冇雀的腳仔的个人专页

咁岩去到上水附近搵朋友，同朋友行過見到呢間日本料理就入左去試下啦，點個知一試真係勁難忘，下次有機會一定會再返黎！因為閒日啦同埋同朋友比較早時間就到左，所以唔洗等就入得：）我地叫左串燒，刺身同埋個甜品，首先就黎左我叫既野飲先，就係抺茶紅豆冰。綠茶味唔濃唔係好苦嗰種，對我黎講就岩哂 加埋紅豆黎飲岩岩好 之後就係當日既精選既活魚刺身 - 目張啊！賣相好靚，食落仲正！我原本係唔太食刺身既人啦，係朋友威逼下食左一塊之後就停唔到仲搶埋朋友嗰份haha佢既口感好煙靭，魚味好鮮甜，正！之後就到我地叫既串燒喇～首先係鹽燒煙肉蕃茄仔串～～～～P.S 好鐘意佢個爐，好少舖頭仲有炭爐燒，仲要好靚haha一路燒一燒聞到煙肉既香味引死我同我朋友 燒完之後既煙肉蕃茄串好香，外層既煙肉好脆，咬到內入面既蕃茄仔之後又中和左煙肉既油膩感第一個就食佢係正確既選擇 好開胃！ 之後我地就食珍寶帆立貝 佢落左少少牛油同蒜粒，燒既時候好香 入口好嫰，燒完之後都仲有鮮甜味，加埋牛油香諗起都流口水 之後就到雞翼喇，我係一個雞翼控，而呢到既串燒都無令我失望 有店員既幫忙，雞翼燒到外脆內嫰，同埋間舖腌得好好食 最後既就係鹽燒牛舌‌～～牛舌都算厚，入口好有彈性，因為可以自己燒所以自己控制燒幾耐店員教我地燒一陣就okay所以唔會話太靭咬唔開，又多肉汁好好食！！佢仲同我地講給如果叫六串串燒就會送啤酒，可惜同朋友食唔到咁多，下次多d人黎一定叫haha女人就係要有甜品先哪叫食完一餐所以我同我朋友就決定叫個蜜瓜紅豆芭菲 個蜜瓜比我地兩個想像中大好多 同朋友兩個人差d食唔哂 蜜瓜好甜，加埋呍利拿雪糕同紅豆真係好好食！唔洗擔心會太甜因為雪糕有d中和左我同朋友都覺得四個人share食都夠haha總括同朋友都覺得值得再黎食 舖頭唔算大 好適合三五知己聚會， 有機會一定會再黎，又價錢公道又好味！ …查看更多

鬧市既餐廳就算平晚，通常都一樣係咁多人，喺銅記既呢間組長日本料理亦唔例外，六點幾鐘已經幾乎坐爆~呢間鋪其實唔大，擺放咗唔少既座位，但係又唔會感覺非常逼~ 喺商廈樓上餐廳，最鐘意就係坐窗口位，可以望番落去見住啲人走來走去，平日唔容易可以咁樣望到~~坐低咗之後，店員已經好細心咁話最近天氣比較乾燥，問使唔使叫咗嘢飲先，然後就遞咗張飲品紙俾我地簡，呢個小小既舉動都真係幾窩心，好禮貌係基本，但係要做到想顧客所想，先真正叫做良好服務，就係咁樣我就已經對呢間鋪有咗一個良好印象!佢講得啱既，近日天氣的確乾咗好多，所以就整咗罐蜜桃茶來飲，雖然佢都係得罐裝，但係款式上都OK既，唔會得汽水同汽水~睇番食物，呢度既種類真係非常既多，喺我地手忙腳亂剔緊嘢既時候，好快店員又走咗埋來問使唔使幫我地收咗剔好果啲先，等我地剔完即刻有得食~ 又係咁貼心既服務，真係抵讚!食物唔洗幾耐已經來到，而且上得都幾快~ 急不及待咁試咗啲魚生，食落同睇落都幾唔錯，啖啖肉得來又夠鮮味，good! 跟住就食咗啲甜蝦同赤貝，甜蝦雖然細隻，但係肉質嫩滑，幾隻一齊擺落口，唔洗點豉油都已經好正~ 不過到赤貝我就覺得稍為硬咗少少，雖然一樣係好有鮮味，但係平日食果啲應該比較爽脆一啲，所以第二round就冇再叫~ 因為我都唔係好食其他魚，所以對我來講，三文魚好食、蝦好食都已經幾足夠=]到熟食方面，焗蠔、牛柳粒、串燒雞之類都相當唔錯，蠔好夠肥美多汁，鮮味非常，加咗少少既芝士同埋香草，食落真係好唔錯，其實除咗焗蠔，佢地亦都有炸蠔，不過個人覺得焗蠔比較正~ 至於牛柳粒，份量雖然唔多，得十粒八粒，但係食落好夠嫩滑多汁，而且有我最鐘意既葱花，正呀!!但係食到天婦羅，我就覺得麻麻地，部份既炸粉比較厚身，而且炸蟹柳真係用打邊爐果種來炸，我就確實唔多鐘意，而且冇軟殼蟹….款式真係多，無法亦都無意一一盡錄 只能講話呢度食物質素唔算太突出，但係款式多，不過重點係服務非常貼心，店員有效率亦有禮貌，做嘢好主動，抵讚!!(試過三幾次都upload唔到相，就此作罷)…查看更多

秋天又系打邊爐既時候，今次見openrice評價唔錯，決定黎呢間打邊爐~呢間新鋪環境唔錯，裝修簡單，睇落唔多次係火鍋店，不過感覺乾淨舒服，坐得都闊落。安頓好之後，因為都唔知點咩食，所以就問下個侍應，佢推介鴛鴦鍋，一邊系可以雞煲，一邊可以唔同湯底，而雞煲重可以要既唔同部分、甚至連辣度都有得揀，真系第一次聽，好特別﹗最後我地叫左兩個煲，第一個揀左雞煲配龍蝦湯鴛鴦鍋，雞胸，小辣，第二個皮蛋芫茜配牛奶湯鴛鴦鍋。之後再睇到點菜紙，就發現佢地都幾多唔同野去食，單系牛都有唔同部位食我地就叫左D一般打邊爐既材料等既期間，侍應比左份呢間餐廳既報道，比我知道下呢間餐廳。睇過篇報道之後，我至知道原來呢間餐廳有好多種雞煲既食法，而老闆因為注重養生，並且希望改變一下「食雞煲唔健康」既傳統。呢個相信系每個雞煲愛好者既喜訊!等左無耐，個鍋到左，而其他材料都好快就到。雞煲配龍蝦湯鴛鴦鍋熟左之後，一陣陣香味直飄埋黎，系雞煲既麻辣味，亦都系龍蝦湯既香。夾起雞件，都幾大件，肉好多而骨好少，非常入味，而麻辣味都好夠(不過我自己食既話應該要再辣D)。食完雞煲，侍應加左藥膳湯落去，湯底既香味又唔同左，有D中藥味，但完全唔難聞，加入材料後，果D材料，也唔系好似中藥既味，有少少甜，亦有少少雞煲既辣。呢個我從未試到咁既味，但以我個人黎講，都幾鍾意。而個龍蝦湯好鮮甜，用黎打邊爐一流。至於另外一個鴛鴦鍋，皮蛋芫茜清淡得黎，芫茜都好重。而另一邊特別既牛奶湯，呈白色，奶味好重好香，加上材料，令材料更惹味。咁好既湯底，令我地呢班人，一路食，一路加湯，一路加單要打邊爐既材料，食左好多輪。大家食得開心，傾得開心。睇黎又多一間打邊爐、雞煲好餐廳啦…查看更多

上OPENRICE見到呢間Dazzling Cafe既食評唔錯，亦都有好多好評，所以專登黎試一試。上網睇好多人都要等好耐先有位入到去，不過今日可能唔係假期，所以唔洗等得太耐，大概40分鐘多少少就入到去。 入面環境唔錯，不過就冇期望中咁靚，不過都算係中上，感覺上都幾舒服。 吐司算係呢間既招牌菜，所以專登叫左個「抹茶紅豆蜜糖吐司」黎試下。但原來系冇咩特別，只不過系幾塊厚少少既多士，還要冷冰冰的沒有口感。整體上沒有很突出，名過於實吧:(:(:(:(這個叫什麼檸檬醬雞脾意粉之類吧，咸咸酸酸甘，雞既肉質唔嫩滑，有少少"鞋":(:(:(:(整體唔覺得好食，特別系個醬汁。。。。…查看更多

鍾意食野ge人都知，銅鑼灣登龍街，可以話系「銅鑼灣食街」。而拉麵店，都有幾間出名ge落戶呢到。試過唔少間舖又大又出名ge拉麵店，今次試間系香港未太出名但系日本個名就響當當ge拉麵店-----金田家。去到餐廳，裝潢佈置幾有特色而簡單，分吧枱同普通枱，共廿幾個座位，重有一個開放式廚房，保留左一部份日本風。牆上掛左一D佢地曾經得攞過既獎狀同拉麵相。簡簡單單，或者就系金田家創辦人金田先生ge風格。坐低之後，店員會用心同詳細向我介紹餐單上既食物，重會先問曾光顧與否而加以解釋應該選擇ge拉麵，服務態度一流。我揀左荳芽叉燒拉麵，硬麵，正常葱量~ 宜家一碗拉麵仲送一隻溏心蛋。等左一陣，拉麵就到啦。賣相，真系幾吸引，湯系奶白色兼有起少少泡，叉燒整齊擺好，紫菜放系側邊，加埋隻溏心蛋，睇落都想食。麵條雖然幼身，但由於系硬麵，食落嚼勁不錯，掛湯力強，湯同麵合埋一齊，絕配也。湯質感濃稠，豬骨味好濃，肯定好足料，煲左十幾個鐘都有可能。叉燒薄薄地一塊，入口肥瘦均勻又帶醃製過ge香味，唔「乾爭爭」，咸咸地，好醒胃。大量芽菜、木耳、青蔥，香而爽口，中和湯的濃厚味道。溏心蛋甜甜地，濃郁蛋香，咬開佢就有呈半流心狀ge蛋黃流出，入味道出眾，系我食過最好味。銅鑼灣登龍街，細細ge金田家，果然名不虛傳。我相信，憑藉佢地食物質素，一定會有更多人黎食，成為呢條街ge「驚艷」。…查看更多

善緣素食， 令我重拾返食肉既感覺因為近排食素既關係，窩心既男朋友約我食飯既時候都專登簡間齋鋪黎就我。依次男朋友同我都係第一次食齋，我望住個餐牌唔敢相信果d係素，因為同普通餐牌冇咩分別！我男朋友見我驚訝既樣就話依到冇真肉嫁，於是我就放心咁叫！之前去親邊食野，簡野食都就住就住，因為全部都係肉，今次終於可以比我無拘無束咁叫野食！最後我叫左平時我最鍾意食既咕嚕肉，男朋友就叫左琵琶豆腐。因為得兩個人所以冇點好多黎試。首先講下我最愛既咕嚕肉仿真度極高！無論係賣相定食落去既口感，色香味都同真肉無誤！醬汁酸甜度岩岩好，加埋落青椒到，就連平時唔食椒既我都食左幾舊椒！總之酸酸甜甜，令我食慾大增！依味餸用黎餸白飯真係一流，好開胃呀！同埋真係令我重拾返食肉既感覺！其次到琵琶豆腐食落口感好豐富！外脆內軟，仲有加左莞茜，特別香！加埋d有麻油香既茨汁，食落去就唔會淡而無味！仲有好多白菜仔塾底，吸左少少茨汁好正，仲好健康！最後老闆好好人，送左兩碗仔椰汁西米露比我地！好warm!雖然d西米好冧，但椰香搭救！下次一定會再去，鍾意老闆既人情味。…查看更多

之前生日，但一路未約到中學好朋友食飯，今次終於約到，由朋友請！ 因為係旺角諗左好耐都諗唔到食咩好，所以就想去朝聖一下，睇下點解monster sushi晚晚都排晒長籠～我同朋友一行四人，等左半個鐘左右先坐到入去。因為係朋友請既關係，所以冇睇價錢就亂嗌喇！諗住咩都試下，點知。。。:( 可能係我期望太高，所以覺得D壽司全部都好一般咋。。有D甚至腥腥地，失望！令人失望的和牛壽司，食落冇乜味，咬左幾啖就直接吞了。 總括黎講，壽司唔吸引的原因，係飯的醋味太大，甚至食落係熱熱地，有仲有魚生本身根本唔夠新鮮，有D望落去食澤已經唔夠，而且魚生食落好似係室內放了好一段時間，入口的溫度同飯一樣係太暖！FAIL！！！不過唯一可以一讚的係佢D野飲，雖然可能只係糖水加一堆冰，但係飲落又幾好飲，係唔知點解黑加輪子味同藍莓味好似一樣味咁，不過唔緊要啦，好飲就ok！雖然D野唔係幾好食，但個卡位又坐得幾舒服，同朋友傾左好耐，臨埋單check單既時候發現仲有個玉子壽司未上（黎D咁貴既地方嗌玉子壽司都有既，諗起都有小小後悔LOL），於是就同個waiter講啦，點知佢check完之後過黎話應該上左架喇喎，但我地真係冇食過，於是就叫佢再check下單。點知就黎左個經理，又係話真係上左，仲指住張枱話「我頭先放左係呢個位架喎」，咁我地緊係堅持啦，因為真係冇上過，最後佢就話唔緊要啦我再上多次啦，但佢個眼神依然係好懷疑咁。Anyway, 玉子壽司的味道冇咩特別，蛋味唔特出，感覺應該係overcooked，不夠滑，食落亦唔覺得有蛋汁，好乾，加上好似唔係好夠味！本身已經覺得D野唔係特別好食，服務態度亦都非常惡劣！！又貴，我諗應該冇下次架喇！ …查看更多

休閒的下午，黎到上環街市探訪伯伯  我已經唔係第一次黎架喇，好鐘意呢度的原因係貪呢度夠人情味，裝潢好懷舊，令人覺得好relaxing！ 再一次黎到呢度，都係食左我的最愛－凍奶茶、西多士！好鐘意呢度的凍奶茶，除左因為佢用玻璃瓶裝，冇加冰唔會溝淡D奶茶味之外，仲因為佢唔會太甜，奶茶的味道亦好香濃！加上 伯伯話因為實在太好賣，所以每日都會新鮮咁做，唔會放太耐！～另外西多士吸引的原因係佢一D都唔脆，感覺唔太熱氣，同埋因為瑞記的西多唔係落糖漿，而係加煉奶，所以唔會太甜，食落其實似奶油多XD 金黄色好吸引不過其實... 我最鐘意瑞記的唔係呢度的野食，而係呢度的感覺！ 伯伯會同人傾計，佢今次仲主動教我睇餐牌的價錢係點睇XD呢度真係好有人情味，希望呢類型的小冰室可以繼續係香港立足啦…查看更多

雖然熊貓狂熱好似已經過去，但係睇到呢間餐廳的熊貓飯咁得意，都係忍唔住要黎試下既咖哩雞塊熊貓飯賣相真係好得意，好似幾隻肥肥地的熊貓跑去試食D咖哩咁D咖哩真係好好食，唔算太辣但係好香咖哩味～不過個人認為汁太多，配料（雞同薯仔果D）都太少，雞食落都比較粗糙，感覺係煮得太耐，一D都唔滑而熊貓飯方面，雖然只係五舊小飯團，份量唔係好多，但係女仔食就應該岩岩好～不過呢個飯團係凍的，係意料之外的另外仲試左煙三文魚冷面well... 感覺上真係唔係好抵煙三文魚，雖然卷得好靚，但係攤開就只有一塊！冷面的味道亦唔算好特別，口感比較林如果同熊貓飯比，我都係鐘意熊貓飯多D呢度的set lunch會包甜品的，係布甸估唔到呢度的布甸係最好食的小小的玻璃瓶上面的動物仔好得意總共有三隻口味的布甸，紅豆、芒果、芋頭我今次試左芒果呀，真係幾好食唔係得個甜字，仲食到好香的奶味加上有D果肉係裡面！ 值得推薦～～…查看更多

喺旺角食完個正餐我同朋友都意猶未盡，想食埋個糖水。見就腳所以就去左滿記喇一去到唔洗等直接入都幾開心，但入到去周圍坐滿哂人，安排左個角落仔俾我地，感覺似野草絕處逢生！又要面對咁多選擇... 好難揀呀！好彩朋友同我我三個都中意食榴蓮，見到D同榴蓮有關嘅甜品就已經bling bling眼我地發覺都幾多榴蓮的甜品。最後就要左榴蓮飄香～榴蓮飄香一嚟到已經好香榴蓮味，食落仲啖啖榴蓮肉，正！加上食落唔會太甜，食哂成碗都仲係覺得唔夠喉呀！另外朋友就要左雜果涼粉條，反而個涼粉就有d遜色因為除左幾重奶味就無其他特別，佢都話下次要食返榴蓮嘅甜品。哈哈甜水食完去埋單，每人都係三十幾，認真抵食，下次要帶其他朋友再嚟食。…查看更多

平時lunch hour一係食得好rush，一係直頭唔食，好耐冇試過慢慢食午餐喇！今日放假，約埋媽咪一齊黎呢間chicken n egg食野。一睇佢個裝潢已經好鍾意，成間餐廳都好多木製既野，感覺好舒服好悠閒。人地個名叫「chicken n egg」，但我今次就冇試到雞，因為聽朋友講要等好耐，所以淨係試左蛋同三文魚。呢個蛋係用煙肉包住既，成個配搭令件事好新鮮。食落唔算太咸啦，都OK的！雖然係兩啖就食完，但價錢唔算貴，值得一試。然後係三文魚，出乎意料之外咁新鮮！望上去色澤都好靚，完全冇諗過佢主打chicken n egg，但D三文魚都有番咁上下質素。最後就係egg benedict，我覺得呢間餐廳將蛋發揮同埋配搭得好好（淨係食蛋都食到好飽lol），有煙肉同份量好足既薯條，而上面的蛋黃汁就偏甜，還可以接受。不過感覺賣相就一般喇，因為通常其他地方的egg Benedict望落去都會砌到好靚的，而呢度就.... :(希望下次有時間可以再黎試下佢的chicken啦！…查看更多

屏山華嫂冰室，一聽個名就知冇得輸。相信熟元朗路的朋友都會知道識得食呢間咁正的冰室！幅圖入面個個就係傳說中既招牌菠蘿包，認真，入面塊蕃茄先係成個包既靈魂，菠蘿包同蕃茄隻味夾到無得頂，酸味又啱啱好，真係冇得輸。最開心的係個菠蘿包係熱辣辣架，D 穌皮好脆加上食落好香！蕃茄又好juicy喎！入到黎屏山，呢個招牌菠蘿包真係必食之選。食得招牌菠蘿包，當然要配番杯凍奶茶！咁就介紹下杯奶茶先，話到明係冰室，杯奶茶一定要見得下人先得。呢次果然冇令我失望，杯奶茶真心正，茶夠香得黎奶又滑，加上冰量又唔會太多，唔會溝淡奶茶味！不失稱為冰室稱號。仲有，不得不提！！！呢度的老板娘超nice，會好親切咁同我地傾計。不過呢度成日都排哂長龍架，大家去食的話記得要預多d時間去排隊啦！…查看更多

火井火鍋，可能係全世界最好食既火鍋。呢間餐廳唔單只用料正，湯底也絕不馬虎。識叫一定係叫火井招牌火鍋做開頭，如果食到辣的話一定要試下個麻辣火鍋，食完真係會辣到識飛LOL 不過好抵讚的係佢的麻辣唔單只係淨麻或者淨辣，兩者的味拿捏得好好，加上食落好香！講完個湯底，講下d火鍋配料先。講火鍋配料，火井可以算講得上係世界級，尤其係牛類方面，有幾特別都有，無論係牛波子、牛歡喜，所有特別而又食得落肚都有得你叫！另外無論係蝦滑、魚滑等都非常出色，因為食落真係好滑，其他地方的火鍋配料都冇咁正架！食得火井既你，記得一定要叫番枝啤酒啤啤佢，咁先夠過癮！呢度係逐碟計，預每人消費250蚊到，不過野食真係超高質，絕對物超所值！不過希望佢會盡快推出任食優惠啦！我會再黎幫襯架！！！…查看更多

旺角掃街，由家樂坊果邊食到過黎西洋菜南街，黎到一間新開的台式炸雞店～小食的選擇只係得炸雞同炸菇，而野飲都只係得三款可以揀。雖然選擇真係少到一隻手都數得哂，但係排隊幫襯的人反而有好多！！而我今次就食左最多人食既香香炸雞一袋炸雞，只係$25，但係份量就有好多，佢個size都唔細架，總共有大約十舊到，真係非常抵食！而每舊的size大約係咁大啦（如下），真係唔細架～而味道方面，其實我對掃街的小食真係冇咩太大的期望的，所以呢度的炸雞都唔算令我失望。好新鮮係真的，所有order都係即叫即炸，熱啦啦～肉質方面，抵讚的係雞一D都唔"鞋"，亦唔會炸到好乾，同埋個脆漿一D都唔厚，所以食落都唔會覺得好油另外，呢間小店的服務真係好好，特別係D店員好細心！每袋炸雞都會有一個膠袋入住，咁樣就唔會比紙袋上的油整污糟隻手啦，同埋行街果陣又可以抽住個袋，好方便！仲有呀，佢會附送埋的濕紙巾，本身我以為係比我地抺手用既，但睇番包裝先知原來係比我地抺汗的，因為掃街真係好熱，成日都會食到大汗疊細汗！真係好體貼呀！…查看更多

茶木的熱潮可以算係告一段落，但奈何呢期興起的cafe賣的toast呀waffle呀都好貴，我呢D窮JJ又想食下toast又唔想洗大哂，唯有去茶木頂住引先啦芒果蜜糖磚塊！一分錢一分貨 呢句說話真係冇錯的，只係大約＄60的芒果蜜糖磚塊，雖然賣相的確係唔錯，無論係cream定係mango sause都唔少，不過蜜糖味就真係唔太夠喇:( 只係得面頭幾件小磚頭的蜜糖味比較強烈，其他位 例如係面包邊果D位都唔夠味。另外，整體黎講，成個toast都唔算太脆，只係一般fair的程度。anyway，加埋D雪糕同cream咁食，呢個價錢算係唔錯架啦！除左toast之外，我仲第一次試左茶木的mocha哈哈！之前都曾經聽過朋友的介紹話呢度的咖啡好濃好好味，的確冇介紹錯，mocha的朱古力味唔會太強，並冇遮蓋咖啡味，另外佢會跟埋on side的熱cream，加埋落咖啡度會更香！今次令我發現 茶木的咖啡比toast更吸引！！！…查看更多