影片
更多
2021-02-03
94 浏览
好耐冇打邊爐喇！今日同朋友去鼎王嘆麻辣火鍋，舖頭除咗裝修靚，亦都好乾淨。店員招呼周到，除咗有貼心提供防疫用品 (口罩套/濕紙巾)之外，仲會細心教埋每一樣嘢食應該煮幾耐。👆🏼麻辣鍋我地叫咗小辣，香而不辣啱哂我！最正嘅係鴨血同豆腐可以任添，因為食一轉一定唔夠喉。特別要讚一讚鴨血整得非常彈牙，一滑入口，同麻辣湯永遠係最佳拍檔。👆🏼牛拼盤(牛白肉、封門柳、牛邊抓、牛頸脊、安格斯肥牛)一次過可以食到咁多牛嘅部位真係好過癮！尤其牛白肉同封門柳一定要試，一嚟唔係周圍都食到，二嚟質素未必高。鼎王嘅牛白肉爽而不韌，充滿油香，令人好回味。👆🏼上選牛小排牛小排嘅牛味雖然冇牛拼盤咁香濃，但脂肪分佈均勻，食落口感好好。放落湯底淥幾秒就好，過咗火就浪費了。👆🏼精選滷拼盤(豬肚、大腸、牛肚)嘩呢個滷水好神奇，冇俾麻辣湯掩蓋咗佢嘅味道。豬肚同牛肚都好爽口，但最令我懷念嘅係豬大腸，除咗洗得非常乾淨，油香都好濃，同麻辣湯底好夾。👆🏼凍烏龍茶(左)/熱水蜜桃茶(右)水蜜桃茶係舖頭送嘅，茶味比桃味強，而且唔甜。凍烏龍茶好大樽好抵飲，茶味比水蜜桃茶強，香而不澀，推介！2款都係好啱食麻辣鍋嗰陣飲，可以去油消滯。🥖老油條聽到附近嘅
今日同朋友去鼎王嘆麻辣火鍋，舖頭除咗裝修靚，亦都好乾淨。
店員招呼周到，除咗有貼心提供防疫用品 (口罩套/濕紙巾)之外，仲會細心教埋每一樣嘢食應該煮幾耐。
👆🏼麻辣鍋
我地叫咗小辣，香而不辣啱哂我！
最正嘅係鴨血同豆腐可以任添，因為食一轉一定唔夠喉。
特別要讚一讚鴨血整得非常彈牙，一滑入口，同麻辣湯永遠係最佳拍檔。
👆🏼牛拼盤
(牛白肉、封門柳、牛邊抓、牛頸脊、安格斯肥牛)
一次過可以食到咁多牛嘅部位真係好過癮！
尤其牛白肉同封門柳一定要試，一嚟唔係周圍都食到，二嚟質素未必高。
鼎王嘅牛白肉爽而不韌，充滿油香，令人好回味。
👆🏼上選牛小排
牛小排嘅牛味雖然冇牛拼盤咁香濃，但脂肪分佈均勻，食落口感好好。
放落湯底淥幾秒就好，過咗火就浪費了。
👆🏼精選滷拼盤
(豬肚、大腸、牛肚)
嘩呢個滷水好神奇，冇俾麻辣湯掩蓋咗佢嘅味道。
豬肚同牛肚都好爽口，但最令我懷念嘅係豬大腸，除咗洗得非常乾淨，油香都好濃，同麻辣湯底好夾。
👆🏼凍烏龍茶(左)/熱水蜜桃茶(右)
水蜜桃茶係舖頭送嘅，茶味比桃味強，而且唔甜。
凍烏龍茶好大樽好抵飲，茶味比水蜜桃茶強，香而不澀，推介！
2款都係好啱食麻辣鍋嗰陣飲，可以去油消滯。
🥖老油條
聽到附近嘅食客對佢讚不絕口，話食到尾聲嘅時候，放一舊老油條落湯底，佢會感收哂湯底同肉類嘅精華。下次一定要試下先！
张贴
