龜仔`的个人专页

約左觀塘返工嘅朋友仔過黎佢公司附近dinner，想食壽司就過左黎🙆🏻‍♀️仲要黃店同聲同氣🔸香桃蟹籽沙律 $78呢個沙律真心唔錯，因為採用大量蘋果絲，口感極爽而且味道好香好甜👍🏻蟹籽份量亦毫不客氣，CP值好高！🔸丼瀛特上築地壽司杯 $268賣相極靚❤️選用嘅刺身質素好新鮮，包括有：赤蝦、三文魚腩、蔥吞拿魚腩、帆立貝、松葉蟹、海膽、三文魚籽、八爪魚等等。每杯杯面舖滿刺身，啖啖鮮味，腩位仲好夠肥美🤤呢款啱哂打卡又好味！🔸碎蔥吞拿魚腩海膽卷 $78🔸碎蔥吞拿魚腩海膽卷 $78我覺得呢個抵食喎！每件都舖滿吞拿魚腩碎同海膽，刺身份量仲大舊過壽司飯😂而且一貫新鮮好食！我諗下次再黎嘅話我會試試佢地啲熱食🙆🏻‍♀️…查看更多

好耐冇同屋企人出街食，今晚帶佢地出尖沙咀食飯～睇完一輪最後選左呢間，評價不錯仲好近地鐵站好方便呢！上到去環境幾好，裝修得幾古色古香，而且坐得好舒服！先叫咗花雕醉香雞$68做小食～份量唔少而且幾濃酒香👍🏻雞肉都唔會鞋口，真係幾抵食😋然後叫左小籠包$42，一咬裡面嘅肉汁一啖都唔好錯過，好好味啊～叫左最近一直好想食嘅酸菜魚$118一開頭以為係細份，點知上菜時份量好多！湯頭加入左適量酸菜，好合味道又開胃😋魚肉有好多片，肉質好鮮嫩👍🏻仲有紅薯粉好煙un口感又夠飽肚！超級抵食仲味道很不錯😍衝著呢個酸菜魚，我一定會再翻撻呢間餐廳！另外仲叫左雪菜蝦仁炒飯$68，又係大大碟架，飯炒得夠乾身，粒粒分明又夠鑊氣，蝦仁都幾多下。不過預計唔到咁大碟，我地呢個食左兩碗仔之後打包返歸，做左我第日嘅lunch🤓食咗咁多要叫返個菜，叫左魚湯蒜子白菜仔$52，魚湯不算好濃，不過加入蒜頭令碟菜更惹味同香～不錯！呢間菜館真係性價比好高，仲要位於尖沙咀區勁方便！絕對會再去幫襯☺️👍🏻…查看更多

星期日無啦啦勁大雨 涼咗勁多同朋友淋完雨 2個人都勁凍好想食熱野，之後就決定咗打邊爐~呢間係觀塘嘅粥底海鮮火鍋真係好正。地方大！枱又多！行咗成日勁攰 坐得好舒服😌睇到佢價錢合理，選擇又多，決定支持下~叫左龍蝦餐，$288/位其實實係幾多野食😋嗌咗個涼拌雞腳，雞皮勁爽又開胃！仲有涼拌青瓜！之後時令雞湯，好有驚喜！！！好香濃仲好有雞同藥材嘅香味。仲有個蒜蓉醬焗青口，幾惹味係款不錯的開胃前菜～主角黎啦！！我地嗌咗個海鮮盆。有新鮮嘅超大隻海蝦、海蟹、龍蝦、貝殼類、鮑魚 都有😍一上枱見到咁多海鮮就已經好興奮！！！已經想像到打完邊爐嘅粥底會有幾鮮甜！簡直係物超所值🤪🤪！鮑魚上時仲識郁，超新鮮啊！海蝦，食落肉質幾彈牙唔會梅，新鮮！黃金蜆，吐沙做得幾好好乾淨，食落冇沙。多寶魚，勁鐘意多寶魚打邊爐！有魚味，肉質鮮嫩，不過最衰多骨（懶XDDD）仲有聖子皇貴妃蚌呢個好鮮味，好食到想ENCORE！！！同龍蝦！多肉而且肉質彈牙鮮美，完全值回票價！！！仲有d安格斯牛肩肉，都係粉紅色唔係深紅，證明都好新鮮唔係一早切好。👍🏻 肉質都幾好，油脂分佈都好平均~碌完都完全唔乾！好重牛嘅油香！仲有一d自選嘅火鍋配料最後我地飽到唔太食得哂XDDD但堅持最後打完邊爐嘅粥底就緊係要飲埋個精髓佢啦👅再加埋d南瓜同芋頭落粥底到，真係飽到抱住個肚走！但我地每人都忍唔住食左兩碗先收手，真心超好味！！！食材新鮮，環境又衛生，服務態度都好好👍🏻整體都好滿意⭐⭐⭐⭐⭐推薦大家支持下本地良心小店，十分值得再回頭幫襯。…查看更多

偶爾想來個放縱，我就會約埋朋友去食個高質放題，既然豁出去，緊係要俾自己肥得值😌呢間我大大話話幫襯左5-6次，又近我屋企夠哂方便！首當其衝當然必點刺身拼盤，附在冰上保持刺身新鮮度，有三文魚、吞拿魚、帶子、蝦、希靈魚、螺等等，而且拍得住日式料理餐廳單點的質素！絕對encore之選！壽司方面，特別啲嘅款式點左呢三款。芝士鰻魚卷、花之戀同海膽三文魚蝦壽司，芝士鰻魚果款最得我心，幾乎每次幫襯都會點🤤鰻魚汁濃度恰到好處，鰻魚配上芝士令人垂涎欲滴，好好味呢～另外仲點左呢啲壽司，火灸左口魚又係我每次黎必點！仲會狂encore嘅一款壽司😋火灸微焦，令左口魚嘅油脂必哂出黎，滿腔都係果種左口魚脂香真心正👍🏻其他壽司對比其他放題店絕對達中上級水平！食咁多冷物，緊係叫返個鍋暖下胃🥰呢個牛奶海鮮鍋係店員推介嘅～估唔到個湯底出乎地比想像中更濃奶香，海鮮有帶子、蟹等等，幾足料而且令湯底帶鮮味，同朋友兩個都飲哂成個鍋嘅湯🙈串燒叫左雞肉串，肉質幾嫩唔鞋，仲有芝士煙肉焗青口，牛舌，呢兩款略微乾身左少少。炸物點左芝麻雞翼，芝士年糕同炸蠔，雞翼略嫌遜色，但芝士年糕爆正超邪惡，拉到芝，外脆內軟，好濃芝士味同棉密年糕口感，正🤤超級滿足嘅一餐，飽到捧住個肚走，開心！…查看更多

住喺附近，見佢新開一直想試，但次次經過都要等位。今日早收，7點未到就到達唔洗等，好野！！！櫻花蝦炸豆腐 $22呢個好好味呢～～～豆腐外層佈滿炸過嘅櫻花蝦，好香口。上面仲有魚子，成個配搭好MATCH，豆腐仲好滑添！黎到一定要試下啊～～黑松露玉子燒 $18蛋幾滑同好香蛋味，但個黑松露醬偏淡。梅干手羽先 $28面頭撒上芝麻，呢個雞翼如果用黎送酒一流啊～我點左金魂厚肉嘅蒲燒鰻魚釜飯 $118D鰻魚經蒲燒過，配埋佢地秘製嘅濃稠鰻魚醬汁，唔夠醬汁仲可以叫佢地額外加俾你架～～而個釜飯有少少似煲仔飯咁，側面嘅飯會變到少少飯焦，有兩種口感嘅飯，而個鰻魚汁會令你忍唔住爬哂D飯XDDDD記得要食埋條骨啊，好脆好正架！朋友點左古味塩麴牛舌盛釜  $88牛舌燒得不錯～唔會Un，食落都仲好彈牙，而且個汁都好香濃，用黎送飯一流啊～食到後期我超級飽，逼我朋友幫我清哂D野食，哈哈！好欣賞呢度嘅侍應上菜時都會簡單講解一下，好細心呢～對呢間新餐廳整體感覺不錯啊～…查看更多

上次朋友黎過呢度，聽講環境不錯，所以就約埋朋友一齊黎試下，順道慶祝我最近覆診得到嘅好消息！樓底幾高，座位間都唔會太貼近，傾起計都自在啲～Ceasar Salad $118比較特別係佢喺面頭加左魚，食落幾夾同埋整體好清爽！Lobster Bisque $98龍蝦肉份量幾多，每一口都呷到非常濃郁鮮甜的龍蝦味道，真材實料，十分推薦！Carbonara Spaghetti $228Carbonara加入新鮮蜆肉，而且醬汁調製得一點都不「漏」，平時食Carbonara我常常食到一半就收口XDDD呢個可以完全食哂USDA Angus Rib Eye Steak(10oz) $368叫左Medium，煎得好香，而且有Rest過所以冇咩血水配的醬汁仲好細心地另外有醬汁碗裝住，個人喜歡點Sea salt，好的牛排只需要最簡單嘅調味已經好足夠。呢餐同朋友傾左好耐計，好Enjoy！環境真係好舒適，相信他日有男朋友的話都會同作再黎呢！…查看更多

成日嚮IG見到人打卡佢舊雲同火山，忍唔住約埋FD齊齊去潮聖！！！小食叫左焗蕃茄芝士豆腐  $58味道不錯，芝士仲做到拉絲效果，蕃茄芝士伴豆腐味道意外地夾！上碟時仲KEEP住高溫，所以食時記得要小心。主食叫左黃金海鮮咸蛋黃醬薄餅 $138呢個高度推薦！！！好香濃咸蛋黃味，薄餅亦用足料好多海鮮，餅底係脆脆香烤薄餅底，食左一件會忍唔住KEEP住食，超好味！就係為左佢！！！！烏卒卒火山岩漿泡菜芝士炒飯 $148火山其實係蛋白泡泡，造型真係超級卡哇伊！！！我地兩個女仔當然係相機食先，仲即刻UP上IG STORY哈哈哈XDDD頂頭黃色係流心蛋，切開後會有流出黎嘅溶岩視覺效果。裡面就係泡菜炒飯，味道微辣。可能有流心蛋關係，食多會有D膩，點左杯沙冰解解膩。柚子抹茶沙冰 $46味道我好鐘意，因為唔甜，飲落微酸柚子味道正好解渴！最後點左韓國米酒Tiramisu $58如果同我一樣鐘意酒味濃嘅Tiramisu一定會愛上佢，比較特別係用上韓國米酒，我以為會冇咁夾，點知一試愛上！質感濕潤而且酒味濃，講講下又想去食完美地呢餐劃上句號。…查看更多

岩岩去完台灣，臨飛返香港果日就收到朋友WHATSAPP話食左間台式野好正。我俾佢搞到心思思，飛返黎第二日就去左食搞到我心思思嘅就係呢杯超邪惡嘅黑糖珍珠鮮牛奶，再加左錢要球OREO朱古力雪糕，盛為$47大元!飲得出真係用鮮牛奶，唔係用奶粉沖，而且珍珠好煙UN~~而D紋就係黑糖喇~~撈勻飲好MATCH好正!!!加左$9嘅雪糕球都足料, 幾大球!!另外仲叫左杯黑糖布甸鮮牛奶 $38記得記得要撈勻飲!! 就咁直隊落底啜會太甜架~味道同頭先果杯差不多，不過珍珠就變左布甸。布甸口感好滑~~同樣地同黑糖好夾呢!叫呢兩杯飲品是但一杯原來仲可以加$46叫呢個鹽酥雞拼盤，本身要$66，平左廿蚊雞XDDDD鹽酥雞炸到脆卜卜，上碟時仲好熱，正!!個腸好JUICY~~好有台灣嘅感覺炸蝦片~~有兩大塊!!地瓜條，係甜甜地果隻蕃薯整成，同平時食嘅薯條感覺好唔同!!而且呢個超飽肚的，兩個食呢個拼盤，好飽!!!果然朋友冇介紹錯~下次經過再去飲佢杯黑糖珍奶加雪糕先…查看更多

因為之前睇過其他食評話呢度有貓，作為貓奴嘅我忍唔住捉埋BF陪我黎可能因為好早（6點幾）所以上到黎竟然冇人唔洗等位，正！不過7點後開始就多人喇～～黑松露香煎鵝肝意大利飯  $188鵝肝煎得好香，外脆內軟，食落仲有少少鵝肝油勁正！個意大利飯偏向硬身，都好啱我胃口！廚師發板 $188/位見好多人都有叫呢個食，仲可以寫字，啱哂朋友生日/紀念日黎食啊呢個！都有幾多野食，有帶子、虎蝦、黑魚子鵝肝多士、酒煮布冧、螺、安格斯牛柳粒、蟹棒、煙三文魚同沙律。牛油檸檬汁煎帶子刺身牛油味好香～配埋檸檬汁又帶出帶子鮮甜同中和返牛油嘅油膩～黑魚子鵝肝多士我真係好鐘意食鵝肝佢呢度D鵝肝真係煎得唔錯！蒜片配香煎安格斯牛柳粒牛柳粒好焾，配埋蒜片食勁香濃！叫廚師發板仲可以加$15就配一杯價值$45嘅飲品～重點係呢度嘅貓貓好識主動親人，一D都唔會好似貓CAFE D貓咁唔理人，好正啊～～下次有朋友生日同佢再黎先！…查看更多

約左舊同事行街濕平，行到攰想搵間靜少少嘅餐廳坐下傾計。行下經過呢間見有豬手食，朋友勁鐘意食德國野，就坐低了 叫左一個SET DINNER同德國豬手餐，都係包餐湯主菜同餐飲。餐湯係忌廉湯，加入煙肉碎粒增加口感，湯都幾CreamySet Dinner主菜挑選左香煎鵝肝配忌廉汁天使麵($168)鵝肝煎得好甘香，表層金黃香脆， 內裏鮮嫩多汁，做到外脆內軟的雙重口感。而且鵝肝好似牛油一樣喺口腔內溶化，如絲般幼滑正到不得了！！！ 個忌廉汁天使麵亦好出色，天使麵夠彈牙，個汁配埋菇菌類出黎嘅味道好香濃德國豬手 ($268)配上兩個醬汁，一個係芥末醬，另一個係燒烤汁。鹹豬手皮層脆卜卜，肉質幼滑，食落都係充滿肉汁，完全唔會乾 份量都算多，我地兩個女仔食到超級飽呢！如果可以跟埋酸菜會更好，畢竟豬手屬比較油膩，佐以酸菜可中和油膩感嘛～最後埋單大約每人$200, 除左食物質素不俗外，呢度由於唔係坐正旺區，係近油麻地果邊，靜中帶旺，環境幽暗情調不錯。好適合同另一半或者閨蜜坐低慢慢傾計享受…查看更多

好耐冇同BFF去間坐得舒服嘅餐廳傾計喇果晚同佢提出後，佢好快就選擇左呢間SEND條LINK俾我我當然二話不說就應承同BOOK枱啦！不過大家要食呢間都記得BOOK，因為閒日晚都幾FULL，WALK-IN就可能要等一陣喇。呢度係Open Kitchen可以睇住廚師整我地嘅野食直到上枱果一刻感覺好正呢Bruschetta | HK$118三文魚他他 & Parma Ham蕃茄莎莎多士我幾鐘意佢個三文魚他他多士，成個味道好夾個多士又唔會太乾。Roasted Lamb Rack | HK$268羊架一啲都唔羶 仲帶有香濃炭燒香味揀左medium食落仲好嫩🤤Angus Rib Eye(16oz) | HK$308揀左medium食落仲好juicy脂肪分佈得好平均 經炭燒後變得好香不過唔太鐘意佢比較多筋另外值得一讚嘅係佢個薯蓉好好味啊🤤呢度環境真係好適合同閨蜜一齊慢慢坐低傾計，嘻嘻～…查看更多

果日同男友講開好耐冇食過呢間餐廳，上到去發現原來佢地改左名做INCA首先開左支紅酒，然後就叫野食喇有機日本雞蛋注入💉秘魯Huancaina醬 帶點辛辣感好特別呢柔軟的Parmesan cheese伴隨扇貝的清爽口感同蘑菇香氣~~好正啊乳豬個皮烤得超香脆而且一啲都唔油膩 而個飯mix左豆同蕃茄 食落好清爽 呢個組合配搭得好perfectPortobello蘑菇和Parmesan cheese，質感好creamy面頭再撒上chives同少少辣椒絲，令人垂涎欲滴食完覺得好滿意，每款菜式都整得好靚，擺盤都好有心機。期待下次再黎食！…查看更多

因為成日出街食，我同男友講好想飲湯呀～～～～佢就話夜晚帶我打邊爐（？＿？）我話想飲湯你叫我打邊爐？到門口我就明佢講咩喇原來係用老鴨湯做湯底打邊爐，又有得飲老火湯又可以打邊爐，正呀！極品松茸老鴨湯(半隻) $198好足料！！！而且湯底唔多油服務好好呀～～～到滾起左就會主動幫我地分湯隻鴨只需用少少力已經可以骨肉分離，睇得出真係煲左好耐，絕對對得住「老火湯」嘅稱號呢個時候淨係聞都覺得好香，未食已經滿足左嗅覺個湯好清甜，好夠味。加入左松茸令個湯香氣撲鼻～～～鴨肉都入哂味又夠"LAM"，不得了！每人飲左2-3碗湯先肯停手XDDDD黃金糖心皮蛋 $58等滾期間叫左小食食住等，一D都唔漏，有酸薑片跟，開胃之選，做前菜啱哂～澳洲M9和牛粒 $118肉質不錯有牛味，不過份量有點少><手打深海花枝滑 拼 鮮蝦滑 $78花枝滑好食耶！！！爽口，用料好新鮮！索埋湯底陣味，好鮮甜呢～叫左個一JAR檸檬薏米水 $48足夠兩個人飲，味道酸酸甜甜，解渴一流最後仲有叫左菜同出前一丁，個一丁索哂個湯底精華，我第一次打邊爐係會飲哂D湯～勁正呀！黎到必點老鴨湯呀！！！！…查看更多

終於完成個大PROJECT，辛苦左幾個月緊係食返餐好嘅惠勞下自己朋友早排WTSAPP左呢間，係咁話D牛好正，好啦！一於就試下你啦！叫左椰子走地雞鍋(HK$98)，有半隻雞！湯底好清至於雞我鐘意點鼓油加少少沙薑，仲帶出鮮味，勁正！聽我FD講D牛咁正，緊係去盡佢豪食啦！！！不過我去果陣佢地牛肉做緊2折優惠叫前記得問問侍應有冇優惠呀～～招牌手切肥牛 (原價:HK$298)D脂肪分佈平均～～～～超靚呀！而且食落好有牛味，誠意推介尚級・牛盛拼盤 (原價:HK$328)拼盤包括手切肥牛、牛粒、牛𦟌、牛脷除左上面提過好正嘅手切肥牛，牛粒比較多根，但咬落去D油脂香氣滿佈整個口腔，不得了！牛𦟌本人麻麻地，牛脷比較爽口，唔錯！馬上ENCORE多2碟牛粒！松露帶子餃 (HK$78)呢個係睇OP食評D人勁讚所以點的，但有點失望呢，食落冇乜松露味，同帶子都唔太夾。另外仲叫左D蔬菜食，菜幾清爽，不錯～埋尾就整個烏冬，滿足到捧住個肚走XDDD男友食完後已經問下次幾時再黎食喇～～～哈哈！…查看更多

今日做孝順女帶爺爺出街食飯近近地去土瓜灣果邊食，屋企出發都係15分鐘車程！一坐低就點左個海鮮雞煲套餐，$238位但又雞煲又海鮮，應該好抵食首先黎左個餐前小食，係麻醬冰菜原來爺爺第一次食冰菜，呢個好清爽，做前菜真係一流野食到齊！其實本身應該個雞煲食到咁上下先上海鮮果Ｄ，但我想一次過影哂成個套餐有Ｄ咩所以叫佢地提早少少上齊好壯觀呀，呢度係二人份量。招牌雞煲叫左少辣，對於唔太食得辣嘅我地黎講偏辣左少少。不過味道好香，麻麻辣辣咁，食得好過癮！連雞肉都索左醬汁，唔會只停留表面，唔錯～海鮮拼盤 (二人份量)都幾多野食，包括：－多寶魚（原條）－大蝦 x 4隻－蟶子 x 2隻－廣島蠔 x 4隻－肉蟹 x 1隻真係原條多寶魚，我第一次食覺得好多骨刺，不過好有魚味～差唔多成條都俾爺爺食哂，佢好鐘意呢另外仲有安格斯肥牛一份肉質唔錯～蟹籽丸＆芝心丸打邊爐邊少得丸類，我幾鐘意佢個蟹籽丸！又肉又海鮮，緊係食返菜balance返。而且加左菜後，個湯底馬上變得更清甜，建議落烏冬前淥菜喔！最後就用個烏冬結尾。吸收哂個海鮮雞鍋湯底嘅精華，呢個烏冬真係好食到不得了呢個價錢食到咁多高質海鮮，仲有雞煲食，絕對值回票價啦…查看更多