RubySRS的個人專頁

中環ODDS的週末半自助晚餐 ($648/位) 帶來驚喜連連的體驗！強烈建議加$199升級任飲，搭配紅白酒或清酒讓用餐體驗更圓滿。 餐廳主打多達35款任點小食，款款高質：刺身鮮甜、串燒火候十足（雞軟骨外脆內嫩）、鐵板帆立貝焦香鮮美，選擇豐富得令人眼花繚亂。食咗3 round都未食完主菜亦絕不遜色，A4和牛飯肉質軟嫩，壽喜燒湯底入味，盡顯品質。最後以輕盈日式甜品作結，由頭到尾都令人滿意，絕對會encore！…查看更多

上星期去咗尖沙咀「瀧宴日本料理」試業體驗, 真心要同大家分享呢個幸福到捨不得走嘅晚餐！由日落開始食到維港夜景,無論係環境、服務定食物都令人超級滿足🥹🔹 頭盤已經驚艷全場！‧自家製醬汁煮南非鮑魚 - 鮑魚軟嫩入味, 醬汁濃郁而不膩, 我直接封為MVP🏆！🔹 刺身拼盤款款高質：‧金鎗魚腩刺身 - 油脂甘香, 入口即化！‧拖羅刺身 - 脂肪比例完美, 融化感滿分！‧象拔蚌刺身 - 爽脆鮮甜, 海洋風味十足！🔹 主菜與海鮮雙重享受：‧野生生猛龍蝦 - 肉質彈牙，鮮味爆燈！‧香煎鵝肝伴多士 - 外脆內化, 配烤香多士邪惡又滿足！‧海鮮茶碗蒸 - 嫩滑暖胃，鮮味融入每一口！‧日本宮崎和牛 - 油花靚到發光, 入口即化, 海景下食更覺幸福！🌃 【無敵海景體驗】我特登約6點入座, 睇住個天由藍變橙再入黑, 日景夜景一次過收覽！環境舒適, 服務細心, 絕對係約會或慶祝首選～🍶 另可加$180追加300ml清酒, 配搭和牛更完美！✅ 總結：$880食到咁多款高質食材＋維港海景，性價比高到無得輸！試業期間已經咁有水準, 絕對要Encore！…查看更多

之前去開尖沙咀分店食過無數次SamSam韓燒，今次嚟到旺角分店先發現, Menu完全唔同款！😍 超多選擇,可以一次過滿足晒BBQ同埋熱辣辣湯底嘅願望！清湯土豆脊骨湯、牛肉烤肉、香煎韓豚肉片、酥炸餃子同韓豚肉片冷麵, 款款都水準之上！🤤✨重點要讚嘅係佢哋個「清湯土豆脊骨湯」！真係好飲到癲呀, 咁大煲我居然可以自己一個人飲得曬😂 難怪我成日都瘦唔到啦～ 啲嘢實在太好味, 完全忍唔到口！✨最正係呢度嘅牛肉！品質超出色, 仲有專人全程幫手燒, 唔使驚燒過龍或者燶咗, 坐定定就有得食～👏 仲可以同時燒住肉、飲住湯！旺角分店嘅環境同服務都好貼心, 絕對係同朋友聚餐傾計飲酒嘅地方！…查看更多

雖然只係幾個餸,但係每個餸都食到我lam lam脷！🤤🔸「豉油皇香煎日本淮山」一上枱就香氣攻鼻！炸淮山以往係一個好簡單嘅餸,冇諗過可以整到咁好味！👏 日本淮山煎到外皮微脆,內裡軟糯帶爽勁,豉油皇鹹香惹味卻唔會蓋過淮山清甜,師傅火候掌握得恰到好處～💯🔸重頭戲「欖角冰梅骨 x 砂鍋山拆蟹粉炒飯」簡直係邪惡組合！冰梅骨酸甜開胃,欖角香氣滲入肉骨每一絲纖維；而砂鍋炒飯鑊氣爆炸🔥,蟹粉奢華甘香撲鼻，每粒飯都沾滿金黃蟹油同蟹肉絲,一啖飯一啖骨,食到停唔到口！🍨甜品控必試「椰糖脆脆卷」！椰糖香濃唔死甜,脆脆口感夾住軟糯外皮,為今餐畫上一個甜到入心嘅完美句號～…查看更多

上過星期日,我帶咗屋企位貓皇oppa去咗青衣唯一嘅寵物友善Cafe 嘆杯靚咖啡！作為一間 支持不同能力同國籍員工嘅非牟利機構,呢度嘅氛圍真係特別有愛同包容 🐾 專業護理,貓皇都放心！雖然今次主要係嚟 relax, 但知道佢哋嘅美容師全部持有專業護理證書, 仲提供埋深度清潔同舒緩按摩呢啲高難度服務, 下次真係想試吓幫主子book個SPA！（佢見到美容室啲器材都好淡定,證明環境夠安心～） ☀️ 會員專享：6400呎寵物天台樂園！好彩我係愛協會員,可以帶貓貓上佢哋個超巨型寵物共享天台（足足6400平方呎) KMB 寵物巴士逢星期六直達, 下次約埋狗朋友一齊搭車過嚟就最方便！ ☕ 驚喜美食 + 靚景作為貓奴都要充電！叫咗份 sausage sandwich ——果然有驚喜, 好食過連鎖店多多聲! 餡料爆滿又鬆脆！杯咖啡香濃順滑, oppa第一次食蛋糕,食到舐舐脷呀! 望住成個舒適寫意嘅空間, 狗狗貓貓喺腳邊自在散步, 好熱鬧㖭呀! 💬 小總結：呢度唔單止係 Cafe, 直頭係寵物都被寵壞嘅小天堂！專業照顧、超大空間、用心美食, 仲有份社區共融嘅溫度! Oppa返到屋企攰到冇曬力,證明佢都好滿意呢個週末小旅行～ …查看更多

位於八號碼頭的海旁博物館咖啡館, 是一個充滿溫度和故事的地方。不僅提供精緻輕食與咖啡,更堅持以行動支持共融理念——聘用不同能力、不同國籍的員工,携手打造一個多元而溫暖的團隊。 🍴 推薦美食：👉 雞肉牛油果卷 – 清新軟嫩，健康滿分！👉 烤啡菇蔬菜卷 – 香烤風味，素食之選！👉 西班牙火腿芝士法包 – 鹹香酥脆，口感豐富！👉 朱古力布朗尼 – 濃郁甜蜜，幸福感UP！☕ Caramel Latte – 焦糖香醇，完美搭配！ 每一份餐點都不只是味覺的享受,更是對多元共融理念的支持。美好的改變, 從一份溫暖的餐點開始。一邊享受海旁風景,一邊品味意義非凡的美食✨一份消費, 雙重意義, 讓美味與善意同時發酵✨大家都嚟飲返杯咖啡啦! ☕️ …查看更多

琴晚凌晨12點先掛8號波，好彩趕得切打風前衝去食buffet！ 今次發現終極攻略——訂位一定要book龍蝦枱旁邊！全程狂掃龍蝦唔使排隊，食到數唔清幾多隻，回本無難度啊😂 環境仲要超舒服！酒店樓底高、枱同枱之間夠闊落，打風天坐喺度慢慢食，望住窗外橫風橫雨，入面暖笠笠咁剝龍蝦，簡直係人生享受～ 嘢食方面都算多款式,咖啡茶任飲, 甜品仲多選擇,除咗雪糕,pancake,西式dessert,就連棉花糖刨冰都有! 驚喜! 結論：龍蝦自由 + 舒服環境 = 值回票價…查看更多

上星期約班friend試咗牛大人新出嘅「黑白雙鍋」,真心驚喜!黑金蒜皇土雞鍋一上枱,阿媽級養生look但飲落超甜潤, 湯底有齊黑蒜、紅棗、桃膠,成個好滋補,讚小食真心高質:山葵豆腐嗆辣但唔嗆喉, 鹽酥美乃滋雞脆到「咔嚓」聲,魚香皮蛋豆腐涼涼哋好解膩。最邪惡係髒髒雞, 黑蒜粉+美乃滋轟炸,熱量爆錶但忍唔住encore多碟……………台灣直送嘅手工丸類、鴨血必點!我私心大推白藤香鮑魚豆腐~甜品仙花雙圓超大碗,仙草+豆腐花 +紅豆撈埋珍珠,飽到上心口都清晒!半杯晨光暮色真係有驚喜! Pilsner嘅麥香中和咗Stout嘅苦澀,最後讚好專頁免費換嘅芝麻豆漿黑旋風,芝麻味濃到似食緊糊仔,珍珠咬口加分,不過甜度略高,螞蟻人會愛~即係我🤭🤭…查看更多

最近去咗中環大會堂美心皇宮飲茶，真係有驚喜！佢哋將傳統點心車改造成「富豪雪糕車」造型，好有創意又搶眼，仲勾起細個跟屋企人飲茶嘅回憶。 食物主打懷舊大排檔風味，我特別鍾意個韭菜豬紅，豬紅滑嘟嘟冇腥味，韭菜嫩綠爽口，湯底仲有淡淡胡椒香，食完成個人暖笠笠！朋友推薦嘅鮑汁鳳爪都正，鳳爪燜到超淋身，鮑汁濃得嚟唔會死鹹，啜落去連骨都入味。 仲試咗碗仔翅、煎釀三寶同即撞木桶豆腐花，樣樣都幾地道。環境舒服望維港，店員服務友善，唔會太嘈雜，好適合同朋友或者屋企人慢慢傾吓計。如果想懷舊吓，得閒可以去試吓！ …查看更多

同閨蜜喺中環橫街搵咗間暖黃燈光嘅法國菜頭盤✨Burrata芝士配車厘茄✨簡單卻驚喜——軟綿綿的芝士切開流出濃郁奶漿，酸甜番茄仔爆汁剛好中和膩感，松子脆脆地撒落青醬上，清新開胃👍🏻  Pasta🍝煙燻豬肉野菌長通粉🍄鹹香豬面肉粒同厚切牛肝菌咬落有肉感菇菌香氣浸透每條粉管，食到尾都唔覺滯。  主菜🐠雪魚魚背煎出細密網紋,焦香邊緣帶住 海鹽結晶嘅微閃,咬落外脆內嫩得驚人👍🏻 壓軸嘅 tiramisu☕️係隱藏亮點，咖啡酒味輕柔滲入餅,佢哋唔係用手指餅,應該係類似朱古力餅,朱古力粉帶微微苦澀，慕斯質地比棉花仲軟滑,我哋一人一個,閃電式已經食曬🤭  埋單計每人$4xx，喺中環附近食到咁有誠意的手作料理，食材配搭睇得出花過心思。最難得係環境靜中帶暖，已經mark低下次紀念日再訪。…查看更多

鍾意飲咖啡嘅你對cupping room 應該唔陌生喺中環嘅黃金地段開咗新分店啦又多咗一個落腳點一系列令人垂涎嘅美食選擇！我之前淨係食佢哋嘅麵包同埋咖啡今次3個女仔一個墟梗係食多啲嘢啦北歐式三文治可以任選兩個口味，我哋揀咗香煎帶子配牛油果同無花果榛果吐司配里考塔芝士及楓糖！吐司選用了香甜嘅無花果和香脆榛果，讓每一口都充滿層次感，鮮嫩香煎帶子與綿密嘅牛油果完美結合，輕輕撒上海鹽和檸檬汁，蟹子鋪面，帶來清新口感，好味好味煙肉粒卡邦尼義大利麵意大利麵嘅每一根都吸附著濃郁嘅奶油醬，配上脆口嘅煙肉粒，絕對係義大利麵愛好者嘅最愛！All day breakfast好夠分量嘅 all day breakfast，真係3個人都食唔曬法式西多熱香餅香蕉配榛子醬甜品將酥脆嘅法式西多熱香餅與香甜的香蕉完美結合，淋上濃郁的榛子醬，忍不住一口接一口，甜蜜無比！都話甜品有第2個胃，呢個我哋就真係清曬…查看更多

未有計劃去韓國但日日煲韓劇好掛住d炸雞😂去咗尖沙咀有被譽為韓國炸雞嘅貴族😻即刻過嚟試吓呢度仲有炸雞套餐俾你選擇兩杯嘢飲包兩款炸雞仲有炸薯角都係300幾蚊今次真系試咗佢哋個出名嘅so amazing 口味外面全部芝士粉再加炸咗嘅粟米好好味啊雖然係咁但係一啲都唔覺得漏如果鍾意食芝士嘅你哋一定要試呢個啤酒5:00-7:00 buy one get one free 㖭🍻凍凍地再加多個人參雞好足料真係超滿足我見到在場好多人都會叫呢一個套餐幾百蚊食唔曬仲要打包真係抵呀☺️…查看更多

繁忙中環蘭桂坊一家隱世泰式串燒店靜靜地等你嚟發掘無論你係玩完想食宵夜或者係玩之前食都係一個好選擇其實一上蘭桂坊喺右手邊就係啦我嚟咁多次中環都係第一次食呢度嘅午餐超抵,只係幾十蚊咋冇諗過中環都搵到而且依度好多位置仲坐得好舒服串燒配飯讓你一次滿足多種味蕾日本串燒可能你就食得多獨特泰式燒魚餅、嫩滑嘅海南雞以及香氣四溢的燒雞翼同燒魷魚每一口都充滿驚喜無論系同朋友分享定係好似我獨自享受我都覺得係一個不錯嘅選擇…查看更多

南豐紗廠係好值得帶寵物過嚟嘅一個地方原來三樓呢度有一間房間寧靜嘅cafe寧靜得嚟又舒服帶貓貓出嚟聚會真係唔簡單我哋不停叫貓貓瞓晏覺🤭因為我哋都想enjoy個afternoon tea同埋傾下計呢度嘅tea set真係好抵同好好食$298 for two ☕️其實包嘅飲品都有好多選擇不過我呢杯棉花糖cappuccino就要額外收費真係靚到唔捨得飲😬後尾仲叫咗個espresso雪糕🤣完美咁完結我哋嘅貓友聚會…查看更多

餐廳以古代英式圖書館為靈感胡桃木主調,營造文藝舒適氛圍擁有80多個座位,窗邊可欣賞維多利亞港海景增添浪漫氣息今次我淨係食set lunch欣賞唔到佢哋既live band下次夜晚真係要過嚟試吓 4-courses exclusive lunch menuAppetitesCanadian Snow Crab Meat & Miso Tofu豆腐滑嫩綿密,帶有一點鹹香,和蟹肉搭配得剛剛好,口感層次豐富,讓人一口接一口,十分美味！ SoupHummus & Artichoke Bisque湯汁滑潤,豆香與蔬菜味平衡適合搭配麵包,增添層次感。 Main Course蟹肉意大利麵用嘅係手工麵，口感彈牙又有韌性,上面散發著濃濃嘅蛋香,再加上新鮮嘅蟹肉和蛋黃，真係好味！DessertMango mousse cakeStrawberry mousse cake兩款蛋糕賣相超美,仲唔會太甜,適合喜歡清新口味嘅你！我哋秒殺咗🤣…查看更多