為食西西的个人专页

朋友仔生日，大家都好耐冇食過日本嘢， 決定去呢間居酒屋試吓。喺門口等咗大約5分鐘都冇侍應幫忙帶位， 已經扣咗啲印象分。👆🏻雞蛋牛油果沙律 雞蛋同牛油果呢個組合唔錯，感覺清新，配搭少量蟹子，味道OK。👆🏻雞泡魚乾味道偏鹹，食落口感似魷魚絲多啲。👆🏻炸魷魚鬚味道都係偏鹹，炸粉厚咗啲，唔多脆身。👆🏻炸雞 侍應送上枱時10分熱，係新鮮炸起嘅，但唔算太juicy，味道不過不失。👆🏻炸吉列豬扒除咗炸粉唔夠脆，食到嗰種肉味感覺唔太新鮮，唔建議嗌呢個。成餐飯感覺麻麻地，除咗食物質素一般，侍應嘅服務都唔太好。餸菜上枱時，侍應要求我哋幫忙移開枱面上嘅碗碟係可以理解嘅，但係語氣態度就唔太禮貌呢，如果冇乜特別就唔會再幫襯了☹️。…查看更多

晚市堂食復甦，加上九龍城就嚟重建，決定過嚟食返轉泰國菜，四個人總共嗌咗六個餸。👆🏻首先食泰式柚子沙律酸酸甜甜嘅味道， 將我哋嘅味蕾打開！👆🏻跟住嚟一個炒豬肉碎我哋要求咗侍應加辣，雖然都係唔夠辣， 但都好惹味呢！👆🏻再嚟一個馬拉盞炒椰菜苗有時會覺得馬拉盞嘅味道太強烈，但舖頭落嘅馬拉盞份量適中，唔會太過濃味，值得一讚！👆🏻跟住再上豬頸肉雖然味道不過不失，但份量唔少，係抵食之選！👆🏻最後就係小曼谷炒飯同埋炒金邊粉飯嘅份量好多，配料亦相當充足，加埋個有炒蛋包住嘅飯，除咗好食仲好有特色添！金邊粉同喺泰式街頭食到嘅味道係一模一樣架，可以借佢嚟回憶一下旅行嘅味道呢😋。…查看更多

係係係~我又encore泰國嘢食，因為實在太惹味喇。返咗成日工，食啲香口嘢個人即刻醒神返😚👆🏼泰國木瓜絲沙律 (小辣)木瓜新鮮多水份，食落口個感覺好爽。小小辣味夠開胃，係一個值得推介嘅頭盤。👆🏼豬肉碎生菜包豬肉碎上枱熱辣辣，用爽脆嘅生菜包住一齊放入口，味道同口感都好豐富呢。👆🏼泰式馬拉盞炒通菜 點解馬拉盞可以咁香😋同通菜夾到飛起。加上舖頭炒通菜嘅火喉啱啱好，唔好炒得太青/太老，推介！👆🏼泰式燒原隻鮮魷鮮魷整得好彈牙呀！唔會太韌咬唔開。舖頭整嘅醬汁酸酸辣辣，令鮮魷嘅鮮味更加提升。👆🏼香葉辣椒豬肉碎炒飯 (配荷包蛋) (小辣)有荷包蛋無限美，個個朋友仔都𥄫實隻荷包蛋😂建議狠狠地篤篤個蛋黃撈飯，正過唔少山珍海味架。👆🏼泰式咖喱法包軟殼蟹呢個係王牌嚟呀！咖喱香得嚟又唔會太濃，唔會掩蓋咗軟殼蟹嘅香味。而且軟殼蟹脆得嚟唔𠝹口，爽過食薯片呀！👆🏼椰皇沙冰啱啱上枱，未開始飲已經聞到好香椰汁味。食咗一輪香口嘢，飲佢嚟refresh一下真係冇得頂。👆🏼芒果椰汁沙冰 (少甜)初頭擔心少甜會好淡口，但反而咁樣個果香仲突出，鍾意芒果嘅朋友仔一定要試下。…查看更多

今日推介元朗小曼谷俾大家！👆🏼木瓜沙律清新醒胃，唔會太辣👆🏼豬肉碎生菜包新鮮生菜口感爽脆，泰式炒豬肉辣辣地幾開胃👆🏼泰式豬頸肉炒飯炒飯最驚就係炒到一嚿嚿，今次非常唔錯，炒飯夠哂乾身，惹味豬頸肉加埋蛋絲好滿足！👆🏼泰式馬拉盞炒通菜呢碟通菜係即炒，上枱蒸氣騰騰，而且馬拉盞好鬼香，裏面亦有好多蝦乾，越食越滋味👆🏼冬蔭公湯（大）誠意推介呢個！裏面足足有三隻大蝦，蝦肉口感彈牙，唔會有浸油浮喺湯面，酸酸辣辣好開胃👆🏼泰式乾炒肉片河呢個好足料！河粉唔會好碎，食落唔會好論盡，而且舖頭落咗好多肉片，夠晒我同朋友一齊開心share👆🏼泰王咖喱法包軟殼蟹本身自己好鍾意食軟殻蟹鬆脆嘅外皮，但又好驚會俾咖喱浸腍左，舖頭好好咁將咖喱同軟殼蟹分開上枱，食嘅時候將軟殼蟹點返落咖喱到就食得。咖喱亦都用麵包嚟裝住，食到最尾嘅時候可以嘆埋索滿咖喱嘅麵包呢！👆🏼椰青大大個幾好飲，用嚟解泰菜嘅辣就啱啱好！…查看更多

好耐冇去過泰國旅行，今日嚟到九龍城，順便去食個泰國菜當自己去咗旅行。同朋友兩個人叫咗4樣嘢 - 泰式船河、豬頸肉、生菜包同埋脆炸豬手。 👆🏼泰式船河泰式船河同去泰國旅行時食到嘅一樣， 份量就比地道嘅大碗好多！ 👆🏼豬頸肉豬頸肉燒得好香口，有個特色醬汁一齊上檯，配啤酒一流！👆🏼生菜包生菜包辣度可以提升，唔夠辣好似小咗啲風味， 但塊生菜夠新鮮搭夠。 👆🏼脆炸豬手脆炸豬手睇嚟係點心，我見其他食客都有叫， 應該係招牌菜嚟，味道好香口，塊皮脆卜卜，肉又唔鞋口，好正！今日叫嘅食物，配返一支泰式啤酒， 簡直完美🤤！…查看更多

之前幫襯過醉胡爐，對佢地體貼嘅服務念念不忘。今日咁啱有朋友想打邊爐，即刻介紹佢地嚟試下。👆🏼金翅花膠乳鴿湯打邊爐之前可以先飲湯，湯底香濃得嚟唔會太油膩。侍應姐姐仲幫我地剪開乳鴿同瓜殼，乳鴿可以即食，非常嫩口，瓜殼可以打邊爐打到中途先食，索哂湯底冇得頂！👆🏼手切頂級安格斯肥牛好香牛味！脂肪位夠多，入口即溶。提議唔好淥太耐同點太多醬料，韌咗同食唔到牛味就好浪費架喇！👆🏼頂級霜降牛柳粒一啖一粒好過癮，雖然有少少筋但唔太影響口感。👆🏼伊比利亞黑毛豬豚肉因為本人係牛魔王，所以好少打邊爐食豚肉。點知咁有驚喜，原來黑毛豬係咁香嘅，未試過嘅朋友不妨俾個機會佢。👆🏼黑松露芝心手打牛丸呢個之前食過一次，因為太好味所以要encore。芝士同黑松露比例啱啱好，2種香味都食到。加埋手打牛肉，一次過滿足哂3個願望。👆🏼芝心墨魚丸好少食到墨魚丸咁濃墨魚味，好味到其實一個人可以食一碟。不過佢比手打牛丸薄身少少，一咬啲芝士就會爆出嚟，食嗰陣要小心焫口呀。食物水準保持得好好，一啲都冇失望。店員亦好積極介紹唔同食材嘅特色，保証你可以揀到心水嘢食。如果有咀刁嘅朋友約我食飯，我會帶佢嚟醉胡爐試下呢！…查看更多

Encore ! Encore !今日同同事講起高質西餐，忍唔住放工即刻再去Oasis飯聚。上次坐比較外圍嘅位置，今次就坐內廳嘅梳化位。內圍有更多嘅樹林同雀島裝飾，燈光偏暖色又柔和，放工去感覺好relax。👆🏼北海道帶子薄片配櫻桃蘿蔔、芒果醬及芥末醬帶子新鮮冇腥味，淡口嘅佢可以先配少少酸嘅櫻桃蘿蔔一齊食，夠哂醒胃。之後再加配充足果味嘅芒果醬或者較重口嘅芥末醬，一個前菜食到三個層次。👆🏼芒果大蝦粟米片脆脆沙律沙律菜夠新鮮，餐廳亦冇加太多醬料落去，菜同醬嘅比例啱啱好。脆餅冇俾醬料浸林咗，食落脆卜卜，豐富咗成個沙律嘅口感。蝦整得比較濃味，幫成個清新嘅沙律畫龍點晴。👆🏼法式忌廉千層焗薯👆🏼卡邦尼三重芝焗椰菜花芝士控一定要點呢兩個side dish！焗薯同椰菜花軟身得嚟唔會太林，而且夠入味，唔會只得面頭有少少芝士味。識食當然唔可以放過喺旁邊嘅燶邊芝士。👆🏼地中海烤雞配希臘沙律、火箭菜、辣紅椒汁烤雞juicy唔乾身，雞皮亦夠香口。有少少油份嘅佢同希臘沙律 / 火箭菜好夾，入口唔會覺得油膩。👆🏼馬賽魚湯 (香煎鱸魚、帶子、蜆肉及青口)呢個係全餐飯嘅焦點！湯嘅味道好特別，唔係一般醬汁可以媲美。少少鹹嘅蕃茄味，香得嚟又唔會搶咗海鮮嘅味道。鱸魚嘅魚皮煎得好脆口，帶子夠熟得嚟依然保持彈牙。如果鍾意海鮮嘅朋友，呢個應該會成為你地嘅摯愛，感覺好似食到一個豐富嘅海鮮拼盤一樣。👆🏼冬陰功海鮮扁意粉少少辣少少辣，不過好惹味，可以話係全餐飯入面最濃味嘅菜式。扁意粉口感彈牙，少少煙韌，食得出廚師嘅功力。👆🏼紅酒燴牛面頰伴燴紅蔥頭配薯蓉牛面頰肉夠哂林身，輕輕用叉一篤已經散開，厚身嘅醬汁亦令牛肉味更加突出。薯蓉應該加咗忌廉，食落有少少奶味，好creamy。識食應該一啖放哂牛肉同薯蓉入口，一濃一淡嘅配搭感覺平衡。再嚟幫襯都冇失望，除咗試到新款菜式，侍應同上次一樣招呼周到。除咗細心安排上菜次序，仲會介紹餸菜特色，係好有heart嘅西餐廳。鍾意嘆西餐嘅朋友千祈唔好錯過呀！…查看更多

今日特登衝咗入九龍城，去大邊爐打邊爐！為咗慶祝餐廳開業18週年 + 宋皇臺站開幕，只要向店員展示youtuber嘅影片介紹，就可以享有折扣優惠(1-4人,全單減200蚊，5-8人,全單減400蚊)，抵到爆呀！👆🏼湯底 (四川麻辣 + 海底椰青雞)麻辣湯香口得嚟唔會太多油，配肉類食好正。椰青雞湯就好清新，配魚類 / 海鮮類最好，唔會搶咗食材嘅鮮味。👆🏼海鮮刺身拼盤套餐有驚喜！非常之新鮮。魚肉同帶子都好彈牙，少少腥味都冇。舖頭提供咗豉油 + wasabi，輕輕一點已經夠提鮮。👆🏼蟶子好大隻呀！同埋食落有鮮味，一人一隻都已經好滿足。提提唔好淥太耐，韌咗就會好嘥架喇！👆🏼三式肥牛肥瘦比例冇得頂。雖然3款都好正，但我個人最推介封門柳，因為牛味最香濃。👆🏼手打墨魚丸手打果然係手打，非常彈牙。墨魚味好重，好足料，唔係一舊粉。👆🏼雙拼菜餃漲卜卜架！皮又薄又足料。好耐冇食過咁高質嘅餃，開心。👆🏼油麥菜 + 甜粟米強烈推介粟米，無論用佢喺麻辣湯定椰青雞湯，都食到佢嘅清甜味。店員有細心指導食材要煮幾耐，服務好貼心。另外值得一讚嘅係洗手間非常非常之乾淨，喺火鍋店真係十年難得一遇，係我會再幫襯嘅原因之一呢！…查看更多

上次同朋友幫襯完尚膳之後，對佢念念不忘。適逢下雨天，總掛念從前。行街唔方便，決定同朋友再嚟嘆火鍋，烚下烚下傾下計仲爽。👆🏼尚膳麻辣鍋呢個招牌湯底走唔甩，全場最野味係佢。怕辣嘅朋友仔可以喺湯底上枱之後，攞走部份辣椒，咁就唔怕越食越辣啦。👆🏼新鮮本地牛頸脊 (細) - 上👆🏼日本一口和牛粒 - 下必食，2款都牛味香濃！肉同脂肪嘅分佈平均。2款碟上仲有個黃色小貼紙，提醒烹調時間。咁就唔怕煮得太老，嘥咗隻牛牛啦！👆🏼海鮮拼盤呢個要多謝店員提醒，只需要like同share尚膳嘅社交平台 page，就可以以88蚊優惠價嗌呢個拼盤。拼盤入面有齊蟶子、蝦、脆肉鯇同蜆。雖然每一樣都夠哂好新鮮，但蟶子實在太好味。經過麻辣湯嘅洗禮，佢嘅鮮味依然好突出，下次嚟會再特登叫多啲蟶子。👆🏼四色手工丸拼盤(黑松露蝦丸、黃金墨魚丸、芝心牛肉丸、梅菜豬肉丸)一次過滿足哂4個願望，開心！雖然每一款都唔錯，但我最愛嘅都係芝心牛肉丸。一啖咬落去芝士流哂出嚟，成個口都香噴噴好幸福。👆🏼鳳城水餃 (半份) - 上👆🏼台式蛋餃 (半份) - 下鳳城水餃每隻都好足料，實的的。台式蛋餃就比較有特色，唔係度度都食到。佢嘅蛋皮夠哂薄，一撈起成隻都吸滿麻辣湯，變成juicy的餃。今次再嚟果然冇失望，除咗保持到食物水準，店員嘅服務一樣咁周到，態度亦好親切，全程都食得好開心。返咗一日工之後，就係想咁樣享受下。又係一次令人回味嘅體驗呢☺…查看更多

今日試埋位於銅鑼灣嘅胡爐。一踏入舖頭，偏懷舊裝修再加上侍應哥哥嘅殷勤招待，印象分又一次爆燈。胡爐用銅鍋嚟煲湯底，傳熱又快又好睇，啱哂香港人心水。👆🏼招牌鮮椰青雞鍋侍應哥哥會先煎香雞件，然後加上小量嘅酒去除腥味同鎖住肉汁。雞件煎香後再加入濃湯同一大個椰青水。煲滾之後，可以先飲返兩碗椰子雞湯同食下雞件，用椰青水煮嘅雞特別香甜，千祈唔好錯過呀！之後再加入濃湯就可以正式開始食我地嘅火鍋大餐。👆🏼頂級霜降牛柳粒量多但唔算貴，肉質嫩滑，入口即溶。👆🏼西班牙黑毛豬豚肉豬味濃，厚切。👆🏼新鮮脆鯇魚新鮮，香口同肥美，個個叫佢做"脹爆魚腩"👆🏼XO鮑魚蝦餃王大大舊鮑魚肉，係必食推介。👆🏼黑松露蟹肉餃黑松露控一定要試喇掛！👆🏼蔬菜拼盤…查看更多

覺得打邊爐一定又鹹又多味精？咁就要試下嚟醉胡爐喇！湯底除咗用嚟打邊爐，仲可以直接當湯水飲，係一個幾有驚喜嘅體驗。而且有別於一般火鍋店，醉胡爐喺裝修方面落足心機，燈飾靚之餘，座位同座位之間嘅空位都好足夠，坐得非常之舒服呢。👆🏼招牌鮮椰青雞鍋呢個鍋除咗賣相夠哂勁，食之前仲可以睇侍應姐姐表演。侍應姐姐會先將雞同配料 (椰青、紅蘿蔔) 炒香，之後點火，嘩嘩嘩好精彩之際。。。嘻！加返椰青水同湯底落鍋，登登登登！鮮椰青雞鍋就出世喇。打邊爐之前可以直接飲2碗湯先，鮮甜嘅椰青味加上濃郁嘅雞味，香而不膩，真係未打邊爐先興奮。👆🏼胡爐牛拼盤(小)(牛舌芯、安格斯手切肥牛、極上手切牛頸脊、牛胸爽、霸降牛粒)好似我咁心大心細嘅朋友仔可以叫呢個牛拼盤，一碟可以試哂5款牛肉。個人食落覺得牛頸脊牛味最濃。👆🏼頂級霜降牛柳粒 牛柳粒可以話係必嗌嘅食材，一睇相就知佢脂肪分佈平均。咬落去油香四射，香味會喺口入面徘徊好耐。👆🏼(左)黑松露芝心手打牛丸 (半份 - 4粒)👆🏼(右)XO鮑魚蝦餃王 (半份 - 4粒)蝦餃王足料，隻隻都脹卜卜。食落蝦肉好爽口，係新鮮嘅證明。又一次好好嘅用餐體驗。醉胡爐環境舒服，係一個同朋友放慢生活節奏，食下飯吹下水嘅好去處。加上佢湯底選擇夠多，應該每一次嚟都會有驚喜。已經同朋友約定咗下次再嚟試另一個湯底喇！…查看更多

疫情下難得嘅晚飯聚會，揀咗位於諾士佛臺嘅Oasis。餐廳裝修充滿格調，主色調灰色意外地同綠色植物好襯，加上燈飾柔和嘅燈光做點綴，令人感覺好放鬆。👆🏼The Oasis (Signature Cocktail)雀仔形狀嘅杯可愛到爆炸！小動物呼應返Oasis呢個主題，係打卡必備。酒味唔會太濃，飲落有類似提子嘅香味，好啱女仔。👆🏼Eden Garden (Signature Mocktail)唔想飲酒類飲品嘅話可以試下呢杯。滿滿嘅薄荷葉令人有置身花園嘅感覺，入口清爽，食咗芝士/醬汁類嘅食物之後飲佢，有refresh嘅感覺。👆🏼Deep Fried Mozzarella Sticks芝士拉絲拉到去坐喺對面個朋友到。外皮香脆，炸粉唔會太厚，點少少茄汁食非常開胃。👆🏼Mexican Nacho又一個同芝士完美嘅結合。份量夠多，配有三種傳統醬料 (Sour Cream、Salsa、Avocado) 任你點，飲住Mocktails慢慢食最適合不過。👆🏼Classic Buffalo wings食水牛城雞翼當然係為咗食個醬啦！醬汁包滿成隻雞翼，夠香又夠辣，鍾意食惹味嘢嘅朋友仔記得要嗌呀。👆🏼Spaghetti Alle Vongole呢個有驚喜！意粉煮嘅時間控制得啱啱好，口感彈牙。加上油份充足，凍咗少少意粉都唔會纏埋一舊。蜆冇沙，蒜香令到蜆嘅鮮味更加突出，值得一試。👆🏼Grilled US Prime Rib Eye w/ Potato Wedges and Seasonal Vegetables呢個係今日嘅王牌，牛味幾重。我地嗌Medium，食落嫩口得嚟唔會太多血水。配菜有蘆筍、小蕃茄同小量瓜類蔬菜，一定要食哂佢地，因為每一款都吸收哂牛油嘅精華，冇得頂！除咗裝修靚，食物水準高，侍應們嘅服務都好到位。除咗提供咗細碟俾我地放蜆殼，仲好快手幫我地更換食嘢嘅碟，確保前一道菜式嘅醬汁唔會影響下一道。呢種貼身照顧嘅感覺，俾多少少錢享受下係值得嘅。…查看更多

好耐冇打邊爐喇！今日同朋友去鼎王嘆麻辣火鍋，舖頭除咗裝修靚，亦都好乾淨。店員招呼周到，除咗有貼心提供防疫用品 (口罩套/濕紙巾)之外，仲會細心教埋每一樣嘢食應該煮幾耐。👆🏼麻辣鍋我地叫咗小辣，香而不辣啱哂我！最正嘅係鴨血同豆腐可以任添，因為食一轉一定唔夠喉。特別要讚一讚鴨血整得非常彈牙，一滑入口，同麻辣湯永遠係最佳拍檔。👆🏼牛拼盤(牛白肉、封門柳、牛邊抓、牛頸脊、安格斯肥牛)一次過可以食到咁多牛嘅部位真係好過癮！尤其牛白肉同封門柳一定要試，一嚟唔係周圍都食到，二嚟質素未必高。鼎王嘅牛白肉爽而不韌，充滿油香，令人好回味。👆🏼上選牛小排牛小排嘅牛味雖然冇牛拼盤咁香濃，但脂肪分佈均勻，食落口感好好。放落湯底淥幾秒就好，過咗火就浪費了。👆🏼精選滷拼盤(豬肚、大腸、牛肚)嘩呢個滷水好神奇，冇俾麻辣湯掩蓋咗佢嘅味道。豬肚同牛肚都好爽口，但最令我懷念嘅係豬大腸，除咗洗得非常乾淨，油香都好濃，同麻辣湯底好夾。👆🏼凍烏龍茶(左)/熱水蜜桃茶(右)水蜜桃茶係舖頭送嘅，茶味比桃味強，而且唔甜。凍烏龍茶好大樽好抵飲，茶味比水蜜桃茶強，香而不澀，推介！2款都係好啱食麻辣鍋嗰陣飲，可以去油消滯。🥖老油條聽到附近嘅食客對佢讚不絕口，話食到尾聲嘅時候，放一舊老油條落湯底，佢會感收哂湯底同肉類嘅精華。下次一定要試下先！…查看更多

冇得去旅行？唔緊要！冇得食台式麻辣火鍋？唔緊要！因為而家旺角開咗間尚膳。一行到門口店員已經好熱情咁招呼我地，量好體溫搓搓手就可以入座喇。👆🏼涼伴小食 - 蕎頭、四季豆、毛豆👆🏼寧神洛神花茶初頭諗住打邊爐就唔食涼伴小食，但店員落力推介，果然冇令人失望。尤其係四季豆，有淡淡嘅蒜香，又夠爽脆，做頭盤好開胃。另外只要簡單喺 社交平台打咭/俾個like，就可獲贈一杯杞子圓肉菊花露/寧神洛神花茶。係舖頭自己煲，唔係現成買外賣架。👆🏼無限添加醬油/調味料呢個area非常之乾淨，唔係間間火鍋店都做得到，俾個叻佢。👆🏼麻辣湯底 (小辣)惹味就一定架喇！驚喜嘅係湯底入面嘅鴨血，大細切得啱啱好，一塊一塊薄片，比平時食到嘅大舊鴨血更加索湯。不過麻辣湯底會越食越辣呢，可以事前請店員準備 (小小辣)，咁就唔驚啦！👆🏼蟶子王嘩嘩嘩呢個必食！好大隻！又鮮又彈牙！店員溫馨提示我同朋友仔可以先將蟶子拆肉，之後放入筲箕仔入面，輕輕淥10秒，得咗😮!之後我同朋友仔差唔多每樣食材都放入筲箕仔入面碌，唔駛驚佢走失咗/游返出大海，好方便呀！👆🏼花甲一句講哂 - 冇沙！同埋一碟有好多隻，隻隻都咁大隻。👆🏼手切肥牛👆🏼金錢牛𦟌唔點豉油就咁食，牛味香濃冇得頂！尤其係肥牛，油花分佈均勻，接近入口即溶，滿口油香。同海鮮一樣，都係唔好淥太耐呀！👆🏼芝士牛肉丸我初頭以為呢個係機制嘅牛丸，點知原來係手打架！所以淥起唔會成粒實的的，就咁一夾啲芝士就咇出嚟，又一個芝士控嘅恩物。👆🏼蔬菜盒冇黃冇霉好新鮮，仲要有埋而家大熱嘅super food秋葵，邊個話打邊爐一定唔健康？😏👆🏼鮮果盤 (冰凍嘅楊桃、梨and橙，仲有朵花花添🌸)食咗熱辣辣嘅麻辣火鍋之後再食生果，除咗可以幫條脷降溫，仲可以refresh一下，滿足~每一款食材，尤其海鮮，都非常新鮮，豉油都唔駛點多滴。以呢個質素嚟講，價錢可以話相當公道。下次要再嚟試埋養顔美人鍋🤤💕!…查看更多

外賣多味精，食得多覺得口淡淡。今日決定去同朋友食下海鮮，於是去咗位於ladder dundas 9樓嘅緣味小聚。👆🏼星級大鮑魚-海鮮蒸鍋套餐我地揀咗呢個$268嘅套餐。佢包咗好多嘢食，有一人一盅嘅燉湯，同埋8款海鮮: 鮑魚、蟶子、帶子、花甲、龍躉、海蝦同其他貝類。唔夠喉嘅之後仲可以無限量添食牛小排、手打牛丸、蔬菜、蒸糕等等，而配料葱、生蒜同辣椒粒都係任添架。👆🏼燉湯呢個湯燉足6個鐘，而且絕冇味精。如果有得添飲就好喇。👆🏼蜆、蟶子、帶子全程我地都好嘆呀！基本上我地都冇落過手去蒸嘢食，全程由店員一手主理，負責哂時間控制同分配食物。可能因為咁，海鮮煮得啱啱好，食嗰陣點少少咁多豉油提鮮已經好足夠呢！👆🏼鮑魚鮑魚非常彈牙，係必食之選！店員除咗幫我地去殼，連其他唔食得嘅部份都幫我地清哂，我地淨係負責食就得喇😂。100分！👆🏼八寶飯如果嫌齋食海鮮唔夠飽，咁就一定要試埋呢個八寶飯。有24款蒸飯配料俾你任揀8款，一個飯有齊蔬菜、肉類同充滿油香嘅臘腸，為呢餐畫上咗個靚靚嘅句號。海鮮夠新鮮，店員服務亦都好好。如果座位空間闊啲就會更完美，下次會再帶其他朋友嚟食呢！…查看更多