因為我哋嗌咗貴嘅set所以肉類有超級多選擇，叫咗個世子set上面嘅T骨牛扒同牛肉眼，份量好大！
值得一提佢嘅肉唔會好似出邊放題果d醃得太鹹，保留到肉味! 豬護心同豬皮都好好食。另外個辣雞肉都有d驚喜，燒完好香口重點係唔會過鹹！
海鮮都有唔少選擇，帶子味道鮮甜嘅不過可能我哋唔識燒，所以燒完有少少細隻😂。另外魷魚都正常，唔會太韌。
佢熟食都有好多嘢揀，熟食都有少少驚喜，海鮮蔥餅上菜嗰陣仲係熱辣辣，水冷麵都同喺韓國食嘅差唔多。炸芝士同炸蝦都好食。
不過豆腐炒泡菜就好似係一個或豆腐上面加泡菜咁，冇乜特別但係都好食嘅。
佢店員數量都多，會主動替換鐵板！呢點喺韓燒入邊真係好重要！
