕超級濃豆腐味，食完濃味嘅壽喜燒再食清淡嘅豆腐味雪糕，唔會令個dinner好重負擔，係好貼心嘅設計🥰overall呢一餐真係非常滿意，食材對得住價錢，服務直頭超水準，如果有慶祝活動，我一定會再嚟👍🏻…查看更多

生日慶祝活動繼續進行，見到有人介紹the point嘅龍蝦餐，今日就去咗試😆我哋嗌咗一個龍蝦set dinner，包咁前菜、湯、pasta同野飲。野飲首先上枱，係青蘋果梳打，飲落唔會太甜糖漿味，喺炎炎夏日飲啲梳打飲品好refreshing，如果可以大杯啲就好啦🤣之後上枱嘅係龍蝦湯。湯比我想像中大碗，好濃郁，唔似用粉開出嚟，入面加咗少少香草，飲多幾啖都唔會有太漏嘅感覺👍🏻前菜方面係大蝦沙沙，入面有蕃茄、芒果同牛油果，個人特別鐘意蕃茄+芒果果層，食落好清新，芒果好甜同大蝦好match。主菜係龍蝦海鮮意粉。意粉上枱係用熱辣辣嘅平底鍋，慢慢食都唔慢攤凍；意粉入面足足有一隻龍蝦！兩個人分每人食到半邊龍蝦尾同一隻龍蝦鉗，超滿足！龍蝦尾啖啖肉，肉質唔削唔霉，口感彈牙，好有鮮味🥰 鍋入面除咗龍蝦，仲有其他唔同海鮮，成鍋好足料；意粉方面係我最愛嘅linguine，份量超多，我諗足夠3個女仔食😆menu入面可以加brownie，可惜今次太飽就冇加，如果有下次一定要拉多個人一齊嚟食！…查看更多

生日週嘅慶祝活動由今日開始🤪 第一餐係食蠔！朋友知我鐘意食蠔，精心挑選咗呢間餐廳☺️頭盤當然要食生蠔啦。今日嘅platter有南非同兩款法國蠔，三款入面我最鐘意南非蠔，蠔肉較爽口，aftertaste好甜，非常齒頰留香😋King Crab Meats Tian有3層，分別係牛油果醬、蟹肉同黑魚子。本來以為呢個菜味道會比較淡，但係食落去非常之有驚喜。首先蟹肉嘅份量非常多，好有蟹嘅鮮甜味，牛油果醬加上幼滑嘅口感，黑魚子就非常咸香，成個咩都好豐富而且好match。之後我淨係在一個香辣雞翼，雞翼嘅醬係餐廳自家製，味道酸酸辣辣，辣味幾刺激，半隻半隻咁好快食晒。餐廳方面我揀咗黑松露蘑菇湯，蘑菇湯非常知足料，有一粒粒蘑菇，亦有黑松露香。main方面揀咗一個魷魚筒意大利飯，魷魚同意大利飯口感都啱啱好，雖然望落好似唔係好多咁，但食完其實都幾飽肚。另外再揀咗一個煎豬鞍，豬鞍好厚肉，煎嘅時間啱啱好，切開仲有少少粉嫩嘅顏色，質感好好，邊位仲有適量嘅脂肪，食多幾啖都唔會dry。最後甜品揀咗一個英式甜品-Rhubarb Crumble。脆卜卜嘅crumble配襯酸酸哋嘅rhubarb同類似rasberry醬再加雲呢拿雪糕，味道當然係想像得到咁match，絕對係一個完美嘅結束…查看更多

最近成日想食泰菜嘅咖哩，正好約咗朋友食飯，佢又鐘意食泰國菜，就一齊嚟咗九龍城覓食，順便搭吓新開嘅屯馬線😆我地平日大概19:15嚟到，等咗40分鐘先有位，不過餐廳門口有座位可以坐住等，仲有大風扇，相信夏天都唔會太辛苦。食泰菜當然要食生菜包。呢度嘅生菜包香料味較重，另外仲加咗啲炸紅蔥頭，令生菜包食落更香口，肉碎有超多，我哋食哂啲生菜都仲有半碟肉碎剩，如果有多啲生菜就好啦😆咖哩炒青口exactly係我想食嘅味道！青口total有6-7隻，隻隻都好大隻；咖哩一啲都唔辣，入口偏甜，濃杰度啱啱好，好適合撈飯😆 我哋唔想食咁多飯就嗌咗薄餅，薄餅甜甜哋，同咖哩好match，但食哂薄餅都仲有好多咖哩，所以又嗌咗蒜蓉包一齊食，蒜蓉包好脆，但同薄餅比的話我覺得薄餅同咖哩襯啲😋overall非常滿意，兩個人食到好飽埋單都只係$300，性價比好高，下次一定會再幫襯！…查看更多