eatingcanheal的个人专页

早幾日同朋友嚮尖沙咀行街，去左亞士厘道搵餐廳食，搵到呢間爐端燒日式餐廳，因為我好鍾意啲日風裝潢嘅餐廳，就決定去呢度食。入到去，我地揀左除鞋走上地台嘅座位，感受一下日風 😍我地嚮餐牌揀左幾款嘢食，餐牌入面圖文並茂，我地都揀左好耐，樣樣都想食，特別係見到圖嗰啲更加吸引。最先上菜嘅係明太子蛋捲同埋雞泡魚干，熱騰騰嘅雞泡魚干，食落有口感得來又軟軟的，用來送酒應該好正。個蛋捲都唔差，厚厚嘅蛋捲夾住啲明太子，啲蛋一入口就溶化左🤤。然後啲嘢食都好快黎埋，甲羅燒雖然細份但啲蟹肉蟹膏好豐富好濃味，成個蟹殻都係。嚮串燒餐牌見到好多款揀唔落，見到個串燒拼盤就問店員有啲咩，佢就話廚師決定，唔係樣樣都餐牌入面有，所以照叫，點知味道同賣相都唔差👍！最後仲有就係稻草烤安格斯牛排，去日本餐廳食安格斯雖然怪怪，但見餐廳推介有個稻草燒系列，不過燒得真係唔差，岩岩好唔會太熟，點埋個醬汁勁好味！…查看更多

成日經過行過呢間鋪頭都以為係食泰國嘢，今日行過去睇下菜單原來係食砂鍋粥同串燒雖然成日都返大陸食砂鍋粥，但係而家大陸越嚟越貴消費，特別係食嘢。食粥都人均百幾蚊以上。睇完菜單原來都唔貴，仲要唔使排隊添入到黎我都仲未接受到原來係食砂鍋粥，成間鋪頭裝修都非常似食泰國菜，兩間鋪頭都係佢哋，座位都算多砂鍋粥主要有三款套餐，我哋兩個人食叫左二人餐另外仲追加左啲串燒。二人餐包一個粥六款串燒，祝可以揀兩款海鮮，職員話每日都有唔同嘅海鮮，今日有蝦、蜆、鮑魚、桂花魚仲有白鱔。二人餐同四人餐係唔包蟹嘅如果想加嘅話就要另外加$60一打開個已經好香非常足料，蝦已經全部去晒頭亦都已經開咗邊可以自己選擇加唔加芫荽同蔥，芫荽同蔥都係即刻切好香呢度嘅粥比較迎合香港人口味，粥底入邊仲有馬蹄同埋冬菇非常鮮甜，而且二人餐嘅份量亦都非常超級勁大煲相信三個人食都夠share另外小食加錢要左燒生蠔同埋牛肉粒，燒生蠔就一般但係其他肉類同埋菜就真係超級惹味特別係燒翠玉瓜，外面燒得啱啱好入邊勁多汁，好好味。亦都可以揀辣同唔辣唔會好咸，呢度啲串燒真係好出色價錢亦都唔貴。一邊多汁得不得了二茄子就略嫌燒得過火咗少少，有啲蔥花就好啦呢度嘅燒粟米亦都冇得彈！好香牛油味亦都勁爽甜最緊要埋單，一人都唔使$200，最後我哋都食唔晒三個人嘅話應該就啱啱好…查看更多

今日同小朋友去咗濕地公園玩 然後就去咗附近嘅天澤商場搵嘢食 經過呢間臨記車仔麵好多人排隊買嘢食於是就去食下啦 餐廳好似一般快餐店咁 先買飛後取餐 而且速度都夠快叫咗個原味牛腩汁湯底嘅油麵 餸菜就叫咗雞翼尖 同墨魚丸 我哋都唔太肚餓所以一個面 再額外加小食椒鹽雞軟骨 炸魚皮同埋鬼馬豬扒油麵索曬牛腩汁嘅湯底十分好食 墨魚丸夠彈牙唔同一般街市貨 雞翼尖路得夠入味 完全係骨肉分離 入口即溶 超正雞軟骨夠爽口 用嚟送酒啱曬 哈哈鬼馬豬扒第二度冇 外面好油炸鬼咁爽脆 入面豬扒仲係鬆化呢間 餐廳食物做得唔錯 聽講仲有其他分店下次經過都會再去食…查看更多

今日咁岩入元朗食晚飯，行過見到依間西餐裝潢好靚，燈光柔和，幾文青幾有情調，決定入去試試Dinner Set 選擇都幾多，有飯/意粉，鋸扒/豬手等等，價錢唔算貴。最後決定試下個2人餐。簡左冬陰公煮鮮蜆，蟹肉冬陰公意大利飯，同埋蜜糖焗德國豬手配燒鮮菠蘿。依個餐仲包左2個餐湯同飲品。今日餐湯係雜菜湯，清清地都唔錯。原來仲有餐包架，依個薄餅熱辣辣食幾正，個汁小小酸酸地幾好味。冬陰公煮鮮蜆唔錯，冬陰公陣味同d蜆幾夾，幾入味同埋d蜆肉好大粒呀👍🏻蟹肉冬陰公意大利飯蟹肉份量都算多呀，冬陰公既意大利飯都幾fresh,食完唔會好濟，唔錯唔錯。份量就唔算好大份，不過2個人share都岩岩好。登登登登，主菜黎啦，蜜糖焗德國豬手配鮮菠蘿，個豬手焗得幾好味，配埋個鮮菠蘿，菠蘿好甜好多汁，推介推介👍🏻🤤會再encore的…查看更多

OPPA燒肉夜晚主要有兩種放題可以揀，一個有海鮮一個冇海鮮，有海鮮既係$368，仲包埋任飲啤酒同埋紅白酒，價錢絕對唔貴每個座位都有得擺衫，唔洗吸到啲油煙，鋪頭裝修都幾重本，幾面牆都油得好靚韓燒必有既泡菜，芽菜同生菜，全部都可以再追加，後面碟牛肉係for黑蒜雞鍋的依兩日凍左好多，燒肉前先黎個雞鍋，唔洗兩三下已經比我地消滅左，正！上網見到人地頭盤係隻牛牛，不過多人唔夠裝，要大盤先裝到，好震撼啲肉，如果平時出去食單叫依應該好貴，隻隻肉都好好味海鮮盤都好大盤呀，跟人頭分量上，3樣都超級新鮮，啲蝦仲有膏架，果然冇揀錯豬五花同爐邊蛋都係韓燒唔少得既，一定要焦小小先好味啤酒都係任飲，另外仲有支裝啤酒同燒酒kirin仲要上面打沙冰，都係第一次見韓燒有小食既年糕分量岩岩好，試到又唔會太飽炸雞都可以一件一件叫，最後仲一人有一個雪糕🍦…查看更多

朋友介紹荃灣新開左任食打邊爐，話一定要試和牛放題，開頭以為得90分鐘，原來係2個鐘任食行日式風，裝修好靚，一出𨋢裝左屏風，唔洗望住人食咁尬尷有6款放題揀，由158到368不等，朋友話絕對要試368，所以我地揀左最貴個個。湯底有8款，但會定時有特色湯底，例如台式麻辣，味噌湯等等，比起其他任食邊爐多好多。鴛鴦鍋都係加18蚊，咁梗係試兩款啦，可以一個辣一個唔辣，揀左台式麻辣同豬骨，另外自己加左京蔥羅白菇落去煲，愈煮愈香等緊肉黎時間去拎丸同菜，好多選擇，連響鈴、京蔥、芋絲等等都有，青菜都有幾款，唔錯唔錯另外依到仲有主打自己整炸串，估唔到有成十幾款可以揀，連秋葵同蝦都有，有驚喜！有曬圖文教點整，炸幾耐得，唔識可以問staff，全部都好nice主角到，因為樣樣都想試下，所以每樣叫左一分，每盤分量都唔少嫁，如果有咩唔食可以事前講定先，一半分量都得，好貼心就係為左依個和牛揀最貴既set, 果然冇失望，厚薄肥瘦都岩岩好，食落口牛味好重好香，我地追加左好多次都冇漏單，每次分量都好足，抵讚另外368仲有海鮮盛合，有青口帶子，蠔等等，配麻辣湯底好味食到一半，原來仲係任食，連刺身都有，完全回曬本，刺身種類都唔少，好多款揀雪糕同甜品都係任食，另外仲有白飯同咖哩最後埋單仲送雪糕，有Dreyers、有哈根大師，仲有Movenpick,仲要有抹茶同開心果味，仲要仲要唔係迷你裝！下次絕對會再黎！值回票價…查看更多

天氣凍同朋友聚餐梗係打邊爐，唔想去大排擋，連鎖個啲又冇book位，又唔想等，上網見依間訂位送花膠雞煲，睇下餐牌唔算貴，就訂左依間。內裡裝修好靚，懷舊風，裝飾同檯凳都好有feel，仲好新淨，又唔會坐到好逼，一坐底已經有小食黎，炸魚旦同燒賣。有兩款任食可以揀，分別係258同298，提早或晏啲仲有得平，任食有安格斯牛小排，依個價錢仲送埋花膠雞煲，好抵呀花膠雞煲有得揀辣或者唔辣，分量應該跟人頭計，唔會好多，但配料都好足，有豆卜同豬皮，而花膠分量都唔少，大大塊。食完雞煲可以揀湯底打邊爐，湯底選擇好多，有幾款特別既湯底，例如藥膳同冬蔭公都係加$18，一啲都唔貴呀。配料方面都唔少有得揀，安格斯牛小排非常好味，大大塊，一啲雪味都冇！海鮮分量跟人頭上，有蝦有蠔有蜆有魚。食完仲送甜品，成餐真係好豐富，坐得又舒服，下次都會再黎…查看更多

華嫂冰室終於係尖沙咀開分店😍之前都聽聞佢係幾出色的今日晚上黎左試下～～唔使等位，地方都坐得幾闊落，我今次叫左蕃茄湯底雞翼米線，同埋招牌菠蘿包黎試下，個蕃茄湯底幾正丫，有d蕃茄蓉，飲左好多湯～～：p雞翼係鹵水的，幾入味，至於招牌菠蘿包，都幾好味，兩個人share岩岩好！見到佢仲有冬陰公湯底同皮蛋莞茜湯底都幾想試，同埋飲品方面，原來佢既冰花奶茶同埋凍檸多都好似幾出名，見到好多人都有叫，下次再黎食可以試下🤤…查看更多

今日諗住試下依間既lunch,見到佢出名係食鹿兒島燒肉,同埋佢lunch set做緊第二份半價呀，約埋幾個人黎食會更開心呀🤩見到佢有燒肉set同普通set,燒肉set就由自己燒，普通set就係佢整好比你懶懶既我今次叫左普通set既烤上等牛舌定食，餐有沙律，味增湯，前菜同埋餐飲，加10蚊可以有雪糕/雪葩，牛舌都烤得幾好味，整體都唔錯，同埋餐廳都坐得幾舒服，幾闊落⋯下次黎可以再試下佢既烤肉set。😋…查看更多

今晚難得星期五，當然係天水圍附近搵下有咩好食啦，T Town最近都有好多餐廳選擇，今晚就決定試下依間泰國野！我地叫左泰式爐魚，馬拉盞炒通菜，串燒，同埋冬蔭功湯，仲加左個白飯，個爐魚幾好味，串燒都唔錯，同埋依間餐廳環境都算闊落，有好多卡位，算係幾值得推介既泰國菜👍🏻😋…查看更多

今日食lunch黎左依度靜靜地嘆下，叫左個蟹肉扁意粉，加多左杯mocha☕️個意粉汁都幾creamy,唔會好乾杯mocha都好味👍🏻依個環境幾岩一個人靜靜地享受下寧靜時光或者放空下都唔錯～💬…查看更多

今晚係海港城附近覓食，見到依間台灣野食好似幾特色風味，一於去試下！原來台灣都有分店架，我地叫左安平鮮蚵湯，擔仔麵，祖傳肉燥飯，紹興酒香雞，個湯好好味，擔仔面都唔錯，至於個肉燥飯都好香口，幾有台灣地道風味同埋佢食物既份量唔係好多，都係細細份，幾岩眼闊肚窄既人，可以叫多幾種唔同菜式試下🤤🤤🤤…查看更多

今日食lunch經過厚福街，諗住試下依間餐廳。我叫左個lunch set 既Doraya 定食，有炸雞同炸壕🤩仲有幾片刺身，飯可以簡壽司飯，同埋有任食既沙律吧，款式都算幾多，有南瓜沙律，蕃茄仔，秋葵，栗米等等，都好豐富～👍🏻…查看更多

今晚去左食小曼谷，好耐冇食啦，不變既仍然係要等一陣位😂我地叫左燒豬頸肉，印度薄餅，串燒，馬拉盞炒通菜，黃咖哩雞配飯，好豐富，小食依然keep到水準👍🏻最後仲叫埋芒果黑糯米，滿足～小曼谷仍然係性價比高既泰國餐廳😋😋…查看更多

今日咁岩入天水圍濕地公園行下，走既時候諗住係天一商場覓下食，見到依間餐廳既menu都幾吸引，就去試下佢😋我地叫左兩個意粉，卡邦尼個個唔錯，幾好味，唔會好乾，另外叫左個黑松露薯條，都好味，如果再多d黑松露醬就好啦天水圍都幾小依d西餐小店，依間質素算係唔錯👍🏻👍🏻…查看更多