ngltsz的个人专页

旺角新開左一間新式川菜，入邊有一項好有趣嘅食物 － 乾鍋，未食過嘅我，一於點來試一試！因為我同朋友都唔食辣，所以嗌咗唔辣嘅壽喜燒口味，甜甜地好開胃！見到隔離嘅枱都係嗌麻辣或者麻辣黑松露，望落都好惹味！特別鍾意干鍋入邊有薯仔絲，吸晒醬汁嘅味道，好入味～ 肉嘅份量都好足夠！眼闊肚窄嘅我哋嗌咗好多串燒，每樣嗌咗一串，諗住大家試吓，點知食到捧住個肚走啊！日式燒鰻魚好有驚喜，外皮脆脆地，魚肉又保持到軟身👍🏻 另外個厚切牛舌真係厚到我哋嚇親！啖啖肉好有口感！我特別鍾意雞棒肉串，入邊有啲雞軟骨增添層次感。我同朋友兩個都覺得串燒燒得啱啱好，而且好夠味，唔會太鹹，掩蓋食物本身嘅味道😽用焦糖青蘋果配搭鴨肝，令到鴨肝唔會太膩，係好聰明嘅做法。麵包啱啱焗好，外脆內軟10分好！我飲辛手村椰奶茶，覺得個椰汁味略嫌淡咗少少，如果再濃啲就好啦！🤏🏻門面打卡able內部都好文青嘅感覺，完全估唔到係食川菜！…查看更多

食物唔止要好味，仲要賞心悅目🤭忙完一日，帶朋友去樓上Cafe－鳥語 Floom Floom食晚餐，差返啲電先～月見大啡菇白松露野菌意大利飯（素） $108切開蛋黃果下勁興奮，好治癒～ 意大利飯唔會太淋或者太硬，身為啡菇愛好者嘅朋友同我都覺得味道唔錯。粉紅鳥語雪糕忌廉海鮮意粉 $138因為外型太特別，上枱果下我哇咗一聲ε-(´∀｀; )雪糕球係披住雪糕外表嘅cream cheese，啲海鮮不過不失，可能我本身就鍾意食啲極度Creamy嘅嘢，所以覺得幾好食～ 富士山戚風蛋糕 $68鳥語最出名嘅就喺富士山，我點都要叫一個富士山造型嘅餐點試一試！戚風蛋糕淡淡地，配上鹹鹹地嘅奶蓋都幾好味～ 如果蛋糕再軟熟啲就更好(*^^*)凍髒髒朱古力 $52凍季節限定茶 $58唯一美中不足係幾款想試嘅食物都冇貨，例如：富士山豆腐芝士蛋糕、飄浮棉花糖、黑糖薑汁鮮奶、柚子薑茶…只好下次再去試多一次啦～…查看更多

由於我同朋友兩人都唔太鍾意食甜點，所以我哋都專注搵一啲特色鹹點下午茶。見到炊公館有全鹹點點心下午茶，一於試一試。職員安排咗我哋坐窗邊位置，景觀幾開陽，29樓可以望到海。由於係下午茶，每一份食物嘅份量會比較少。點心套餐入邊嘅食物，味道普通，無任何驚喜。我哋為咗食小籠包，特登揀咗「點心套餐」，點知食到一半，職員先同我哋講已經冇晒小籠包，幫我哋轉牛肉球或者鹹水角，有啲失望🫠 我哋另外仲加咗炸豆腐，豆腐新鮮炸起，幾好味～如果落雨/天氣熱，當普通食餐飯，去坐兩個半鐘都可以嘅，不過我哋就唔會encore啦🫣…查看更多

夏日炎炎，個個都想食冰品，但係我都係抑制唔住食海鮮粥底火鍋嘅心😽蟹仙海鮮蒸氣鍋，店如其名，最緊要梗係食蟹啦！樣樣都好鮮味，多膏，最後粥底仲吸曬啲精華😍海鮮盛宴！！海鮮全部好肥美，好新鮮！我最鍾意蒸氣火鍋嘅海鮮，因為冇乜落調味料去掩飾，一定原汁原味！蟹味濃郁，啖啖蟹膏，而且一啲都唔腥，流曬口水啊🤤🤤🤤除左蟹，其他海鮮一樣咁高質！蝦、青口、扇貝，鮑魚，應有盡有！最後唔少得粥底，好綿密，仲有啲南瓜帶出甜味，十分豐富！最後仲有冰糖燕窩，潤返吓😗…查看更多

HeSheEat今期有旺角白布街限定嘅Afternoon Tea-set，佢哋甜品本身就出色，層架外型仲好吸睛！一上枱，職員會為乾冰淋水，除左美觀，仲可以令雪糕保冷^-^其中最特別係鹹點果層嘅圈圈，一開始以為係薯圈，原來係Parma Ham配哈密瓜（兩個唔睇餐牌嘅女人哈哈哈～而我最中意嘅係海鹽藍莓奶凍配芝士雪糕，海鹽味道特別，同雪糕都好夾！中間仲配埋藍莓果醬，令成本事再升華！可以揀2杯凍飲/熱茶，凍飲就限定左兩杯不同款的～…查看更多

近來喜歡素食，嘗試了數間素食自助餐，「無肉食」真的不錯～ 今次試咗位於中環My Central分店，貪佢環境似竹園～ 聽朋友講，唔同舖頭嘅菜式有啲啲唔同，下次要試埋旺角、北角同荃灣分店先得(o^^o)ㅤㅤㅤㅤㅤㅤㅤㅤㅤ素食的涼拌前菜最深得我心，青瓜、黑木耳，蘿蔔、蕃茄等等等⋯ 這次初嘗炸香菇，好甜好好吃～ 主菜會不定時地加添新菜色，食到個肚脹卜卜嘅時候竟然推出咕嚕肉同埋拔絲，好飽都要繼續食！最驚喜係芝士蛋糕同芝士撻好好味（以前食過幾次素蛋糕，都好難食）！…查看更多

超耐冇食過peri peri烤雞，喺香港比較少見😛 Flames呢間餐廳隱藏喺鰂魚涌商廈中間嘅小巷入邊，真係餐廳不可貌相啊！火箭菜蘋果芝士沙律🥗蘋果切條，口感唔錯。火箭菜本身有少少苦苦地，配合酸酸甜甜嘅蕃茄，解決咗苦味😊 仲有啲啲芝士吊味，very good！同朋友一人一份雞😆 一個1/4 mixed herbs chicken and fries，一個1/2 peri peri chicken and fries！！飽到不得了😇 peri peri chicken個橙色醬好好味，唔會好辣，好惹味～ 薯條炸得啱啱好，新鮮炸起，熱辣辣又脆！星期日當然要chill一chill，飲番支啤酒，爽啊🍻…查看更多

今日食咗一間好特別嘅餐廳！人生第一次食蒙古菜😋 lunch hour都好多人嚟，外國人特別多！午餐套餐都幾抵食，俾主菜價錢，送自助bar（有沙律前菜，湯，水果等等），另外套餐有送飲品同埋甜品拼盤。自助bar形式多樣化，菜都新鮮～我好中意個broccoli soup，好creamy之餘，有淡淡西蘭花香😇2個套餐，份量都好多😊特別鍾意個羊肉串燒，一啲都唔羶，個燒汁咸淡適中。個肉亦都肥瘦適中，口感好好。羊肉大大嚿，但唔會覺得個肉好「諧霎霎」！食落仲好juicy添！另一個西藏醬汁燴肉煲，揀咗雞肉。個醬汁配搭薄餅同埋飯都好味，唔會過濃，職員話會辣，但係我覺得一啲都唔辣😆 略嫌南瓜多咗啲，我本身唔係太喜歡南瓜嘅質感最後另上嘅甜品拼盤，冬甩幾好食，唔會成舊粉團咁，我撈埋隔離嘅strawberry mousse一齊食。西瓜都幾清甜，頭先食完咁多肉，食返西瓜好refreshing！餐廳氣氛好好，裝修都靚午餐套餐配嘅自助吧…查看更多

自從冇咗晚市堂食之後，就好耐冇去居酒屋喇！而家開返，梗係要即刻走去食下串燒，同朋友傾吓計啦！每人一碟調味料，一枱一碗前菜，青瓜，蘿蔔，椰菜，都係生嘅。我覺得青瓜同蘿蔔都好新鮮，椰菜如果切絲會更好，一大片有啲硬！明太子雞翼+免治雞肉棒 附溫泉蛋明太子雞翼脹卜卜，好juicy，入面辣辣地，超惹味！雞肉棒有啲甜甜地，撈埋溫泉蛋，口感好滑！燒蠔 （味噌，蟹籽）蠔超肥美，個醬汁都調得好好味！豚之大腸個大腸唔會過肥，醬汁調味啱啱好，鹹度適中！清酒煮大蜆每一粒蜆都鮮味十足，配合淡淡酒味嘅清香。嘗試左飲一啖純湯底，酒味太重，我受唔住🤣 不過想encore個蜆！柚子芥末墨魚鬚食到淡淡的柚子味，芥末唔算好辣，墨魚鬚彈牙！海膽海鮮炒飯炒飯無串燒咁出色，不過都粒粒分別，海膽新鮮，撈飯一流！叫咗個芝士年糕做甜品紫菜好脆，配合軟林林嘅年糕，仲有流心嘅芝士，太好味🤩…查看更多

意外地食到一間好好味嘅brunch，就算天陰陰，心情都好返唔少啊！！😊同朋友叫左2個set brunch，份曬勁多，好滿足啊！😜沙律好fresh，完全無野好挑剔！😙好彩試埋個餐湯做前菜！本身超中意飲湯，呢個湯好creamy，菇味十足！配湯嘅餐包好脆，有別於一般嘅軟餐包～～平時通常都係食銀雪魚扒或者三文魚扒，吞拿魚扒真係好少見，一於試吓佢！食落質感有啲似豬肉，細細品嚐就會食到吞拿魚嘅味道。下面啲椰菜花煎得啱啱好，不過配合埋個醬汁，覺得有啲鹹。🥸朋友叫嘅燒雞，賣相好靚，薯條即炸，熱辣辣又脆，好好味😋講到明係辣嘅燒雞，不過唔算好辣，平時食少辣嘅人都可以handle到！雞肉肉質鮮美多汁，nice！檸檬茶，糖水自己落，覺得茶底麻麻，可能係我鍾意飲港式檸檬茶多啲！裝修好靚，每張枱都有磨砂隔板，唔使同隔離枱你眼望我眼，唔錯！…查看更多

經過灣仔，見到一間舖頭名好搞笑嘅cafe，叫做笑林寺🤣 舖如其名，無論設計定係餐牌嘢食名，都充滿中式武俠feel！😮其實舖頭好大，不過我哋去嘅時候，入邊冇晒位，要坐出面對住街嘅bar枱，外面嘅人都會望到我地食相，好彩平日條街唔算人來人往！啲咖啡名好搞笑😮🤣點左一杯六脉神劍，見到佢啲名次咁搞鬼，諗住質素都會麻麻地，點知啲咖啡豆一啲都唔馬虎，幾好飲！Rum Cheesecake 同平時嘅Cheesecake口感差唔多，有浸淡淡Rum味，我本身就好鍾意飲Rum酒，like👍🏻Banana Cake我本身唔太鍾意食香蕉蛋糕，覺得種口感太實，但係舖頭烘返熱，外皮脆脆地，入邊軟淋淋，好味呀！…查看更多

年初三 情人節，好多餐廳無開，有開嘅都排曬長龍，好彩夠好味，值得等！！💕牛油果卡邦尼意粉超creamy嘅意粉！意粉都夠彈牙，牛油果同啲汁撈埋之後變咗濃郁嘅蛋黃味，相熟適中，口感一流！🤣蟹肉鹹蛋黃意粉呢個意粉偏乾身，食得出鹹蛋黃嘅味道，如果可以再濃少少會更加好！牛油果卡邦尼意粉份量好多，但係鹹蛋黃意粉份量偏小，唔知點解會爭咁遠？鹹蛋黃意粉男仔同伴表示：食完唔夠飽！碟豆花葡萄柚梳打梳打氣泡十足，又唔會過甜，like👍🏻👍🏻牛油果沙冰牛油果味比較淡啲，有牛油果粒口感係入邊，麻麻哋🙈…查看更多

Cafe環境好靚，未入去已經望到入邊好多人打卡，之後去廁所先知原來仲有上層，上層清靜好多，比較啱三兩知己小聚。下層有啲人唔戴口罩行嚟行去打卡，職員都完全唔阻止，陌生人長期唔戴口罩，企喺我張枱前面，不停打卡，又會講嘢，感覺唔係咁好，都幾騷擾😅好多人打卡嘅旋轉樓梯！好多得意又有特色的公仔！！好多唔同咖啡選擇！伯爵茶芝士蛋糕味道唔錯，口感都幾實淨，價錢偏貴！兩杯嘢飲味道都係普通，要差不多50-60一杯，性價比較低🥲🥲🥲…查看更多

竟然比我喺紅磡搵到一間平民西餐廳，唔單止價錢親民，服務好好，嘢食都唔錯啊！豬扒同蕃茄份量都超多，真係大件夾抵食！我同朋友兩個都比較細食，最尾淨咗半碗白飯🙈 豬扒好明顯食得出醃過，啲肉亦都唔會過實或者過鬆，口感好好👍🏻 好耐冇飲過黑牛，有個懷舊嘅感覺😌個薯條上菜真係嚇親我！估唔到追加小食，$22有咁大份😍 撈埋啲肉醬好好味，略嫌芝士硬咗啲啲🙈上面有大大隻蛋黃，撈埋蛋黃醬，每一條闊條麵，都痴滿晒醬汁😙 煙肉同埋菇嘅份量都好多，食完一餐之後真係飽肚到夜晚😇白桃沙冰個樣勁吸睛，係甜咗少少🤏🏻…查看更多

睇個名已經知係一間食薄餅嘅舖頭～ 入邊有：沙律、意粉、薄餅、炸物等等小食⋯ 價錢十分親民，都有唔少街坊去食！蒜蓉包沙律個碟仲大過我手掌，沙律菜全部都好新鮮🥗兩大舊蒜蓉包，食得出係即焗，希望蒜蓉味再多啲！ㅤㅤㅤㅤㅤㅤㅤㅤㅤ招牌炸雞即叫即炸，超香口！外皮十分脆，裏面仲好嫩滑juicy！隻雞髀好似拳頭咁大🍗 不過偏多油，如果印返乾小小，望落會更好～多寶怪獸 迷你批個pizza係厚批，批底好軟熟，仲要係心型好趣緻！上面嘅料都好豐富，所有材料配合埋都好夾。但係有我最討厭嘅青椒，好彩我屋企人幫我食，以呢個價錢同埋質素來講，真係冇嘢好挑剔！😆配埋嘢飲午餐超抵食，仲有其他餐牌…查看更多