.
堂食採用QR code自助落單，落完單好快食物就陸續上枱。
.
自己點咗細何五餸配油麵，配料有4-5款任選，湯汁有腩汁鹵汁甚至兩樣揀晒都可以，辣度又有得揀。細何五餸包咗豬皮、豬紅、糖心蘿蔔、鹵水雞翼皇同陳皮辣魚蛋；除咗雞翼皇得一隻，其他餸都有幾件。$46咁多餸又大大碗，幾抵食。
湯底係藥材加雞骨熬，加咗微辣辣汁幾好味亦幾入味。糖心蘿蔔夠甜，陳皮辣魚蛋彈牙亦好味唔腥。
加咗小食炸魚肉春卷4件，同朋友每人兩件；最後食晒所有嘢發覺勁飽，唔可以睇少車仔麵😆
.
朋友點咗招牌拉麵麵底，都OK
.
入座時未夠7點唔洗等位，離開時就嚟8點外面開始多人要等位了！
