小曼谷泰國美食站

营业中

休息中

餐廳係採用火車裝修嘅風格，搭配現場嘅燈光效果，有種特別感覺，餐廳亦有一角落係俾band表演，如果冇疫情下，係可以一邊享受住音樂一邊享受美食。餐廳會有餐牌提供，但就係用手機自助落單，幾方便。同朋友叫咗幾樣嘢，黃咖哩雞肉配薄餅，咖哩味道好濃郁，亦都唔會辣，配埋薄餅味道好夾。泰式馬拉盞炒椰菜苗，椰菜苗顏色好翠綠，炒得仲係好爽口，蝦醬好香，啲菜好入味。風味燒豬頸肉燒得幾好，唔會好乾好硬，加埋佢配嘅醬汁，好惹味！泰式鮮蝦炒金邊粉，啲蝦好大隻又脆口，金邊粉嘅濕乾適中，有三隻配料可以混落金邊粉。呢餐泰國餐幾唔錯。