Curious Bear的个人专页

有一間超平價韓式餐廳，份量充足，價錢公道，店內個牆身仲有熱播嘅魷魚遊戲油畫添🎨。一人餐都勁抵食，包咗一人炸雞，主食同一杯野飲。炸雞（芝士撒粉）炸雞外皮脆身，芝士撒粉鹹香濃郁，帶微微奶香🧀。雞肉醃得入味，炸到外脆內嫩，肉汁鎖得住，每啖都食到濃濃芝士味，唔會過鹹。泡菜五花腩炒飯拼太陽蛋泡菜酸辣醒胃，太陽蛋煎到邊脆蛋黃流心，撈勻飯粒更香滑。泡菜辣度適合香港人，五花腩唔算太肥，食哂成碗都唔膩🥘。芒果乳酸梳打加$16轉嘅飲品。芒果加入乳酸飲料後🥭，酸甜平衡得啱啱好，梳打氣泡細密唔嗆喉。杯底仲有粒粒芒果肉，飲到最尾都仲有驚喜，冰涼清爽。另外單點：五花腩拼肥牛辛辣麵湯底辛辣濃郁，帶微微椒麻香，五花腩片同肥牛，煮到軟腍入味🌶。雜錦紫菜包飯材料包括青瓜、醃蘿蔔、蟹柳、雞蛋絲。卷得實淨唔易散，切件大小適中，一口一件好方便，幾酸香開胃🌟。蜂蜜柚子茶凍飲清爽解渴。飲到最尾仲有柚子肉可以食，誠意十足🍹！…查看更多

環境餐境都係露營主題，連杯杯碟碟露營用。餐廳仲設有戶外露天酒吧。叫咗個二人餐，包前菜，2個主食，好多款肉同兩杯野飲，好抵食。黑醋冰蕃茄沙律冰鎮過嘅蕃茄片得透薄，排得靚靚仔仔，淋上陳年黑醋汁，酸香醇厚又唔嗆喉，同蕃茄嘅清甜夾到絕。食落清新開胃，係一道夠晒醒神嘅前菜。花切長牛舌牛舌厚切得恰到好處，師傅用花刀切出細密紋路，燒到表面微焦脆口，內裡保持柔嫩多汁。伊比利亞豬肋條油脂分布平均，慢火烤到表面焦香，食落啖啖豬油香，大推，比牛嘅驚喜度更高分。北海道豚腩卷紮實又均勻，燒到表面焦香，豚肉嫩滑唔韌。夢見鳥雞腿肉鹽麴醃得入味，烤到雞皮金黃脆口，肉質保持濕潤嫩滑。夢王蛋海苔飯夢王蛋做到完美流心效果，蛋黃濃郁黏滑，撈勻飯粒後更香滑，依個配搭係燒肉必備。柚子梅素冷麵醬汁用咗柚子汁同梅肉調製，酸甜開胃，整體清新怡人，留到最尾食好解膩。牛肋肉另外叫多款牛肋肉，油花均勻嘅部位，一咬落去肉汁澎湃，仲要腍到入口即化。牛肉味濃得嚟又唔膩。巨峰提子可爾必思& 福岡草莓可爾必思飲落冰涼順喉，帶微微乳香同果香，清爽唔膩。…查看更多

主打日式丼飯同鍋物，店舖採木系裝修，俾人一種和風感覺🎐。咖喱豬軟骨定食 $92豬軟骨燉煮得恰到好處，肉質鬆化，軟骨位仍然保持到有少少咬口；日式咖喱偏甜，辣度係小朋友都食到🍛，珍珠米飯粒粒飽滿。配餐的味噌湯暖笠笠，沙律清新爽脆🥗，枝豆鹹香，整體份量充足且風味協調，呈現出日式定食的細緻講究。嚴選豆腐牛肉鍋（關東風壽喜燒湯底）$158關東風湯底用咗濃口醬油同味醂調和，甜鹹融合得嚟層次分明，湯底飲到最後都唔會口渴。美國肥牛份量都唔少，點埋日本雞蛋漿入口順滑咗😋。鍋底嘅木棉豆腐係靈魂所在，吸盡湯汁精華，咬落有豆香同湯汁二重奏。其他配菜種類都非常多，有芋絲、娃娃菜、波菜、菇👍🏻。…查看更多

保持住點心手推車嘅文化，望住疊起嘅一籠籠點心，想食咩就攞咩。特別讚下依幾款蓮香蝦餃皇外皮好有咬口煙韌唔黏牙，夾起嚟唔易穿，用咗原隻鮮蝦仁，都幾爽口。豉汁蒸排骨肉質軟嫩。豉汁調味恰到好處，鹹香中帶少少蒜蓉同豆豉香，比平時蒸排骨冇咁濃味，啱哂依家追求健康嘅香港人。鮮蝦炸雲吞雲吞皮炸到金黃通透，咬落鬆脆聲。內餡用原隻鮮蝦，混入少量豬肉增加香。外脆內嫩唔燶黑，瀝油做得乾淨，食多件都唔膩。胡椒豬肚豬肚清洗得乾淨無異味，燜到軟淋入味，保留少少嚼勁。胡椒香氣突出，飲完成身暖笠笠。豬肚份量大方，另外加入腐竹吸收湯汁，湯底濃郁。炸鮮奶卷外層炸到金黃鬆化，入面係熱辣辣同好滑嫩嘅流心鮮奶餡，奶香濃郁得嚟唔會過甜。椰皇燉蛋白燕窩真係一分錢分貨，原個椰子加燉蛋白。燉蛋加上椰子水會冇漏，燕窩都有相當份量。…查看更多

泰式紅咖哩燒牛肉 $98選用牛肋條，慢煮到軟淋入味，輕輕一咬就咬開，而且完美保持牛嘅肉香，再用泰式紅咖哩醬燒到表面微焦🍲，香氣撲鼻。味道層次爆燈，紅咖哩帶椰香🥥，辣度溫和，牛肉吸滿咖哩汁，咬落juicy唔鞋口。蒜蓉法包 $48法包外層烘到金黃脆口，咬落「咔嚓」聲💥，內裡保持軟熟。蒜蓉牛油沾滿成個包，蒜香濃郁但唔會嗆喉。用佢嚟沾紅咖喱，索晒咖喱汁就啱哂🥖。鮮蝦炒金邊粉 $88金邊粉炒到乾身唔油膩，仲帶鑊氣香。鮮蝦大隻爽彈🦐，芽菜韭菜保持爽脆，花生碎同青檸另上，自己調節。甜酸度啱啱好，唔會過甜或過酸，適合大眾口味，建議擠晒青檸汁同撈勻花生碎先食🍋‍🟩，風味更突出。泰式燒豬頸肉 $88每片都勁厚切🤩，仲要燒到邊緣微焦脆口，咬落去外脆內嫩，油脂甘香得嚟完全唔膩。啖啖肉嘅感覺好滿足，肉汁完全鎖住喺豬頸肉入面💧，可以問店員攞啲雞汁，沾埋一齊食，酸甜辣嘅調配令豬頸肉嘅風味提升。芒果沙冰 $38芒果肉含量超高🥭，甜度天然唔假喉。冰沙打得細滑冇冰粒，入口即化唔嗆喉。面層鋪咗新鮮芒果肉，大大杯夠晒解渴。飲完成杯都唔會口渴，證明冇落人造糖精😋。…查看更多

估唔到喺中環都搵到依間咁抵食嘅西餐廳，環境優雅，價錢超值，絕對值得一試。Parmaroom $149呢款薄餅絕對係意式簡約風嘅完美示範Espuma🍕！餅底薄脆到似餅乾，咬落「咔嚓」聲，邊位帶少少焦香又唔會過硬。Parma火腿鹹香柔軟，油脂甘香，雜菌（蘑菇、香菇）炒香先舖面，菌味濃郁，水牛芝士拉絲效果一流🧀，番茄醬底酸甜清新，平衡火腿鹹味😋。西班牙橡果黑毛豬柳龍蝦汁砂鍋飯 $269份量足夠2-3人分享，呢個砂鍋飯絕對係奢華同風味嘅完美結合！一開蓋就聞到濃郁龍蝦香🦞，飯粒用咗日本珍珠米，吸收晒龍蝦汁精華，每啖都係鮮甜爆炸。西班牙橡果黑毛豬柳好厚切🥩，咬落軟嫩完全無豬羶味，龍蝦汁用原隻龍蝦頭熬煮，加入魷魚🦑增加海洋風味，飯底砂鍋煲到飯焦金黃脆口。泰式奶茶味麻糬窩夫配雪糕 $129非常打卡able，窩夫上面有個大過隻碟嘅棉花糖雲☁️，粉紅色十分夢幻，見住師傅上枱前即整棉花糖，絕對係邪惡之選！窩夫即叫即製🧇，外脆內軟，加入泰式奶茶醬同麻糬，口感超豐富。泰奶味香濃唔會過甜，麻糬煙韌拉絲，配埋朱古力雪糕好正🍨。…查看更多

自助餐平時就食得多，但以韓式做主題嘅自助餐真係少有🤩。依間位於尖沙咀嘅chef zone。菜式種類非常多，當中以韓式菜式、日韓壽司為主🍣。環境方面非常乾淨，用白色嘅裝修俾人一種舒服簡潔嘅感覺，每一區嘅劃分都非常清楚，每一區都有相應嘅廚師不斷準備新嘅食物，refill嘅速度好快👍🏻，員工服務都好好，執枱好有效率👏🏻！壽司種類非常豐富，款式好特別多元化，欣賞佢每舊嘅飯都細細嚿，唔怕食幾件就飽🥳。仲有韓國地道嘅紫菜包飯卷同醬油蟹、蝦等海鮮🦀🦐，醃得非常入味。另外要推介嘅係醬油三文魚，食落非常鮮甜，勁厚切嘅口感非常滿足。仲有拌飯自助區，有成十幾款配料任夾（牛肉絲、紫菜、芽菜）一大堆餐前小菜🤤，仲有秘製辣醬自己調辣度。熟食區簡直眼花撩亂，主食方面，常見啲韓食料理都有出現，辣炒豬肉，炒粉絲，韓式豬手，炸雞，每款都勁香口😋。煎炸區有廚師不斷喺度烤五花腩同煎韓式煎餅，五花腩即烤即食🔥，風味十足，韓式煎餅有幾款，最推泡菜煎餅，煎得香口，泡菜味濃，外脆內軟。仲有韓式街頭小食，辣炒年糕，魚糕湯都好地道🍢。湯品類都有好幾款，特別要講佢個鮑魚粥，鮑魚非常鮮甜彈牙，令粥底好有鮮甜味😛。甜品有韓國地道嘅雪糕雪條牌子，仲有gelato，同即唧雪糕🍨，竟然仲有雪花冰俾你自己整，多款醬料配料可以自己調配。仲有店員會幫手整窩夫，粒粒雞蛋糕，窩夫嘅水準好高，外脆內軟，蛋香十足，加埋自己落嘅朱古力醬，非常一流🧇。雞蛋糕有驚喜，啡啡地色，外層非常脆口，內部好鬆軟，而且竟然係濃濃咖啡味喺口腔徘徊☕️。…查看更多

深水埗有間超有feel嘅港式打邊爐🫕，地方乾淨企理，一入去就見到掛牆嘅港式霓虹燈裝飾💡。精選二人套餐 ($468)套餐包咗小食，肉，丸，餃子，豆腐，蔬菜同麵其實幾豐富，而且每個類別都有幾款可以揀。香炸魚片頭藥膳花雕湯鍋湯底一滾就聞到濃郁藥材香，見到有好多當歸、枸杞、紅棗。飲完成身暖笠笠♨️。淥食材前記得飲碗湯，精華所在！極品封門柳牛肉紋理分明，油脂分布均勻。輕輕一淥8秒就食得，牛味好濃郁，完全對得住「極品」依個字🤤。淥完即食唔使點豉油，索晒個湯汁都好正。雙拼手打丸（鮮蝦丸、豬肉丸）兩款都十分彈牙！自家製餃子雙拼（韭菜餃、黑松露豬肉餃）韭菜餃嘅韭菜足料，傳統得嚟夠晒滋味。黑松露豬肉餃充滿驚喜🤩，一咬開就聞到濃郁黑松露香，豬肉餡加入咗蘑菇碎，口感更加豐富。另外加配咗一份西班牙黑豚肉同小食，椒鹽雞軟骨。西班牙黑豚肉 $108油脂分布均勻。入口軟嫩到，豚肉甘香濃郁得嚟完全無羶味。瘦肉細膩唔鞋口，肉汁豐盈💦。椒鹽雞軟骨 $58即叫即炸熱辣辣上枱，金黃色睇見都流口水！食到根本停唔到口，每粒雞軟骨都沾滿椒鹽粉，咬落索索聲超治癒，脆得嚟唔油膩💥。軟骨部位選得靚，帶少少雞肉唔會淨係得硬骨，口感似食緊脆骨腸咁過癮。椒鹽調味啱啱好，鹹香中帶微微麻香😋。…查看更多

今次嚟到天后一間隱世日式拉麵店，店內嘅牆身掛滿唔同有名嘅電影，好有氣氛。鹽味清湯拉麵 $98 + $45(1份叉燒)湯底好清澈，飲落係溫柔嘅鹹鮮，完全唔油膩。麵條咬落彈牙有麵香，完美掛湯🍜。叉燒自己另外額外再加咗一份，叉燒肥瘦層次分明，入口即化得嚟唔會散開。脂肪部位融化在口😋。另外仲有大大舊雞肉，雞肉厚切口感意外嫩滑，配埋原隻溏心蛋流心效果完美。龍蝦雞白湯拉麵 $118湯底用咗龍蝦熬煮，再加入雞白湯雙重融合🦞，飲落係澎湃嘅海洋鮮甜同濃厚雞香，每一啖都有膠質感。麵條掛湯能力超強，每條都索滿龍蝦精華。鮮蝦好貼心地剝埋殼，蝦肉非常爽彈鮮甜🦐，索埋龍蝦湯湯汁，雙重鮮味，啖啖肉嘅感覺好滿足。醬油漬鮑魚（六頭鮮鮑）$40選用六頭鮑，醬油漬得入味卻不死鹹，仲帶出鮑魚本身的鮮甜。外層微微韌勁🤩，咬落軟糯帶嚼勁，黏滑甘香，醬油香醇得嚟唔會蓋過鮑魚鮮味。醬油漬蠔（熟鮮蠔）$45選用日本廣島熟鮮蠔，脹卜卜，醬油漬得入味卻保持到蠔肉嘅嫩滑🦪，完全冇過熟變韌。外層微微緊實，咬落爆汁鮮甜 ，蠔肚creamy唔腥，再用上濃厚醬油，大推👍🏻！木村完熟白桃梳打 $28…查看更多

今次去到中環發現咗一間隱世日式料理-Mikoto Donburi，喺中環威靈頓街嘅地庫入面。店內裝潢係日式木調風，環境好溫和舒服。每道料理都有內附沙律，茶碗蒸同麵豉湯🍵。一開始會先上沙律同茶碗蒸🥗，沙律嘅配搭好豐富，最特別係個南瓜，綿延得嚟又帶有甜味，醬汁酸酸甜甜嘅感覺好開胃。茶碗蒸嘅蛋面平滑如鏡，用匙羹舀落去嘅觸感已經知唔簡單。蒸蛋十分嫩滑，有魚糕、白果、蟹柳等配料。料理最後會有碗櫻花蝦麵豉湯，用嚟解膩作結剛剛好🙂‍↕️。廚師發辦魚生飯（特上）  由廚師發辦，師傅完全按照時令同埋當日最佳魚貨⭐️，精心設計出層次分明嘅味覺旅程，每一啖都食到佢嘅嚴選同心思。食法都可以跟師傅建議，由淡味嘅食到濃味，確保可以完美品嚐每款魚生嘅鮮味同特別之處。款款都咁新鮮，特別一讚今日嘅拖羅同灸燒，拖羅有雪花脂肪分佈❄️，好肥美，入口即溶，而灸燒好帶出到剌身嘅油脂香💥！A4和牛燒肉飯一上枱就見到和牛油花分布均勻，燒到微微焦邊🔥，粉嫩嘅橫切面超誘人！牛肉用輕燒手法處理，入口即溶得嚟保留到肉香，醬汁甜鹹平衡，唔會蓋過和牛本身嘅油脂甘香。配菜方面有菇，粟米荀同茄子，燒完嘅菇配菜都有微微嘅炭香仲保留蔬菜汁💧。…查看更多

最近尖沙咀開左間新嘅burger店，款式種類包羅萬有，小食都有好多款，價錢實惠，性價比超高。吉列鮮蝦漢堡蝦餅用咗原隻鮮蝦打成膠🦐，外層炸衣薄脆，咬落去彈牙得嚟仲食到粒粒蝦肉，鮮味十足。漢堡包烘得外脆內軟，夾住厚切番茄同生菜，清新得嚟又帶少少酸香，平衡返炸物嘅油膩感。跟餐加咗個雜菜沙律🥗，佢配嘅黑醋唔會酸得滯，配埋沙律啱啱好至尊雙層芝牛堡一上枱就震撼視覺！兩塊厚切牛肉漢堡扒疊到成吋高🍔，切開仲見到粉嫩肉色同肉汁緩緩流出。雙層車打芝士完全融化，形成瀑布級拉絲效果🧀，邪惡度爆燈唐揚魷魚鬚一上枱就聞到陣陣椒鹽香氣！魷魚鬚炸得金黃酥脆，外層薄粉漿夠晒鬆化🦑。魷魚肉質彈牙得嚟唔會韌，完全冇雪藏味，證明用料新鮮。調味恰到好處，帶出魷魚嘅鮮甜又唔會太鹹。旁邊附送嘅他他醬酸香開胃😋，點嚟食更加惹味MR炸雞翼（3隻）雞翼炸到金黃透亮，外皮脆到「咔」一聲，咬開仲見到肉汁緩緩流出💧。炸粉薄脆唔厚重，完全唔影響肉感。最驚喜係醃到啖啖肉都咁入味粗直薯條 配黑松露醬薯條切到手指般粗，外層炸到金黃酥脆🍟。黑松露醬真材實料，一打開就聞到濃郁松露香，松露味夠晒突出，但又唔會蓋過薯條嘅香脆，兩者平衡得啱啱好唐揚一口雞（2件） 炭燒大雞串（1串） 跟餐加$12就可以加一款小食唐揚一口雞炸到金黃酥脆，外皮超薄脆，咬開即刻爆出肉汁💧！炭燒大雞串嘅炭火香氣撲鼻！雞肉串用秘製醬油燒烤，表面微焦帶蜜糖光澤🔥巨峰提子梳打巨峰提子汁甜度天然唔假，仲有淡淡提子花香。最正係加咗原粒巨峰提子肉🍹，飲落好清爽蜂蜜蘋果茶蘋果香好自然，蜂蜜落得恰到好處，甜得嚟帶少少蜜香🍯…查看更多

今次嚟到北角呢一間日式洋食屋，木系裝修同日式嘅杯杯碟碟好精緻好有美感🎀，最吸引嘅係依度嘅套餐可以免費添配菜一次（包括日本米飯）😲。日式慢煮豬軟骨套餐個豬軟骨真係煮到冧晒！一夾就散開，但唔會爛溶溶😋。醬汁甜鹹適中，有淡淡嘅味醂同醬油香，完全滲入晒啲肉同筋位👍🏻。套餐跟咗碗珍珠米飯，配埋啲豬軟骨汁一齊食真係無得輸。配菜嘅海帶爽口，麻油香味十足，泡菜香辣解膩，香菇入味🍄。麵豉湯熱度夠，飲落舒服。炙燒芝士豬扒咖喱飯套餐塊豬扒炸到金黃酥脆，外層麵包糠夠晒鬆化，咬落去非常脆卜卜！肉質保持到juicy唔乾柴，仲有拉絲芝士🧀，日式咖喱汁濃稠度啱啱好，甜甜地又唔辣🍲，大人細路都啱食，送飯一流。…查看更多

今次嚟到尖沙咀依間黑門水產食日本野，裏面嘅野食種類非常豐富，主打海鮮等料理🥢，性價比超高，人均消費大約$200左右就已經食到高質素海鮮同好飽😋。海膽蟹味噌甲羅燒原隻蟹蓋裝住蟹肉🦀，蟹籽，海膽，蛋同香蔥，視覺效果相當誘人。蟹膏鮮味突出，鹹香得嚟唔會過膩，帶海膽甘甜嘅味💦。仲會食到絲絲蟹肉，增加口感層次。配埋旁邊嘅餅乾一齊食，增添脆口感之餘中和鹹味。辣酒煮活鮑魚（2本）一上枱就聞到濃郁嘅酒香同微微辛辣！鮑魚用咗新鮮活鮑，煮得啱啱好，咬落爽彈得嚟唔會韌🦪，仲保留到海鮮嘅鮮甜味。湯底唔會太重酒味，辣度啱啱好，飲完成個身暖笠笠♨️。最正係鮑魚吸收到湯汁精華，食落完全無沙。鐵板宮崎柚子胡椒香蔥牛舌心牛舌心外層煎到微焦脆口，咬落去超彈牙又唔韌。有柚子胡椒調味🧂，清新柑橘香氣同微微辛辣好開胃，仲有大量香蔥增加層次。配菜嘅洋蔥絲吸晒肉汁同柚子香🧅，撈埋一齊食超正！黑門三文魚加州反卷三文魚色澤鮮艷，三文魚魚油香特別濃郁，入口即化嘅口感好正🍣。反卷入面有齊青瓜、蟹柳同牛油果，食材新鮮爽脆，份量多又抵食。燒七里香串（一串）七里香燒得外皮微脆，咬落去爆出雞油香，帶微微炭香，外脆內嫩唔乾柴，最正係中間保持juicy💧。蒜香燒黑豚腩串（一串）黑豚腩肉肥瘦相間，燒到外層微焦脆口，咬落去啲豬油香即刻爆出嚟💥，但完全唔會膩。肉質中間保持到嫩滑，每舊肉都連住層薄薄脂肪，入口即溶。燒明太子山藥山藥燒完仍然保持到爽脆口感，但又唔乾身。明太子醬辣辣地又帶啲鮮味🤤，同山藥好夾。…查看更多

裝修採用黑色型格格調，低調得嚟有啲優雅。IKURA ARANCINI (2PC) $148金黃色嘅係意式炸飯團Arancini，炸得外皮超脆，一咬開入面係用龍蝦湯敖製嘅意大利飯，仲有拉絲水牛芝士🧀！龍蝦味完全入哂意大利飯到，飯粒creamy得嚟保持到口感，唔會太淋🥘。面頭仲有大量三文魚籽，爆開嘅鮮味同濃郁嘅risotto好夾。最驚喜係每粒Arancini都做到外脆內軟💥。  MISO CACIO E PEPE WITH FRESH HANDMADE NOODLE ($188)  一上枱就聞到好濃郁嘅黑胡椒同芝士香🧀！師傅用咗新鮮製嘅pappardelle寬麵，麵條厚薄均勻🍝，咬落去煙韌有口感，掛汁能力一流。芝士胡椒醬底已經夠香，加上獨特昆布油之後，多咗層油香，每啖都好有驚喜！最正係上面放咗球burrata芝士，流心芝士同熱辣辣嘅麵條撈勻，creamy得嚟又唔會太膩😋。整體來講係道有心思嘅fusion意粉！ CRISPY SHORT RIB $298一啖咬落去外脆內嫩，肉質鬆化到幾乎唔使點咬🥩！個Hawthorn醬汁酸甜得嚟帶少少果香，同濃郁嘅牛肉味出奇地夾🤤。旁邊嘅薯蓉係亮點，質地滑溜到不得了，啖啖都咁smooth，牛油香同奶香超濃郁但唔會膩🧈。…查看更多

D2 place 有間可以打高爾夫球嘅餐廳，裏面除咗可以食野之外，竟然仲設有室內高爾夫模擬器⛳，有得打高爾夫球。入面嘅座位寬敞，電視會播住一啲高爾夫球比賽嘅片段。做完運動肚餓又可以醫下肚幾方便。煙三文魚黑松露意大利麵 $148一上枱已經聞到好香黑松露味，意粉煮得啱啱好，口感保持得唔錯🍝。煙三文魚份量都幾大方，鹹香得嚟唔會太腥🍣，同黑松露醬好夾。醬汁creamy得嚟唔會太漏，黑松露味幾出但唔會搶晒成個味道。面頭灑咗啲芝士碎增加咗成個口感層次🧀。整體來講味道平衡得幾好，食完成碟都唔會覺得膩。6oz澳洲和牛漢堡配薯條 $178個漢堡一上枱就睇到塊和牛漢堡扒厚身得嚟好juicy，咬落去真係有肉汁爆出嚟💧！牛肉味幾濃郁，個包烘得外脆內軟，夾埋溶咗嘅芝士同新鮮蔬菜，口感層次好豐富🍔。薯條炸得金黃脆口，入面仲keep到薯仔嘅綿密，灑咗少少海鹽調味，唔使點茄汁都已經好好食🍟。…查看更多