choilai的个人专页

我之前都買過幾次港味道都係外賣自取，一開始覺得專做外賣，同埋都好多人買所以就幫襯。都叫過幾款嘢食，有即炸咕嚕肉，胡椒豬肚湯飯，最想叫係酸菜魚米線，味道真係唔錯。但係最近發現佢哋用料越嚟越少，胡椒豬肚得幾條豬肚，酸菜魚啲魚得嗰幾塊。本身都覺得唔緊要啦，都係幾十蚊。但係越做越差，最差嘅係老闆娘嘅態度十分惡劣。因為佢哋專做外賣，所以好多人都網上落單，按照正常時間取餐。但發現好多次佢會話：「你張單我有排都未做到俾，等到就等，等唔到就自己取消呢張單。我依家好忙唔得閒理。」總結，味道係幾好，但係材料勁少，同埋態度好差。如果以街坊生意來講佢真係做得好差。…查看更多

住開呢頭都知長康冇乜野食，間唔中都會食冬菇亭。其實野食都一般，好普通水準，野食都大大份既，價錢70-90一個小菜，同出面茶餐廳差唔多。環境衛生就大排檔，坐既位點會有幾灘水漬咁囉。其實咁既環境，咁既食物質素都唔係好抵。各方面都唔出色，純粹貪近，見落黎食通常都係街坊。但係呢間肥佬德有個特色就係，上菜速度極慢。今次落左單4個字都未上菜，問個呀姐幾時有，佢就例牌hea你話做緊，再等啦，最後等左九個字。次次都要等成半個鐘至九個字先上第一碟，明明成個場得幾枱客，堂食就勁慢先上，但外賣就係咁出。大家如果想食既，應該都要有心理準備慢慢等。…查看更多

其實之前食過兩次，都覺得都ok。但今日食完晏，就覺得以後都唔會再黎。一入間鋪好大陣漂白水味，加上後面廁房應該有師傅食煙成大陣煙味，之後就調位，其實都算啦。咁我叫左個三文魚海膽丼，朋友叫左鍋物，隔左3個字先話冇海膽再叫其他，都唔緊要。再坐多陣，突然見到手指公咁大既曱甴！即刻叫人黎，但佢地反應係好施施然...之後再次調位...調左位，朋友個鍋物都食左3分1，我個飯都未黎！都坐左成5個字.. 要再催，佢先話幫我跟.. 個飯黎到我已經等左半個鐘...咁拿拿聲食完打算走，之前埋單都冇話要出去埋，今次佢叫我出去埋，出去埋唔係問題，問題係你態度勁差，加西面「埋單出黎埋喎！」.. 最嬲係因為餐廳問題令到我地兩次調位，加上等個飯等左半個鐘，仲要態度差加西面！我明餐廳點都有昆蟲，但咁大隻曱甴係鋪面周圍走！證明間野有幾污糟！…查看更多