angerrr的個人專頁

同朋友夜晚食嘢，搜尋觀塘日本嘢，好快就見到呢間餐廳搵到呢一幢大廈嘅舊式lift，上嚟到成層樓都係餐廳，好闊落！首先叫咗個壽司拼盤火炙嘅壽司燒得好香，無論係魚油定係飯都布滿左微「焦」嘅氣味6款嘅火炙壽司分別有：芝士甜蝦，帶子，左口魚裙邊，劍魚腩，吞拿魚同埋三文魚每一款師傅都將壽司嘅形狀握得好實，而且壽司上面魚肉係蓋過飯，幾乎睇唔到下面嘅飯芝士甜蝦有3隻，都甜，帶子同劍魚腩加上些少甜醬油點綴，左口魚綑邊入口即溶全部魚肉嘅表面都燒到金黃，魚油豐腴到滴咗落隻碟度特長鰻魚壽司一碟頂人哋6件壽司嘅長度，鰻魚肉好巨型上面嘅鰻魚差唔多可以包住舊飯三圈，好似食緊京都嘅鰻魚重咁食完飯最後店員仲話有雪糕送，估唔到晚市食飯已經食飽飽，最後可以用甜品作結菠蘿椰子都幾香，食幾啖就食完，唔多唔少，啱啱好幾圓滿…查看更多

❤️煙肉蛋漢堡係佢menu上面嘅must try item麪包烘過，有牛油香圖片同實物一樣疊到好高，啲蛋汁仲要多到流晒出嚟跟burge配嘅薯條好香脆burger足料，有剪太陽蛋，脆煙肉，車打芝士，洋葱，生菜同蕃茄牛肉patty打得好冧，食落夠 juicy❤️大姑奶出省城層次仍然好豐富，大啡菇冇得輸，就咁烤完就好juicy，配埋胡麻沙律，感覺邪惡得嚟幾fresh❤️小食叫咗薯格同炸雞2款都好香脆，炸雞用咗好多香料，夠juicy又唔會太濃味特別欣賞佢哋醬汁嘅配搭！炸雞配嘅醬係有yogurt味，食落加咗啲香料同檸檬皮，好有心機最後2杯飲品都同burger好夾，酸酸甜甜好清新…查看更多

估唔到咁偏僻嘅地方，入到餐廳竟然都有兩三台客餐廳嘅佈置簡單，望落去似係家庭式嘅餐廳有少量嘅萬聖節佈置，幾搞笑第一個上嘅菜係粟米羹，食落有屋企嘅感覺有豆腐粒，蛋花同埋粟米，清清甜甜，喺秋意濃嘅天氣飲最啱👍然後叫咗三個小菜送飯第一款係椒鹽豆腐，聽講係呢間餐廳比較出名嘅菜式豆腐炸到外脆內軟，一口一粒停唔到口另外兩樣都十分之好送飯，分別係小炒王同埋黃金豆角小炒王入面嘅配料好豐富，有傳統嘅韭菜花，蝦仁，肥豬肉，韭黃，紅椒，蝦米黃金豆角炸得好香脆，外面裹上濃郁嘅鹹蛋黃醬，咬落香脆，有保留到豆角入面嘅水份呢啲餸菜令我同屋企人都扒晒成碗飯最後發現間餐廳都好多外賣訂單，睇嚟住家飯菜冇得輸…查看更多

夜晚銅鑼灣揾嘢食，朋友建議食古今叫咗2款壽司卷物，一款叫富士山，一款叫午夜牛郎，2個名都令人好思鄉一冷一熱，放係同一隻碟上，望落份量好豐富一份有8件，加上花花沙律擺得靚靚，有好多醬汁，幾乎唔使另外加豉油調味午夜牛郎係熱食嘅炸壽司，入面有牛油果，三文魚同芝士，上面有燒汁同蛋黃醬，口感味道都好豐富炸好嘅壽司入面，飯嘅質感較為結實，咬落似食緊炸豬扒入面嘅三文魚都已經炸到熟咗，加上牛油果同芝士嘅配搭，食落都唔會太膩，好特別富士山係用咗超巨型份量嘅蟹柳沙律堆砌出嚟嘅「一座山」，下面係鰻魚牛油果壽司卷油香豐富，食落有脆片，芝麻，一舊接一舊停唔到口😋網燒牛舌好爽口，牛舌心嘅部位好嫩滑，加上檸檬汁，解膩炸雞係今餐飯嘅MVP，爆汁，一咬開，啲油會沿住筷子流落去，食嘅時候要小心😛最後總括嚟講，餐廳播住輕快嘅日文歌，係令人舒服嘅一餐飯，服務好好夠周到…查看更多

平時好日都唔會嚟呢間「玄壽司」食飯，見今次同事farewell，特登想請佢食好嘢呢度一個lunch set 都係商務午餐，價錢一啲都唔平，三四百蚊起跳，講起性價比絕對唔夠同區入面其他嘅日本嘢㗎喇不過勝在環境舒服，人少少可以坐包廂，方便同客人傾計嗰啲，而且服務都好周到一坐低就會有熱茶，熱毛巾同埋口罩套落完柯打之後，前菜都十分快就上枱 午市套餐嘅前菜幾豐富，好多漬醃嘅日式小物，首先有銀魚仔配合桃細細條既魚乾用糖同醬油兜過，帶魚香甘甜入味，加上脆口嘅核桃同炒香嘅芝麻，好啱一邊傾計一邊食 辛口明太子涼拌豆腐冇任何多餘嘅調味，明太子半身獨有嘅鹹香同豆香作中和，幾開胃 茶碗蒸嘅內容物有白飯魚同埋元貝，熱辣辣，店員仲會幫忙打開蓋不過食落滑蛋嘅部分蒸得比較老，唔夠嫩滑 沙律係跟刺身丼嘅餐嘅，經典嘅胡麻醬冇得輸 第一個套餐係雜錦刺身丼飯 chirashi驟眼望落去已經有超過十款唔同嘅刺身，包括：干貝，火炙赤鯥，鯛魚，赤身，中拖羅，金目鯛，白蝦，海膽，三文魚子，玉子等等整個飯顏色好吸睛，仲有紫蘇葉嘅花同其他花仔作伴碟，望落好開胃鮮橙色嘅海膽鮮美，北海道海膽食落甜口唔苦，三文魚子濃郁，白蝦甘甜火炙嘅魚肉嘅油脂出哂嚟，魚身肥美幼嫩，估唔到白身魚都咁甜，拖羅入口即溶唔使講 朋友叫嘅熟食套餐都會跟一客四色刺身肥美嘅火炙赤鯥係亮點，魚肉嫩滑唔腥，油脂豐腴反而赤身就有啲筋，相對冇咁特別 呢度嘅豚肉生薑燒打破我對佢一如以往嘅印象，用嘅係黑豚西冷扒比平時嘅薄切，較厚身食到黑豚肉嘅原汁原味， 鹿兒島嘅黑毛豚肉肉質嫩滑，一啲都唔韌 成個套餐其實好豐富有刺身，主食，沙律，白飯，鹹菜，麵豉湯本身生薑燒個汁已經好撈飯，加上旁邊嘅caesar Salad dressing，整體醬汁略嫌過多，但係幾好食嘅 麵豉湯入面當然唔少得有海帶，油豆腐，嫩豆腐等等，但令人驚喜既係有數量不少嘅櫻花蝦，令到個湯更加有鹹香 最後嘅甜品係朱古力味嘅卷蛋，望落個樣有少少似近期大熱嘅 tablemark卷蛋…查看更多

夏日熱辣辣，作為香港人，同朋友仔打邊爐 都係必需嘅呢間餐廳裝修雅緻，每個地方都有懷舊老香港嘅味道到咗餐廳一坐低，店員就已經拎咗醬油碟畀我哋混醬九宮格嘅醬油碟什麼都不缺：有生蒜、炸蒜、辣椒、芫茜、蔥、沙爹醬、麻油等等因為行到熱辣辣，所以即刻叫咗杯嘢飲醒醒神：陳皮話梅梳打，飲落酸酸甜甜好清新，相對上朋友叫嘅酸梅湯就冇咁特別 牛頸脊超靚，雪花好均勻。肥美得嚟厚薄適中，淥2淥就食得，絕對係全場最搶手嘅一碟肉肉切嘅大小剛剛好，味道比起平時食開嘅牛小排，牛肉味更濃 雞湯底除咗清湯之外，基本上係半隻雞斬件上，好足料花雕雞件味道清香，肉質嫩滑，落完之後個湯頭好甜，認真食落仲有淡淡酒香 呢隻菇叫黑松茸菇/鉛筆菇，食落爽口有纖維，而且索湯鴨血都夠嫩滑，咬落嘅每一片都唔會羶 四寶丸有驚喜，白色嘅墨丸中間包咗芝士， 芝心嘅效果熱辣辣流出嚟黑色嘅墨魚丸加咗墨汁，入面仲食得出有啲脆卜卜嘅脆骨豬肉丸包咗啲薑蓉，好彈牙，會爆汁牛肉丸就加咗啲青，好似山竹牛肉會落嘅芫茜 白雪雪包到好似玫瑰花嘅係牛胸油，珍貴程度係每隻牛得一塊食落好彈牙，屬於牛嘅筋膜，唔係脂肪，所以食完都唔怕肥千層枝竹好好食，放入湯裡面，保留到半脆半淋嘅口感，入面嘅層次則有豆香魚腐個感覺好特別，食落好似打發起嘅蛋白 食緊空氣咁，感覺都一般般 封門柳肉質比較結實，肉味濃，亦都係薄薄一片，好好食！唔鐘意太肥太雪花嘅牛肉嘅朋友會鍾意 淮山麵放咗落去雞湯煮，成個麵甜甜地好開胃，而且因為唔係油炸公仔麵，所以食咗都冇罪惡感每隻餃子入面都有半隻鮑魚仔好足料，仲有雞粒，未食過打邊爐咁特別嘅餃唔知見到鮑魚係唔係即刻要起身走呢最後甜品叫咗椰子雪葩，足足有半個椰子咁大，入面有一絲絲嘅椰絲食落好似椰子嘅果肉，超級大滿足嘅一餐火鍋每人埋單都唔使$3000，係正經嘅火鍋店…查看更多

最近得閒就落雨，難得好天氣，成日心思思想去野餐，今次就約咗兩位朋友去啟德碼頭公園野餐雖然係星期日，但係人唔多，只係有準新人影婚紗相公園好大，有好多空間周圍走因為費事要周圍買嘢準備咁多，所以就經 lagom 個app 訂咗呢個野餐set喺牛頭角攞完，可以直接搭巴士去，點對點好方便個set入面有甜點同鹹點將啲甜點放喺木製嘅托盤上面好有質感，十足十喺外國嘅大草地上面，同成家人去野餐份量都真係幾多，會食到飽首先有多士，scones，蝴蝶酥，macaroon等等甜點多到放唔落，仲有一款係伯爵茶味嘅巴斯克蛋糕士多啤梨嘅多士酸酸甜甜，夾住入面嘅麻薯，食落好煙韌芝麻焙茶scones似係舖頭嘅招牌產品，焗到好香，鬆餅夠鬆軟唔會太乾，配上自家製嘅焙茶cream，茶控大愛紅莓嘅馬卡龍夾心係黑色嘅朱古力唔會太甜伯爵茶芝士蛋糕好香濃 creamy，唔會太甜水果拼盤有好少見嘅紅色番石榴，菠蘿，西瓜，士多啤梨，食落都好清新，中和甜品嘅甜膩 牛角包同埋吞拿魚塔都好值得推介 croissant麵包入面嘅係兩隻色溶化咗嘅芝士，肉片同埋蕃茄，三個嘅味道好夾吞拿魚酥皮盒入面係平時港式麵包夾心嗰種粟米吞拿魚餡主食三文治有兩款：一款係煙三文魚cream cheese加三文魚子，另外一款係牛油果獎，口味都好大眾化 想清新少少有埋呢個沙律+蜜糖芥末醬，另外仲有支裝藍妹啤酒(aka香港人嘅啤酒) 同埋hoegarden嘅新口味白啤酒，飲落有少少柑桔同香茅味 成個set啲嘢食雖然睇落唔多，但係食落好豐富同埋好飽，三個女仔都好夠食最開心嘅係，所有嘢都預備好，餐具同酒杯打卡啱曬，而且仲有一扎乾花，用完又唔會嘥…查看更多

潮州菜館係香港都唔少見，好多都係裝修比較簡單嘅麵館難得搵到一間位置方便，環境舒適嘅潮州菜必須要帶正宗潮州人老母來食番餐好嘅鋪頭店面嘅玻璃入面掛滿咗鹵水獅頭鵝，專門有個師傅負責斬料同潮式打冷 一坐低店員就端上功夫茶，完全係返鄉下飲嘅嗰啲細細地嘅茶杯，茶香味濃，仲有潮式嘅酸菜，甜甜地夠開胃 潮州人冇人會唔鍾意食鹵水鵝，一落完單就見到師傅喺角落頭整切好一片片嘅連皮鵝片索哂滷汁，下面有一啲冇骨鵝肉，最下面就係包仔嫩豆腐 潮州鵝片嘅精華在於香濃嘅古法炮製滷汁 上面有一層厚厚嘅鵝油，仲有少少蒜頭爆香嘅油，食落真係原汁原味有鵝嘅甘香如果食到後期有啲膩，仲可以加上白醋中和一下鵝肉嫩滑唔柴，滷汁入味，媽媽話呢個價錢抵食過好多外賣店 黃金伊麵呢一道菜都係媽媽喺鄉下成日食嘅 將伊麵放落煎pan煎香，令到其中一面麵餅變脆，底下再鋪小小切碎嘅韭黃 正宗嘅食法，食嘅時候可以灑上砂糖同埋黑醋，酸酸甜甜 潮州仲出名食海鮮，除咗蠔餅之外，蠔仔都仲有好多種煮法最後一道菜係蔥珠爆蠔，蠔係用急凍蠔，每隻都好大好肥美蔥爆蠔嘅處理幾乎係用紅燒嘅方式，讓蠔身上色，肥嘟嘟嘅蠔隻隻都呈金黃色，醬汁又唔會太多蔥粒嘅份量多到驚人，同蠔嘅比例簡直係一半半，用嚟撈飯好夾…查看更多

平時行Donki行得多，估唔到呢個商場下面竟然有兩間新開嘅過江龍舖頭一間係日本菜，一間係台灣菜天氣咁熱最緊要係即刻涼爽，逼不及待入到鋪頭坐低發現呢間鋪頭嘅menu選擇得好少，睇嚟係對自己嘅菜式好有信心台式飲品款式數量一隻手掌數得曬，揀咗比較特別嘅胚芽珍珠奶茶 胚芽飲落好有口感，奶茶香濃，再加上浸過黑糖嘅珍珠味道啱啱好 牛肉麵個樣好經典，一睇就知好味麵底揀咗細面，麵底較軟身濃沃嘅湯底上面放咗三塊手切牛展肉，小棠菜，蔥花，配搭係好古早味嘅 雖然係原味牛肉麵，但係因為係紅燒嘅關係，面頭有一層薄薄嘅油去保持湯底嘅溫度 ，亦都帶有辛香料嘅微辣食得出湯底帶少少藥材味，花椒麻椒燉煮咗好耐加埋旁邊嘅配菜，食落都好有台灣風味 鹽酥雞形狀好似一個球咁，炸到脆卜卜外層嘅粉漿好似餅乾，而且仲有好多炸到脆卜卜嘅九層塔，味道香濃酥脆 另外叫咗一個手撕雞拌麵，有溏心蛋，菜，蔥花，炸過嘅花生同埋手撕雞之外仲有一啲滷汁，可以一齊撈…查看更多

平日嘅晚餐唔使等位就有得入，同男朋友撐枱腳，叫咗set dinner share食焗芝士肉醬千層麵啱啱焗起熱辣辣，所以餐廳用兩個碟裝，厚厚嘅芝士上面仲放咗新鮮嘅沙律菜同車厘茄一切開，入面嘅肉醬好澎湃，番茄醬嘅質地唔會太稀，食落味道豐富有層次不過千層麵嘅質感略嫌過軟，如果可以做返 al dente，食落會煙韌啲 跟餐加錢嘅Caesar salad 用咗好多新鮮嘅羅馬生菜，每一塊菜葉都拌勻咗沙律醬，最後上面灑上滿滿嘅parmesan cheese同煙肉脆粒，好有口感 餐湯係磨菇湯，飲落都好濃郁，又有粒粒嘅蘑菇餐飲就冇乜特別，都係叫咗fruit punch同埋熱朱 今晚嘅重頭戲絕對係呢一個甜品：蜜瓜佢嘅來源地係玖瓏，個名好特別，相信香港人聽到都會識笑整整半個蜜瓜，中間刮空咗，去籽，放咗蜜瓜味嘅啫喱，再疊上梳乎厘pancake，雲呢拿雪糕，上面鋪滿一粒粒嘅蜜糖星星，最後灑上糖粉日本蜜瓜好甜，食落果香濃郁，一咬爆汁成個甜品十分夢幻，用料豐富亦都好抵食！ 伴碟有用蜜瓜味調味嘅煉奶，蜜糖，加上蜜糖星星同烘烤過嘅杏仁片，好香脆 成個地方嘅環境優美，餐廳係半開放式，加上好多綠植嘅擺設，令人心曠神怡…查看更多

入到呢間餐廳瞬間被熊仔包圍檯面上有熊仔，旁邊嘅座位亦都有幾隻真人大小嘅熊仔，瞬間覺得少女心爆棚帶細路仔/女朋友嚟食實無死旁邊嘅壁畫上好似柏靈頓嘅熊啤啤paddington 心諗， 間餐廳的確係賣西餐，而且旁邊嘅壁畫都係行英倫風， 但係未免可愛得有點太犯規 套餐嘅包係蒜蓉法包，硬到脆嘅！包配上粟米忌廉湯，湯熱騰騰直冒煙 餐飲方面，加少少錢已經可以轉特飲，士多啤梨同橙汁嘅配搭好少見，但係飲落又幾清新 柚子蜜同埋玫瑰花茶相對上好似冇咁夾，兩隻味道撞埋有少少似咸柑桔 魷魚圈食落好似天婦羅嘅感覺，外層酥脆 香口，有檸檬沙律醬解膩不過睇落係冇翻炸，所以粉漿索曬啲油會有點油益味，少少扣分位 主菜嘅雜扒滿到成個鐵板都裝唔曬有豬扒、雞扒、煙肉、雞蛋，配菜分量都唔少，有薯條、粟米、車厘茄同露筍，當然仲未計墊底嘅洋蔥扒大大件，調味有用香草同埋胡椒，食落都中規中矩令人驚喜嘅係配菜，薯條好脆加上鐵板嘅醬汁，食落有滿足感 露筍開邊，好鮮嫩無渣，清甜嘅蔬菜同埋粟米，配搭車厘茄食完成個餐好飽但又唔會太濟 肉眼扒叫咗七成熟肉質都好夠淋相對什扒，呢一個鐵板嘅份量冇咁多但係都一分錢一分貨，肉眼扒厚切而且肉質粉嫩，咬落juicy有肉汁 最後甜品叫咗一個燉蛋白，佢有少少似creambrulee 但係冇蛋黃嘅成分 上面卜卜脆嘅焦糖配合埋下面滑捋捋嘅蛋白 味道好香濃…查看更多

今日放工同朋友去食飯返工壓力山大，入到間舖頭終於可以鬆一鬆周圍都有紅色嘅燈籠，裝修好別緻，彷彿親臨九份山城 紅色嘅燈光映照住，食嘢好有氣氛先叫咗一碗紅燒牛肉麵，轉咗陽春麵底牛腱肉炆得好淋，有五六塊配上青菜，蘿蔔，同埋香濃嘅牛肉湯，食落幾道地想念台灣唔少得要食碗滷肉飯條狀嘅五花肉滷得入味，肥瘦適中，魯肉汁滲透住每一粒珍珠米，配上魯蛋，蘿蔔係經典嘅台灣美食飲品朋友叫咗茉香奶茶少甜，味道較淡我叫咗黑糖珍珠奶茶都係少甜，珍珠嘅口感偏淋，黑糖味道都唔夠濃郁最後叫咗呢個蛋餅係全餐飯最好食嘅一道菜入面嘅餡料包得滿滿：海苔,肉鬆,芝士,蛋份量一啲都唔孤寒！醬汁嘅配搭亦有台灣特色，入面嘅蛋黃醬，面頭嘅醬料，同埋側邊橙橙哋色(好似蚵仔煎嘅醬) 原來係辣醬 香甜得嚟又惹味…查看更多

鬧市下午入座，彷彿係城市入面搵到綠洲餐廳風格簡約清新，雲石紋枱面配搭綠葉，俾人好舒服嘅感覺飲品先上，叫咗一杯strawberry iced shaken tea，茶味幾香，士多啤梨味重，凍冰冰好fresh！朋友叫咗熱嘅榛子朱古力，拉花係一隻海馬，好可愛食品方面：我哋揀咗3款輕食小食佢幫我哋組合咗喺同一個碟入面，分別有：北海道牛肉薯餅，同埋三隻芝麻雞翼。 芝麻雞翼好香，炸到外脆內軟，入面仍然好多汁。牛肉薯餅配上蛋黃醬，上面仲撒咗少少七味粉，味道濃沃，有軟糯嘅薯蓉，加上粒粒嘅牛肉口感豐富！break呢間嘅炸雞沙律分量好大，一上枱我哋都畀佢嚇親，每件炸雞幾乎半個拳頭大細。 日式嘅唐揚風炸到入面嘅雞肉雪白嫩滑，沙律菜入面有一半嘅車厘茄，烤過嘅南瓜片，仲有一啲紫菜最後嘅吉列豬扒三文治都有驚喜豬扒好厚，成寸咁厚。豬扒肉質軟淋到一個點。跟嘅醬汁係傳統嘅日式梅子豬扒醬，外面嘅多士炸得酥脆不過唯一嘅缺點係有點太油膩，好彩旁邊有細細一個沙律做中和。…查看更多

呢排打邊爐都打到悶悶地，凍冰冰既日子就令我諗起呢間炎丸水產。店內既環境同我想像中唔同，除左無烏煙瘴氣之外，位置都相對寛敞。首先我同朋友就點左沙律先，呢個沙律上面都係滿滿既海產，加上佢有另外俾醬汁我地，食落非常開胃。之後再點左個刺身，真係非常新鮮，尤其係個油甘魚，口感好好仲好甜。如果唔夠飽既人可以好似我咁點多個海膽帆立貝，加上外面鬆脆既紫菜，一啖放曬入口真係有個種幸福既感覺。終於到主題磯燒部分，今次我同朋友叫左燒帆立貝同蟹膏，本身仲煩惱既點燒，點知店員都好貼心幫我地燒同剪埋，真係適合我呢d食殘廢餐既人。帆立貝配上獨特既醬汁非常美味，鮮甜得黎又軟熟，食一個真係唔夠喉。而且鮮膏除左原味外，仲有黑松露味道，黑松露係非常濃郁、配上鮮甜既蟹膏我諗你地都感受到個種美味。食到飽一飽之後就覺得有啲口渴，叫左菠蘿燒酒，如果喜歡甜酒既人我會推薦俾佢地。…查看更多

好多餐廳都推行電子點單，呢度都唔例外朋友叫咗個招牌蔥油牛肉飯加隻太陽蛋太陽蛋煎到有燶邊，係流心嘅 因為天氣凍好想食熱嘢，所以就揀咗個香茅雞翼 湯金邊粉 電子落單可以好customize，每一樣配料都可以走，個清單水蛇春咁長，有蔥、芫茜、洋蔥、蒜、芽菜、九層塔、青檸等等 越式香茅雞翼冇得輸香茅嘅味道好重，炸雞翼金黃香脆，咬開雪白嘅雞肉，流曬汁好juicy 張青檸滴幾滴落去個湯麵度，令到牛肉湯嘅鹹味唔會單調，帶點兒酸酸甜甜 配搭埋青蔥等嘅配料食落清爽 炭燒豬頸肉上面有好多嘅炸蒜，切片睇得出每塊肉都燒得粉嫩 加上自家調製嘅酸甜醬 珍多冰係獨立包裝，好似外賣嘅台式飲品咁由椰汁同埋綠色條狀嘅啫喱組成，好甜 跟餐嘅玫瑰花茶正好為寒冬加添一點溫暖…查看更多