FlorenceKwok611的个人专页

唔知大家知唔知，Le Grand Pokka係有自助沙律吧食嘅呢？我上年九月先來食過，當時比依家底食D，因為有三文魚，同埋果時D蛋糕級數高D仲可以任食，幾個女仔由12點傾到3點，食多兩件蛋糕！簡直超值呀！雖然話三文魚cut左，蛋糕級數跌左，仲cut 到每人只限一件，不過$128呢個價錢可以同 friend 坐幾粒鐘吹下水，仍然係好吸引。其實，是但入間 Pokka 叫個set Lunch 都要百幾銀啦！仲唔包蛋糕添喎！沙律吧其實冇乜好介紹，不過我勁推呢個麵包。麵包唔係自助，不過係任點任食，要同待應 order先拎比你嘅！有兩款黑糖包和蒜蓉多士。個黑糖包真係超正，一咬落去，除左應有嘅黑糖味仲有陣陣花蜜嘅清香，我咁大個人都係第一次食到有花香味嘅麵包！至於個蒜蓉多士，睇都睇得出係超脆同超多蒜蓉啦！另外要特別介紹嘅就係呢個雞脾菇，係日式汁燒嘅！有陣類似磯煮鮑魚嘅味！一D都唔普通。至於其它都冇乜特別，我就唔介紹喇！自己睇相啦！…查看更多

忽然想食泰國菜，走左去九龍城行左一轉，以前食開果幾間都水準下跌，今期搵間新野試試睇下有冇驚喜先？驚喜就真係冇乜，因為以前食開果D泰國茶D水準真係好好，落足香料煮就已經好好架喇！先講個午市套餐，冬蔭公雞肉湯金邊粉，完全唔得，湯係用冬蔭公醬間嘅！什麼香料都冇落，同係屋企煮個 MaMa 麵個湯都好過佢！呢個香葉肉碎炒河就唔同喇！甜甜辣辣，落足九層塔，好味！至於呢個鉄板蠔仔蛋.............大家睇相想知唔得啦！煎到成塊咁，仲要得中間部份先有蠔仔，一個字“差”！泰式生蝦，炸蝦頭脆脆地幾香口。但泰式生蝦最重要個汁，平時食開果D係綠色嘅個汁，但係呢間.....佢搞咩呀！居然比個酸辣雞腳汁............整體來講都好唔得，整係個炒河OK！依家想搵間好嘅泰菜直係咁難？…查看更多

話說申請了大嶼山禁區証，今天就到大嶼山自駕遊，走一轉。第一站，大澳！大澳美食當中，令我最懷念的，莫過於籠仔蒸飯和香煎墨魚餅，一場黎到，當然唔好執輸啦！呢個籠仔蒸飯真係不得了，好味到已經變成我地在大澳的必食之選！籠仔先蓋上蕉葉，上面放上白飯，頂層蓋滿魚仔干、咸鮮魚、蝦醬豬頸肉及尤魚。特別係咸鮮魚，冇一般咸魚咁咸咁實，成舊食都冇問題，蝦醬亦都係用淡口蝦醬，白飯和餸的比例差唔多係1:1，食果時再淋上煲仔飯豉油，好味到呢~真係唔知點形容啊！跟手介紹呢個墨魚餅，呢個以前黎食好似墨魚味重D，依家明顯墨魚的比例少左..............不過都好好味。家下百物騰貴係咁家啦！返而呢個椒鹽豆腐有D驚喜，雖則唔係幾有椒鹽味，不過豆腐超滑，灑左D芝麻上面食落唔錯。至於燒鵝，好多朋友成日都話邊到邊度D燒鵝靚呀咁，實在我唔係幾識分，只係知到熱辣辣，皮脆，夠新鮮就得喇！至於呢隻，熱辣辣，皮又脆，新鮮出爐，“正”！埋單每人兩百，睇落好似好貴，但唔好忘記我地係散叫，冇叫午市套餐，所以個價就應該當晚市計，晚市計的話，每人兩百，OK啦！…查看更多

星期五晚，食市通常都很旺。今天剛剛天氣轉熱，去打邊爐應該會少D人掛！一家三口去到九龍城金記，裡邊已經差不多坐满。好彩預先打電話留位。如果唔係，就要上閣樓了。薪年後來再這兒，好似有一番大革新。樓面穿了新制服面，枱上放了一瓶一瓶的混醬材料。呢個會唔會係加價嘅先兆呢？？呢個要埋單先知喇！叫了—個芫茜皮蛋鴛鴦鍋，特級手切肥牛，蝦丸墨丸双并，水尤牛栢葉雙并， 美國生蠔， 韮菜餃和烏冬。湯底，水尤，牛柏葉， 韮菜餃和烏冬跟其它火鍋店的出品差不多，不用再多介紹了！現在介紹手切肥牛， 口感又嫩又滑，牛肉味濃，“正”！生蠔油新鮮肥美。炸響鈴即叫即炸，薄薄脆！手打蝦丸墨丸真材實料，值得推介！老闆還送了一客雜菜給我們吃。埋單找數760蚊。唔貴呀！…查看更多

一個人的中午，想簡簡單單吃一個午飯。剛看到這個小店有石頭飯食，心癢癢即本入去一試。入口看以為是一間小店，內裏卻很寬敞，氣氛不錯。午餐有很多選擇，有石頭飯，鐵板拌飯，韓式粉絲……等。價錢不貴，免收加一。桌上還有自助的 韓式泡菜。雖然餐牌上有雞肉石頭飯和泡菜豬肉石頭飯的相片。牛肉飯相片卻没有，但一般韓式石鍋牛肉飯都是一個樣的，不會有多大出入吧！於是叫了一客牛肉石頭飯叧加煎蛋而餐飲選了紅棗茶。怎料這邊的牛肉石頭飯和一般的不同！沒有芽菜，菠菜和泡菜。只得幾條紅蘿蔔絲， 紫菜絲 和一大堆牛肉。吃了幾口，牛肉飯汁是甜甜的醬油汁，彷彿去了吉野家吃牛肉飯 。超失望！自行加了超多泡菜，還是吃不出韓式風味！忽然聽到有食客要辣椒醬。原來這邊的拌飯辣椒醬叧叫的。雖然唔使$， 但也怪奇怪！加了辣椒拌飯醬之後，牛肉石頭飯都可以入口。雖然超多牛肉，但不是正宗韓之味 ！很失望！ 另叫的煎蛋，不知怎樣搞的，口感似塊橡膠！！！這間所謂韓式餐廳，—D都唔韓式，我不會再來。…查看更多

又要開飯啦！今日同老公來到荃灣廣場。由門口玻璃可以觀看師傅們在包小籠包和拉手工麵。精采！午餐時段沒有人等位。應該因為沒有供應午市套餐，午餐要散叫可能太貴了吧！叫了鎮江肴肉，蘿蔔絲酥餅，酸辣湯拉麵和水煮牛肉刀削麵。麵條可以有多款選擇，不同大小不同粗幼不同形状，甚至連刀削面都有。先講鎮江肴肉，跟一般上海店的差不多，不過不失，沒有多大驚喜。再來是蘿蔔絲酥餅，外皮鬆軟甚有驚喜！酸辣湯麵，選了二细面材料豐富拉麵有咬口，幾唔錯！最後是水煮牛肉刀削麵，叫了小辣，味道跟北京食到的水煮牛肉差不多，勁香麻辣。我選了刀削麵，條條粗幼都差不多不會有很大出入，可以看出師傅功力。還可以食到刀削麵兩邊薄的地方滑滑的，非常正。計埋茶介加一，這餐飯差不多二百三十蚊。就午而言，的確有點貴，但如果晚230蚊for two差不多啦。…查看更多

除夕夜唔知食乜野好，有人提議買魚生在家中倒數。打電話上去問除夕夜收幾多點，他們說跟平時一樣收8點，匆匆忙忙走過去買了些生蠔三文魚 和油甘魚等。生蟓新鲜肥美，正超肥魚腩。超肥油甘魚腩呑拿魚夠平，但魚尾就麻麻喇。美味魚生迎倒數。…查看更多

行過見到呢間茶色落地玻璃嘅餐廳，好似幾高級，睇下個餐牌，有牛肩肉扒、黑毛豬、羊肉.......... 肉類選擇多，啱晒我呢D食肉獸！叫了牛肩肉扒$118再加一頭盆青豆湯加腸仔。味道幾好，如果個湯再打滑D就更好喇。主菜牛肩扒。剛好五成熟，牛味濃。…查看更多

剛剛行過，看見呢間茶色落地玻璃， 望落幾高級， 午餐餐牌有黑毛豬，羊肉，牛肩肉……肉類選擇都幾多， 啱晒我呢d食肉獸 。叫了—客牛肩肉扒頭盤系: 青豆湯加香腸，青豆湯幾好味再加兩三片香腸，唯一係有少少幼粒粒。 如果個湯在打滑DD就更好味主菜系:牛肩肉扒， 煮得剛好唔成熟， 牛肉味濃，值得一試。…查看更多