一糖 (屏山)

食過一糖幾次，試過哂佢嘅名物包括窩夫同芝士撻，記憶中質素OK。所以，我同朋友想食個飯後甜品，就由九龍揸左差唔多成粒鐘車去食。
到達時係夜晚9 點3 ，店舖已經停左堂食，所以我地叫左個mocha 窩夫外賣。
等左35 分鐘， 滿心歡喜咁上到車我地即刻開黎食，不過食到嘅係一個凍左淋哂嘅窩夫。
其實等，真係唔係問題，好多糖水舖嘅外賣都要等！但係我地都咁遠過黎， 食到嘅竟然係一個又凍又淋嘅窩夫！ 如果係咁我不如去超市急凍窩夫焗熱黎食都無咁差！
唔知係咪叫好彩呢，個雪糕係正常嘅！
窩夫我地放棄左，淨係食左個雪糕，不過用60 蚊食嘅一球雪糕應該大把選擇！

又凍又淋

$60