fullmoon128的个人专页

行完街見呢間餐廳晚市早段已經有唔少人，一於試下。西日式餐廳格局，卡座位舒適唔迫。先講和牛肉壽喜燒，脂肪分佈均勻，煮完仲keep住嫩滑，牛肉味濃好好食！撈埋蛋汁食入口更軟更嫩！伴菜有有埋野菜同豆腐，飽肚得嚟唔會太膩，如果熱著上一定更出色。再嚟壽司8件配迷你櫻花蝦烏冬，壽司造型唔錯，三文魚、帶子、蝦都好新鮮，醋飯鬆軟唔會散。加埋個迷你烏冬濕濕口夠晒好配搭，伴有櫻花蝦脆卜卜撈埋一齊食，成件事更加惹味～炸南瓜餅外脆內軟，咬落係滿滿南瓜蓉甜味，點埋沙律醬仲邪惡又滿足～跟餐追加嘅抹茶提拉米蘇（+$42）幾抵食，抹茶粉微微甘苦平衡咗甜味，餅底濕潤，啖啖綠茶香，好啱綠茶控！另一跟餐加咗蕃茄胡麻沙律（+$28），冰鎮蕃茄超爽口，胡麻醬香濃撈埋洋蔥絲好開胃～+$20蘋果汁就正常發揮，解膩一流。 見到好多人點芭菲好吸引，下次再試過。…查看更多

再次嚟到呢間位於鬧市中，一進門就感受到強烈的型格氛圍嘅餐廳。室外座位區有DJ打碟，音樂節奏輕快，瞬間讓人放鬆下來。今次想試唔同嘅嘢，首先係小食，以赤貝為主，搭配新鮮的蘆筍和微辣的醬汁，入口清爽又帶點刺激，海鮮的鮮甜與醬汁的層次感完美融合，開胃感十足。接著是係SHREDDED CELTUCE SALADI，脆爽幼細的萵苣絲配上鮭魚卵、蘿蔔泥和鰹魚片，口感豐富又清新。CARA MELIZED PUMPKIN係一道令人回味嘅前菜，焦糖化南瓜香甜軟糯，搭配杏仁片和肉桂粉，甜而不膩。CHARCOAL GRILLED EEL則係炭火香氣的代表，waiter將紅紅炭火炙上鰻魚，令外皮烤得微焦散出香氣，肉質彈實多汁，魚鮮味十足！而A4和牛竹炭三明治黑紅配搭感覺同餐廳一樣型格，牛油脂同肉香交織，簡直是肉食愛好者的天堂。餐廳有各種酒精飲提供，Jade有茉莉花茶香味，Awamori 口感清新，用青檸點睛，清新易入口。就算簡單如一杯蘋果汁都與別不同，清甜同果香味都份外突出。下雨天客人仍然絡繹不絕，就知餐廳非常受歡迎！…查看更多

呢間西日式餐廳裝修簡約，一邊有吧枱，另外一邊就係榻榻米，兩邊坐落一樣咁chill ~呢度主要提供唔同形式嘅丼飯，亦有意粉同小食，加唔同價錢可以配搭唔同套餐，追加小食或者飲品甚至甜品～蟹膏甲羅燒配蟹籽及三文魚子又吸引嘅雲朵醬油漬半熟玉子，賣相特別，而且入口有空氣感又鹹鹹地，撈飯一流！另外蟹羔熱辣辣，入口又香軟又鮮滑，mix埋蟹柳、魚子、中華沙律、同埋粟米，多重口感！牛肉壽喜燒都飯都唔錯，牛肉偏數十足，壽喜燒醬汁完全滲入，但都唔會掩蓋牛肉味道，食得出牛肉質素唔錯～追加小食七味魷魚鬚，彈牙又酥脆，幾有驚喜！甜品Tiramisu連香橙脆片入口更加好味！呢度飲品又賣相都有質素，秋明山藤原豆腐咖啡夠特色，而且豆腐味都幾出；而靜崗抹茶豆乳，除咗抹茶甘香外，多咗有一份香滑，兩款飲品都鍾意！…查看更多

呢間韓式pizza一向受歡迎，嚟到體育園新店光猛有又闊落，座位非常鬆動~凱撒沙律正常發揮，食材夠新鮮，鍾意佢有鯷魚帶出鹹鮮味，令到沙律更加開胃！咁都好啲我都有得食，樣樣都想試，可惜我哋得兩個人，最終揀咗Magherita加特色手工摩卡邊～首先一Pizza餡料舖得滿滿，而且超級cheesy,見到都流口水！摩卡邊滲出陣陣咖啡香味，仲有香脆杏仁片同時也有香濃芝心，一口就有幾重滿足，值得加錢！仲有邪惡蜂蜜牛油炸雞配粟米燒，實在太香太吸引！炸雞非常脆口，食落去又香又甜，而雞肉就keep到juicy,粟米充滿牛油味，夠晒多汁～～咁多熱氣嘢，飲返杯濟州橙汁就最啱，解膩又醒胃，抖一陣再食過～…查看更多

又係燒肉time,第一次試呢間，貪喺門口見到佢哋梳化座位夠濶落！淨係牛肉盛盒已經有好多款，仲可以升級到餐揀紫菜飯、白飯或者係冷麵，就連生菜都有有得揀！同朋友分別揀咗豐同匠盛盒，兩款都有和牛牛小排.黑和牛牛腹柳小排 ，勁多雪花，烤起上嚟好快就熟，而且非常軟嫩，入口油脂味十足！黑毛牛牛肩肉肉味香濃又，帶點咬口！牛舌都好唔錯，薄切，但係燒起上嚟一樣有彈牙口感！至於牛肋骨條肉，帶有筋膜，更有咬口！另再點雞心同黑毛豚無骨小排，雞心已剪一刀方便燒熟，入口香氣滿溢；豬腩肉燒出油脂，肉身肥美香口，兩款都鐘意！而家免費入會仲送總值$600 coupon，好抵～…查看更多

呢間餐廳帶點隱蔽同型格，上到去就feel到非常熱鬧，仲有寬闊嘅室外位置飲嘢～我哋坐喺吧枱，正好可以欣賞吓Bar tender調製唔同飲品～一坐低點款小食Ceviche Tuna Salsa，鱈魚片烤得香脆，蕃茄莎莎混合吞拿魚配黑醋汁夠晒開胃！另外一款係好鐘意食嘅Garlic Prawn Conflict，香蒜油非常吸引，用多士沾滿充滿香氣！而且蝦肉好爽彈，超like!網上睇人叫呢個Risotto with Isoyaki Abalone以為係細細份，嚟到發覺份量一啲都唔細，鮑魚香甜黏牙，而且西班牙軟硬適中，每啖都充滿菌香！有驚喜～Iberico Pork Loin 又厚又大件但一d都唔鞋口，帶點焦香同鎖到肉汁～仲有焦焦地嘅京蔥，帶點辛口，配紅酒梨汁，特別香甜～見到Rosy Romance個名就好鍾意！淡淡嘅玫瑰香加蜜糖同蘋果汁，啱晒女士～另一款First Crush就用鮮菠蘿汁加上青瓜糖漿同梳打，飲落好refresh~呢度雖然係酒店餐廳，但係價錢唔算貴，而且bar tender個個都好好禮貌好helpful，值得再嚟！…查看更多

呢間絕對係一間人氣居酒屋，平日一早已經坐得滿滿～除咗主食Menu，餐廳前後都有黑板寫住時令食物推薦，相當多樣！我哋選擇當中嘅鹽燒牛舌同鹽燒白鱔，白鱔肉質又彈又實，鹽燒吊起鮮魚味，非常唔錯~仲有芝士鰻魚炸蝦卷！芝士半溶咸香味突出，香甜鰻魚再夾雜香脆炸蝦，口感層次一流～～究極丼食材非常之多，三文魚、油甘魚、燒魚背、帶子、牡丹蝦、海膽、三文魚子應有盡有，而且款款鮮甜，加上生玉子拌飯，IChiban!炸串亦都都有唔少選擇，我哋揀咗海苔墨魚同紫蘇梅醬軟骨雞肉，兩款外層都非常酥脆，一款墨魚彈牙另一款散發着紫蘇香味，越食越想食。居酒屋氣氛好好，侍應有禮貌又貼心，而且有好多特色食物，仲有VIP Rooms，下次去炮台山分店試埋先～…查看更多

之前食過喺沙田嘅姊妹店，試埋MOKO呢間質素一樣好唔錯！Pama Ham & Melon Salad - Pama Ham 大大片，蜜瓜甜度唔錯，仲有水牛芝士同蕃茄仔，非常豐富！Maple Bacon Cheese Burger - 安格斯牛肉漢堡扒有咬口又鎖到肉汁，牛肉味香濃，bacon 做得非常香脆，生菜同蕃茄都係超新鮮，yummy~Seafood Linguine - 龍蝦汁鮮甜掛麵，海鮮鋪滿意粉面，要青口、大蝦、魷魚、珍珠帶子等等，每一啖都食到唔同海鮮，好滿足！呢間餐廳當然一定要食佢嘅甜品，今次點個特別啲嘅菠蘿椰汁疏乎厘pancake，班戟挺身得來非常鬆軟，菠蘿應該係輕燒過加上玉桂粉，有種特別嘅香甜味，呢個配搭食落去唔會太漏，又滿足到食疏乎厘嘅慾望，非常唔錯～～…查看更多

The One呢間餐廳真係超多人，晏d嚟都隨時無位！前菜同朋友一致選較為少食嘅烤牛骨髓，上枱望落十分霸氣，髓質滑膩可口，搭配上香脆嘅麵包，令牛骨髓的風味更加提升！另一前菜選法國田螺～田螺的肉質鮮嫩，混合牛油香同香草香，好味！主菜選煎鴨肝油封鴨腿意粉，組合幾有驚喜。鴨肝的濃郁同鴨腿的細嫩完美融合，意粉吸附了肉汁同鴨肝香氣，每一口都充滿著濃厚的獨特風味～～朋友點阿根廷安格斯牛脊肉，肉質結實、沒有多餘嘅脂肪，入口軟嫩，伴著鴨肝白蘭地醬汁，肝味又香又濃，係另一特色配搭。咁多美食梗係要叫返杯慢慢食慢慢傾～套餐仲有餐湯同麵包，而且無論前菜定主菜，都有多款選擇，亦可將前菜quota 轉為甜品，夠晒彈性，而且侍應雖然非常之忙，但不時照顧客人需要，夠貼心！…查看更多

好耐冇食過咁好vibe又高質嘅日本fusion菜，漆黑型格嘅入口後面喺cyber又有型嘅設計，每枱都寬濶位置，落地玻璃可望到室外人群好chill咁飲住野傾偈，仲有DJ一路打碟，超好氣氛！前菜蒜頭漬同牛蒡漬都好好味，味道唔會過重完全做到開胃效果！另外仲點左pickles tomato salad,芝士奶香味極濃，入口又滑又唔羶，非常高質！Hamachi crudo 擺盤精緻見到已經好想食，酸甜醬汁加上青辣椒，入口更加惹味！Caramelised Pumpkin外層嘅焦糖薄薄一層，食落就好似有浸肉桂香味，而且南瓜又香又，食到停唔到！Tonkatsu用上伊比利亞豬，肉質鬆軟又Juice，吉列皮勁香脆，酸甜醬汁可以平衡膩感～Hairy Crab Butter Udon勁勁勁鮮蟹味！每一啖都食到蟹肉而且醬汁好creamy,所用嘅烏冬都非常幼滑，配上橙黃色流心蛋黃，味覺食覺同樣一流享受！仲試咗兩款甜品，紅豆滿滿紅豆餡唔會過甜，芝士蛋糕食落light 得嚟奶香勁出唔會膩。整體嚟講每款食物都好高質，下次一定要同姊妹再嚟！…查看更多

唔係朋友介紹都唔知油麻地呢條橫街有間酒店，入到去係一遍綠色同木系裝修，樓底好高所以一啲都唔困聲，仲有一大片飾物牆，感覺唔錯！侍應先放低靚靚蝶豆花檸檬水～見到有個沙律名幾靚，係車厘茄柚子果凍無花果沙律配柚子黑醋汁，沙律份量夠晒大，欣賞佢係有新鮮無花果同埋無花果乾，前者夠晒鮮甜又清新，後者入口帶濃厚香甜味，果凍帶柚子清香，成個沙律食配搭都好清新！全日早餐入邊最鍾意佢個丹麥多士，夠晒鬆軟，仲有吞拿魚大啡菇同煙三文魚，好豐盛！青醬帶子意粉醬汁煮得夠濃稠，滿滿香草味同埋有有芝士咸香，加上厚身又鮮甜嘅帶子，下次嚟都會再點呢個意粉！呢度嘅位侍應都好有禮貌，仲介紹如果follow社交平台會有一杯免費特色飲品，係佢哋嘅新產品，味道又幾清新怡人～…查看更多

呢間餐廳雖然喺太子內街，但係越做越旺，六點幾嚟到已經無位，店員建議室外座位，唔想等又肚餓，而且對住內街馬路唔算非常繁忙，將就一下都ok。上次試幾款菜式都唔錯，今次想試吓其他嘢，先點個蒜香蜜糖焗原隻布里芝士配酸種麵包，見到原隻布里芝士喺小煎pan上賣相超吸引，拎起熱辣辣搽上麵包，入口微甜有蜜糖香氣，唔錯。另外叫個藍青口煲，湯汁有酒香同牛油香氣，入口甘甜，青口份量頗多，仲配有西班牙辣肉腸，夠晒風味～主食點焦糖慢煮豬腩配汁煮大筋燒京蔥，豬腩肉肥瘦均勻，入口鬆化，焦糖味剛好唔會過重。Churros今次好似係唔同做法，不過依然鬆脆，雪糕球上加上少少金箔更精緻～…查看更多

試過幾次行過呢個舖位都見到超多人排隊，今日算係比較早放工，又嚟襯吓熱鬧，食完就明點解會排長龍～一入店舖就感受到陣日本風，吧枱坐滿客人侍應亦好非常忙碌！呢間餐廳專食天婦羅，除咗唔同丼之外，仲可以自選，無論冷熱烏冬或者蕎麥麵都可以有得選擇，自由度好大！貪吃嘅我自選左六款炸物配冷蕎麥麵。餐盤擺放非常精美，有齊餐湯同生果。自選穴子、帶子、廣島蠔、黑虎蝦、本菇同粟米芯，每一款咬落都有驚喜！帶子估唔到係咁厚身，廣島蠔熟度剛好，肥美鮮甜。虎蝦大大隻，咬落爽口彈實，穴子口感結實，粟米芯咬落爽脆又清甜～朋友比我多點一款半熟玉子，夾開係半熟橙黃色流心，配丼飯真係一流！由於天婦羅都係即點即製，所以人多時點餐後要稍為等候，但總體都唔算太耐，而且餐廳流轉率都算快，自選咁多款炸物都係百零蚊，下次都會再嚟！…查看更多

又嚟到銅鑼灣呢間又靚景又好氣氛嘅餐廳，今次感覺少一分fancy 但多一點神秘感，因為換上咗萬聖節嘅裝飾啊！超有氣氛！每張枱坐底都有個迷你bath tube nuts，上次冇留意到今次望落又幾似泡泡浴～點個西班牙八爪魚腳配加太羅尼亞紅椒堅果醬，一如既往擺盤咁靚，仲有食用鮮花襯托，醬汁有濃烈椒香味，香烤八爪魚燒得剛好唔會韌，仲有微辣嘅感覺，打開口胃。澳洲M3和牛肉眼扒雖然唔係厚切，但脂肪夠均勻，咬開滿口油香同肉香，簡單嘅調味已經令人食指大動！配埋topping 嘅烤蒜粒更覺惹味！另一樣主菜法式龍蝦汁意大利飯伴烤龍蝦尾，龍蝦肉非常爽彈香口，意大利飯粒粒飽滿充滿龍蝦汁精華，值得一讚嘅係除咗龍蝦肉之外，意大利飯仲伴有魚肉，八爪魚等海鮮，非常足料！咁靚嘅環境點可以唔叫返杯嘢飲，Pina Colada 同H.L.S都有滿滿椰香味，無論有油同冇酒精嘅飲品一樣吸睛又好飲！食飯途中見到隔籬枱啲好靚嘅火焰Cocktail，侍應會幫忙點火，酒杯外圍瞬間燒着，即刻哇聲四起！喺高空美景下點返杯嚟打卡，真係一流！呢個仲有三層架tea set，日光下chill 住睇埋靚肯定更加寫意～有機會再試！…查看更多

平時雞煲之後打邊爐就食得多，任你魚肉長達7小時任點唔同煲類+烤魚+邊爐真係未試過！呢度唔單只有惹味雞煲，仲有黑椒豬手煲、火焰牛尾煲，連烤魚都有清江魚同海鱸魚揀，真係可以試均所有煲先開始打邊爐，夠晒Crazy~~先試牛尾煲，肉質彈實，而且一d都唔羶，香濃醬汁令成件事更美味! 食完再點清江魚煲，貪佢無咁多骨，估唔到咁大條又多肉，仲有多種辣度可以選擇，真係可以大魚大肉~食夠就可以轉打邊爐，但記得轉咗打邊爐之後就唔可以再食煲架嘞~~邊爐仲有十款唔同湯底選擇，同唔同級別肉類套餐揀，另有兩個大櫃放滿多款新鮮蔬菜、丸類、菇菌類等，仲有出前一丁同韓國麵食、任飲同甜品櫃，呢個價錢簡直係食到盡啊!!今次人少少只試到兩款煲，下次要約多幾個朋友仔試晒咁多款先得!…查看更多