大瀛喜日本料理 (已結業)

今日同幾個朋友一齊嚟到旺角嘅分店食日本料理，整體來講佢嘅服務，同埋食物嘅質素都幾滿意，其實份量唔係話細， 宵夜來講大家都食到好滿足，而且佢啲刺身唔會話唔新鮮，叫做咁嘅價錢有返咁上下貨色，加上幾個朋友都係吹水為主，其實算係一個唔錯嘅地方俾朋友聚下。不過講到環境方面就有啲擠迫，佢所有嘅枱都好細，變到我哋幾個朋友都好逼咁樣坐喺度，享受呢一餐宵夜，所以如果要我比建議，我覺得最好改善一下個環境，改善一下張枱，咁樣就做到完美！