Vision 8

去完朋友婚禮，快快無附近查有咩餐廳，好快就查到呢間餐廳。好多人like就睇下係唔係真係咁好食。黎到第一個湯，西蘭花味好重好香，個質感濃稠，用料足，飲落第一啖已經有驚喜。之後我同朋友試下呢度既特色薄餅，無試過薄餅係用芒果醬，食落去酸酸甜甜，不過不失。另外意大利飯質地岩岩好，好少餐廳做到。全晚最令我驚喜係焗薯皮，一樣咁唔起眼既野，可以整到熱辣辣又脆脆地，我朋友以為只係會黎塊薯皮比我地我笑左出黎，如果打仗都有咁好味既野就好。整體黎講，間野有heart，食落就知係用心經營。