iamkwy的个人专页

二訪深水埗咖啡x酒小店小店雖小但唔會覺得焗促同朋友一齊傾計感覺舒服嘅地方.🧉1951 (So Coffee & Gin)第一次飲加咗Gin嘅咖啡正&好飲飲到Gin嘅味道又同咖啡好平衡.💛不收加一非常良心…查看更多

疫情後少咗食街邊小食，依家總算可以鬆一口氣會響街度食嘢。未夠鐘食晚飯又有啲肚餓，行過德福諗都唔洗諗就去買嚟食！辣魚蛋 $18/10粒燒賣 $18/8粒辣魚蛋嫌唔夠辣～魚蛋算彈牙都幾好味～魚肉燒賣唔會好粉亦算有啲份量～甜豉油無敵企響店外食亦有唔少人，抵讚嘅係食客個個都食得好乾淨👍🏻…查看更多

120分鐘任食+任飲非酒精類飲品湯底選擇多，可以單點亦可以加錢雙併湯底7個人食有兩個爐用～食物選擇都多，飲品都算多選擇有海鮮肉類丸類餃類蔬菜仲要有唔少手打丸同自家制餃雖然店舖部分職員為聾啞人士，只要揚手搵人幫手時亦會好快幫忙店內環境唔嘈，成班朋友吹水都方便，坐得亦舒服！餐廳入座率只有一半左右🥲食夠120分鐘後店員幫忙收走枱面嘅食物，我哋超時切埋生日蛋糕都冇趕過我哋走希望佢哋會有多啲客人幫襯啦🥹…查看更多

《薏仁燕麥飲》$32熱飲竟然仲有得揀常溫、微熱同熱夠貼心～同埋熱飲都超大杯！（外面熱飲好多時都會細杯啲🙈）甜度為固定本身好怕會好甜殊不知係一啲都唔甜薏仁燕麥好有咬口止到一陣子嘅口痕同餓感下次有機會想試吓植奶…查看更多

平日中午需要等位食飯啊～.今次第一次光顧《坐忘》，12點20分左右到店同職員留名，等咗大概半個鐘有位；而等候嘅每人都非常有耐性。其實附近茶餐廳、快餐廳都有位，但大家依然默默地等位，食完就明白點解🙈.我點咗牛肋野菜咖喱飯，朋友點咗豬軟骨肉野菜咖喱飯。兩款嘅肉都炆得好腍身、好入味，尤其是豬軟骨肉！食完就明白點解OpenRice嘅人推薦豬軟骨。飯底應該係混咗粟米肉微微炒過嘅飯主菜都會跟一杯冷/熱焙茶仲要唔收service charge👍🏻.響鰂魚涌食晏要食到一間唔貴又高汁嘅餐廳係唔多的⋯…查看更多

友人表示平時都愛叫呢間嘅炸雞外賣食見食評唔差，就挑戰一下。點知食完失望而回:(-《原味韓式炸雞》半份 $98感覺落咗唔少調味料去醃，但可能係呢間店嘅‘原味’，唔太啱本人口味雞肉質地口感還好-《韓式甜辣年糕炸雞》半份 $108雞肉肉質好實，雞皮比較肥同多個醬算幾好味-炸雞每半份都有4件，份量算唔少！-《冰果魷魚鬚水冷麵》 $108一心諗住食個水冷麵清涼清涼一下，點知失望咗湯底標明係蘿蔔汁湯底，有蘿蔔味，但係偏咸個麵唔知點解超級咸因為本人唔鍾意食濃味嘢，所以食咗幾啖就只好放棄⋯-友人話平時外賣冇咁差…希望只係餐廳今次失咗水準🥲…查看更多

星期四晚嘅9點幾，門口排緊一台3個人嘅客，然後下一枱就到我。職員好快亦安排咗座位比我。Menu係練習簿，枱同櫈就係大家中小學嘅枱櫈格局，好有返去讀書嘅感覺。.食過幾次呢間小店，今次想食個簡單啲又想食芋圓，於是點咗《熱·陳皮紅豆沙》加$10芋圓，總共$38。紅豆沙唔會好甜，煮到都夠‘沙’，芋圓都有大概十數粒，同埋係好Q好食嘅！份量唔算大碗，$38唔算貴但亦唔算平，中價。.全程背住餐廳正門坐，食完比埋錢，擰完身先發現門外有幾堆人等緊位；果時係夜晚接近10點。.附近仲有其他甜品店，情況一樣墟冚！…查看更多

同朋友平日放假輕鬆一下，揀咗去《山旮旯》chill吓。過咗兩點半但未夠3點入座，竟然仲比我哋選擇lunch menu經OpenRice卜枱，A La Carte有8折優惠！.三個人share食——《蟹肉牛油果沙律》蟹肉份量算多、牛油果有半個切片，沙律汁唔會漏啱啱好《黑松露露筍意大利飯配香煎帶子》薄切帶子三件，每人一件剛剛好。睇落好濕咁但一啲都唔漏。朋友覺得個飯偏硬，但如果跟正宗6-7成熟佢確實係差不多硬度。overall味道都OK《午餐 炭燒牛柳7成熟》有半邊牛柳幾乎全熟，另外半邊牛柳接近7成，味道不過不失午餐加$15換《炸薯條配黑松露醬》好食！飲品我點咗熱Latte，因為個拉花好快變成泡泡冇咗，唔夠挺身有啲失望。反而朋友杯Hojicha Latte嘅拉花keep到！甜品叫咗《巴斯克芋泥芝士蛋糕》 如果芋泥再厚身啲就正喇…查看更多

何車車仔麵門面小小，原來餐廳座位都唔少。餐廳最出面同最入面都有枱、靠牆亦有高枱。.堂食採用QR code自助落單，落完單好快食物就陸續上枱。.自己點咗細何五餸配油麵，配料有4-5款任選，湯汁有腩汁鹵汁甚至兩樣揀晒都可以，辣度又有得揀。細何五餸包咗豬皮、豬紅、糖心蘿蔔、鹵水雞翼皇同陳皮辣魚蛋；除咗雞翼皇得一隻，其他餸都有幾件。$46咁多餸又大大碗，幾抵食。湯底係藥材加雞骨熬，加咗微辣辣汁幾好味亦幾入味。糖心蘿蔔夠甜，陳皮辣魚蛋彈牙亦好味唔腥。加咗小食炸魚肉春卷4件，同朋友每人兩件；最後食晒所有嘢發覺勁飽，唔可以睇少車仔麵😆.朋友點咗招牌拉麵麵底，都OK.入座時未夠7點唔洗等位，離開時就嚟8點外面開始多人要等位了！…查看更多

網上見到有啲foodie介紹呢間極具和風嘅喫茶店，忍唔住約咗住元朗嘅朋友一齊去試吓。搵餐廳時大家都遇到少少困難，因為都被google map呃咗！最後睇返OpenRice嘅地圖同地址，順利搵到小店。😊.全店只有8個座位，不設留座，齊人先可以入座。.之前menu有玉子三文治，可惜依家已經冇咗。同朋友share 《楓糖漿鬆餅》同《洋梨蒙布朗》！兩款食物都係即叫即整；因為bar枱關係，店主們直接響客人面前整；整好就上枱。.食物不過不失，唔會好驚艷，但係環境同氣氛搭夠。.朋友叫咗Latte轉燕麥奶；拉出嚟嘅花依然好靚～.如果掛住日本又未飛到，可以去小店解吓慰☺️…查看更多

難得入元朗，就搵啲特別小店試吓！最近比較少食餃子，見到呢間評價唔錯，一個人唔想食太貴，就去咗《維港灣餃子坊》。.叫咗芫茜鮮肉煎餃6隻，加一支香港製造《正達》黑豆漿。已經唔係好多餐廳會搵到新鮮黑豆漿嚟飲，味道唔甜（佢寫每100克3.6g)，有豆香味又滑，唔錯。煎餃仲會送是日老火湯一碗，冇味精味，亦唔會淡如水。讚👍🏻芫茜鮮肉餃嘅餡雖然唔係爆晒果隻，亦唔係juicy到會漏晒湯［都有湯汁嘅］，但係皮薄餡鮮加咗分。餃子嘅size係女仔分兩啖食啱啱好嘅大細。.總結：有機會再入元朗 可能會再食嘅小店 又或者考慮買佢嘅新鮮餃子返屋企煮都唔錯！.是日消費：$52…查看更多

響油麻地想搵間未飲過嘅台式飲品店買杯嘢飲同埋好想飲奶蓋😂 好彩見到《象茶》·未到收工時間嘅平日，見到都有兩個客人等緊嘢飲，於是就決定試試佢！·我叫咗《芝士奶蓋白桃烏龍加迷你芋圓》微糖、走冰·飲到白桃烏龍有好香嘅白桃味！芝士奶蓋比想像中好味，唔會好咸個甜度啱啱好迷你芋圓好足料，QQ地都食到有芋頭味·值得一試·Total $33…查看更多

好耐冇飲過一芳喇！因為口渴之餘有少少肚餓，之但係未夠鐘high tea，於是買咗杯《黑糖粉圓烏龍鮮奶茶》醫醫肚。冰度同甜度都係固定～好彩又唔係好甜～但茶味唔算突出～…查看更多

離油麻地站步行大概6-8分鐘，位置響比較少人嘅後街街角。或者係平日夜晚關係，還是香港人都去晒旅行（？），餐廳坐滿只有一半。點咗1份沙律、3份小食、2份主菜同1個甜品，五個人share。《份量足夠五名正常胃嘅女子》［黑毛豬煙火腿沙律］黑毛豬煙火腿同無火果份量比較少［黑松露炸薯條］有啲啲咸 食到有鹽🧂［奧地利忌廉芝士條］薯蓉口感比芝士多［西蘭花帕馬臣芝士薯］夠脆身 足料 朋友讚好食［手工鮮茄醬牛肋肉寬麵］有4件牛肋肉 汁好味入味［蟹肉南瓜汁意大利飯］Very juicy以上食物上枱速度好快5分鐘內全部到齊［手工伯爵茶窩夫配雲呢拿雪糕］窩夫切落去好實淨 但口感OK 伯爵茶味濃飲品全部都打卡able總結：值得一試嘅餐廳 冇失望😋…查看更多

雖然話係二人餐，但佢嘅份量其實三個人食都唔過份！$388包兩個主菜+一份小食+兩碗法式龍蝦湯龍蝦湯飲到有龍蝦味；本人本身唔太鍾意太濃味太咸嘅覺得有啲咸，但朋友話好淡😂😂😂😂雙重芝士Pizza一啲都唔細件，兩個人每人食咗兩件都仲有四件淨咗；最後唔好嘥打包拎咗返屋企另一個主菜叫咗北海道帆立貝扁意粉配羅勒蕃茄汁帆立貝唔夠爽口，偏煙韌所以𡁻落有說不出嘅奇怪🤔羅勒蕃茄汁味道都OK同算掛到意粉小食係一口芝士 正正常常見到其他食客叫咗二心餐最後都食淨咗冇拎走，呢方面有啲可惜嘅….註：有訂座所以唔洗等…查看更多