影片
更多
2017-04-19
712 浏览
其實已經係常客，不過今次第一次寫食評（因為平時一上菜已經好快開動，冇圖冇真相嘛🙈）今日食左店內既主打，板燒羊西冷因為怕羊騷既關係，叫左8成熟煮得岩岩好，一d都唔會覺得老，同埋肉質柔嫩，好正意粉入味，個番茄醬好食就唔多講啦。（題外話配菜既意粉都幾大份，唔怕唔飽）食完之後順勢就食左個甜品（難得放假就食盡佢😋）心太軟加朱古力雪糕第一個反應，咦，咁細個既，唔係中伏呀不過都叫左，試左先啦切開左都唔係好流wor不過食落口先知，我錯了！首先講個心太軟，雖然心冇面便其他甜品影相咁流心，但係外層個皮焗得岩岩好脆而不燶，個心都比得出個入口即熔既口感。然後就到個雪糕，影相可能唔係好睇到，不過雪糕中間有d一粒粒既細朱古力粒，連埋個心太軟一齊食個口感好立體，有熱同凍，軟硬脆，簡單來講就係正。👍🏻總結，其實都成日去呢間餐廳食，意粉就比較少叫，因為覺得羊扒同pizza好食d同埋下午時段去係冇加一，十分低食不過如果你同某d高級茶餐廳比(RT)，真係價廉物美既西餐，就算加左一因爲本身唔貴，都唔係貴太多，抵食!!😋(背景音樂都好正)
今日食左店內既主打，板燒羊西冷
因為怕羊騷既關係，叫左8成熟
煮得岩岩好，一d都唔會覺得老，同埋肉質柔嫩，好正意粉入味，個番茄醬好食就唔多講啦。
（題外話配菜既意粉都幾大份，唔怕唔飽）
食完之後順勢就食左個甜品（難得放假就食盡佢😋）
心太軟加朱古力雪糕
第一個反應，咦，咁細個既，唔係中伏呀不過都叫左，試左先啦
切開左都唔係好流wor不過食落口先知，我錯了！
首先講個心太軟，雖然心冇面便其他甜品影相咁流心，但係外層個皮焗得岩岩好脆而不燶，個心都比得出個入口即熔既口感。
然後就到個雪糕，影相可能唔係好睇到，不過雪糕中間有d一粒粒既細朱古力粒，連埋個心太軟一齊食個口感好立體，有熱同凍，軟硬脆，簡單來講就係正。👍🏻
總結，其實都成日去呢間餐廳食，意粉就比較少叫，因為覺得羊扒同pizza好食d
同埋下午時段去係冇加一，十分低食
不過如果你同某d高級茶餐廳比(RT)，真係價廉物美既西餐，就算加左一因爲本身唔貴，都唔係貴太多，抵食!!😋
(背景音樂都好正)
张贴
