餐廳嘅佈置簡單，望落去似係家庭式嘅餐廳
有少量嘅萬聖節佈置，幾搞笑
第一個上嘅菜係粟米羹，食落有屋企嘅感覺
有豆腐粒，蛋花同埋粟米，清清甜甜，喺秋意濃嘅天氣飲最啱👍
然後叫咗三個小菜送飯
第一款係椒鹽豆腐，聽講係呢間餐廳比較出名嘅菜式
豆腐炸到外脆內軟，一口一粒停唔到口
另外兩樣都十分之好送飯，分別係小炒王同埋黃金豆角
小炒王入面嘅配料好豐富，有傳統嘅韭菜花，蝦仁，肥豬肉，韭黃，紅椒，蝦米
黃金豆角炸得好香脆，外面裹上濃郁嘅鹹蛋黃醬，咬落香脆，有保留到豆角入面嘅水份
呢啲餸菜令我同屋企人都扒晒成碗飯
最後發現間餐廳都好多外賣訂單，睇嚟住家飯菜冇得輸
