我話想飲湯你叫我打邊爐？
到門口我就明佢講咩喇
原來係用老鴨湯做湯底打邊爐，又有得飲老火湯又可以打邊爐，正呀！
極品松茸老鴨湯(半隻) $198
好足料！！！而且湯底唔多油
服務好好呀～～～到滾起左就會主動幫我地分湯
隻鴨只需用少少力已經可以骨肉分離，
睇得出真係煲左好耐，絕對對得住「老火湯」嘅稱號
呢個時候淨係聞都覺得好香，未食已經滿足左嗅覺
個湯好清甜，好夠味。
加入左松茸令個湯香氣撲鼻～～～
鴨肉都入哂味又夠"LAM"，不得了！
每人飲左2-3碗湯先肯停手XDDDD
黃金糖心皮蛋 $58
等滾期間叫左小食食住等，一D都唔漏，有酸薑片跟，
開胃之選，做前菜啱哂～
澳洲M9和牛粒 $118
肉質不錯有牛味，不過份量有點少><
手打深海花枝滑 拼 鮮蝦滑 $78
花枝滑好食耶！！！爽口，用料好新鮮！
索埋湯底陣味，好鮮甜呢～
叫左個一JAR檸檬薏米水 $48
足夠兩個人飲，
味道酸酸甜甜，解渴一流
最後仲有叫左菜同出前一丁，
個一丁索哂個湯底精華，
我第一次打邊爐係會飲哂D湯～勁正呀！
黎到必點老鴨湯呀！！！！
