hapi_emily的个人专页

好失望！年幾前來食過、大半年前都來食過，以為Burgerroom水準穩定，仍然帶着期望再來，但今次真係完全失望！我點的是Foie gras beef burger，首先因為貨源不穩沒有法國鵝肝，所以轉用法國鴨肝，唔緊要！食材down grade左，不過仍然係收鵝肝價，算，唔challenge佢！反正收銀嗰個都唔會答得到點解！然後落完單等咗半個鐘，隔離枱遲過我來，遲過我落單，早過我開餐，都差不多食晒走人，等到有啲唔耐煩。呢頭想催吓單，剛好漢堡包終於嚟到，OK FINE!!未HIT到我底線！算！終於到我開餐，咬落去嗰塊漢堡扒！同超級市場買嘅肉丸、免治牛肉一樣！嘩！彈牙到呢😑明顯係牛肉絞得太碎、過咗龍！雖然係有肉汁流出來，但無哂牛肉質感，而且太鹹，冇晒牛肉味！我真係唔需要比咁嘅價錢來食肉丸囉！何況依加塊鴨肝堅係細塊，仲要收我鵝肝價！收得人貴價該俾返啲質素，真係唔會有下次！…查看更多

放工一個人唔駛等位最鍾意新嘗試  最近見到龍蝦寶寶幾多promotion，即管俾次機會！現在新張期內，試食價收費合理！服務也很好，希望日後能保持下去！食物1:Small size 龍蝦碗仔翅由於我一個人食唔到咁多野，但又唔想一場來到只叫單點，所以老闆Eddy好好人，特別整得細碗D，又收返我平D，$38，等我可以叫多碗麵！ 這碗碗仔翅是沒有味精的，龍蝦味沒有被湯味搶去！不錯！食物2:龍蝦叻沙無味精，超級抵讚！湯味仍然香濃而且不油膩，沒有過辣，麵軟硬適中！落了新鮮蘑菇，甜甜的粟米粒，還有完全索哂湯汁的豆卜！正，湯都飲哂！有5粒龍蝦肉，龍蝦味沒有被湯味搶去！Yummy調味料：芫茜葱、蝦干蒜片、蝦籽依架食材成本咁貴，平時去街市買菜叫多十幾聲靚女都R唔到一棵葱，但老闆Eddy卻不計成本，任你加，仲有佢親自炒的蝦干蒜片！抵讚！而最意外的是老闆在每張枱都放了一瓶蝦籽，任客人自己添同調味！嘩！ 老闆真係慷慨！埋單！原本一碗麵$98(左)單，後來加了老闆特別整一碗細size的龍蝦碗仔翅，只要加多$38咋！(右)老闆真識do，case by case彈性處理，佢又賺到我錢時我又食得落唔駛做大嘥鬼 最後，給大家參考下龍蝦寶寶的menu。…查看更多

今日天氣冷了~~想食重口味一D既湯麵~~~呢間食過兩次,不嬲都正正常常而且係好味架~!!!!今次都唔例外,叫o左個羊肉擔擔麵,真係好食,湯味夠濃,花生味夠香,最緊要係食羊有羊味呢吓先讚呀麻......但係當我食o左幾啖之後,我發現有隻螞蟻浮面,我心諗都好正常姐,螞蟻都要食野字~~~咁就繼續食,點知再食再浮多隻,但o個陣我已經食到一半,我嘗試淘吓碗麵,結果唔計我不知情下吞o左o個D,我打撈到5隻....附圖係其中4隻....如果我碗麵有.....咁其他顧客都應該一人4,5隻螞蟻走唔甩啦~~~ 我再回想一下我剛剛我買呢碗麵時,個老闆仲特別o係我面前俾我聞一聞再幫碗麵封返個蓋,問我碗麵係唔係好香呢~~?!?!OMG....就算好香又好食都要顧下衛生,咪嚇走客人先得架~~>___<…查看更多

今天約了SZ的同事去補祝生日,特地去會展中心附近搵地方食飯!!樓上的海底撈常滿,而且我又常去,今天想去靜少少而且企企理理的地方食野...行到呢間餐廳門口,打開menu一睇,價錢唔係貴丫!!!而且睇到地方空間充裕,坐的都舒服~~加上menu睇到食物D相係好"靚"的~~講到呢度,想remind大家menu上的"圖片只供參考"是有它的意思我今日終於真正理解到呢句話係咩意思,呢間餐廳巧妙地運用了!!大家睇睇相就知架啦~!!1. 蒲燒鰻魚賣相好普通唔值RMB65=HKD83呢個價錢去吉之島都買到兩包啦掛!!!而且食得出唔係餐廳親自燒出來的,味道真係吉之島貨!!!所以話"圖片只供參考"就係咁解!!2. 鹽燒牛舌和menu最大出入的就係佢,天呀!!!RMB28=好"un"一人食三粒擦子膠!!3. 海蝦天婦羅RMB68和參考圖片出入沒有很大!!我再睇睇佢炸到咩效果出來好鬼過癮,正面好似我們飲廣東茶叫的某一點心,係酥炸芋xx而背面呢~炸出來只有放題級數的"旱貨"但我要補充,味道係唔差的~~~4. 三文魚和海膽刺身 RMB32&68由於三文魚係同事食的...味道我唔知,只知望落去係新鮮的海膽全部我食,正當我夾第一片時,有隻蚊滋飛向海膽,而我用筷子撥佢都唔肯讓開,最後仲要死o左o係我筷子度,天呀!!!唉.....好dirty囉!!仲有第二個問題,就係o個板海膽9成9係無包好或沒有蓋得齊齊整整就放入雪櫃,結果被雪櫃的風口吹吹吹吹吹,吹到有一邊係深深地色,明顯係吹乾o左~~5. 牛肉炒飯RMB48最似menu上的參考圖片(但我無影到)味道好正常,炒得有功架,是OK的!!而且呢個真係餐廳自己炒的,熱哄哄,香噴噴送過來!!挽回少少分最後,除了是自己期望過高了而有少少汗顏外,sum up都係可以接受既...因為沒有非常不好食既野,我稱之OK咁啦~~~不過......我想再提提大家,一定要記得,圖片真係只供參考架咋!!!兌返港幣,其實係完全唔抵食~~~去海底撈仲好....…查看更多

Hapi Friday竟然沒有人約去街,一個人DryDry地就去了圖書館睇書...然後突然收到一個Decent Guy的電話,佢話中環蘭桂芳附近有個地方裝修似外國ChinaTown的唐人餐館,感覺幾特別,要試吓菜wor~~~就係咁...Friday唔Dry了~餐廳分樓上樓下,並非闊落,但睇得出是整潔的...是日例湯是送的...日日不同......唔記得今次飲的係咩名堂....只記得有紅蘿蔔豬骨和瘦肉果然不加味精的,大大碗...去邊搵呢~???點菜...1. 西蘭花北菇扒鮮腐竹西蘭花沒有over cook,顏色依然是翠綠的...2. 砵酒焗鱔球乾蔥好香,鱔完全吸收了砵酒汁!!好夠味,而且夠香~幾乎係我一個人食哂咁....可一又可再!!3. 無錫骨唔肥,肉唔"鞋"...撈汁食飯係OK的...餐廳大大隻字講明不加味精,少鹽,少油,做出來的效果有住家菜feel,好healthy,而且service都ok,侍應都好有禮貌......Overall係可以Encore的!!!最緊要價錢公道丫麻~~~o係中環食飯,你估平咩~???…查看更多

早於兩年前，有朋友帶過我去呢度食生日飯，品嚐一次頗具名氣的海鮮站，叫過加拿大蟹(需預留)、芒果中蝦沙律(得一隻中蝦，幾搵笨吓)、芝士焗珍寶蠔、籠仔蒸白菜仔.......當時這間海鮮站沒甚麼服務可言，只是靠不過不失，叫做ｏｋ的海鮮餐作招徠，知道某天會Encore呢度的。今次即興重回海鮮站，原因只是唔想俾HKD600-700去酒店食Buffet咁貴而又想食到新鮮海鮮，可是.........有點失望。搬到新舖後地方集中了，坐得舒服過之前，仲見到店主隻狗，及後侍應好快就送上一壺茶了！琵琶蝦($98隻) <---事實上Menu係寫$78隻的,但Menu左下角再細細隻字寫上最終收費以當日食物質量而定，即係...海鮮價囉！蝦沒有像Menu中的圖片一樣有橙色的蝦膏，只有少少淺黃色的蝦膏，話雖如此，但那少少的蝦膏卻充滿鮮味，很驚喜，而蝦肉就只是一口食完。$98就這樣被KO了！！車厘蜆($48隻)和法國蠔($3x-5x)車厘蜆沒甚鮮味，只是沒有不新鮮的腥味，法國蠔不是我食過最新鮮的，要是新鮮即開的話用叉輕碰生蠔裙邊也會有反應的。唉.............反而佢個茄汁比較酒店提供的出色，因為mix了black pepper，比較香。用來伴食法國蠔也不會失去主次。芝士焗珍寶蠔($52)由於友人不吃生的食物，這個焗珍寶蠔絕對合她口味，事關焗蠔夠哂Juice。芝士焗海鮮飯($88)有魚塊，尤魚，非常細細隻的蜆，蝦(兩隻咁多)味道ok是因為有芝士味，賣相幾好，幾大碟下，叫爭返D分啦～！…查看更多

本人非常之喜歡拉麵，近呢兩年出現了很多牌子不同旗號的拉麵店，我都有逐一品嚐，目前呢一家算有點驚喜。o係香港，拉麵都被標籤為“重味精”所以“重口味”，我由幾十蚊碗食到九十幾蚊碗都好啦~~點食都覺得自己食緊公仔麵同味精，食到有少少心灰意冷，倒不如食公仔麵算!!咁o岩今日出Job做野，難得去到Apm，這個十世都唔來一次既地方，來到才發現變o左好多，都唔係以前去過幫襯過的食肆!!無奈3點3先可以食Lunch，揀來揀去，拉麵應該穩穩陣陣，而且又唔駛等位，即管一試啦!!我本人都好鍾意食蒜味既野......一打開menu見到有黑蒜油拉面，我當然唔會放過啦!!於是叫o左個黑武骨豚角拉麵。等得唔算耐既....8-10分鐘左右啦~~~ o個碗麵一上"木台"，我就聞到黑蒜味好香，香味隨著蒸氣飄上來，未食麵之前當然要先試湯底，湯底濃厚，而且質地係有少少"Lim"，即係唔會好稀，但又唔似係公仔麵的味精，不妨飲多幾啖。麵條本身比平時食的略粗，咬落去唔似公仔麵咁"林"，仲要索哂湯味，正!!!戲肉係"豚角"(即係舊肉)，都幾厚吓，肥瘦比例適中，睇到舊肉肥瘦相間，有層次的，好滑，當然，舊肉都真係好重口味吓~~~即係食到湯底及調味以外，舊肉本身的肉味沒有被蓋過，食一塊已經好夠。再加埋溏心蛋，我一口氣食哂成隻，如果唔係溏心流入湯裏頭就真係浪費了!!隻蛋o係碗麵起了畫龍點睛之效!!!唔錯......值得推薦另外，我再叫了一客比目魚柚奄燒。 比目魚肉身好滑，柚子汁同塊魚好夾，呢個matching好穩陣，有清新嘅感覺(因為平時食甜品才會食到柚子味)，伴碟嘅木耳亦都好爽脆。Overall，滿足到我要食好D既要求，之後又可以繼續開工lu~~~To sum up，可以Encore!!!下次就會試埋白武骨沾汁麵同赤武骨豚肉片拉麵，不過香口既野一個人係食唔哂既，都係叫埋朋友一齊o黎開心Share好D呢~~~~ …查看更多

o係度包場,我o地錢就俾足,佢就交唔足功課,28人既Dinner~有乜可能靠10兜小食就可以滿足???無service可言,明明包場玩到10點ga ma~~8:30pm o個陣cafe個亞姐就o係度睇我o地食到咩地步,同佢個老闆講7788啦!!!嘩...完全唔識尊重客人lor~~~要講就拎個電話入廚房講,唔好俾人聽到丫ma!!!不論個場幾大,sofa幾舒服都好~~唔認真諗清楚點樣做好service,留唔住客人都係唔得掂!!!…查看更多

上兩個weeks第一次來,本來睇到個環境幾好~~~又有K唱,因為個場有兩邊,我o地想搞個FAREWELL PARTY所以問佢28人包場(有K唱o個邊)幾錢,佢話$120/人,如果係咁,包場都唔算貴,之後過幾日就BOOK o左搞Farewell party啦~~~(到o個陣都以為好OK架)點知尋日一心上到去以為可以順利FAREWELL啦~~佢安排O左我o地o係個Open area坐,而唔係BOOK有K唱o個邊!!!How come???我o地o個日問到明係有K唱o個邊丫麻,成個場明明係得o個邊有K唱!!!咁又點會係得D大sofa,public area o個邊呢~???接待我o地既後生仔態度好差,又話o個日唔係佢接order,又一味話我o地搞錯!!!之後個老細行出o黎o黎諗住拆件事,又話叫我o地拎張deposit單出來睇!!!哼~~~end up佢就o係度屈我o地問唔清楚,御膊,又係唔認錯,crazy~~~咩服務態度呀???我o地deposit交足,佢就少少野都做唔到,我o地追究起上o黎佢點都有錯啦~~~明明就係自己同D員工有無o係BOOK場SYSTEM方面溝通清楚啦!!!咁樣點做生意呀!?!end up我o地同佢講要追究,佢先死死地氣refer我o地去佢o地既分店,o係潮流特區對面既恆隆大廈2樓POM II Cafe!!!不過o個度都唔係好service ga啦!!!o個晚埋單$140/人,我o地enjoy既只係自己為朋友farewell而營造既氣氛,完全同呢間cafe無任何關係!!!我睇完樓下既comment之後,深深相信呢間野為o左一晚可以做多D生意,所以就出埋呢D陰招!!!所以我覺得有必要同Openrice所有用戶講,去呢間cafe消費,真係要小心D!!!我唔係完全偏激地踩呢間cafe,只不過我真係ensure我o地作為客人自己無搞錯order,所以我o地先據理力爭!!!錯既真係佢o地!!!所以結論係,有錢,有時間,patpat痕都唔會再去貼錢買難受!!!…查看更多