牛王妹的個人專頁

朋友帶狗狗出來聚聚, 在Openrice見到這間餐廳係pet-friendly, 所以幾日前就在Openrice訂座, 特別註明了同行7人加一隻小狗, 估唔到係一個terrible experience. 我地比朋友先到達, waiter安排了indoor位置, 10分鐘我朋友帶同入了袋的小狗, 佢地先話唔可以坐indoor, 但Outdoor已經無晒7人位, 我問番佢地我一早訂座已經有講有狗, 點解無預留outdoor 位, 佢地話佢地無睇, 咁我訂座為乜??之後Waiter求其俾張兩枱so call對面既枱俾我地, 我地在無選擇既情況下都唯有坐低....响我地開始用餐未夠15分鐘, 天開始好黑, 我地同隔離幾枱食客都各自同唔同waiter講就快落大雨, 佢地點處理? 有一枱兩個女人係完全無太陽傘shelter, 但班waiters係completely ignore我地呢20人, 5分鐘後傾盆大雨, 我地20人係全部濕晒, 佢地叫我地入去避 (但係係任由我地企晒响餐廳裡面), 我朋友同佢隻狗繼續唔俾入, 企响外面淋雨15分鐘佢地發現 我地成班人企晒响度, 係阻住其他客人, 佢地先安排6人位俾我地7個人迫埋一齊只想講, $360食個lunch 但換來俾茶餐廳更差既服務, 佢地既處理同應變技巧實在太恐怖...other than that, food is actually good.…查看更多

2.20 企响餐廳門口，幾個侍應行過望下都唔招呼入座，終於等到有人理，但個侍應粗聲粗氣，一開口就話:「2:30 cut order, 3:00關門，即係你得35分鐘食, 你食唔食吖」 態度非常惡劣，完全趕客！未食飯已經食左一肚氣，如果你中意俾錢買難受，可以去幫襯下！…查看更多

好朋友生日, 三個女仔想在假期前夕在銅鑼灣吃飯, 不想排隊又不想被趕, 唯有揀一些上樓的餐廳, 在Openrice search到呢一間, 見有很多好評就抱住不妨一試的精神訂了枱。上到去的確唔full, 只坐了6成, 沒有大排檔的感覺, 是普通西餐廳的格調。上前serve的都是兩個講英文的侍應, 看了一陣Menu都係決定叫set dinner。跟餐的mushroom soup, 很有菇味, 湯裡仍有粒粒的菇咬下三個女仔就點了豬雞魚各一Grilled Seabass味道不錯, 煎得唔太乾但香口雞肉卷加鮑魚, 雞肉很Juicy, 鮑魚...搵左好耐先見到 (只有半隻) 加上汁味道很好反而黑毛豬是失望的, 很乾也鞋口, 反而伴菜的羽衣甘籃及菠蘿很驚喜整體上食物的味道不俗, 但配菜都是一式一樣就比較無心思, 這個價錢提供這個質素僅僅合格而已…查看更多

狂歡三寶中有二寶都是3月BB, 當然約埋一齊搞慶生活動, 見最近有唔少的日本家品店在香港開業, 就揀了其中一間有餐廳的, 行完街可以坐低食飯。在地下那層幾乎完全不能察覺到這是一間日本家品店或餐廳, 因為門面似是賣生果的, 我走過了頭才發現它。入內行了一樓及二樓的家品才回到一樓的Cafe坐下, 可能時間尚早的關係未有任何客人, 環境亦算舒服我自己叫了Set Dinner, 餐跟的沙律份量不少, 味道也不錯甘筍雞卷, 雞肉都ok juicy, 配菜的薯蓉反而更有驚喜跟餐的min cheese cakes 很精緻, 不過味道略甜友人不想叫餐, 單點了一份燒牛肉沙律, 可惜牛肉偏乾及well done, 比跟餐的沙律還遜色整體來說, 環境很好, 是可以三五知己坐上幾小時傾偈的好地方, 食物都可以接受…查看更多

踏入三月開始慶生活動，好朋友一早已相約請食飯。星期六晚上想在尖沙咀鬧市舒舒服服吃個晚飯，一點也不容易。幸好上次發掘了天文台圍這個地方，記得這裡有一間璣燒海鮮。點套餐是最好不過的選擇又不用多想。頭盤是沙律及另送的海蝦兩食一食剌身二食炭燒，兩個食法都很鮮甜炭燒扇貝，貴妃妦，鮑魚，相當有驚喜，專業的侍應控制火候及調味汁非常好，燒完仍保持肉質鮮美。最後是龍蝦，加大火燒，香脆可口另加散叫的刺身，新鮮好味！能夠在尖沙咀地段享受寧靜慢活的美食，這裡是非常好的選擇！…查看更多

星期五的晚上想出去食餐好的，但係要在屯門元朗找個車位都非常困難。最後還是在屋企附近搵間好少少的餐廳食。Mazarine Cafe 剛剛開張的時候其實幫襯了一次，但當時也許新開業，落單混亂，侍應生疏，食物雖然不錯，但心情大受影響。相隔數月決定再嘗試。兩個人點了兩份set dinner, set menu有5個courses: appetiser, 湯, Main course, tea/coffee, dessert, 價錢相宜先生喜歡豬胺架, 雖未至於好juicy, 但唔乾, 味道OK我叫左寶雲酥比目魚, 寶雲酥味道偏酸, 個人不太喜歡, 但魚柳厚身juicy, 一條骨仔都沒有, 值得欣賞侍應服務亦已達到正常水準, 最少沒有落錯單, 哈哈一定會再光顧, 支持街坊小店…查看更多

自從發掘了天空之城這個用膳的世外桃源後, 特別愛上Crazy February的home feel. 餐廳佈置很warm, 侍應們都很有人情味, 所以每逢假期都必定過來。平日的日子都非常容易搵位, 只是假日偶爾要稍等一下, 不過都很快有座位安排好。在嚴冬的夜晚似乎大家都比較鍾情打邊爐/雞煲, 不過我跟老公仍然是偏愛Crazy February, 今晚的寧靜更好, 可以好好享受二人世界。Soup of the day是蕃茄湯, 酸度適中, 很開胃主菜我點了比目魚配薯蓉, 意外驚喜是旁邊的配菜比目魚很Juicy, 肉質嫩滑老公點了豬胺架, 不過時間關係, 忘記影相, 豬胺架略嫌少少偏肥, 邊位有一層肥膏, 但肉質仍然是很嫩滑Set dinner有甜品及咖啡竟然送上兩款不同的甜品, 很有心思。咖啡是即磨的cappuccino, 為完美的晚餐畫上句號。…查看更多

週末的晚上不想四圍同人迫, 想起了在觀塘返工的同學介紹了一間工廈日本料理, 剛好又可以訂位, 於是專乘去一試 點了是日精選的刺身盛 (當日送半客龍蝦)每一款都很鮮甜, 除了海膽有少少澀味)鐵皮和牛飯, 很有驚喜, 和牛跟飯是上菜時才混合一起, 和牛仍然做到七成熟!食物跟價錢相稱, 會再回來…查看更多

年終飯聚, 與好友們都想吃好一點, 於是就訂了枱蒸氣海鮮, 我們四人安排了卡位, 每個卡位向正一個獨立電視, 很貼心。一坐下每人送了一個黑松露蒸蛋, 已經充滿驚喜!點了一個中價的海鮮餐, 然後有專人服侍每道海鮮蒸的時間和火候也set得剛剛好, 很專業, 侍應們都非常有禮貌, 而且耐心跟我們講解食法及蒸煮時間最後蒸完海鮮的粥底, 略嫌不夠咸, 自己加少少鹽吊味也不錯餐跟的甜品, 蕃薯糖水竟然不遜出名的糖水店, 蕃薯甜又淋糖水甜度適中少少薑味, 為這個餐畫下完美句號…查看更多

行過見餐廳內有大把空枱，原以為可以即時入座大把空枱都唔安排入座，咁都要等位，想自制大把人排隊去食的假象吧？！門口帶位的完全唔想理你，攞張籌去問佢幾時入得，佢叫你自己睇螢幕number, 但係螢幕係無開的。有鬼？！等位等左十五分鐘都算，好戲在後頭。坐低無人理你，叫落單個"經理"扮睇你唔到，其他侍應寧願執枱都唔啋你，淨係叫落單叫左三次。單點$45的沙律，少得可憐。催促三次，半粒鐘先上的一罐可樂, 唔通係即叫即去買？俾錢都唔會再去。…查看更多

星期六一行四人來試新餐廳，小店地方非常狹窄，坐得好迫。點了四個晚餐，四個人但頭盆得三隻蝦，我明白可能係免費送的，但確係有點小家。羊架，burger, Risotto 都好味好有驚喜，但牛扒是凍冰冰的。食物質素很好，但四個菜共要55分鐘先上齊，仲要一罐可樂都漏單。真係幾好食都無下次。…查看更多

無服務可言！一副"你唔等得唔好食"既態度 點餐要重覆4次先齊晒, 不停漏單 意粉咸到好似咸魚煮咁 上菜勁耐, 催完先好侮氣咁上唔明點解有咁多笑臉？？？無service, 無quality, 無heart！…查看更多

星期日一行十二人同朋友慶祝生日，一早响openrice見到佢好多人去，已經早一個星期訂8點鐘既大枱，亞姐姐話逾時不候叫我地準時去攞枱。咁好啦，我地咪7:55pm到，佢話未埋單叫我地等等，竟然等到8:20pm佢仲同我地講上一圍仲「吹緊水」未走，無枱比我地！！！真係火都嚟！！！1) 我地係有訂枱，你好應該同定上手講佢地要幾點交枱，好多餐廳都會咁做，何況佢地唔係未食完，只係吹緊水，如果佢地吹到9點，我地係咪要等一個鐘？咁咩叫訂枱2) 等位既大堂又無冷氣，成30度既天氣我地個個等到成身汗，未食已經無晒mood3) D侍應同個經理服務態度勁差，好似唔憂做你生意咁，「你唔等得咪食囉」既咀瞼一定唔會再幫襯，未食已經一肚氣！！　…查看更多