mi1992的个人专页

疫情生意難做，大家如果想抖下休息下，就去呢間店幫襯下，真心okay! 佢地靠窗個位好舒服，可以望到花園個景，好啱打卡。果日陪老公散心，食飯全程都好relax..，咖啡同食物質素都好唔錯，個龍蝦出奇多肉，仲有個芝士勁濃要好食，諗起都好回味。佢地服務都好好，會記得我地想換位，一見到有靠窗位就幫我地換。睇出間野有心做，所以我希望呢間店可以捱得過呢個難關。我會再幫襯，如果老闆員工見到呢個post,想同你地講一句：加油！…查看更多

住左北角廿幾年，真係無咩點留意和富有咩食。行行下誤打誤撞，見到有一夜干，好想食，之後入左去。點知落單話無，話下幾失望。所以就叫左例牌會食開既野，比如燒茄子同魷魚。魷魚第一道黎，就係幾有驚喜，好大隻，因為平日既店都又削又干，呢間48蚊可以原隻，味道仲要唔差。燒牛舌同燒菠蘿不過不失啦，無咩特別。加上秋冬菠蘿都係生生地，只係我介意一咬，成舊焦糖甩左出黎，之後搞到無得甜甜酸酸。（我建議可以留錢叫多碟蠔哈哈）燒蠔過癮過燒牛舌，起碼搭多幾條粉絲塞下肚。然後到左燒茄子，真係幾惹味，加上刀痕就得幾好，可以好快將茄子一分為二夾起方便同朋友一齊share...食完都飽飽地。賣單二人加埋三百幾，so far so good!…查看更多

老闆為左多謝員工，帶左我去呢間英式老誌號，仲話結業前要去一次。我問到其中一個年輕男侍應，有咩好食，佢二話不說係洋蔥湯同豬手。洋蔥湯大家真係要必試，因為出面既洋蔥湯都好稀，呢到既洋蔥湯絕對落足料，上台係勁熱，聞落又香，飲一啖湯好清甜，之後加上湯入邊既濃濃芝士味。哇，果下好似上左天堂。如果冬天飲仲得了！？之後到前菜，我叫左個法式焗田螺。以為個田螺係最好味，但我覺得可以落多小小鹽，反而最出色係個薯蓉。好香好creamy，食到停唔到口。再黎個炸豬手，呢個真係係我人生活左20幾年，最好食既一次，不論賣相同味道真係一流。我食開既都係得個脆同咸，但佢可以做到脆、咸、香同爆汁。個侍應哥哥無介紹錯，好食過牛扒。好既牛扒成日食，但咁好食又唔膩既豬手又好少見。牛既面頰肉幾軟熟幾夠味，都okay..但唔會好驚艷。至於個湯牛肉太淡，唔太建議大家點，除非你減肥又想健康。:(甜品就有布丁面包，無咩特別。再叫左個，火焰雪山蛋糕，個形好靚，但好甜，如果三四個人食會岩岩好，雪糕出色過d cream。…查看更多

一直有聽過呢間店，咁岩路過就入左去。因為疫情影響，所以無咩人。入到去佢地服務都好熱情，全晚同男友點到三道菜。包括係鑽石硯、慢煮叉燒豬油飯、同果晚既special菜龍蝦肉意大利飯。鑽石硯個蕃茄湯有好濃既白胡椒味，我鐘意個硯打左好包滿既蕃茄湯入去，食落去好有咬口。之後慢煮叉燒，係我同男友認為三道菜入邊係最好，佢個叉燒勁鬆化，唔同我地平日係出邊一盒盒買既燒味，唔肥又唔膩，必試。至於意大利飯，我覺得龍蝦係好鮮甜好彈牙，不過份量唔多，想食多小小都無。個飯煮得岩岩好，係我理想既口感，最慢意大利飯煮到硬，但呢間唔軟唔硬，加上面頭既細蔥份量多，令到飯好香口。Ps. 店員話佢地最出名係酒，但可惜身體唔好，飲唔到酒。留返下次先。…查看更多

好鐘意呢間店，每次帶同事黎，佢地都好開心。因為佢地酸菜魚同酸辣粉都好夠味(⁎⁍̴̛ᴗ⁍̴̛⁎) 同其他分店唔同，好多選擇，唔怕揀唔到野食。加上冬天涷冰冰，聽住烤魚既卜卜聲，真係好鬼興奮🥰⋯佢地烤魚好過好多店，條魚唔會散收收，性價比好高，二百幾蚊就有。出邊好多都收三舊幾，無咩料、唔夠料，條魚仲要係散。食到有時都嬲嬲地，而家有呢間店，次次食烤魚都唔洗要諗走邊，絕對係會黎呢間，再加罐加多寶清熱解毒。一級棒你地都黎試下啦！…查看更多

近日天氣轉涼，希望可以食到粥底火鍋。發現海皇粥店推出左新野叫做粥底火鍋之皇者，即刻約個friend去試試。估唔到都幾多嘢食，又有花膠又有帶子，海鮮肉類蔬菜樣樣都有齊，啱晒我依啲咁為食嘅人。油渣鬼仲要脆卜卜，好好食。原來打邊爐同白粥咁夾！食完真係暖笠笠呀！…查看更多

去完朋友婚禮，快快無附近查有咩餐廳，好快就查到呢間餐廳。好多人like就睇下係唔係真係咁好食。黎到第一個湯，西蘭花味好重好香，個質感濃稠，用料足，飲落第一啖已經有驚喜。之後我同朋友試下呢度既特色薄餅，無試過薄餅係用芒果醬，食落去酸酸甜甜，不過不失。另外意大利飯質地岩岩好，好少餐廳做到。全晚最令我驚喜係焗薯皮，一樣咁唔起眼既野，可以整到熱辣辣又脆脆地，我朋友以為只係會黎塊薯皮比我地我笑左出黎，如果打仗都有咁好味既野就好。整體黎講，間野有heart，食落就知係用心經營。…查看更多

晚上黎為左個靚靚夜景，但去到先知薯條賣曬，勁失望！好懷念當時紐約食既味道，香港既店味道都幾唔錯既..只係好難接受一間快餐店會曬薯條。因為唔飽既關係，我同我哥叫左個choco甜品食，但佢d甜點未勉溶得太快🌚！食左幾啖，杯野溶到變水。…查看更多

第一次黎飲茶，覺得環境幾唔錯。幾靜，可以慢慢嘆點心。黎呢到飲茶，多數都係因為佢既點心造型。當然，我都為左呃like，而走入黎。估唔到佢d份量咁足，個櫻花蝦cp值好高，叉燒包豬仔真係好得意呀，同埋個菜包肉幾鬆軟幾好味。…查看更多

好耐無黎嘉豪打邊爐，一放工同同事齊齊去食。一如既往都係咁平，選擇雖然少左，但一見到仲有甜品，咩都補返曬。仲要有海蝦，138蚊位邊到搵。樓底過坐得又舒服，對住大電視，開開心心又一晚。…查看更多

我係金鐘返工，成班同事食過佢放題，覺得好正，所以有一日下午，特登揀到兩點半去食佢既下午茶，貪佢食物新鮮，又夠靜。係香港要寧靜都係件好奢侈既寧，加上對比起隔離果間香X地，呢間野簡直係享受。我到而家食過佢下午茶三次，佢個甜品，忌廉蛋糕真係不得了，忌廉雪到似雪糕，個蛋糕又勁香蛋味，令我欲罷不能。我叫左天婦羅烏冬，天婦羅唔油又好味。個烏冬好有咬口，絕對係用心製作。店員都好有禮貌同效率。如果食厭快餐店下午茶，不妨比多小小錢試下呢間啦。…查看更多

我黎補寫食評。果晚收工好趕，是但搵左間餐廳，結果誤打誤撞，揀咗呢一間。起初同男朋友入到去好驚，因為間店冇人，以為一係好難食，一係好貴。不過最後我既以為都係錯，服務員好nice,雖然唔識講廣東話，但我覺得佢地好正，會好用心咁講介每道菜同個食法。而且佢連個面包都好正，熱辣辣。諗返起都流口水。我叫左個海鮮拼盤、牛排同甜品。海鮮拼盤其實好抵，因為海鮮係黎自唔同地方，味道由淡到重都有，我覺得個海膽係最好味，唔臭又新鮮，食入口係好香。最令我驚喜係個擺盤，唔係用冰盤成碟上，佢擺法每我覺得好多選擇，好多野睇咁。而牛排既味道同口感，我到而家都仲好記得，牛味重，入口即溶，之前我去到某餐廳叫左個800蚊既牛排，都無呢個效果同味道。Cp值幾高，可以一試。甜品就不過不失，唔係話好好味，不過我呢d港女會因為佢既賣相加曬分。哈哈。全晚得三台人（包埋我同男友呢台），不過真係好靜，可以傾到計，所以全晚我地都好開心。…查看更多

我記得以前黎王家沙食大閘蟹，果陣覺得唔錯，服務又好。直到上星期六去到，同幾個朋友一齊食，點知黎既份量都好細份，味道就不過不失，有d貴，我隔左四個鐘已經肚餓。同埋得個半鐘食飯時間，好急呀，真係救鬼命。…查看更多

簡直窮人恩物～已經幫襯過幾次，每次想平價賣單都會諗起權記。係今日既香港已經好難搵到19蚊又食得飽既晚餐，仲要個雲吞係有蝦算足料！再加魚露、醋同辣椒油，真係快靚正。…查看更多

年初一近近地去附近食糖水。入到去等位有個店員已個黑面黑到爆。好似得罪佢全家咁。叫佢比杯水遲遲都上，糖水到左杯水都未黎。又話師傅搞緊單，倒杯水好難咩？算。我都知新年係人多，多單，但幾辛苦都無理由黑面。語氣又差，甜品又貴又唔係特別好食。薑汁又甜到爆。唔係甜姨姨無去，我都唔會幫襯你間咁既野。仲好意思收加一服務費！！！！…查看更多