espncom的个人专页

東京アグラ Tokyo Agura之前係尖沙咀經營過的, 聞說水準不俗, 但好似因為日籍師傅要返日本,未有機會幫襯前已經轉手變左另一間拉麵店了.因緣際會下知道原來係灣仔重新開返Tokyo Agura, 所以特意前0黎潮拜一下.(其實都重開左好一段時間,係我孤陋寡聞0者) 餐牌好多選擇,最終選擇左特制魚介豚骨沾麵(醬油味),碗麵顏色好靚,有紅,有黃,有啡,有白,睇落好開胃.各款配料都好出色,尤其是筍段,撈過麻油,很香好好食;另外紅色望落感覺好似日本麵屋一燈果塊慢煮叉燒0既叉燒,食落亦不俗,視覺上亦相當突出, 叉燒上少許0既黑椒帶出左個叉燒0既咸香味,恰到好處,相當不錯.麵底份量較少而且略硬,甚至有D生,淥麵火喉控制有點不足,比較少見會有哩個問題.沾麵湯底唔錯,略帶酸,入面有D一粒粒0既肥豬肉好香好好食,不過湯底唔夠熱,雖然已經用左"辣”手0既湯盛載著,不過食到一半已經凍晒,味道大打折扣.整體味道只可以話OK, 唔好可以話好食,連加一索價$105有點略貴,加上食前期望頗高所以有少許失望,下次會試下其他湯麵,希望能挽回面子吧!!!…查看更多

見佢季節限定又食膩左豬骨口味,所以就試一試佢.第一啖循例都係飲啖湯先,味道比較淡,始終都係食慣同食開豬骨口味,比較鍾情濃郁同杰達達0既口感,所以哩個湯底我0黎講係比較淡同薄,加上只有淡淡的醬油味同香味,不太能符合到醬油哩個主題,同期望有所出入.另外麵底係直麵,軟硬度適中,掛湯度頗配合湯底.叉燒又係得一塊,食完都無感覺,反而筍段出奇地多,食極都有.流心蛋今次做返好左,極流心同勁香蛋味.香港醬油味拉麵少之又少,而我亦甚少會食有關口味0既拉麵,所以唔知哩個期望會唔會過高,有機會一定要係日本試一試高質素0既醬油拉麵~題外話,今次坐既位置完全見到晒整個煮食過程,發現整個過程師傅都一絲不苛,淥麵,飛水,溫碗都做足,而且做得一d都唔hae,完全感受到佢0既誠意同對食物0既尊重及要求,哩一點十分令人讚賞,所以神虎拉麵經常排長龍是不無道理的.…查看更多

睇個名以為係雞骨湯底0既拉麵,但食落原全無雞骨湯味,應該係豬骨加鹽味湯底吧???(希望我無食錯吧~)雖然無雞骨味,但濃度及味道還是可以接受.雞肉叉燒同鳥華亭一樣都係浸過D醬油,感覺上好似鳥華亭略勝一籌,因為比較香醬油味,不過食落都不俗,啖啖肉,總好過薄薄的一塊0既叉燒.最特別係攣麵,有別於一般豬骨湯所彩用0既直麵,麵0既攣度好似公仔面,但當然哩個攣面好食過公仔面啦,其他配料如筍,流心蛋等都係一貫水準,以黑龍0黎講,哩碗面係比較普遍一D,但整體水準還可以接受~…查看更多

店名有個"鳥"字,顧名思義,一間打正旗號以雞骨湯底主打0既拉麵店, 配料都比較獨特,有別於一般拉麵,有露荀,炸藕片,紫洋蔥同雞肉叉燒,顏色相當豐富,擺位亦相當有心思,建議可先吃炸藕片避免浸軟.露荀新鮮,食落十分清新,紫洋蔥爽甜,點綴了湯底.雞骨湯雞味唔算好濃但夠味,可以再做濃D就好喇.雞肉叉燒好好.有三大舊而且有濃郁0既醬油味,非常好吃.麵底同流心蛋正正常常,未見突出之處,香港雞骨湯拉麵比較少,所以可比較0既亦比較少, 不過整體0黎講鳥華亭算係做得唔錯.題外話,我懷疑哩間鳥華亭同神虎係同一個老闆,因為兩間拉麵店都有彼此0既卡片~…查看更多

收到灣仔地頭蟲通知春園街開左間新拉麵店,二話不說就第一時間去試啦~一間以味噌湯底做賣點0既拉麵店,每一碗湯底都會加上肉碎,味噌,芽菜猛火炒過先上,所以真係會有好香既火灸味(即係你去板長食果D火灸壽司0既香同味),由於店家採用開放式廚房,所以每當炒湯底時都會見到火光熊熊,鑊氣十足!麵底係採用一般味噌湯底都會配上0既粗身黃色攣麵,其實哩種麵底好適合味噌湯底,因為味噌湯底味道通常都比較強烈,太幼0既麵食落會比較咸.叉燒都係好一般,唔知點解香港拉麵店0既叉燒都係好普通同份量偏少,唔通香港D肉好貴?流心蛋做得很好,極流心而且充滿醬油香味.另外最唔好0既地方係環境,基本上佢係一間雲吞麵格局0既拉麵店再以賣雲吞麵方式去經營,估計老闆應該係香港人,因為哩間麵店原全感覺唔到日本人做事一絲不苟0既態度,枱面調味品擺位凌亂,枱面有水不過唔係冰水,原全無冰0既,店員制服唔整齊,精神面貌唔醒神.最驚訝0既係一個筷子筒入面竟然有兩款筷子,裝修簡陋,之前去過0既任何一間拉麵店都無哩個感覺,EVEN味千都無哩個感覺,真係好覺得自己去左一間好雞好舊雲吞麵鋪食緊雲吞麵,收$99真係要俾返D好少少0既質素俾消費者.不過佢味道係OK嘅,可能剛開張,有多野都要時間慢慢執返正,可以再0黎~…查看更多

再次勇闖黑龍,上次試左拉麵,今次就試下沾麵!!!首先講個麵,外表好似烏冬,其實係我最愛食落QQ的那一種麵,浸得耐都唔怕淋果隻.師傅淥麵程序做足,鐘響,上水,過冷河,飛水,上檯時還是溫度剛好.沾麵湯好稀好薄,唔係杰撻撻果隻,不過味道豐富,充滿牛筋0既香味,麵條輕輕一浸,就沾滿湯汁,食落滋味無窮.不過搵0黎搵去都係得幾粒黃豆咁大0既牛筋,如果好似中式牛筋麵咁有成條牛筋咁就PERFECT喇. 雖然索價$98,有點貴,不過物有所值,大愛哩款沾麵~…查看更多

單睇相片係唔係已經覺得好正呢???一上枱,蟹黃香味已經直撲入鼻,加上顏色鮮艷0既蟹黃,兩者加起0黎相當刺激食慾,未食已經流晒口水!!!碗野比想像中大碗,而且湯汁份量十分足夠,一定夠撈晒D稻庭烏冬,而且D汁一定會有淨!不過第一啖食落後有D失望,因為好重花雕酒味,攪到好似無乜鮮蟹肉同蟹黃味,不過好彩店家好貼心咁提供左醋,輕輕放少少,鮮蟹肉同蟹黃味出返少少,感覺好過剛才少少,但係整體都係略嫌酒味太重.烏冬真係稻庭烏冬,絕對唔係HAE果D,不過收得咁0既價錢,都要俾返咁上下貨色啦.其實碗野整體味道唔係好突出,主要其實係食果個感覺,好多蟹黃好好食好滿足好正0既咁感覺,係食心理多過生理.不過仍係值得一試.若果要食真正0既蟹黃撈麵,相信要去天香樓,不過聞說要幾百蚊蚊一碗,相信要發左先有機會啦~…查看更多

海老虎其實係豬骨湯底加上蝦乾,蝦膏,蝦油已成,所以叫海老虎,名字十分貼切.相當重0既蝦味,喜歡蝦味0既朋友一定鍾意哩個湯底.如果想再多D蝦味可以浸耐少少D蝦乾等佢出一出味.預設係孿麵,麵條爽口彈牙,由於選擇左硬麵,食條最後D麵都唔好淋晒.特意加左$10叫左隻流心蛋,不過今次無上次咁好食,有D失望~整體係好食0既,比起富士山55 Fujiyama 55同類型0既櫻花蝦拉麵更好食~…查看更多

大路款豚骨味湯底.一望湯底就覺得佢淡,店員特意交待要將辣肉醬溝均湯底先好食,不過我無視左佢哩個建議,因為我想試清楚個湯底.飲落果然無錯,係好淡,再跟佢建議將辣肉醬溝均湯底,再飲一啖,都係一樣好淡,只係多左D辣肉味,湯底十分遜色!!!意外0既係配料反而係出色0既,叉燒兩大塊,好厚好大而且燒得好香,層次分明,一層瘦一層肥,食落相當有口感,好少叉燒有咁既份量.另外流心蛋相當出色,充滿醬油味而且好流心.不過,一碗拉麵湯底係靈魂,如果湯底唔得,其實好食極有限,所以希望此店盡快改善湯底,唔好浪費左D咁出色0既配料.最後哩間野竟然夠膽收加一(原價$88,加一後$96.8),基本上佢完全無服務可言,對哩個加一十分反感!!!…查看更多

又到富士山啦,我真係好鐘意食拉麵架,希望大家唔好見怪.哩間拉麵店除左有拉麵同沾麵外,仲有香港比較少見既撈麵.哩碗撈麵叫名古屋撈麵,係哩間0黎自名古屋0既拉麵店特有的,撈麵0既佈局同果D日式放題店食到0既中華冷麵一樣,配料都係整齊咁放係麵上面,食0既時候要撈勻咁食.先講配料,有紫菜,高麗菜,韮菜段,魚介粉,叉燒,生蒜,免治豚肉同中間鮮黃色最搶眼0既蛋黃,配料顏色豐富,有菜又有肉,令人食慾大增!!!好喇, 開動了, 先將蛋黃整穿,令蛋汁流到麵條上,蛋汁可以組合起所有0既配料同麵條,免治豚肉煎得好香好脆帶點微辣,而且份量剛好,撈勻後每一啖都沾有香脆0既豚肉,啖啖肉,食落大滿足!另外最特別生蒜,由於本人好喜歡哩D蒜蔥類0既香料食物,所以哩D生蒜簡直有炒不可言0既作用, 香濃0既蒜味好正.不過食完好臭,要好好善後.唯一挑剔0既係麵條唔夠熱,如果熱辣辣就最好啦,始終香港人都喜歡熱辣辣0既食物~…查看更多

豬骨味濃,無味精0既感覺, 叉燒都係太薄,食唔到D咩野,不足以對佢有任何評價. 特加$12要左隻流心蛋,但係好普通無蛋味,好失望.最特別係有生洋蔥粒,係日本食過有D拉麵都會有,生洋蔥粒好香好清新亦輕輕帶D辛辣0既味道, 中和左豬骨湯0既肥膩感,亦都點綴左成碗拉麵.不過大前提下你要本身鍾意食洋蔥, HEHE~ 最後奈何比較細碗,食完有D意猶未盡0既感覺.整體其實好似一蘭,不過比一蘭好食,亦都相當接近日本食到0既味道,不俗不俗~…查看更多

明明係叫拉麵,不過湯底就好濃好杰好似食緊沾麵咁,上次食佢地既沾麵,個沾麵湯都好似係哩個濃度,正常兩者應該有分別的.櫻花蝦味唔突出,可能湯底太濃關係同D櫻花蝦係後加,未浸出到D蝦味.麵底是QQ的那一種(不是一蘭的那一種),浸得耐都唔會軟.流心蛋很普通,唔太流.總結0黎講哩間鋪沾麵好食過拉麵,如果尖東一帶,我會推薦哩間拉麵鋪~…查看更多

去完大阪,無時無刻都想食拉麵,好掛住日本D拉麵呀~叫左粗麵,但點解好似幼麵0既?唔理啦,照食~先講個湯,夠熱,但豬骨味唔係好濃反而蒜味幾重,所以都幾俗,不過係夠味0既.叉燒薄薄的只有3塊,不太突出,不能另人留下印象,麵底一般般而且少少OVER COOK,可能因為本人喜歡爽麵.最傑出0既係流心蛋,真係流心的, 浸上少少湯連蛋汁食,非常美味,0黎緊好多機會再光臨,等我慢慢試晒佢地D拉麵, 整體感覺不俗0既拉麵店.…查看更多

Openrice 4月份十強餐廳,一間以日式蛋包飯及巨型手打和牛漢堡扒做賣點0既餐廳,店面骨緻,大概只有20個坐位,由於被佢果塊貓眼咁大0既手打和牛漢堡扒所吸引,所以特意前往,遺憾今次去到漢堡扒已經賣晒!!!原來每日只賣30份!!!所以要去0既朋友要早D去喇!!!講返個飯,即叫即煮,熱辣辣上枱,軟熟0既日本香米放係中間,飯上再加上幼滑半生熟0既滑蛋,兩邊伴隨不同0既醬汁,賣相就係一隻貓眼,相當有心思同吸引食欲!!!各款醬汁其實唔係太特別,不過又唔係一般貨色!!!如果要我揀我會排忌廉>咖哩>濃茄.一口飯沾上適量滑蛋再撈上醬汁,好簡單0既配搭,但已經好美味,食下食下就食晒成碟飯.其實成件事真係好簡單好普通,不過唔知點解食落就好好味!!!有機會要再試手打和牛漢堡扒!!!另外一提,店員熱情有禮,服務有熱誠,值得一讚!!!整個用餐過程十分愉快~…查看更多

再試魂,今次試埋火魂同太極,首先講左火魂,火魂微辣又略帶酸,十分開胃!!!配上些少0既三文魚肉碎. 相當配合,不過三文魚肉碎就真係肉碎, 少得相當可憐,如果多D就PREFECT!!!太極反而相對地失色,只係係豬骨湯底上配上味道唔太突出0既"墨汁"加上可能老婆選擇最濃0既湯底,所以食0既時候相當"厚""同"膩"!!!如果大家有機會去食,建議可以選擇"中"濃度0既湯底,應該相當不錯.魂, 整體水準都好OK,服務又細心體貼(大緊肚0既老婆等位時,特意安排一張摺櫈比佢坐)又是一間五星級食店!!!強推!!!…查看更多