AlanHi's Profile

今日試食左好有特色嘅椰菜花飯顧名思義用整碎左嘅椰菜花去取代本身高卡路里嘅白飯主食，食完飽肚嘅同時，又唔會肥椰菜花飯 - $22雖然唔係白飯，另有一番清爽嘅口感香辣慢煮雞胸 (200g) - $36雞胸未去到嫩滑嘅地步，一啲都唔老，非常容易入口菠菜 - $10豆腐 - $8正常side dish，冇特別亮眼嘅地方，但味道都算中上總價錢 - $76雖然作為lunch來講，好似比$50一個lunch set貴左少少，但考慮到普通白飯轉左做健康又輕盈嘅椰菜花飯果，果加多左嘅$22都算有咁上下性格比唯一考慮係始終只有外賣冇堂食，疫情下又唔想係街食嫁話會有少少不便假日如果咁岩行過都未嘗不可一試佢外賣盒都唔係一般外賣盒，感覺上都幾安全，拎一段距離都應該唔會有問題…Read More

其實已經係常客，不過今次第一次寫食評（因為平時一上菜已經好快開動，冇圖冇真相嘛🙈）今日食左店內既主打，板燒羊西冷因為怕羊騷既關係，叫左8成熟煮得岩岩好，一d都唔會覺得老，同埋肉質柔嫩，好正意粉入味，個番茄醬好食就唔多講啦。（題外話配菜既意粉都幾大份，唔怕唔飽）食完之後順勢就食左個甜品（難得放假就食盡佢😋）心太軟加朱古力雪糕第一個反應，咦，咁細個既，唔係中伏呀不過都叫左，試左先啦切開左都唔係好流wor不過食落口先知，我錯了！首先講個心太軟，雖然心冇面便其他甜品影相咁流心，但係外層個皮焗得岩岩好脆而不燶，個心都比得出個入口即熔既口感。然後就到個雪糕，影相可能唔係好睇到，不過雪糕中間有d一粒粒既細朱古力粒，連埋個心太軟一齊食個口感好立體，有熱同凍，軟硬脆，簡單來講就係正。👍🏻總結，其實都成日去呢間餐廳食，意粉就比較少叫，因為覺得羊扒同pizza好食d同埋下午時段去係冇加一，十分低食不過如果你同某d高級茶餐廳比(RT)，真係價廉物美既西餐，就算加左一因爲本身唔貴，都唔係貴太多，抵食!!😋(背景音樂都好正)…Read More

難得放假，一個人又唔想煮就去左呢間season度食。入到去周圍乾乾淨淨同埋比人一種簡單舒適既感覺。一打開餐牌，價錢都係中等around $60-100左右，一於就簡簡單單叫左個$60左右既意粉，落單既時候個侍應哥哥同我講，加$28就可以多個湯同野飲，咁難得出街食就唔差果少少，轉左做餐(亦都好慶幸有咁做到)首先上左個紅湯味道岩岩好，少少辣，夠晒野味。 相信大家都見到，好足料。個蒜蓉包脆得來又冇燒燶。😋之後就到野飲，叫左個朱古力奶。見佢原價都要$30一杯果然唔簡單。果cream 好正加埋d脆脆，口感一流，d冰又唔會太多，唔會到最後水晒影響口感。到正餐賣相都ok,又有生果沙律夠晒健康,不過個意粉就一般般，個汁都唔錯，可惜唔係好入味，d海鮮冇咩味有d奇怪。😕評分7/10，真係野飲同個湯拉高左分，希望個意粉係個別事件，下次再去試下 …Read More