Aptvwt的个人专页

這間餐廳可說是我的最愛。平日多數是吃它的商務午餐。適逢星期日爸爸生日，便舉家試試它的Sunday brunch. 食物質素相當高，brunch是semi-buffef 形式，食物種類挺多，而且每一樣都好吃。有蠔，龍蝦，長腳蟹，魚籽，很好吃的鵝肝醬，精選芝士...每一樣都頗高質素。食完頭盤，其實胃已沒有太多空間。主菜有幾種選擇，馳名的燒牛肉當然要吃，而且還有其他選擇，如焗龍蝦，羊架，魚等。由於已吃過幾次燒牛肉，我今次選了羊，家人就分別點了燒牛肉同焗龍蝦，全部都得到高度評價。燒牛肉當然一如既往的鮮嫩，而羊亦很淋。最後當然少不了自助甜品及每人一客的朱古力梳乎厘，作為完美的句號。很少吃一個bruch是從頭到尾每一樣都好吃。從用料，到烹調，到服務，到環境，我都給Hugo很高分數。…查看更多

在網上看到有人推介這間中菜館，得知中午時段有飲茶放題便決定一試！那天跟老公同奶奶十二點去到茶樓，位置在1881的一個類似四合院的地方，門面很低調，但頗有特色。餐廳內裝修很雅緻，古色古香，有種脫離了繁盛巿區的感覺。座位挺寬敞，不是很多人，亦有不少遊客。好！入正題！一坐下，服務員便給了放題點心紙！當然每樣叫啲試下味先！我覺得最好吃是香檳蝦餃，淺粉紅色的蝦餃很晶瑩，皮很薄，啲蝦用香檳浸過，有點甜香。我們吃過後，encore 了幾次。其他點心也很特別同都好好味，例如燒鵝酥，賣相已經好得，個酥好鬆化，好味！仲有豬潤燒賣，酸薑皮旦酥都好味同特別！反而個鮑角雞扎就不是太特別，不過都夠經貴的，雞扎內有大約半隻小鮑魚，而198任吃的價錢，吃多幾隻已回本！不得不提那個媽媽靚湯，真係好好飲！其實那天的湯只係蕃茄薯仔豬骨湯，但唔知點解咁鮮甜！連廚神奶奶都想知點解可以咁鮮甜！總之一句好食抵食值得食！…查看更多

食完後有點失望！我同老公兩個人叫了半隻雞煲，老公怕辣，所以叫了走辣雞煲！但成個煲我只覺得一個字就係咸！而且好重味精，除了咸好似冇其他味咁！之後叫了一碟細的美國肥牛，八十元得幾塊！仲有手打丸，手打牛丸似落重味精的山竹牛肉，手打蝦丸同墨丸不過不失！最好食算係切片冬瓜同支竹。環境尚可，因為去食雞煲都冇諗過環境優雅。但呢間的服務態度真係差勁，安排座位那個阿姐簡直態度惡劣！我聽唔到佢叫我的號碼，佢竟然好似訓導主任咁向我訓話，問佢嘢又呼呼喝喝咁答問題，除非佢係老闆娘，如果唔係我唔明點解會請啲態度咁惡劣的員工！咁的食物質素，咁的服務態度，但咁的價錢，我覺得好唔值！好懷念以前係灣仔星街那間重慶雞煲，那間的雞煲味濃但有層次，雞有鮮味，其他火鍋配料價錢也合理，服務又好！至於這一間就真係試過就算~…查看更多