Liz公主的个人专页

上星期四，老公過嚟港島區接收工，馬上趕去”塘西”晚飯！呢間實屬私房菜，當然由店員推介菜式，有湯，有涼菜，有小菜！先講講個湯，蟲草花雞腳，足料夠味，有少少黏口，膠原滿滿！涼菜，話梅豬手，沒有很驚喜，但酸酸甜甜係夏天食就真係可以提高食慾！冰鎮柚子鮑魚，簡直就係打咭餸，一打開旁邊嘅食客都嘩嘩聲😂，鮑魚煮得軟硬適中，還帶點柚子味，很清新！芥末蟹籽墨魚沙律，芥末蟹籽已經好特別，出面無咩見過，再配上墨魚條味道好夾！尼泊爾小食焗薯配喇沙湯，呢個真係好特別，我之前食尼泊爾餐廳都無試過，加上佢配埋凍左既喇沙湯味道好出，我同老公都食唔停（我好奇問點解唔用熱既喇沙湯，原來老闆話凍既喇沙湯既味仲出，所以就用凍湯出）最後一道螞蟻上樹，一放低碟餸我就聞到好香既蜆肉味，老闆仲教落少少胡椒粉味道梗好😋果然無介紹錯，但到左呢一刻真係食唔落，呢碟唯有打包返屋企啦！翻熱後一樣好味！當然現場食最保持水準啦！最後少不了甜品，法式焦糖燉蛋，椰汁銀耳桃膠作為總結，整晚食肆氣氛很好，大部份都是街坊/熟客，就此可見呢間食肆長期都推出唔同嘅菜式吸引街坊，今時今日食肆都要絞盡腦汁才可維持生意，呢間小店直得支持！…查看更多

今晚兩公婆再黎撐檯腳，原來老公之前已訂左位，原來仲静静雞話想試新菜式......所以去到我只點頭盤：話梅凍豬手 - 食過幾次但係都要叫，啖啖都有話梅味，皮爽肉諗，食完充滿骨膠原！花彫涼伴火雞腎 - 第一次試，真係每件火雞腎都充滿花彫味，每件大少適中，仲份量十足！主菜：蘿蔔浸花甲 - 鮮甜花甲湯再配上白蘿蔔條吸收鮮甜味，花甲既鮮甜令老公不停飲呢個湯蟹粥 - 我真係無諗過呢啖粥好似去左澳門食緊水蟹粥咁，真係過之而無不及，"鮮味濃" 真係唔誇張！再食埋甜品，椰汁雪耳燉桃膠，紅豆沙湯圓，就係完美句號，放假前席黎撐檯腳放鬆吓，唔錯！P.S. 呢兩個主菜餐牌無架，訂位時可向店員查詢。…查看更多

一個人lunch 既時候，通常都會揀呢間，外賣返公司d湯都唔會索晒。今期個肚唔多妥，所以只點了魚旦粉+墨丸，平時一定會叫炸魚皮都要放棄！碗魚旦墨丸河，不用多講湯底正，墨丸Vs魚旦兩種彈牙感覺都唔同，總之夠彈牙啦，正！…查看更多

話說，那天一行十多人到餐廳慶生，一開始去到就跟餐廳侍應生說冷氣風很強，要求調低點，叫左兩三次都唔覺有調低，只有硬住頭皮快點食，因為所有食物都好快變凍冰冰。到了切生日蛋糕時，蠟燭點了數次都被冷氣強風吹熄，真係好無隱！原來唔止我地呢檯有呢個問題，其他檯都有。。。。很奇怪餐廳經理為何不顧及食客感受呢？我之前都去過灣仔分店，服務質數完全兩回事，真係地區唔同，服務都有唔同？！真係唔會考慮再光顧此食店！…查看更多

父親節老公再次挑選李公館與他父親慶祝！首先有涼菜，芥末木耳伴海蜇 (唔太記得個名) 呢碟涼菜幾過隱！杏汁豬肺湯我本身唔鍾愛杏汁味同內臟，所以我無飲過，但我就聞到濃濃既杏汁味，如果喜歡杏汁既人應該好鍾意，我見其他人飲完又要添，再食埋湯渣！古法炆腩翅內有冬菇，火腩，菜，魚頭，魚鮫等，呢個餸較重口味，但魚炆完仲好滑！鮮茄濃湯浸時蔬故明思意記係用濃濃蕃茄湯浸時菜，當日廚師用左津白，超入味，正！冬陰公煮花甲呢個勁喇，個冬陰公仲好味過九龍城某泰菜館，仲有人當湯飲添，加上花甲都好鮮甜及足料唔會好似出面果d咁夾三次先得一粒肉。薯仔蒜片牛柳粒開正我至愛既薯仔，呢度薯仔外面甜甜脆脆，外面有少少似麥芽糖咁，牛粒唔un有牛味，無比甜味蓋過！冰鎮咕嚕肉 (特別版)呢味真係鎮店之寶，帶親朋友黎試都會指定食呢味，有得睇有得食。全部生果，咕嚕肉外面都有層糖然後放落d冰入面，當一口咬落去就感受到外脆內暖，原來仲加左個架隔住怕d冰融左會整淋d肉，真係好細心喔！脆皮牛腩配咖喱汁真係從未試過，牛腩外有一層用漿粉做既皮，咬落去外脆肉淋，牛腩完全黏牙，為左唔嘥咖喱汁，屋企人更要另叫白飯將佢掃清！花彫蛋白蒸蝦球 (雪影藏龍)蛋白蒸得好滑，本人略嫌花彫較濃可略減，蝦球尚算爽口！…查看更多