Hungry Sasa的个人专页

等朋友又或者打發時間最好就係去Starbucks坐下 嗌杯茶都係廿幾蚊 如果係要坐大半日溫書之類 性價比就太高了(˶‾᷄ ⁻̫ ‾᷅˵)今日小編又想飲抹茶系列但又唔想飲latte 所以就揀咗杯matcha espresso fusion😆 其實唔係咩secret menu 只不過係嗌既方式有別於一般客人既叫法：Extra 9 scoop of matcha powder Extra hot 加多shot espresso 要奶泡 因為小編比較中意抹茶味濃郁啲 咖啡味重啲 仲要熱啲既！所以出到嚟既效果就係杯matcha espresso比一般綠茶系列深色10倍 濃郁10倍 但同時因爲matcha powder本來就有糖份 所以都相對地肥返十倍 不過偶爾一杯就無所謂啦٩(˃̶͈̀௰˂̶͈́)و不過呢杯venti size就貴嚕。。。。要$51🙈🙈Yummy yummy 😋😋😋…查看更多

小編今日又經過上水 不過今日唔係去上水廣場 而係要去石湖墟個邊做嘢 兩頭望望無咩特別好食 見喺馬會隔離有間大家樂 4點幾剛好仲有下午茶🤤 小編嗌咗炸脾配是日粉麵 (今日係雪菜肉絲米粉) $37 仲有杯熱飲 凍飲要加3蚊 快餐店講求既係速度 所以好快拎到個餐唔係啲咩新聞 但係冇諗過快餐店炸脾既皮 竟 然 係 脆 既？？？ 呢下真係有少少驚喜 其實嗌嗰一刻都expect個皮會硬硬地又唔熱 所以其實本來係唔打算食皮 點次切薄個脾個一下 zha~zha~zha~ 有聲嘅？好喜出望外嘅感覺😂 今次真係$37買個驚喜👏🏻👏🏻唔係講笑呀 連杯普通嘅熱奶茶都有驚喜 唔會係啲咩奶好香滑 茶底香呢啲啦 講都唔會有人信！之不過係茶同奶既比例唔錯 因為而家連好多茶餐廳都唔係幾識沖熱奶茶 有好多茶餐廳奶多過茶 而且以大家樂呢啲快餐連鎖店來講究竟係小編我近排咁好彩 定香港依家快餐店嘅質素都開始上升（其實就冇乜可能💀）近呢幾次食嘅快餐店 都令我刮目相看👏🏻😂 講明先 唔係話好好食所以打個好評 而係因為太有驚喜而值得去打呢個好評👏🏻👍🏻…查看更多

小編時不時都會路過深水埗 今日咁啱去開深水埗做嘢 就靈機一觸醒起「圓圓」就二話不說向Double Bubble出發٩(˃̶͈̀௰˂̶͈́)و深水埗地鐵站c1出口向左直行到長沙灣政府合署方向 係馬路口左手邊 隔離仲有間sharetea 平時去都要等10至20分鐘 今日去可能啱啱好放完晏又未夠鐘放學放工 所以唔駛等好耐 由落柯打到拎上手 都只不過係大約5分鐘時間👍🏻 嚟到圓圓其實都係一如以往買黑糖珍珠鮮奶😂 有分熱同凍 但就無分size都係中杯 熱$29 凍$28 （通常凍飲貴過熱飲 佢就調返轉🤔）甜度無得改 而冰度就有得要少冰走冰 但個份量亦會因為無冰墊底而相對少7成（店員都會事先講明）我就order原汁原味正常冰🤞🏻等咗3 4個就到我 店員一如以往細心提醒返 要倒勻先飲用 ！飲！咗！4！次！依然keep得住個水準 果然好野 真係飲到黑糖味 而唔係庶糖唔係死甜唔係焦糖味 你要知道依家出面好多所謂嘅黑糖珍珠鮮奶 就係庶糖珍珠鮮奶 又或者係焦糖珍珠鮮奶 但係個名就用黑糖珍珠鮮奶 完全係違反商品說明條例🙄🙄 啲珍珠都好好咬 煙煙韌韌 不過有幾粒未熟透 之但係整體而言已經夠攞99分(˶‾᷄ ⁻̫ ‾᷅˵) 有下次 絕對有下次👻飲晒成杯野都仲有好多珍珠🤤🤤🤤…查看更多

呢排都係黑糖珍珠鮮奶熱潮 行到邊去到邊都聽到人想買飲黑糖珍珠鮮奶 去到邊都會好似7-11咁 緊有一間係你附近 之前已經好想試吓飲了不起 聽唔少人講佢嘅質素都唔錯 甚至可以同銅鑼灣嘅老虎糖比較🤔 講到咁犀利今次就特登去試吓！地理位置好方便 喺旺角同油麻地多個地鐵站出口附近^_^店面裝飾都幾靚 嗰日去人流唔算多都係得幾個人等緊 既然唔駛等咁就決定買番杯試吓啦😝 見到好多人都有推介黑糖磚鮮奶 但係我對啫喱又無乜興趣 所以都係照舊買黑糖珍珠鮮奶 呢間唔錯可以揀少冰 咁就唔使驚啲冰融左之後得返奶味！原來依家仲做緊學生優惠 凡係着住校服或者持有學生證 都可以減$5 kaka 小編梗係唔會放過仲可以享用學生優惠嘅機會啦 原先一杯黑糖珍珠鮮奶28蚊 減完5蚊之後只係23蚊咋٩(˃̶͈̀௰˂̶͈́)و 店舖裏面都有唔少打卡位 例如呢個位都有好多人爭住影㗎！前前後後等左唔使5分鐘就可以拎到杯嘢飲啦😯😯呢間黑糖珍珠鮮奶嘅掛杯冇老虎堂咁靚 啲珍珠係透明 都幾有咬口 小編非常中意佢地既珍珠！ 不過黑糖味唔係好濃 而且係有啲死甜😟 如果經過又有學生優惠嘅不妨買杯試吓 但係又未至於要特登去😯而且飲完之後就肚痛 唔知係對佢用既奶敏感定其他原因呢？不過服務員都有優質服務態度同高效率 加分！…查看更多

今日嚟開上水廣場呢邊唔知食乜好 行下行下就上咗5樓 冇乜食肆好揀 見太興人唔多使等位就唔想再諗咁行入去一如以往 侍應問你幾位就火箭速度指我入去二人枱😂 食物選擇算多 以星期日嚟講仲有下午茶既地方唔多 最後揀咗餐蛋飯配熱柚子蜜（係我都唔知點解屋企求其都煮到既野我要比44蚊嗌😂）備註：凍飲加3蚊茶記辦事效率真心快 落完柯打1分鐘都無 杯柚子蜜就送到眼前 要一讚👍🏻👍🏻餐蛋飯都一啲都唔失禮 唔奢望d乜情況下 兩片餐肉都有厚度 同2隻蛋一樣煎得香口！我無諗過食個太興都要比正評😂但好欣賞服務效率同質素👍🏻（要知道食茶記有服務質素唔易）…查看更多

牛陣有新湯底啦！貪新鮮嘅我梗係嗱嗱臨去試😆旺角分店嘅環境比較細 但係勝在服務搭救👍🏻 唔知係好彩定係咩 今日啲員工啲服務都好好😂 一入座 就有侍應幫你落湯order 今日同男朋友試佢新嘅冬蔭美鍋 仲要係diy 自己炒香料炒蝦落湯落青檸 辣度自己調教！平時唔下廚既我 趁大好機會係男朋友面前露兩手😆😆冬蔭公味唔係好突出 不過同啲牛又幾夾 我地揀咗澳洲穀飼牛！肉質同口感幾好 以$218價位嚟講 性價比高🤤 備註！揀冬蔭美鍋仲有獨家i see i see芒果糯米飯雪條送㗎！…查看更多

之前都聽過mad for garlic「蒜」得出色 但係唔試過點會心息😝難得有個同自己一樣鍾意食蒜嘅男朋友又點可以錯過屬於我哋第一次嘅Garlic Night🤩由於住喺九龍塘附近 所以今次都會揀返喺九龍塘分店 一早聽講過話booking其實都幾full 如果唔book定枱諗住靠運walk in 都要預等返最少15至30分鐘🕑 所以小編早就喺下晝一點幾打定去分店book枱 不過聽電話嗰位同事服務態度就麻麻哋 好似有少少唔耐煩唔願意同你講嘢咁🤷🏻‍♀️ 不過點都好啦呢個都唔係重點😙入咗之前服務員會同你講定用餐時間係90分鐘 基本上如果你冇乜問題就可以正常入座💭入咗之後都會好快比兩杯室溫水你 然後就會有先同你介紹返當晚其實係可以揀二人套餐 又或者都可以選擇單點！當晚我同男朋友唔算好肚餓 所以就叫左一個基本上每枱都會嗌嘅🍕Garlic Snowing Pizza🍕個pizza完全係值得比100分！所有配料都非常之夾 蒜片同芝士既配完全係畫龍點睛！😭之後再嗌多個意粉 唔記得左叫咩名 不過有蟹肉又有龍蝦肉🍤 係cream sauce嚟嘅！啲配料完全落得唔孤寒 d龍蝦肉都幾新鮮夠彈牙爽口！最後因為想同男朋友提早慶祝生日 預先帶定一件芝士蛋糕配藍莓醬（其實未叫之前 有問過侍應嘅意見）侍應竟然冇因為香蕉朱古力嗰個薄餅價錢比較貴而推薦我揀嗰個甜品 反而顧慮到我哋兩個人已經食完成個pizza 又食咗個忌廉汁嘅意粉 驚我哋唔會食得到呢個甜品 所以反而推薦我哋帶芝士蛋糕 portion細細件但係插住支蠟燭加埋個半碟成件事又好鬼靚😍👏🏻 今餐唔單止食物質素好出色 大部份嘅侍應（除咗聽電話嗰位小姐）服務態度都非常之出色 就算要比加一都俾得心服口服👍🏻👍🏻👍🏻…查看更多