swykyws的个人专页

今日約左個朋友旺角，隨意揾左間餐廳就入去坐低食。通常食串燒既地方都好迫，或者好痴笠笠，不過呢間望落個環境又唔差喎~🍴芝士豆腐口感有啲似魚蛋 有芝士野食就實冇死 芝士夠濃 好食🍴燒日本芝士年糕煙熛靭靭既年糕 仲要有芝士真係唔食唔得🍴安格斯牛肋串牛味唔算好濃 不過燒得啱啱好 唔會過熟太靱 可以encore🍴燒白鱔好香好正 啲肉實但唔會過靱 好少地方燒得好 正🍴白汁芝士燒蠔芝士就唔係好多 不過蒜勁多 蒜味好濃 配蠔唔錯蠔冇沙 燒得啱啱好 唔好過老 讚🍴牛油開邊大花蝦個名真係冇厄你 真係大花蝦 啲肉好實好正 燒得好入味🍴蒜蓉燒原條茄子蒜容真係勁足料! 成個表面都蒜 鐘意食蒜燒茄子既朋友仔一定要叫啊 包冇後悔🍴秋葵本身鐘意食秋葵 所以叫左正正常常冇乜特別 有秋葵本身既好味🍴芝士雞肉薄餅極力推介 拉絲既芝士 除左雞肉仲有紅椒配搭口感唔會得肉咁單調 而雞肉都好滑 一啲都唔"鞋" 好食!🍴黑松露炒什菌用錫紙包住出黎 最熱辣辣最保温係佢黑松露既份露都唔少架喎 一打錫紙就聞到勁濃厚既黑松露真心正🍴燒菠蘿識食串燒一定叫燒菠蘿 燒左既菠蘿特別甜呢個仲要多汁菠蘿 好想叫多份黎食呀 下次一定再叫份…查看更多

雖然唔係生日，不過見到門外大大個推介既壽司蛋糕，就覺得好吸引，忍唔住入黎食喇。呢個壽司蛋糕的確係引到我地入黎呢間舖重點! 蛋糕其實係飯黎既，而係舖面既當然就唔少得香港人最鐘謁食既三文魚啦，另外仲有白肉魚。魚生都好新鮮，份量好足，如果一個人食實好飽叫唔到其他野食，所以都係同朋友一齊黎share開心好多!呢間餐廳都幾跟貼潮流，雖然深受港人喜愛既大叔的愛已經播完好一陣子，不過只要一提，大家都會繼續熱烈地討論。而呢間就有一款食物命名為，大粟的愛，雖然係取其音，但都不禁笑了。就即管睇下大粟的愛係點~ 大大塊，有4至5件，煎得啱啱好，不過夾起黎稍為散左少少，不過味道唔錯，可以一試~北海道墨豚腸唔會太咸，仲以為食完啲牙會變黑添，不過冇變，哈哈。櫻花蝦雞軟骨，份量勁足! 雞軟骨口感爽口，係居酒屋既必選小食! …查看更多

朋友介紹呢間係尖沙咀既餐廳，話地方好正，今日就去睇下。一入去見到燈光都有啲氛暗，一邊有bar枱，另一邊就有tea time feel既格局。間舖好闊落，好舒適，唔算太多人，都收工約朋友relax既好地方。點左兩份前菜，第一份係芒果大蝦粟米片脆脆沙律 ($138)，脆脆比想像中硬啲，不過呢個厚度先唔會咁易比沙律醬整淋。芒果配大蝦一向都好夾，好fresh，係開胃菜既好選擇。北海道薄片帶子拼櫻桃蘿蔔，芒果醬及芥末醬 ($138)。帶子真係夠薄片，好考刀功! 原來帶子配芒果醬同芥末醬好夾，有驚喜既味道。地中海烤雞配希臘沙律，火箭菜，辣紅椒汁 ($198)，雞肉夠嫰滑，正常份量，配紅椒汁辣得都幾過癮，唔錯。蒜香辣椒海蜆意粉 ($188)，海蜆夠大隻，份量都唔少! 只可惜美中不足既地方係意粉稍為偏咸，不過整體都唔錯~…查看更多

今日收工去銅鑼灣迪卡儂買衫，估唔到咁都撞到個舊朋友，咁啱大家都得閒，去埋皇室堡逛街。經過見到dazzling cafe，記得好耐之前係尖沙哃食過一次，雖然個次食tea唔係正餐，不過都唔錯既。大家就諗住就入呢間食個飯聚聚舊。先叫左個小食，鹽酥雞拼盤 ($98)有甜不辣、鹽酥雞同花枝丸。雖然三款都係炸，但唔得過份油膩~ 鹽酥雞既炸粉唔多，調味粉既份量都啱啱好，唔會太咸。甜不辣好有嚼口，正。黑松露意大利麵 ($118)，黑松露味好濃，足料。意大利麵都彈牙既~黎得呢間cafe當然少不了甜品！叫左一份草莓繽紛冰淇淋鬆餅 ($95)，淨係個賣相已經好靚，當刻令到熱烈傾計既我地停頓，然後起筷品賞份甜品先! 3個小碗放既係士多啤梨醬，煉奶同糖漿。將三個醬都士多啤梨雪糕都加係waffle黎食，簡單係幸福既感覺！想讚下個雪糕唔會上枱就即刻溶，可以慢慢食~ 另外每人叫左一杯飲品，鮮果萄葡柚氣泡飲 ($45)，愛文芒果烏龍冰茶 ($48) 。見到芒果烏龍茶係限定，就忍唔住叫呢款，呢杯真係要讚，唔會太甜，而且芒果味同烏龍茶既味共存，唔會cover另一隻味，真心好飲！…查看更多

呢幾個月，每個月都食一次韓燒，好真心個句，都係呢間既旺角分店最最好食!朋友投訴我食韓燒又唔約佢，佢今日生日，就約佢黎呢間喇。雖然上次黎呢間都係叫調味牛護心肉 ($160)，真雪花牛肉 ($228)，但呢兩款真係冇得輸! 兩款牛都切得好平均，放得好整齊。真係唔食其他都唔知準備食材呢部份呢間都做得，正所謂有比較就有傷害，呢間係最出色既! 兩款既牛肉味都好濃好出。放少量既鹽，已經好足夠帶出牛味。而泡菜用黎配蛋就夾好多~ 另外叫左一份水冷麵 ($85)，食住熱辣辣既燒肉，再啖冰涼既水冷麵真係好爽! 不過麵餅就黏成一塊，比較難分開~因為要返工既緣故，冇叫酒，我地叫左柚子梳打 ($35)同埋梨汁($20)。韓燒既熱氣就唔係一小罐梨汁可以抵銷得到既😂不過係飲得舒服，又做到心理既慰藉lol 最後不得不提既係服務態度真心好，環境舒服，食得好自在。呢間既爐唔易燒窿，但店員都會密密咁黎望下，好主自動地換爐，加菜。菜都係好新鮮，唔食過其他餐廳真係唔知菜都可以難食! 呢間係呢幾個月最好食既一間，真心推介!!…查看更多

黃店就唔係大哂既，都要講食物同服務質素。好多黃店既食物都麻麻地，雖然會照樣支持，但如果好食啲，會支持得開心啲囉。呢間都係數一數二出名既黃店，一直都未黎支持，今日就同一班同事黎撐場。人太多要分2枱坐，我地叫左2份2人套餐再加其他小食同甜品。炸雞與甜酸五味醬，炸雞粉唔會太厚，雞肉勁嫰滑~熱炒魷魚拌明太子醬，魷魚炒得有嚼口，做前菜小食係好好既選擇~京蔥檸檬味噌豬腩，咸味既豬腩又帶有檸檬既酸味都幾開胃。雖然有啲豬腩得舊肥，不過有啲少肥多肉，啱哂一班對肥瘦喜好唔同既朋友一齊食~炙烤鮪魚佐芥末蛋黃醬，平時烤鮪魚好少配醬汁，今次沾芥末蛋黃醬既味道又幾特別又夾，唔錯~京都抹茶鮮奶超好飲! 抹茶同奶既味道好平均，唔會搶左另一隻味，仲要唔係好甜，好順口好好味! 好味到唔記得影相....仲有兩個主食都好正。最後，當然唔少得甜品，分別叫左伯爵紅茶芝士蛋糕，培茶芝士蛋糕同埋柚子白玉撻。伯爵紅茶芝士蛋糕同培茶芝士蛋糕既味道好似，茶味夠出，芝士味勁濃郁但又未算漏。廢廢既味蕾唔係好分得出伯爵茶同培茶，但兩款都超好味。柚子白玉撻甜得黎帶有少少柚子既酸，成個感覺好refreshing~ 值得一試! 真心唔明的負評係點解，呢間真係正架喎!…查看更多

平時一諗食韓國野都係會去韓燒，好少會食韓式年糕，炸醬麵或者飯捲呢一類。今日同同事出去食lunch，就去左outdark喇。一出就見到好大幅既五顏六色既鎖牆，幾靚。不過內在個環境靚啲，暗暗地燈光再上天花掛住既星星吊飾，食個飯都感覺chill啲。我地叫左一份辣炒豬肉 ($268)，同埋一份烤牛肉飯捲 ($88) 。辣炒豬肉辣既程度好微，我食得辣就覺得辣得唔夠過癮，不過都ok既。一口咁食幾片豬肉配一啖飯同芝一好夾好正，之後再食舊菠蘿酸酸甜甜涼一涼個口都幾正。飯捲我覺得最好食既都係牛肉做主角。烤牛肉飯捲 有10件，份量ok唔會飽到食唔到其他野。飲品就叫左一杯blueberry smoothies ($45)，絕對冇死甜，而且意外既係冰唔算好多，唔會越飲越稀。仲有blue curacao (orange) flavour 搭Kronenbourg 1664 ($78)，可能冇搞暈，一開始好甜，之後就得返啤酒味lol，不過1664配呢餐都係唔錯既!…查看更多

疫情都令好多人留左係屋企食飯，唔係煮飯就叫外賣，食都食厭。如果有得係屋企bbq就梗係好啦。又真係比我揾到喎。網上見到呢間話買10盒串燒就會送個燒烤爐，免運費送貨到府上添。買個陣佢有提醒，早一日將串燒放係雪櫃下格解凍，方便燒。玩串燒之前記得預熱個燒烤機，大約8-10分鐘就夠喇。買串燒就會送2盒醬汁，辣同唔辣既花生醬。花生醬有好多粗既花生粒，花生味都好香濃。成個醬甜甜地，同啲串燒既味好夾。豬牛羊雞我都買哂黎玩。個人建議豬要燒耐啲，因為怕有豬蟲，而牛羊雞唔係話全熟都食得。4款肉都唔錯。屋企燒串燒原來都咁方便~ 可以約幾個friend一齊玩爐都得啦~…查看更多

難得今日勁好天又放假，搭車去將軍澳海傍行下。經過見到間urban coffee，個餐牌好吸引就入去食個lunch。舖內既環境好大，好寬敞，仲可以從窗望到出面既海，感覺好chill，好放鬆好舒服。我叫左一份松葉蟹肉飯配炸軟殼蟹 ($148)，軟殼蟹好正! 炸得好香脆，入面熱既，即整既野食係特別好食! 不得不提既係松葉蟹既份量一啲都唔慳，好足料! 而且上面仲有好多蟹點綴，豐富左食物既色彩，仲多添一份口感~ 另外，仲有青瓜絲，令到個fresh啲，呢個配搭好好。叫左杯橙汁 ($49)，好fresh，配呢個飯真係好夾。好滿足既一餐🤤…查看更多

放假前決定同朋友出去食返餐好食嘅韓燒😚因為我地兩個都大食嘅關係，所以決定覆食放題。呢間放題有兩個set，我地叫咗貴啲個set世子御饍，即係所有餐牌上面嘅嘢食都可以點✌🏻因為我哋嗌咗貴嘅set所以肉類有超級多選擇，叫咗個世子set上面嘅T骨牛扒同牛肉眼，份量好大！值得一提佢嘅肉唔會好似出邊放題果d醃得太鹹，保留到肉味! 豬護心同豬皮都好好食。另外個辣雞肉都有d驚喜，燒完好香口重點係唔會過鹹！海鮮都有唔少選擇，帶子味道鮮甜嘅不過可能我哋唔識燒，所以燒完有少少細隻😂。另外魷魚都正常，唔會太韌。佢熟食都有好多嘢揀，熟食都有少少驚喜，海鮮蔥餅上菜嗰陣仲係熱辣辣，水冷麵都同喺韓國食嘅差唔多。炸芝士同炸蝦都好食。不過豆腐炒泡菜就好似係一個或豆腐上面加泡菜咁，冇乜特別但係都好食嘅。佢店員數量都多，會主動替換鐵板！呢點喺韓燒入邊真係好重要！…查看更多

今日去旺角行完，朋友話想再去貓cafe，所以我地就去左旺角分店既urban cafe喇。上次同佢係觀塘食，啲食物味道都唔錯，而呢間分店都冇令我地失望。我地叫左個2人套餐，有餐湯同沙律，湯係南瓜湯，有南瓜蓉，真材實料。另外加左份滋味2人小食拼盤 (+$28)，全部都係炸物黎，熱辣辣，好香脆，份量又多，抵食。三重芝士肉醬意大利麵，正正常常，幾好味。西班牙黑毛豬肋骨配薯菜，份量好大，兩個女仔食會覺得呢餐好飽。肋骨既肉質唔會過靱，唔錯。水牛城雞翼稍為咸左少少，醬汁好多，好足料，好啱重口味既朋友仔。雞翼既肉質都滑既，唔會過實。Oreo脆脆特濃朱古力既朱古力好足料，好濃郁，正。蘋果醋荔枝伯爵茶，稍為甜少少，不過都好味。…查看更多

咁啱今日同朋友都放假，佢話想食放題，任性既我地就去左旺角嚕。lunch食放題真係第一次，雖然唔會覺得好heavy，但lunch既胃口好似冇晚餐咁大，所以食唔得幾多野咁。首先叫左啲刺身壽，壽司同卷物。炙燒左口魚壽司真係冇得頂，火炙後有少少油脂燒左出黎，令到左口魚更滑溜，有入口即溶既感覺。放題既級數就一定冇高級刺身舖咁高質，但放題做到咁已經好唔錯~只要有芒果既卷物，大多我都鐘意，芒果炸蝦卷既芒果甜，一啲都唔酸，炸蝦都脆既，好食!炸物方面，炸牛奶炸榴槤都叫左，兩樣都不失所望，榴槤味好香濃好正~ 天婦羅中規中矩，唔錯。炒蟹稍為有啲失色，啲醬好多，稍為過咸。肉唔多，而且肉質都差啲，下次都係唔叫呢樣嚕。最後拎左啲唔知咩名既甜品，不過呢幾款都好食~…查看更多

以為成日食魚蛋河，因為又平又飽肚。最近食得太多好野，覺得有必要去錫住個銀包，所以間唔時都係食返啲粉麵店。呢間係電氣道既樂園間舖都幾大，正常粉麵店既格局。午飯時間去都好多學生幫襯，多人係食物既保證呀~ 睇到餐牌，諗住叫崩砂牛腩，但個waiter話賣哂，勁sad... 呢款係招牌野食，而且都未到2點，竟然冇哂... 最後叫左個頂級墨丸加香滑牛筋河粉，另叫一杯熱菜蜜。雖然冇牛腩，但都好食既~ 頂級墨丸彈牙，好食。香滑牛筋清洗得好乾淨，冇毛，讚! 牛筋好夠膠質，食落好lim口，而且煮得好淋，好正~ 希望下次再黎有緣食到牛腩啦…查看更多

今晚去尖沙咀同朋友食飯，朋友話唔想再食Cafe西餐，所以就係尖東搵咗一間泰國嘢食。佢門口有架dukduk，就算冇得去旅行都有得影吓相打下卡，餐廳環境都好靚好舒服。前菜我地叫左香芒軟殼蟹米紙卷($88)，好Fresh，軟殼蟹都炸到好酥脆。再叫咗個小食拼盤($218)，有蝦餅、魚餅同春卷各四件，仲有細細份嘅生菜包肉碎，全部都正常發揮好好食！特別要提係佢個醬汁，除咗有好多泰式餐廳都有嘅泰式辣醬之外，佢有個黃色醬有少少西檸味，酸酸甜甜好特別。主菜我地就叫咗個青咖喱雞($88)，雞肉份量好足又夠滑，入邊仲有茄子薯仔同豆，再叫埋個印度薄餅($32)配咖喱，特別要提係佢個印度薄餅係似Roti，係酥皮感比較高嘅薄餅，一份都有8塊，估唔到份量咁多！最後當然有必叫既泰式甜品——芒果糯米飯($68)，佢有兩款糯米，黑糯米同普通糯米，一次過滿足到鍾意唔同口味嘅人，個芒果都好甜，不過如果芒果份量可以多啲就好！總括嚟講呢間泰國菜性價比好高，入面嘅waitress 好多都係泰國人，所以食起上嚟特別有泰國feel！😂…查看更多

平日好鐘食串燒，但可以自已燒既串燒舖真係第一次黎。呢間係駱駝漆大廈既歡喜燒好就腳。間舖都幾大。自助既區域好多野食，有肉類有菜類，仲有熟食提供，唔怕自已燒唔熟食唔飽~ 每枱都會送一條燒茄子，呢個好食，本身想添加，但店員話冇得加.... 唔緊要，唯有叫其他野食啦~串燒我地雞豬牛都有拎，雞肉同埋叉燒係最好食既。炸物都有好多款，榴槤炸彈係不得不食既，佢味道濃郁，呢個正呀!朋友叫左個台式甜品，揀左芋泥沙冰底，芋頭圓，黑糖水晶，佢話甜度ok，幾好食。…查看更多