細jo的个人专页

自從可以食晚市堂食之後，最期待當然就係同老公食餐好嘅火鍋啦，依間老公一早都已經好想食㗎喇，最特色嘅係因為佢哋有一人一鍋，可以同老公試到唔同嘅湯底絕對係唔錯嘅選擇！今次同老公叫咗個台灣藥膳蟲草花桃膠雞湯，台灣藥膳椰子雞湯，佢哋嘅湯底分量十足，蟲草花同埋桃膠嘅份量都幾多！ 而今次為咗慶祝佢嘅生日，我哋叫咗個298嘅套餐，極上牛頸脊同一般肥牛好唔同佢哋嘅牛味十足，而且脂肪比例比較少，另外佢哋嘅黑毛豬，同平時食嘅豬腩片唔同，非常之滑，連我唔鍾意食豬嘅都忍唔住口食多幾啖！而配料方面， 都有唔少特別嘅選擇，而我最鍾意嘅就係佢哋嘅芫荽燒賣，出邊比較少機會可以喺任食嘅火鍋餐廳見到！仲有唔少台式邊爐配料，例如米血糕同甜不辣等等！ 打完邊爐梗係要食下甜品，佢有我哋最鍾意嘅土鳳梨口味，依個絕對抵同好食，因為出邊賣開一個都已經係3-40 蚊，絕對係回本嘅選擇！係咁多嘅飲食餐廳之中我覺得佢哋絕對係出色，湯底好，多配料有質素，而且性價比都幾高！ …查看更多

好耐都無同老公出去食飯啦，今次就陪佢去食佢最鍾意嘅茶餐廳啊，佢成日都話好想食常餐，點都要照顧下佢嘅心情嘅，行開附近出名多嘢食嘅灣仔，見到依間茶餐廳都有我最鍾意嘅鰻魚當然要試試！蒲燒鰻魚炒滑蛋飯估唔到佢哋嘅鰻魚都幾大條，配上滑蛋炒飯絕對係一流嘅感覺，食落鰻魚都唔錯，鰻魚大大條，配上日式照燒醬絕對一流！沙嗲牛肉通粉常餐去到茶餐廳食，點都要叫個常餐黎食，估唔到佢哋嘅沙嗲湯底都唔馬虎，絕對係濃郁嘅，粉有米線，通粉等等可以選擇。 炒蛋岩岩好， 滑得黎又唔會好油！ …查看更多

食過一糖幾次，試過哂佢嘅名物包括窩夫同芝士撻，記憶中質素OK。所以，我同朋友想食個飯後甜品，就由九龍揸左差唔多成粒鐘車去食。到達時係夜晚9 點3 ，店舖已經停左堂食，所以我地叫左個mocha 窩夫外賣。等左35 分鐘， 滿心歡喜咁上到車我地即刻開黎食，不過食到嘅係一個凍左淋哂嘅窩夫。其實等，真係唔係問題，好多糖水舖嘅外賣都要等！但係我地都咁遠過黎， 食到嘅竟然係一個又凍又淋嘅窩夫！ 如果係咁我不如去超市急凍窩夫焗熱黎食都無咁差！唔知係咪叫好彩呢，個雪糕係正常嘅！窩夫我地放棄左，淨係食左個雪糕，不過用60 蚊食嘅一球雪糕應該大把選擇！…查看更多

一直都幾喜歡去fashion walk 食野，貪佢喺鬧市之中又唔會太擠逼。今日揀左urban coffee roaster , 兩個人點左一湯一沙律，兩個主食同一個甜品！Portobello salad係簡單嘅黑醋配大啡菇加羽衣甘藍同粟米。羽衣甘藍新鮮，上碟好多顏色加埋同黑醋好開胃。Soup of the day 係青豆湯， 豆味香濃，配上香脆麵包🥯Smoked tomato, eggplant spaghetti 春天又濕又暖， 容易無咩胃口。呢個意粉勁開胃， 蕃茄酸甜而且顏色紅卜卜， 買一啖都有真正茄蓉，好快就食哂一碟！Crab meat donburi大大隻炸軟殼蟹加埋松葉蟹肉， 配埋青瓜同埋蟹子，每一口都有唔同嘅口感， 而且加埋蛋黃汁， 令個飯唔會乾！Lemon meringue tart食完飯， 梗係要有飯後甜品啦！urban cafe 嘅檸檬蛋白撻勁好食😋輕輕烤過嘅蛋白同杏仁片好香， 檸檬內餡清新微酸，撻皮脆脆都唔錯！Dirty奶夠凍， 啡好香～ Ruby Booster 呢杯係signature 飲品， 佢個味道係可可同薑味加埋紅石榴同提子汁，入口酸酸辣辣，係一杯好特別嘅飲品！…查看更多

疫情以來，大家都無咩機會去台灣。為了解一解條台灣癮， 所以我地今日就去左食阿木。阿木除左有堂食之外， 仲有一d 麵食，果乾或者茶包可以買回家去煮同沖，而且都係台灣製，唔使出街都可以食到台灣食物！今日我地兩個人叫左兩碗牛肉麵， 兩個小食同埋兩杯飲品。麵食方面，我地叫左推介嘅牛肉牛筋麵同麻辣牛肉麵。牛肉牛筋勁足料， 一碗有成四大塊厚切牛肉， 男仔食都好飽肚。牛筋有咬口又唔會過韌。 麻辣湯比較重花椒麻香味，少少辣。 小食叫左醬油蕃薯苗同地瓜條。蕃薯苗好滑， 地瓜條同平時連鎖台式小食地唔同。佢係帶少少煙韌同口感， 配埋佢個梅子粉， 一個人食哂成碟都無難度！飲品叫左金鑽鳳梨四季春同埋蜜桃烏龍。 蜜桃烏龍係無糖冷泡茶，飲落好清爽，都係店舖有埋嘅產品。食完真係好滿足， 可以捧住個肚番屋企！ …查看更多

因為太耐冇去台灣嘅關係好掛住台灣嘅小食，今日去開荃灣，當然就搵吓台灣嘢食啦，依間荃灣嘅台灣店絕對係近期網紅之選！本身想試下草莓吐司，不過今日無哂啦， 所以叫左肉鬆芋泥吐司同芋見紫薯吐司。佢哋嘅吐司大大件， 食一件都好夠飽！肉鬆芋泥吐司肉鬆同芋頭泥比例啱啱好，食落去香脆又好味！ 芋見紫薯吐司一打開就見到超級多嘅芋頭泥同紫薯泥，鍾意食紫薯香芋嘅朋友絕對唔可以放過！ 夜市鹽酥拼盤拼盤有鹽酥雞，甜不辣同埋炒青豆，大大份超低食，一次過食哂4 樣台灣小食～ 炭燒烏龍珍珠奶茶烏龍嘅茶底啱啱好而且佢哋嘅珍珠唔會太硬又唔會軟淋淋！ 仲要可以轉無糖， 健康D ! 高雄紅茶珍珠奶茶紅茶味十足加埋珍珠都係唔錯嘅選擇～ …查看更多

旮旯係一間人氣店， 每次經過都會見到一條長長嘅人龍。今次也不例外，所以我選擇外賣自取。不過由於嚟到嘅時間都已經差唔多5:00 ，所以最想食嘅cake roll 已經全部賣晒啦！所以我揀咗都多人推介嘅葛餅同埋叫咗一杯凍嘅薰衣草latte。葛餅係都煙韌， 每一粒都沾滿綠茶粉，配送一杯香濃嘅咖啡真係攞足一百分💯。 叫左一盒外賣，不過自己食一盒都有啲飽肚。 另外薰衣草咖啡就不太啱我個人口味，硬係覺得薰衣草同咖啡麻麻哋夾到。 題外話，估唔到嘅係個外賣盒都幾靚，令到我食外賣都不太會差嘅感覺。…查看更多

因為beans開得越來越多分店，所以可以入去食嘅機會亦都越來越多，而且唔使點排隊。今日叫左每次都會食嘅黑松露軟殼蟹意粉同埋一個新嘅牛油果蟹肉意大利飯。軟殼蟹意粉一如既往嘅好食，不過牛油果飯就真係麻麻地， 除左賣相不太吸引之外， 而且口味偏淡， 試過一次就算了。 飯後甜品方面叫咗綠茶卷同埋焦糖燉蛋，綠茶卷雖然有很深嘅綠色，不過佢嘅綠茶味不太突出， 但中間個cream 都幾滑， 又不太甜， 都值得一試。 而焦糖燉蛋就甜咗少少， 兩者比較， 我會選擇綠茶卷。…查看更多

想靜靜地咁食個下午茶， 唯有遠離大商場，去到單車館隔離嘅牧羊少年咖啡館到食。今日係平日嘅下午，人不算多，不過靠窗邊的座位已經全部有人坐著， 所以我揀咗正中心嘅大長枱。兩個人最後叫咗一份雪糕窩夫餐同埋一個雞扒包餐。食物質素正正常常，沒有太出色但也不錯吃。反而杯咖啡則不錯， 香濃而不苦，有個小小的心形拉花。餐點份量適中， 不會太大造成浪費，也不會太少唔夠飽。不過一邊飲住咖啡一邊望住窗外大人們和小朋友在池邊玩耍， 輕輕鬆鬆過一個下午也不錯～…查看更多

成日食飽先經過呢間gelato 店， 所以一直都無機會試。 今日難得下午黎到就一於黎試下～Gelato 🍨 款式很多， 很多味道都想嘗試。 不過諗左好耐， 最後就選擇比較少見嘅番石榴味。 gelato 係正常甜度， 顏色係淡淡嘅粉紅色。 唔算有太大驚喜， 不過都可以一試。 另外見到佢蛋糕櫃都有唔少款嘅蛋糕， 其中tiramisu 好似比較吸引。 不過， 或者係外國人口味， 食落去真偏甜。 好彩係兩個人share 食， 所以要食哂一件都ok 嘅～ …查看更多

Infiniti by October 一直都係熱門打卡嘅店舖， 除了店舖環境漂亮之外， 仲有好食嘅生酮蛋糕🍰店舖用藍色為主調， 樓底高空間感足，每張枱都有花作裝飾。無論個人體驗又或者影相打卡都不錯， 比較不足係枱與枱之間比較近， 私人稍為不足。食物方面，我地叫左杯smoothie 同埋一件cake 。smoothie 都幾有驚喜， 佢有cream 、生果同埋奇亞籽， 有唔同嘅口感， 而且唔太甜， 食完都唔會有大罪惡感。而件cake 係earl grey cake 🍰，個cream 有空氣感， 同樣不太甜。 入坐方面， 我地平日4 點去到， 都等左45 分鐘先安排到入座。雖然等左好耐， 都算值得嘅～ …查看更多

因為下午茶唔想食得太full ，所以揀左食yogurt 。Smile 有preset 款式或者自訂款式可以選擇。今日我就揀咗 wild summer ，貪佢酸酸甜甜又開胃。不過， 唔好睇佢細細杯， 其實都幾飽肚。 …查看更多

約了幾個月終於約到兩位朋友出黎食飯， 由於大家放工都比較早， 所以6 點鐘就已經到達餐廳。 同樣因為早到，餐廳安排我地3 個坐靠側比較舒適的梳化圓枱。 我地叫左4個小食， 兩個主菜同兩杯自家調製嘅cocktail. 小食方面叫左炸蕃薯條，水牛城雞翼， 香蒜白酒煮蜆，焗白海道帶子；主菜就叫左黑松靈温泉蛋意粉。其中個蜆真係好好食， 全部都大大隻， 肉質肥厚， 仲有海水嘅咸鮮味！ 而自家調嘅cocktail 有個靚靚嘅外表， 而且味道都好girly ，無論飲定打卡都可以！ 有機會一定會再去呢間餐廳～ …查看更多

自從要喺灣仔上堂之後，就鍾意喺呢間咖啡店飲一杯flat white 先去上堂。 之前一直去開灣仔另一間分店， 今日就去左莊士敦道試試。店舖環境都算舒服， 不過音樂就比較大聲少少。本身想選擇較出嘅向街坐位， 因為疫情關係， 本身四個位只能安排兩個人坐， 店員則安排我到吧枱附近坐， 可以見到咖啡師的工作。 咖啡質素就一如既往高質， 香濃而不苦澀， 還有一個簡簡單單嘅小拉花， 而且價錢也不算比連鎖咖啡店貴很多， 係絕對值得一試🥰…查看更多

自從疫情之後都無去過食自助餐或者放題， 今日難得有假放， 所以決去呢間荃灣放題。餐廳環境比同價位嘅日式放題食店都寬敞少少， 枱與枱之間都不算太近， 不會整晚都聽到隔離枱嘅對話。 不過， 食物質素就唔算好好食。 刺身比較淡味， 沒有腥味， 都食唔到鮮味。 天婦羅有陣陣油味， 而熱盤味道則可以。而每人都有一杯雪糕， 有movenpick , dreyers 或者haagen dazs可以選擇。 飲品除左有一般汽水水同茶， 仲有冷熱清酒🍶可以選擇。 總之以呢個價位， 重量不太重質， 都可以選擇。 …查看更多