eatying的個人專頁

再次嚟呢一間台式餐廳，整體水準唔錯，星期六日晏晝嚟都要等位～我叫咗酥炸排骨滷肉飯，朋友叫咗鹽酥雞扒麵鹽酥排骨其實即係炸豬扒，點千島醬食好夾。滷肉飯醬汁濃郁，配飯一流。朋友嘅鹽酥雞炸得金黃酥脆唔少得要點每人一份涼拌黑醋茄子，茄子大大嚿啖啖肉，酸酸辣辣咁好開胃！滷水豬大腸都好入味！去台式餐廳唔少得要飲台式飲品！我叫咗芝士奶蓋桂花烏龍，芝士奶個好香濃濃稠，超級正！朋友叫咗檸檬多多梳打，酸酸甜甜係夏日開胃之選。整體都好滿意，有機會一定再嚟食！…查看更多

——————————葡撻 $15芝士熔岩roll $21阿華田牛角包 $30百里香草車打芝士粒粒包 $35Passion fruit tonic $35——————————<荔枝角人氣bakery🍞🥯🥐>其實之前都買過幾次，成日經過俾佢啲香味吸引咗😆.之前已經食過佢嘅原味同埋開心果味牛角包，今次試吓阿華田味！阿華田醬唔會太甜，食落啱啱好。不得不講係佢啲牛角包真係好靚仔🥐🥐🥐好飽滿.今次最有驚喜係芝士粒粒包！就算冇芝士粒粒嘅麵包都好香好好食，加埋芝士粒粒鹹香嘅味道，忍唔住食完一塊又一塊，一唔覺意一次過就食晒成包😂.平時經過都會買咖啡，今次晏晝五點左右去到佢哋咖啡已經停止供應～於是試咗杯passion fruit tonic，都幾解暑，啱晒而家悶熱嘅天氣😆.荃灣店Doughman仲有會員制度：- 新會員首次落單可享 9折優惠- 每買一杯飲品即可獲得 1 個印花- 每儲夠 9 個印花，即可換領任何一杯飲品免費！…查看更多

韓式炒魚仔紫菜飯卷 $53芝士無骨炸雞 $58海鮮煎餅 $65生醃八爪魚 $70——————————<外賣韓國菜之選🥡>我覺得個韓式包飯最有驚喜！佢哋有好多款韓式包飯，我叫咗平時比較少見嘅韓式炒魚仔口味，真係好足料😝一個人食吓食吓就食哂成盒另外叫咗個細size嘅芝士無骨炸雞一個人都可以食到韓式炸雞🤣每件炸雞都包滿芝士粉，唔錯😌海鮮煎餅同埋炸雞趁熱食先好食，所以我拎返屋企用氣炸鍋返熱咗先食🫶🏻生醃八爪魚就咁食會太鹹，我留返第二日夾三文治食～…查看更多

今晚去咗買燒味加餸，整體唔錯！估唔到有乳豬賣，所以叫咗一份乳豬乳豬皮脆肉嫩，用氣炸鍋翻熱就更好🥰例牌份量ok，兩三個人食啱啱好。乳豬脂肪層唔會太厚另外叫咗一份燒鵝下裝，拎到返屋企都有加熱先食☺️燒鵝味道啱啱好～另外買多一個潛艇第二日當早餐食，係一個豐富嘅早餐！入面有煎蛋、叉燒，用氣炸鍋翻熱食就最正，麵包會有少少脆口感覺整體最推薦都係乳豬，畢竟唔係周圍都有得買乳豬食🥰有機會想燒味加餸嘅話都可以再買返屋企…查看更多

之前佢哋仲喺D2 Place一樓嘅時候我已經去食過一次，原來而家搬咗位，搬咗去地下側邊舖位～.冬蔭功同青咖喱豬頸肉都幾足料～青咖喱可以配飯或香酥餅，其實想兩樣揀哂😛佢哋嘅青咖喱完全唔辣，食落好香椰奶味。冬陰功好飲！最後一定要叫返個甜品！兩個人share一份榛子朱古力香蕉酥餅就啱啱好😋估唔到食落又唔會太膩.整體食物質素唔錯，我同男朋友都幾滿意。PS 記得要book位，一路食都聽到唔少人Walk in但可惜冇位呢！…查看更多

<菲律賓過江龍！惹味烤卷/飯🥙🍚>原本以為佢哋主要做外賣，但其實店舖入面堂食位置都算大，重點係冷！氣！好！夠！凍！😆.一次過試哂佢哋嘅烤卷同飯🥙🍚即叫即整，烤卷同飯都有得揀配牛肉定雞肉，加上青瓜、洋蔥、蕃茄等等蔬菜同埋香辣醬、蒜蓉醬，食落好惹味～.套餐可以加錢轉飲品做即磨咖啡☕️啱哂一日一啡嘅人.有機會經過都會想encore😄——————————細雞肉飯 $15(限時優惠價)雞肉烤卷 $45牛肉烤卷+大牛肉飯+飲品 $100(飲品轉飲凍美式咖啡+$15)——————————…查看更多

呢間正宗葡國菜餐廳食物同服務都好好，推介！店員好熱情，會好主動向客人推介同埋講解食物👍🏻今次同男朋友嚟食lunch，叫咗三款嘢食，全部都好滿意😋可惜星期六日冇lunch set menu，見到個lunch menu好抵食🫣.芝士多士係男朋友話想食所以order嘅本身我都以為冇咩特別，點知食落有驚喜！食落除咗有好香濃嘅芝士味，仲有陣芥辣味，但係又唔會誇張到攻鼻嗰種，呢個配搭好食！.傳統家鄉砵酒炆牛尾可以揀配小麵包或者飯，我哋揀咗麵包🥖麵包沾醬汁食就最正啦～牛尾炆到好腍好滑，用刀叉好容易就可以將啲肉同骨分離，食落都好方便.另外book位嘅時候已經順便預訂埋燒乳豬(要預訂先食到)我哋order咗四份一隻葡國燒乳豬，乳豬皮脆肉嫩，肉厚但係食落都好嫩～.店員好熱情推介佢哋嘅甜品，話都係餐廳自製嘅不過今次真係食得太飽了🤣…查看更多

最平48蚊可以喺尖沙咀食到日式燒肉午市套餐😆有肉有湯有沙律有飯/烏冬有嘢飲，仲要坐得幾舒服，真係超值！.$48嘅係牛五花套餐，有100g牛五花(約8片)，另外配烏冬或者御飯、沙律、湯同埋飲品，真係一啲都唔hea😆👍🏻最貴嘅極上和牛自慢系列都只係$128，已經食到日本A4和牛西冷+牛板腱(100g)套餐～單點咗一份西班牙黑毛豬頸肉($28/50g)，燒豬頸肉油脂豐富食落特別香😀另外呢到每個套餐可以揀三款醬料，醬料選擇都幾多！包括有黑松露燒汁、黑椒鹽醬、柚子胡椒汁、柚子燒汁、芥末忌廉汁、生薑燒汁、韓國燒汁、焙煎胡麻汁、咖喱鹽同埋檸檬鹽～.除咗價錢唔貴之外，特別欣賞呢到環境寬敞，我同男朋友坐到卡位，坐得好舒適。…查看更多

岩漿沙嗲溫體牛肉鍋 $368/二人份(+$66可以任食牛肉)——————————<大滿足！沙嗲溫體牛肉邊爐🍲🐮>我一向好鍾意食沙嗲牛麵，今次就去咗食沙嗲牛邊爐，真係好正呀！食得好滿足😆.沙嗲湯底好香，係濃稠質感，食落又難得唔會過咸👍🏻有沙嗲湯底就梗係要有麵！大光麵掛湯力高，個沙嗲麵整出嚟真係好好食！差啲想叫多個麵餅😂真係一人一個麵都唔夠喉呀😝.而我估唔到呢到係有溫體牛食🐮本身套餐都包三盤牛，分別係菲力、牛嫩肉同埋牛頸脊。另外只要加$66就可以任食牛肉，咁當然要加埋啦！牛肉真係唔錯，真係估唔到呢個價錢食到呢種級數嘅牛肉！.本身已經覺得好抵食，見到佢哋原來仲有黑夜火鍋優惠🥹20:30後2人岩漿沙嗲溫體牛肉火鍋只需HK$288 (原價 HK$368)(＋HK$33任食牛肉)…查看更多

吉列豬扒柚子蘿蔔蓉定食 $138黑炭咖喱吉列海鮮定食 $188——————————整體幾有質素嘅吉列專門店～.呢到嘅吉列豬扒用咗北海道「四元豚」🐷見到豬扒非常厚身，但食落肉質都好鬆化👍🏻點上醬汁或柚子醋食好送飯～.另外叫咗份黑炭咖喱吉列海鮮定食🦐入面有吉列炸蝦+吉列帶子刺身+吉列三文魚+吉列日本蠔，四款都唔錯😚黑色嘅咖喱食落完全唔辣，係鹹味為主😝呢到嘅吉列嘢真係炸得唔錯，麵包糠薄薄一層，炸得外層香脆唔油膩。.所有定食都配上日本米白飯、椰菜、漬物及味噌湯椰菜都係今餐嘅重點之一😎係可以免費添嘅醬怪當然要加多多芝麻醬落椰菜絲到食🤣淋少少柚子醋食都好夾…查看更多

前幾日同朋友去呢間油麻地樓上舖食台式lunch，地方幾寬敞，坐得幾舒服。.我叫咗牛全盛滷肉便當，朋友叫咗撈麵。牛全盛滷肉便當入面仲有牛肺、牛肚、牛腸等等，加上滷肉同酸菜真係超好送飯🍚👍🏻朋友叫咗滷肉拌麵，驚食唔哂叫咗少麵，但嚟到麵量都好多！我試咗一件芝士蝦卷，好香😚.凡享用午市三公台式便當，加$1就有台式鹽酥雞一份或者Black Pink鹽酥雞一份。我哋要咗Black Pink鹽酥雞，一嚟到見到黑蚊蚊咁，真係一時醒唔起乜嚟😂食落熱辣辣，肉質嫩滑，唔錯。甘梅地瓜條($36)同埋三公香腸配梅子芭樂($48)都好食👍🏻👍🏻.最後好飽又好想食甜品，好在跟餐有得加$20要mini濃乳愛玉芋圓同埋檸檬白肉愛玉😋…查看更多

行V Walk見到一間全間餐廳都係粉紅色嘅餐廳，原來係食川菜嘅～今次買咗外賣番屋企，連外賣兜都係粉紅色㗎😂.#口水雞 揀咗中辣，食落係辣中帶麻，好好送飯🍚#酸菜魚 揀咗小辣，不過食落辣過口水雞🌶️男朋友話食陣酸辣味食落似落咗酸梅😂都係好食嘅😃魚肉份量亦多跟餐涼菜試咗醋香蘿蔔同埋麻辣蓮藕丁，兩款都唔錯，一食就停唔到口🤣另外額外叫咗份麻辣牛腱($38)同埋黃金脆炸小酥肉($28)。我未開飯已經偷食咗好多小酥肉，可以叫埋嚟試試！😋…查看更多

醬油蟹膏蟹籽拌飯 $108燒鰻魚 $148/四件會長皇牌套餐(招牌牛油熟成厚切五層肉+特級牛肩脊+韓式醬牛五花+蔬菜拼盤) $398——————————<長沙灣新開韓式燒肉店🔥必試燒鰻魚>長沙灣福榮街新開咗一間韓式燒肉店～呢到裝修有啲復古感覺，原來係仿照韓國70年代會長屋企嘅裝修😆.首先，當然要叫佢哋招牌嘅牛油熟成厚切五層肉🐷即係五花肉🐽佢哋話係用咗海鹽牛油熟成7日🧈因為加咗唔少牛油，所以燒完之後五花肉會有淡淡牛油香～燒嘅時候記得喺五花肉附近同時燒埋啲菇同翠玉瓜，咁啲菇同翠玉瓜就會燒得好香😋.另外，鍾意食鰻魚嘅人一定要加錢配鰻魚🫶🏻鰻魚跟指示燒嘅話其實都唔難燒得好，自己燒特別有成功感😆而且鰻魚食落肉質非常爽彈😍👍🏻本身會長皇牌套餐入面係冇飯或者麵等等嘅主食，同埋都冇包飲品我哋就額外叫咗個醬油蟹膏蟹籽拌飯🦀🍚同埋叫咗佢哋嘅奶油桃桃烏龍，雖然甜度係固定，但飲落唔會太甜🍑👌🏻😃.當晚我係平日去食，但見到都滿座，眼見有唔少人Walk in都冇位，所以大家想食嘅話記得要book位啦！…查看更多

估唔到荔枝角都有抵食而且質素唔錯嘅泰國菜！.見到火山排骨上枱嘅時候真係忍唔住嘩咗一聲😆排骨大大件份量多，好澎湃！排骨肉非常嫩滑，食得好滿足❤️因為有手套同埋啲肉都好軟腍，所以其實都食得好方便！火山排骨嘅汁係酸酸辣辣，超開胃，所以我同男朋友兩個人食晒成份火山排骨都冇難度😂但其實本身佢嘅份量的確多，我見其他枱都係幾個人share！🤣.另外亦叫咗男朋友最鍾意食嘅魷魚串燒😋同埋試吓新嘢叫咗個菠蘿沙律，呢個男朋友好鍾意食😆最後叫咗個椰皇三重奏做甜品，入面有店家用椰青水自製嘅啫喱，食落係啖啖足料嘅感覺😇我叫咗杯凍嘅泰式奶茶，男朋友叫咗椰汁冰，最後都係三百零蚊埋單，整體都唔貴。…查看更多

原來D2 Place有日式燒肉食☺️餐廳環境唔錯👍🏻.同朋友叫咗極致和牛二人燒肉套餐，有前菜沙律、靚牛肉、雞肉、蝦、紫菜同埋雪糕甜品，食到好飽😆前菜沙律菜新鮮爽脆～主角和牛四點拼盤同埋上等牛舌都好靚🥩拼盤就可以一次過可以試到唔同和牛部位另外套餐仲包雞肉三味，雞肉就要燒耐啲，要有耐性咁慢慢燒到雞皮香脆先係最正😆(有需要記得叫店員換網！)虎蝦大大隻，食落肉質爽彈，都唔錯👍🏻最尾仲有甜品！是日甜品係芒果軟雪糕(見到有時會係牛奶雪糕).埋品人均$500左右，適合想坐得舒服咁食餐飯嘅人😃…查看更多