熊王美食家的个人专页

上環番工算係比較幸運, 因為午餐選擇都幾多今日突然想食水餃, 打開openrice一搵, 原來附近已經有一間門面非常老舊既一家老店, 連招牌都甩晒色入到去, 有一位非常健談同有禮既叔叔招呼明明只係幾十蚊一碗麵, 叔叔好有耐心同我介紹有咩食, 同埋點樣配最後我點左8隻韭菜水餃 加 麵, $63韭菜餃非常飽滿, 皮厚度適中, 中式餃當然唔會好似日式咁薄皮湯底100分, 老火湯咁既味, 好鮮甜好香, 我飲晒麵質可以, 唔太淋, 煮既時間好岩而最好既一點, 當叔叔拎袋外賣比我, 我講完唔該轉頭諗住走果一刻叔叔拍一拍我膊頭, 同我講「阿仔 就過年, 身體健康啊!」果份人情味, 突然湧上心頭, 而家香港有幾何重會聽到店員講身體健康?我即刻轉番身同叔叔講, 「大家咁話 你都要身體健康!」叔叔回番句「有心! 有心! 下次見」呢份人情味, 我可能聽日已經又同你再見。註: $63一碗麵我自己比得起, 唔洗咩贊助, 平台唔好誹謗我食免費麵。…查看更多

難得又捱到星期五, 打算lunch出去食餐好少少慰勞自己個胃打開openrice, 隨手book左California Tower 呢間餐廳一個午餐閒閒地都250起跳最後點左燒銀鱈魚配三文魚丼盛惠$298, 另加1先上左個三文魚丼, 作為一個定食, 點解唔等埋個燒魚一齊上呢?再做少少擺盤, 會唔會好過茶記常餐咁乜都分開上?味道上都係咁, 普通三文魚, 唔會特別肥美, 份量偏少之後個燒銀鱈魚上埋黎明明係西京燒, 點解唔寫明係西京燒? 魚份量非常細份, 3啖就可以食完味道不過不失, 但明明係燒, 但魚皮做唔到少少脆身亦明明已經係同個三文魚丼分開上, 但燒魚上菜都唔係好熱而以Lunch set 名目去做午市, 其實咩叫Set? 以為最後會有杯野飲下, 原來都無唔知大家近年多唔多去老蘭果邊, 可以用十室九空去形容今時今日, 呢個價位大家唔係唔肯比, 但呢個性價比 + 呢個價位, 香港人已經唔多接受希望餐廳做番好少少...諗下點樣可以吸引到人回頭…查看更多

週末又去到科學園, 見到有唔少新餐廳開左有新野當然試一試佢我大概12點入座, 當時得2-3枱客, 8成吉位呢個都係香港飲食業既困境, 真係無人消費望一望餐牌, 價錢大約係1個意粉 / 飯 百幾蚊 去到 牛排 / 三文魚 2百幾蚊絕對唔係貴, 但亦唔係平民價, 定位黎講算清晰, 主力針對平日呢度番工既中級管理層吧我地先點左個法國藍青口配薯條, 賣相好靚仔但一食落口真的世紀大騙案, D青口係極度唔新鮮應該係買D 本身已經整熟左既急凍貨, 再有order果陣撈埋個汁煮番熱佢但有試過既人應該知道, 呢D急凍熟青口, 無論你點樣再煮, 個汁都完全唔會入到味百幾蚊一份青口, 以青口黎講完全唔貴, 但咁樣交出黎就非常差之後點左個午餐 - 大蝦龍蝦汁意粉首先, 蝦大唔大我就唔評論, 大家對大細既定義都好大分別, 可能餐廳覺得大但「龍蝦汁」既成分應該無限接近零, 係零龍蝦汁既味連茶記果D龍蝦汁都叫有D蝦味, 呢個係零如果佢個名叫大蝦蕃茄意粉, 咁我無話可說, 但佢偏偏要叫龍蝦汁Sorry, 真係接受唔到另外點左個燒春雞配蘑菇意大利飯大家有冇係茶記食過D 所謂意大利飯, 好多時會加左成堆三色豆咁樣呢碟野上既時候, 感覺都好類似, 食落亦同茶記既無乜大分別最大既分別係茶記50蚊一碟, 呢度百幾蚊隻春雞雖然乾身, 但都叫做雞但個飯又唔係意大利米, 又加晒椒, 又唔creamy, 重要無乜味, 真係搞唔惦希望餐廳可以同廚房改進下, 香港已經好艱難重係拎呢D 野出黎賣, 真係好難贏到大家支持同日好多其他餐廳都坐滿, 可能點解呢度得幾枱客, 食物本身已經反映左原因…查看更多

作為將軍澳友, 之前行出行入東港城都留意到呢間新拉麵店最近東港城好多餐廳都結業, 見有新店開, 都應該要去試一試, 支持一下呢間鋪頭非常特別, 6點左右, 裡面明明有空枱, 搭枱用既中央大枱亦有位但偏偏要客人係出面排長龍, 大家都問點解有空位但唔入得?呢位店員哥哥非常無禮貌, 話總之有空位都唔入得, 佢要每5-10分鐘先比入一枱呢間麵店既入客制度咁特別, 我都好難評價, 係唔係想大家幫佢製造好多人排隊食既表象?大家都有追問點解要外面等, 哥哥仔就補充話而家鋪頭出餐慢, 怕大家入座先會等得耐先有得食。呢個係咩理論? 出餐慢還出餐慢, 咁咪大家點完餐慢慢坐係度等你出, 點解要外面企係度等?係鋪頭內有大量吉位既情況下等左20分鐘, 終於成功入座。拉麵定價幾高, 一碗麵$128, 我再加左個餃子$25, 加埋一就盛惠$168我落單後都唔知夠唔夠半分鐘, 碟餃子已經上枱咁大家都估到, 好明顯係一早煎定晒, 咁樣出餐我以為食緊放題一咬落口, 果然係凍既....連「暖」都唔能夠形容, 係「凍」到底你煎好左放左幾耐? 我唔敢講其他麵店都係即刻煎, 但起碼咬入口都會係熱萬眾期待既「秘制雞白湯拉麵」到場其實出餐一D都唔慢, 正常10分鐘左右, 唔明白點解要門口既店員製造人龍碗麵外觀上其實幾高分, 根據餐廳說明, 裡面有雞肉、鴨肉、豬肉, D肉大家見到都係粉紅色, 色水係靚既我自己食拉麵既習慣, 一定係飲啖湯先一飲入口, 湯質係OK 幾厚身, 做到「濃湯」既口感, 可惜味道只有咸味, 死咸既味隻蛋正常, 雞叉燒同豬叉燒係幾瘦既部位, 都幾易咬開, 但肉本身無味, 完全無味。至於鴨肉, 其實係一D類似鴨胸咁既肉片, 就係普通出面買10蚊一大條煙鴨胸果隻味。麵身我揀左普通, 口感係可以, 但我個麵有好多條重完全痴埋一齊好似未煮透咁, 呢度扣D分整體而言, 雖然係商場店, 但埋單成170蚊 (1個人)既拉麵店...味道無特別, 有空位但強迫排隊既感受非常差店員服務無禮貌, 成堆後生店員自己圍爐吹水傾計非常大聲明明落單係自己落 (QR code), 水自己倒 (枱面有水有杯), 排隊體驗又差, 店員又自己圍爐大聲吹水, 食物重要係凍既你好唔好意思收人加一呀? 我就唔多好意思再幫襯....亦唔多好意思叫人幫襯。…查看更多

坑口村一直有好多好食店之前同一位置既食店已搬到將軍澳區另一位置發展呢個鋪位亦都迎黎左新餐廳開業可能因為新開業, 店員仍然唔太熟手問到餐湯係咩都唔識答, 最後埋單連apple pay 都唔知咩黎好彩有其他店員幫手我地今次去試左Lunch menu一開始南瓜湯正常發揮, 不過湯裡面有d 南瓜皮未磨爤, 影響口感跟住我地點左個小食炸雞雞肉炸得好出色, 肉質非常彈牙, 炸面亦有足夠調味配合埋個醬非常唔錯主菜試左牛排($158)同豬排($108), 牛排品質唔錯, 牛排午餐百幾蚊論質素已經遠勝外面既百幾蚊牛排生熟控制得岩岩好, Gravy 稍為淡左少少, 但都係可接受豬排($108)亦都烤得非常靚, 食用質感比起外面賣200蚊以上既豬排餐更好薯蓉亦整得夠滑, 呢個價錢真係非常推介飲品方面我試左杯凍Latte, 中規中舉臨走前餐廳表示可以電話預約特別餐單 (即餐牌以外既菜式)有機會之後再去試試…查看更多

我好多年前曾經光顧過呢間餐廳當時比左個超級好評佢, 當時無論服務同食物, 都非常出色事隔多年, 重遊舊地, 慶祝老婆生日, 番到黎呢間我地期望好高既餐廳今晚係一個以白松露為主題既Dinner Set, 價格每人HK$1,688 (+10%)我地坐低, 點完餐, 叫左酒, 一直坐...一直坐...一直坐餐廳經理們一直同其他枱既熟客飲酒, 一杯又一杯, 高帽廚師又係度飲緊, 似乎有幾枱係非常熟既客人餐廳經理似乎飲到醉醉地, 連我叫佢介紹下餐牌幾杯調酒, 佢都反應唔到, 剩係答我係「酒加D野」突然間, 終於有人上左第一道菜, 一放低道菜, 經理頭也不回, 又衝左去隔離枱飲杯高級餐廳, 介紹下道菜唔係基本? 好快有個廚師過黎處理白松露我唔知係佢手震, 定張枱震, 定地震, D白松露整晒落張枱度, 我要人手執番D落碟度自己擺盤之後廚師一樣頭也不回, 衝去隔離枱飲酒, 大笑呢道菜, 完全無味, 而且上既時候, 一堆綠色既野, 我其實唔知呢碟係咩黎之後我問餐廳可唔可以介紹下道菜, 佢地討論左一陣, 之後答左我兩個字「帶子」我係電話度上網搵番餐牌, 原來係「醃漬北海道帶子」講真個帶子做得非常差, 口感好差似係非常唔新鮮, 食唔到帶子應有既口感二黎係完全無味, 白松露亦唔夠香, 果陣微微既香味同帶子亦唔夾之後我覺得奇, 法國餐廳, 唔係一般都會有麵包提供? 坐左咁耐, 第一道菜都上埋, 點解無麵包?我又鼓起勇氣, 舉手問忙住飲酒既餐廳經理, 佢地問番我轉頭「乜你未食麵包?」就係咁, 我終於有包食, 不過係第一道菜之後, 而我好耐好耐之前點既果杯酒, 重未黎緊隨住麵包, 個湯黎左, 講真到呢一刻個人都無乜心情, 但Life Must Go On菊芋忌廉湯個湯講真飲落似罐頭湯, 無乜味, 白松露的確係有香味, 但唔突出, 個湯比較失望呢個時候, 經過我再次提醒餐廳我叫左杯酒, 杯酒終於黎, 多謝餐廳百忙中幫我倒杯酒終於進入主菜環節, 呢個係「真空慢煮普羅旺斯式羊扒」呢個羊排係做得幾出色, 夠厚身, 肉非常軟嫩, 羊味亦出到黎配上底下既椰菜花蓉, 味道唔錯之後第二道主菜「羅西尼牛排」呢道菜就無羊排咁出色, 而最令我扣分既點係果幾條甘筍仔, 係充滿渣, 我咬左好耐, 吞唔到, 佢起渣起到卡係我牙逢千幾蚊餐飯, D配料可唔可以處理得好少少? 比少少誠意?牛排聽餐廳講係M6 澳洲和牛, 牛本身係好食既, 生熟度岩岩好最後上甜品, 「栗子蛋白杏仁餅」甜品無特別, 得一個死甜味, 以呢個價位黎講, 呢個甜品都幾Hea終於完左呢一餐, 我途中有同餐廳講服務似乎有改善空間餐廳同我講今日好忙, 間餐廳得6-7枱客, 3-4個經理招呼人, 好忙嗎?當然, 因為大家都忙住係果幾枱客度飲酒, 大笑, 大聲傾計我以為自己去左街市熟食中心食法國菜而其他幾枱客, 包括我, 就成晚享受你地既茶記服務, 就係零服務呢間餐廳, 經過幾年之後, 似乎捱唔過歲月既洗禮, 變成貴價茶記, 似乎今次亦係最後一次光顧…查看更多

適逢今日係萬聖節, 秋風起氣溫非常舒服同熊嫂入去西貢搵食同行個圈可能因為難得氣溫有一丁點涼快, 今日西貢非常多人車位可以話係一位難求前排黎到西貢, 係一起果醬附近行過已經見到呢間新餐廳因為招牌就係大大隻龍蝦, 相當吸晴今日再次行過, 決定入去試一試, 希望尋覓到好食既龍蝦包可能因為係萬聖節, 餐廳除左有好多萬聖節裝飾外連服務同食物都打造出驚嚇效果, 真係以為去左哈囉喂入去坐低, 其他食評都有提及既類似老闆娘店員招呼收到餐牌, 老闆娘特別強調今日係萬聖節, 所以剩係做「龍蝦包套餐」本來我無乜所謂, 我都係打算食呢個。但驚嚇既係, 隔離枱坐低又可以叫小食同意粉???似乎每枱可以點既野食好取決於老闆娘既心情然而點完餐之後, 先係萬聖節既開始隨住時間一分一秒過去, 接近半小時後仍然無任何菜式黎過, 唔只我地, 其他枱既客人都差唔多情況之報老闆娘話因為兩個男同事尋晚玩得太夜, 未起到身番工, 所以都比唔到野食同飲品出黎之後接近滿座既餐廳, 所有食客開始踏上萬聖節既等待之旅, 到底下一秒會唔會有野食呢? 氣氛非常恐怖與此同時, 叔叔男店員突然由廚房走出黎話自己好熱, 將全間鋪既冷氣都開到好大, 之後自己走番入廚房黑熊問號???  我地除左無野食之外, 重要比幾部大冷氣吹到正, 而好熱既果個當事人, 自己又走番入廚房無耐之後, 送黎左一隻軟殼蟹, 精心製作既套餐小食, 我懷住感恩既心, 食左落肚, 非常重口味既咸味之後上左3隻小蝦蝦球, 非常油同帶少少辣味同重口味既咸味, 由於已經無乜心情, 就無再影相然後希望突然出現, 兩位男店員黑衫黑褲終於趕到餐廳, 好似救星一樣接管左水吧同店面工作獲得解放既老闆娘就好似一隻哈囉喂扮鬼既女演員一樣, 飛快既腳步入番廚房但由於岩岩斷斷續續上比客人既菜式, 似乎並無系統性去記錄邊一枱上左乜所以男店員番黎後根本follow up唔到, 老闆娘就開始大發脾氣, 非常大聲係度叫罵男店員好心呢D家事你就關埋門先慢慢鬧, 不如你先煮好餐飯比我食先大約坐係餐廳1小時30分後, 終於黎左套餐既龍蝦包同咖哩蟹包老實講, 我已經坐到好肚餓, 但呢兩個包, 一丁點好食既感覺都無, 材料少之又少, 味道又缺乏只係一個包, 夾住兩塊菜, 加幾片類似龍蝦肉既肉片。蟹包就同樣設計不過係少少蟹碎。哇, 真係感恩, 竟然龍蝦包無龍蝦味, 蟹包無蟹味。而且份量少到嚇死人! 哇! 哈囉喂呀!而最後一個重點係, 我入餐廳坐低果陣, 已經點左餐飲, 凍咖啡呢一杯凍咖啡, 真係要歷盡艱辛先飲得到係餐廳坐左半個鐘之後, 老闆娘聲稱自己唔識沖咖啡, 店員又未番, 所以遲D先上但男店員番左黎水吧, 我起碼前後講左3-4次我杯咖啡未上, 店員一樣彩我都傻直到我所有野食晒, 埋單都叫埋果陣, 佢終於拎杯凍咖啡比我!!!而呢一杯「凍咖啡」, 係暖既, 真係暖入心頭, 而且非常酸, 我飲左一啖就放棄左作為萬聖節飲品, 驚嚇度係合格既, 而且重要加兩蚊添而佢套餐裡面既所謂甜品, 只係每人一片「薄切」蛋卷我熊生裡面第一次食到刀功咁好既「薄切」蛋卷, 係真係完全無味同入口即溶嫁!埋單果陣, 店員仔仔收完我張卡, 放左係枱面, 10分鐘都唔插我張卡入機過數直到我提佢...哥仔, 我張卡呢....佢先幫我碌卡西貢哈囉喂既體驗, 終於告一段落。…查看更多

係一個「星期五」既晚上, 同熊嫂收工經過新都城見到都裝修左一排既燒肉店原來已經開左張就諗住入去試一試裡面既環境由於係新裝修, 其實第一個印象都幾好但當我地一坐低之後, 見到枱面上兩隻碟都充滿污穢成隻碟都好多黑色既污穢係上面…用手係捽得甩, 非常嘔心即刻叫職員幫手換碟…最後換左2隻非常濕既碟比我地, 似係洗碗機拎出黎(後面知道比客人裝熟肉進食既碟 同 裝生肉既碟係完全一樣..可能混埋一齊用)我地係光顧「C」餐, 平日盛惠HK$398 (假日HK$448)餐廳係用QR code點餐, 使用上都方便但我發覺屬於C餐既肉…都會係列表既「最底」….打開menu 首先揀到既會係「A」或「B」餐相對較便既肉..我到中段先發覺呢個問題我舉個例, 我「C」餐係有日本豚肉同雞肉, 入到menu, 最先見到會係「雞胸肉」、「豚肉」等當手指一直掃、一直掃、一直掃….過埋熟食炸物之後, 就會突然出現「雞胸肉(日本)」、「豚肉 (日本)」………牛肉同理。建議餐廳可以大方少少, 先按照客人揀既餐將較好既肉類放係清單最上面。牛肉方面, 完全唔合格, 先唔投訴佢肉類完全未解凍, 一塊冰咁上枱牛肉非常韌, 又多筋…食落無肉汁, 以呢個價錢比其他燒肉店就失色不少而且剛坐低果陣, 職員會先上一個牛肉併盤, 併盤既肉都係相對較便肉類既數量亦非常神奇, 無論你點1份、2份, 佢都係上1份。但1份裡面, 又會有時3片、有時4片。呢個燒肉放題係話90分鐘任食, 不過時間去到60分鐘果陣, 職員突然走上前話「通知番! 已經CUT左單啦! 點唔到野食嫁啦」入座前完全無提過60分鐘last order當然我明白燒肉放題需要定時間截單比客人燒但職員應該早10分鐘先「提醒」客人重有10分鐘可以點餐, 而唔係直接通知客人「已經截單」最後埋單, 明明係星期五食, 餐廳明明寫住Weekday HK$398, Weekend HK$448。但原來星期五係Weekend。我埋單後詳細研究過佢地價錢牌, 無define過星期五係屬於Weekend。所以最後2個人埋單$985, 接近1千蚊。今次驚險既新餐廳體驗終於完結。…查看更多

今日咁岩有事去開灣仔胡中果邊無意中經過呢間「和平燒味」鋪頭名已經非常吸引人鋪頭裡面只有2個堂食位, 基本上係主打外賣我近年每次食燒味飯, 都一定係叫「叉燒燒肉飯」$60 既價錢, 包飲品, 坦白講以普通燒味飯黎講, 一D都唔算便但大家睇張相, 可以話係真材實料飯面鋪滿晒叉燒同燒肉, 燒肉重要係燒腩仔如果以燒腩仔黎講, 60蚊又變得唔貴叉燒肥瘦適中, 醬汁調味亦唔會太濃, 非常好食燒腩仔亦係高分佳作而且份量幾多, 我一個大男人都食得幾飽非常推薦呢間燒味外賣店…查看更多

近日難得疫情受控 外出消費意欲大增同老婆一齊黎到科學園, 事關之前係openrice見到呢間Hunky Dory似乎非常唔錯好適合週末黎輕鬆一下非常可惜 結論而言我係錯既。我地約早上11:40 到達餐廳, 當時餐廳只有約3-4枱客人餐廳係用掃碼落單既方式, 個人好鍾意呢個方式, 簡單易用又清晰今日一場黎到係想試威靈頓牛柳我地總共點左威靈頓牛柳、雞肉漢堡、一客蘋果批、一杯水果沙冰同一杯咖啡呢度食物價格係中間水平, 每度菜200元內, 飲品每款約4-50元呢一餐共花500元。呢一杯咖啡黎到既時間係11:50, 呢杯咖啡非常好飲焦糖甜度適中, 配上咖啡香味, 四十幾蚊黎講係超值享受威靈頓牛柳既上菜時間係12:10, 味道非常好食, 坦白講即使係中環比貴一倍, 都食唔到呢個味道牛柳生熟程度恰到好處, 肉汁非常多, 酥皮同裡面既鵝肝醬&蘑菇泥亦非常好食以200元以內既價格黎講, 呢個係100分既菜式。雞肉漢堡並未有拍照, 但亦做得非常出色, 雞肉漢堡肉質軟棉棉, 並唔似其他餐廳咁煮到硬晒甜味亦適中, 唔會太咸。係我同老婆享受美食既時候, 時間黎到12:15, 突然間女店員行埋黎「催枱」, 表示我地已接近夠鐘, 請盡快進食!我同老婆嚇一跳, 岩岩先上菜, 我地坐低都無幾耐, 夠鐘???之後女店員行去隔離枱催隔離枱夠鐘, 隔離枱果兩位女士同樣嚇一跳呢兩位女士比我遲10分鐘先坐低, 咁快又夠鐘???坦白講, 進食心情已到低點, 食物幾咁好食都無用, 比人催住快D食又點樣享受?係5分鐘後即12:20, 另一位店員又行埋黎再次催枱, 叫我地快D還枱, 我叫店員望下我地兩碟主菜先食到一半, 點樣還枱?? 之後一位男經理 (不肯定是否經理)過黎問我有咩問題還唔到枱, 我同男經理表示「入座時完全無提及有1小時限制」男經理表示「無可能」, 一定有講。咁似乎我同老婆 加上隔離枱既客人耳仔都有問題無人聽到呢件事! 男經理表示我令佢好難做, 影響其他客人入座, 問題係無人等緊位, 餐廳得4-5成滿, 我影響緊邊位客人?隔離兩位女士急急腳飲埋野飲, 我見佢地主菜都未食完忿忿不平離開, 佢地好一個週末, 咁樣就破壞左心情我連甜品都未食, 我當然唔會走住, 加上都未夠1個鐘.......我11:40 先入座, 12:15 開始催我走係咩玩法?蘋果批黎到既時候, 其實我已經無乜心機食, 都係普通貨色表面既雪糕上菜時已熔得比較利害, 食唔出「凍雪糕」配「熱批」既冰火口感呢一點較為可惜, 但餅底係唔錯既, 蘋果肉份量亦足夠一男一女既店員係左右兩面望住我進食, 好似「監督」住我既進食速度到底我做錯左乜野? 我欠左佢? 我搶左佢張枱? 驚我偷佢餐具??係我食完最後一啖蘋果批果一刻, 枱上既碟&餐具迅速被收走, 同時提我埋單可以自己去門口埋呢一刻既時間係12:35OK, 我錯, 我阻住你地做生意我一起身, 回望餐廳內, 只得一半既枱有客人我行出去比錢, 望向餐廳外, 完全無人等位到底點解咁急要客人離開??500蚊一餐, 唔通餐廳歸類自己係快餐?如果係快餐, 上菜可唔可以快少少? 係唔係應該落單後10分鐘內上齊菜?我認為呢個價格, 30分鐘就開始催枱, 食呢餐飯係享受上既性價比實在有D太低要用食麥記既心態黎食? 但收費係500元。但麥記都唔會趕人走。非常差既體驗到此結束疫情剛過, 飲食業迎來生機, 餐廳遇上我呢類進食慢既客人, 實在黑仔我亦應好好訓練自己5分鐘完食, 以免影響餐廳客如輪轉…查看更多

天氣最近非常適合出街星期六去到西貢食海鮮食完行行下, 見到呢間麵包店, 醒起佢係西貢區內openrice排名都幾高就入去買半打葡撻試一試$14/個撻皮非常鬆脆, 蛋漿有幾香既蛋味焦糖甜度適中, 葡撻黎講唔算太甜而且撻算係大個, 所以雖然賣$14/個, 雖唔算便, 但我認為唔算好貴當然唔好拎佢同KFC上校果D價錢比較, 質量係完全唔一樣店內重有蛋糕/麵包賣, 蛋糕大約$30-$40/件, 留待下次再品嘗都幾多人幫襯, 不斷維持有2-3人排隊少少題外話, 當年去葡萄牙旅行, 去得葡萄牙基本上都會幫襯下Pasteis De Belem, 一間聲稱係始祖葡撻店老實講, 排完半個鐘隊, 成功買到食入口, 真係無驚喜, 幾錢我已記唔起香港作為美食之都, 呢類外國傳統美食, 係香港早已發展成熟想食有質素既葡撻, 係香港已經搞得惦…查看更多

近日終於迎黎秋風, 收工終於有閒情係條街四圍搵食今日經過天后, 係電氣道行真係乜野都有得食突然口癢想食乳豬, 就開始四圍搵燒味鋪行過呢間君御燒味, 見到門口一堆C9等緊外賣, 直角話我知應該係街坊店應該唔會伏, 入閘一試門口有一位四眼靚仔伙計, 好有禮貌招呼每一個客人入去係燒味店呢類 光速餐既世界, 有哥仔充滿笑容同你講「歡迎光臨」, 再充滿笑容同你講「多謝幫襯」呀哥, 呢D 叉燒佬邊度搵呀?入到去見到人客都幾多, 但環境乾淨, 餐牌都唔望, 即刻叫碟「乳豬叉燒飯」因為係食夜市, 好彩重有乳豬賣碟飯黎到, 乳豬睇落已合格有突但叉燒佬既心情似乎受香港複雜既環境所影響, 比舊叉燒有少少太瘦雖然已經晚市, 但食落乳豬皮仍然非常鬆脆, 有好香既碳燒味乳豬厚肉而嫰口, 街坊店黎講已算超水準表現平時係中環番工, 有時口癢食碟乳豬飯, 輕則80大元重則過百埋單, 但都食唔到滿意既乳豬而係天后呢度, 51蚊一碟乳豬雙拼飯有呢個水準, 贏晒啦呱散叫左杯凍檸茶, 茶味算香濃, 埋單走人離場時重遇四眼靚仔小哥, 應該係老闆, 全場飛非常落力靚哥仔隨單附送一客「笑容」同「多謝幫襯」心入面突然相信呢間係香港島最有招呼既平民燒味店食完乳豬, 算係完成左今日既開飯目標。…查看更多

晚上揸車去開筲箕灣果頭同東大街久別重逢筲箕灣係本熊老家, 雖已搬離一段時間但似終係度生活左二十幾年, 感情滿滿筲箕灣講到食, 一定係東大街, 無得傾呢度咁多年黎都係百花齊放, 大自然生態汰弱留強唔得既, 由好變衰既, 慢慢就會唔見左好食既, 保留水準既, 仍然歷久常新今次重遊舊地, 見到呢間八沢, 入面生意興隆, 應該都唔錯入到去見到佢話自己係十大特式拉麵, 我諗左諗, 咩特式原來佢招牌菜係黑松露忌廉海鮮烏冬, 呢個配搭我覺得奇奇怪怪但熊嫂話試, 就點一個黎到樣同圖一樣, 味道係好食既無估到黑松露忌廉同烏冬麵會咁夾得黎個湯好飲, 湯入面既三文魚, 煮得非常軟滑可以用入口即溶黎形容, D魚好好食重有兩隻帶子, 一樣彈牙好味呢個烏冬麵非常高分!我自己比較保守, 只係叫左個牛肉烏冬, 基本野係合格既, 起碼牛肉算多, 烏冬彈牙之後我係餐牌見到有炸蠔, 我作為炸蠔粉, 試一試佢我比80分, 好食! 粉唔厚, 蠔好食!咬落去D汁彈出黎!最後試左試串燒串燒唔便, 平均都20蚊串, 其他有D更貴既串燒無試係好食既! 水準有串燒專門店既級數呢餐係好滿意既, 唯一不足係員工似乎太忙忙到落錯單, 黎錯野之後要查一大輪先換番野食比我埋單果陣更得意, 佢按電腦按左隔離枱張單比我埋差D就比貴1舊水所以奉勸大家落單埋單都小心D, 食物質素係OK既!…查看更多

熊嫂生日, 一齊咁多年都無帶佢食好西今次就book左呢間 La Table 同佢初嘗一次法國餐不愧為酒店高級餐廳, 由訂位開始招呼已經非常好學某youtube食家講, 唔係「服務」咁簡單, 係「招呼」!簡單幾句交談, 感受到既係一種歡迎朋友黎食飯既親切訂位後亦有好親切既短訊確認, 加上當日既電話提醒黎到餐廳, 每張枱與枱之間既空間非常非常大每枱都有非常高私隱度既距離, 起碼我聽唔到其他枱既人講乜先跟住就開始一餐美滿既法國餐西餐好多時都係由麵包開始, 呢個包非常鬆軟而且上枱時係熱辣辣, 今時今日可能真係要去高級餐廳, 先有熱既麵包食食完後服務員有問需唔需要追加, 可能係可以任食但我無追加到食西餐唔少得, 係要叫杯飲品, 外國好多地方食飯叫杯飲品係禮貌呢杯Martini 酒味好濃, 適合男士飲去到前菜, 呢個係吞拿魚蓉, 面頭有沙津菜同半熟蛋旁邊有檸汁西餐吞拿魚同日本菜既吞拿魚味道唔同所以千奇唔好用魚生既角度去比較係好食既! 第二道菜係法式鵝肝配黑松露薯蓉鵝肝口感好, 並唔係入口即熔果隻煮法鵝肝呢個質素係同我當年係巴塞羅娜市場好出名既餐廳果塊鵝肝不相伯仲薯蓉滿滿既黑松露味, 非常好食第三道菜係一舊深海魚, 魚名我記唔到服務生話係類似魔鬼魚果類既深海魚冬天先會食到, 好彩既話有時候city super會有得賣外面係一層煙肉包住魚既肉質係非常有咬口, 同平時食既咩石斑係完全唔同配上旁邊青色既青豆醬非常好味第四道菜本身menu係牛面肉我個人比較唔鍾意食牛面珠, 所以我換左做羊架羊架好似係選自高原羊有食過蒙古羊肉既朋友應該知, 高原羊係非常重羶味但我個人係接受到羶味, 所以好岩我食肉質可能經過慢煮, 彈口得黎又易咬附上既蔬菜亦煮得好入味最後黎到甜品黑色既係黑松露朱古力球, 入面係焦糖心白色既係芝士味雪芭兩樣都非常好食今餐法國菜, 我本來擔心法國菜會唔會唔夠飽但原來食到後面係非常飽, 所以好彩一開始無加麵包每一位服務生都可以同你做到有講有笑服務生每上一道菜, 都會詳細同你介紹呢道菜每一樣雖然我唔能夠全部都記得, 但聽完再食就會食得出廚師果份心機非常建議大家黎試一試呢間酒店餐廳…查看更多

本熊同熊嫂繼續揸車四圍飲食今次黎到荃灣區主要係openrice 望到呢間位於荃灣廣場對面既小店人氣幾高又評價不錯因為怕無泊車位, 所以一般都較早出門我到達既時候係第一枱客當時員工眼見只有一名, 好有禮貌有笑容Cossi 既午餐都非常實惠, 全部100蚊內有交易由意粉到牛排都有選擇但由於一場黎到, 本來想點幾個小食試下但原來佢地午市係不提供小食, 我估可能係人手唔夠呱呢一點非常失望, 因為佢午餐既份量唔多, 無小食唔夠飽點左午餐入面最貴既牛排, 外表係幾好, 有紋理但食入口時只有雪藏味, 一點肉味都無, 肉質亦較硬估計原材料上面質素唔太好我個人寧願佢收貴50蚊, 但選料上用番好少少食完後亦同預計一樣, 仍然肚餓總結之言不過不失, 但以揸車黎光顧而言就略帶失望如果可以增加人手, 係午市度提供埋小食, 我應該會再次光顧…查看更多