Petrichor.T的个人专页

呢間嘢以天然有機食材為主有super salad、焗飯、pizza、意粉等佢份沙律好好食，啲沙律菜好新鮮，而且脆口，配埋杏仁片，味道好夾；另外叫咗個 焗卡邦尼煙肉有機鮮蘑菇亞麻籽飯，有鹹香嘅芝士味，濃郁嘅卡邦尼醬汁，飯嘅硬度剛剛好，成個飯口味非常濃郁，有配洋蔥紅椒，雖然口味濃郁但唔會食到好滯。配埋杯有機紅樹茶，清清地…查看更多

好耐冇食過越南嘢今日想食啲有湯嘅嘢 於是就去咗試灣仔呢間越.男環境都算坐得舒服 有吧枱式同普通座會安生牛肉湯檬：牛肉幾新鮮，個湯都幾好味，個檬粉有啲似粗米粉，檬粉口感煮得啱好脆燒腩湯檬：脆燒腩整得幾脆，加埋個汁都幾夾，開胃份量適中，男仔可能會需要再加少少嘢食…查看更多

餐廳係採用火車裝修嘅風格，搭配現場嘅燈光效果，有種特別感覺，餐廳亦有一角落係俾band表演，如果冇疫情下，係可以一邊享受住音樂一邊享受美食。餐廳會有餐牌提供，但就係用手機自助落單，幾方便。同朋友叫咗幾樣嘢，黃咖哩雞肉配薄餅，咖哩味道好濃郁，亦都唔會辣，配埋薄餅味道好夾。泰式馬拉盞炒椰菜苗，椰菜苗顏色好翠綠，炒得仲係好爽口，蝦醬好香，啲菜好入味。風味燒豬頸肉燒得幾好，唔會好乾好硬，加埋佢配嘅醬汁，好惹味！泰式鮮蝦炒金邊粉，啲蝦好大隻又脆口，金邊粉嘅濕乾適中，有三隻配料可以混落金邊粉。呢餐泰國餐幾唔錯。…查看更多

呢間餐廳嘅裝修設計幾靚，有種懷舊嘅日本風，係度食嘢心情都會好啲，而我同朋友兩個人，但係叫咗好多嘢食，食完好滿足，哈哈。流心芝士魚餅：黃金色，睇落去都好吸引，裡面嘅芝士味濃郁，魚餅好有咬口。三文魚壽司同辣三文魚碎卷用嘅三文魚都好新鮮，而且份量適合，碎卷有啲醬同埋辣辣地幾唔錯嘅味道。原本以為燒秋葵會好乾，但呢間燒得啱啱好，而且仲有啲木魚絲鋪係面，增加味道。明太子免治雞肉棒：呢個都係我覺得好好食嘅，因為佢嘅味道好濃郁，滿滿一條嘅雞肉棒裡面有爽牙可口嘅雞脆骨，每一口都好有口感，有埋明太子係面更加好味。野菜牛肉湯烏冬：碗烏冬嘅湯底好鮮美，牛肉煮到嘅質感啱啱好，牛肉味好出。飲品就叫咗橙汁同巨峰乳酸梳打，都係為呢餐加分，兩個人叫咗8樣嘢都係500都唔使，好抵食，而且食物質素仲要唔錯，值得再去嘅！…查看更多

雖然店舖唔算大，但係都有幾張枱可以坐低食嘢，而且員工都幾有禮貌，如果你唔知食咩好，佢會推介多人揀嘅俾你，出餐幾快，款式選擇都多，星期一至六仲有$48嘅set，幾抵食。今次買咗個烤牛肉卷，份量好大，好重手，牛肉卷裡面嘅牛肉同蔬菜料都好足，菜肉嘅配搭剛剛好，牛肉咬落有口感，有啲啲微辣、蔬菜有洋蔥、生菜，食落都幾新鮮，加落去嘅醬唔會好重味道，調教得幾好，塊卷皮厚薄適中，味道啱啱好，不過一個人食就會好飽。…查看更多

今日去食大坑一間馬拉店，叫肉骨王，餐廳嘅環境10分寬敞，門口有一個招牌，都好容易搵到。叫咗一個招牌肉骨茶，肉骨茶內有豬骨、豆粕、金菇、仲有枸杞，肉骨茶嘅味道片中藥味，好健康同養生嘅感覺。另外，仲叫咗一碗油飯，一碗簡單嘅油飯比想像中好味，有驚喜。仲叫咗一碗扎肉喇沙，揀咗米粉同油面合併，一碗喇沙可以食到兩種面，好特別。喇沙嘅份量亦都好足夠，扎肉有最少6塊，一啲都唔孤寒。店員嘅服務亦都唔錯，設有口罩套，店員亦都會過嚟問你啲嘢好唔好食，離開時亦有幫手開門， 10分有禮貌。…查看更多

嚟過呢間幾次食嘢，每次都覺得滿意，而且隔一段時間嚟都會發覺佢嘅裝修有啲唔同咗，今次餐牌同餐具都換咗，亦不時會加啲新嘢，令人有啲小驚喜，今次推出咗奧爾良雞翼、扎肉撈金邊粉，而我哋就試咗新出嘅冰磚鮮奶咖啡，杯咖啡好得意，咖啡冰磚係一隻公仔，喺牛奶上面浮下浮下慢慢融化落鮮奶，之後就可以飲，咖啡味道香醇，唔會甜；亦都試咗新出嘅香烤芝士蝦餅法包，十分有份量，滿滿都係蝦肉同芝士，法包烤到好脆口，最緊要係食完都唔會覺得濟，好正！仲有要咗份香茅豬扒湯粉，湯底好清香，夠味道，豬扒炸得幾好，唔會油膩，好似每次都會食小食拼盤，真係好好味，又可以食幾款唔同嘅小食，每樣小食都整得好好，用料都好足！下次都係會繼續嚟食😀…查看更多

呢間食嘢嘅時間長達2個半鐘，而且仲唔止打邊爐咁簡單，仲可以食埋雞煲鴨煲豬手煲，仲要樣樣都可以無限添，唔會食唔夠，係怕你食唔到咁多，哈哈😄食完啲煲要打邊爐唔會就咁加湯落去，會換個打邊爐嘅鍋俾你，呢樣真係幾好。由於我哋比較細食，所以都只係食咗雞煲同打邊爐，雞煲個味都唔錯，花椒嘅麻辣味幾出，連啲配菜洋蔥都食埋，然後就開始打邊爐啦，我哋揀咗個好清嘅藥膳湯底，食完都唔會覺得好油好頂胃果啲，邊爐料嚟講都算多選擇，外面自助吧枱都有好多蔬菜類同丸類可以揀，當然亦有飲品櫃任飲，飲品種類都多，雪糕嘅選擇就只有兩三種口味。…查看更多

想一次食多啲嘢，又想平平地，就會嚟呢間食，兩個人叫咗5碟嘢：雜菌西蘭花🥦明太子蟹醬意粉🍝原味雞翼、三文魚海鮮pizza、雞肉多利亞，份量係對得住個價錢，而且味道都唔差，除咗pizza個餅底都啲硬，其他都幾好，特別鍾意明太子意粉。…查看更多

係黃竹坑都有唔錯嘅泰國菜館，整體味道係好有泰國風味的，係熟食中心裡面，服務態度幾好，上菜速度都幾快，啲餸都幾大碟，所以多啲人會好啲。咖哩炒軟殼蟹配蒜蓉包使用黃咖哩，咖哩好多，除咗配蒜蓉包食，仲可以叫多碗白飯，都會好好味，辣度一般，軟殼蟹份量都多，蒜蓉包整得幾香口柚子沙律🥗呢碟柚子沙律係食完咖哩後可以清淡少少，柚子味好fresh，加上有各種嘅配料（蝦米、蒜粒等）有口感。當然唔少得要飲返個椰青啦，清甜又清新，可以食埋啲椰子肉。…查看更多

坐低睇餐牌好多嘢都好想食，不過侍應好好，會講下最近有咩推介，簡單講下菜式大概用咩食材同煮法，有禮貌。咁嚟到當然唔少得要食黃金流沙蟹啦，賣相睇到就已經令人好想食，隻蟹又大大隻，個蟹好多肉，肉質係新鮮嘅，啲黃金流沙好香蛋黃味，都引唔住食咗啲，哈哈。食完個蟹就食啲有汁嘅嘢，個酸菜龍躉魚啲魚肉好入味，酸度啱啱好，魚肉嘅質感鮮嫩，用龍躉魚除咗肉質好鮮味夠仲要冇咩骨。估唔到呢道竟然有蜂蜜醬燒黑毛豬排，即刻試吓先，果然不失望，黑毛豬嘅肉質唔會硬，食落去嘅感覺唔會令人覺得膩，個蜂蜜醬同黑毛豬排好夾，最後因為食果日有啲涼涼地，我哋叫咗份豬腳薑，但又真係幾好食，啲豬蹄同薑都好入味，啲薑又唔會老得濟，豬蹄位多，所以好多骨膠原位，好補，再凍啲食仲正😂…查看更多

今日經過北角，發現好耐都冇食過呢間阿一米線啦，所以就入嚟食咗一碗蓮藕魚餅酸辣米線，魚餅份量多，蓮藕好爽口，米線口感剛剛好，同其他米線不同之處，就係會有酸菜、花生。辣度可以根據個人喜好。…查看更多

每次去食嘢，如果見到有雜錦拼盤呢啲就一定會叫，今次都唔例外，可以試多幾樣嘢，呢個拼盤有豬扒、春卷、雞翼、無骨鳳爪、炸蝦餅，每樣都好好味，唔會油膩，食完其實都會有少少飽。有兩樣嘢覺得驚喜嘅，第一樣係佢個南洋海鮮喇沙摻摻，湯底味道好濃郁，喇沙嘅味道同奶嘅味道相配得幾好，一碗裡面有米粉都有好似意粉嘅麵，兩種面加上湯底，再有埋唔同嘅海鮮，碗嘢性價比高；第二個驚喜係佢杯牛油果沙冰，覺得佢個口感似奶昔多啲，味道好好好，一路飲同朋友一路讚杯嘢，有機會要試，都有飲原隻椰青，味道清甜。仲有金沙骨肉骨茶，係我哋鍾意飲嘅味道，藥材味濃，連啲金沙骨都好入味，一飲就可以飲好多，正！呢度嘅環境裝潢都令人幾舒服，坐得都舒服，服務態度好。…查看更多

踏入秋天，食下蟹食下海鮮，近近地嘅銅鑼灣都有，而且選擇都算多，服務態度幾好，會介紹下又會問下顧客想要咩，環境就係中式裝修，睇吓今次食咗啲咩啦。招牌橋底辣蟹：嚟得呢度食，梗係要試下個蟹啦，首先蟹鉗都已經好大個，將個蟹鉗剝開仲會見到好多汁喺裏面，一咬落去啖啖都係肉，加埋啲肉汁好鮮美😋有少少辣調下味更加好。豉汁蒸黃立倉：未叫之前，見到啲魚仲喺度游緊水㗎，即叫即蒸，唔怪之得食落咁新鮮，肉質又啱啱好，味道唔會太鹹，可以食到原來魚嘅鮮味😋惹味辣酒煮花螺：花螺醃得幾入味，有啲酒同埋有少少辣調味係一流的，一隻又一隻係咁食，都容易剝出嚟。脆皮黃金豆腐：呢個豆腐真係好味到冇得頂，首先皮炸得好脆，但係食落去唔會覺得油膩，裏面嘅豆腐好鮮嫩，口感十分好，值得一試！食完晒，餐廳仲會送埋糖水，又食到飽一飽，哈哈…查看更多

同一班朋友行完山，經過筲箕灣咁啱見到有新開嘅薩莉亞，已經好耐冇食過啦，間餐廳嘅環境幾好，因為係新開嘅，環境好新淨，坐得都舒服，最緊要係佢嘅味道依然係保持得咁好，+10幾蚊就可以任飲飲品。明太子意粉、青醬蝦意粉：意粉嘅熟度剛剛好，醬汁好濃郁，份量剛好。雞翼：色香味俱全，最重要係好平已經有八隻，脆皮嘅口感。焗西蘭花：西蘭花口味清新，唔會有重口味嘅感覺，一餐入邊有菜平衡下。三文魚海鮮pizza：份量唔會太多，不過海鮮嘅份量都算多，味道絕對唔會差得過專賣Pizza嘅店。…查看更多