Geminilsy的个人专页

呢間壽司店比想像中出色，而且老闆係一個好有良心嘅企業家，所有嘅壽司務求做到完美，先至會賣比個客人，而且個老闆好有善，會有種比你享受美食，享受服務，享受環境嘅感覺咁我之前食過鰻魚飯啦，真係好多汁，好入味，有種感覺係飯都好味啲嘅感覺😂而且佢一碗嘅份量係足夠一個正常食量嘅女仔覺得好飽肚，所以價錢即使係比出面貴，但係物有所值而另外我最常食嘅就係青瓜卷，唔好睇佢平平無奇好簡單，師傅都係好用心咁去包，好用心機整青瓜絲如果大家得閒嘅都可以試吓坐低堂食，不過我見成日都好多人捧場，所以未有機會，如果下次有機會都會試吓…查看更多

喺九龍城又想食壽司嘅話，真係千祈唔好喺呢度食，佢其實同爭鮮差唔多，只不過係佢貴過爭鮮，甚至難聽D講句，如果方便嘅話不如去返超級市場買可能會仲好味，聽人講就話轉左手，所以質素直線下降，不過就算我哋唔理佢轉手又好，乜都好，我依家食到嘅味道係只能夠講求醫飽肚，求方便先會食，可能附近其他嘅壽司會比較好，下次會試下其他喺呢度買花之戀，佢嘅樣貌出黎其實都唔靚，好水，所以我唔明點解個壽司師傅可以係唔靚嘅情況下都比到個客人？…查看更多

喺九龍城有好多小食，都好想試吓，今次嚟到呢一間鋪頭，買咗一個鳳爪，外貌同埋色相一般，食落去唔夠辣，亦都唔夠入味，佢嘅配菜都唔係多，如果對於唔係太食得辣嘅朋友仔來講，可能就會好適合，但如果佢哋味道同呢個價錢…我就覺得未必值得，因為佢嘅味道份量相對其他泰國食店唔太出眾，配料唔算多，鳳爪數量亦都唔多，但佢嘅價錢同其他泰國店嘅，只相差幾蚊不過之前我有試過佢嘅豬頸肉，佢嘅價錢好符合，亦都係十分之香口好味，佢嘅汁都好美味，所以如果講比我返轉頭買，可能會選擇豬頸肉而唔係鳳爪…查看更多

夜晚晚飯同朋友唔知食啲咩好，跟住喺長沙灣附近周圍行吓，咁岩行過見到呢一間漢堡包店，淨係睇佢嘅環境、裝修、設計，望落去幾舒服，就諗住睇吓餐牌，睇下有冇野啱食啦，咁見到佢全部都係主打漢堡同埋炸魚薯條，咁都有幾款面嘅，咁係諗唔到食啲咩嘅情況下我哋就選擇咗嘗試呢一間野。入到去個老闆都好熱情，其實服務十分之好，而且係一間好親民嘅小店。跟住我哋叫咗個漢堡，出到嚟見到個份量好大，不過就冇想像中咁驚喜，跟住我哋仲叫咗一份炸魚薯條，但佢連海洋公園嗰隻薯條都比唔上…咁個漢堡嘅價錢亦都算貴啦，都差唔多$200跟住我哋仲叫咗扒咁當初要求係三成熟嘅但係出到嚟都仲係有渣，所以同我想像中嘅差好大……查看更多

今日同幾個朋友一齊嚟到旺角嘅分店食日本料理，整體來講佢嘅服務，同埋食物嘅質素都幾滿意，其實份量唔係話細， 宵夜來講大家都食到好滿足，而且佢啲刺身唔會話唔新鮮，叫做咁嘅價錢有返咁上下貨色，加上幾個朋友都係吹水為主，其實算係一個唔錯嘅地方俾朋友聚下。不過講到環境方面就有啲擠迫，佢所有嘅枱都好細，變到我哋幾個朋友都好逼咁樣坐喺度，享受呢一餐宵夜，所以如果要我比建議，我覺得最好改善一下個環境，改善一下張枱，咁樣就做到完美！…查看更多

今日收工已經好夜，已經係凌晨嘅時分，但基於肚仔真係好餓好餓，餓到一個點！但又唔想食麥當勞嘅時候，我哋選擇咗去食萍姐，因為佢都係長沙灣一間唯一未收，又有各色各款嘅小食！今次我食咗佢嘅酸辣粉，我叫咗一個小辣，不過都仲係好辣，老闆娘見到都有同我講下次可以主動要求微辣，可見佢都好留意客人嘅需要，呢個值得讚！跟住我哋仲叫咗雞軟骨，豬頸肉，茄子，雞中翼，同埋私話力腸，仲有台灣腸，其實整體上都幾好味，好香口，不過有部份就可能調味落得唔係太平均，就有啲偏鹹…查看更多

由於今日成日落雨，落下停下，落下停下咁，所以打電話去嗌左兩個外賣，分別係泰式雞翼，同埋茄子肉碎炒豆角首先講返啦佢外賣嘅速度好快，呢頭打完電話落去，15分鐘左右落去就即刻可以拎走佢嘅泰式雞翼平時喺堂食嘅時候冇試過，淨係食風沙雞翼，今日試嘅泰式雞翼好好味，佢嘅糖醋汁整得好好味，撈飯一流！跟住個茄子肉碎炒豆角就偏向油，但係好入味，好夠鑊氣，極力推介一個新嘅小炒！兩個小菜都係送飯一流，就咁叫個外賣係屋企已經醫飽咗個肚，仲要係三個人一齊食！仲要兩個餸$200都唔洗，直頭窮人恩物嘅出名小炒！…查看更多

伴碟好靚啊，做到好豐富，而且基本上一個套餐咁樣，仲跟埋一球雪糕，雪糕味都有好多種，可以任君選擇，鍾意食咩味都有，而且整個甜品睇落去好豐富，好靚，打卡一流，仲要唔係淨係齋睇，連食落去你都會感受到好滿足！心太軟真係好好味啊！有種食完下次會再食嘅感覺！所以呢一點真係非讚不可！因為出面嘅心太軟通常都做到好甜，而且成個朱古力蛋糕咁，流心嘅感覺做唔到，亦都唔似一個心太軟，但呢間比我感覺係食緊心太軟，仲有一球雪糕比我！不過有個地方要改善嘅係酒味太重！…查看更多

今次再過嚟食，發現佢哋多咗啲新野，見到有咖啡☕️，跟住點知原來有小食，有啲鹹點，唔使淨係食甜品咁甜，啱晒下午過嚟hi T，享受一個悠閒下午茶，佢嘅咖啡選擇都有好多，而且配小食都好平，分分鐘醫飽個肚都唔使幾十蚊！既享受到環境，又享受到美食!先講下我哋今日食咗啲咩小食啦～我哋試咗最常見嘅菠蘿雞翼，做得好好味，佢仲有一個好得意嘅圓圈豬肉腸佢唔只外型特別，佢嘅味道都唔錯喎！我哋仲配左一杯咖啡，已經足夠醫飽左我哋整個下午！…查看更多

今日行過九龍城，見到有一間糖水試業，跟住就無啦啦衝左入去諗住試吓新野，入到去環境好舒服，佢哋暫時未有餐牌，全部都係手寫嘅，見到好有心機，但係冇圖片參考嘅情況下覺得好迷惘，但冇幾耐員工就俾咗一部iPad我哋，入面有好多佢哋甜品嘅相，全部都影得好靚，我哋嗰陣時都喺度諗會唔會圖片只供參考？但當個甜品出到嚟，發現好靚，甚至靚過張相！我哋3個人，試咗一個疏乎厘，窩夫，同埋佢先有嘅雪花糯米卷！首先講下佢個疏乎里，平時見就見得多，聽就聽得多，仲知道係油麻地一間要排晒長龍好難食得到，仲要一早整定放喺度俾錢即刻有，但呢一次難得見到係即刻整，不妨試一試，佢做到好鬆軟，而且全部新鮮即打即整！真係食過返尋味，下次一定會再嚟幫襯！再講埋佢個雪花糯米卷，真係皮薄餡靚，皮好薄，椰絲啱啱好，而且煙煙銀銀好過癮！…查看更多