佩佩的個人專頁

一直都響上環食開，可以話係粉絲。估唔到佢哋第一間分店就嚟天后，做我嘅街坊。佢一開張我就好心急去試，本來係private party, 但可能見到我失望嘅表情，竟然俾我crash the party. 當晚食咗最愛嘅豉油雞，下面有腸粉，吸收頭抽精華。個黃酒雞湯依然咁正，另外仲有菜同佢哋自家製炸魚皮。雖然佢哋有海南雞，不過我幾乎次次都食豉油雞。不過，豉油雞限量，有時都會賣曬㗎。老闆員工都好nice. 係一間有人情味嘅鋪頭。…查看更多

我係由八寶剛搬到天后就一直支持嘅街坊，每星期起碼食一次，經常推薦俾朋友。八寶嘅腩，由普通牛腩牛脷到崩沙腩都咁好食。湯底更係我哋嘅最愛，藥膳湯底跑贏同區所謂清湯腩名牌幾廿條街。八寶重要係良心店，所以疫情禁堂食期間，我哋都堅持買外賣，從不間斷。咁點解要寫食評呢？係因為我真心希望八寶年輕一代可以以禮待客，守好八寶個招牌。有一晚我因為工作，晚上9:35先趕到，八寶牛腩我嘅comfort food. 一入門口，年輕負責人/職員好粗聲粗氣咁講：「你堂食呀？10點鐘一定要走！」因為響屋企成日、又想環保，我話我食快d啦。佢有幫我落單，轉頭兩秒就拋低張單：「你埋埋單先！」Fine. 佢找續都無講多謝。其實我旁邊都有兩個人慢慢食緊。將心比己，我都唔想阻佢哋收工。最後10:05就走喇。另外兩個都未走。我離開時，年輕負責人仲係一句多謝都無。講真，我好希望八寶睇到，可以反省同改善，今次經歷真係好令我傷心，尤其是辛勞一日後好似要乞求先有得食碗麵。好掛住平時老闆老闆娘嘅笑容同人情味。我真係好___鍾意八寶同香港. …查看更多

環境: 5/5, 在OL未到之前。好clean, 好zen, 好日本。如果你去完日本，好blue, 我好recommend你來坐一坐。食物: 自選三款($88)或四款($98) 'deli' 的午餐。因為要用十蚊坐車嚟，我決定選三款。deli 有hot和cold之分，不過其實是沒分別的，應該是cold and colder. ...最好食係個醬豚肉，如果hot 會好好多，那個屬cold deli的厚燒玉子也不錯。假如你真的要來，不妨一試。剩下的魚，感覺就是完全沒有任何感覺。最surprise係連飯同miso soup都唔熱。究竟無印良品的温度是甚麼？至於份量是否無良就任君定奪。你唔餓的話，應該會飽。老師說:最記得的學生，要非最叻，就是最差。咬一口muji, 大概是後者。…查看更多

友人提前打電話訂檯, 到達時發現我們一行人應該是今晚唯一的客人. 在周日晚上的銅鑼灣, 實在冷清得有點可怕.我們一行七人, 點了三份沙律, 三份三色卷, 四份漢堡, 一同分享.忘了是甚麼沙律了, 是typical的沙律菜, 蕃茄之類, 很普通, 有特色的是加了薑絲的醋, 很醒胃.三色卷: 最好吃是薯蓉filing, 其次是菠菜, 而risotto則偏酸. 整體覺得有點太dry, 味道也不見突出.最後是令人期得的漢堡 - "肉"是不錯的, 但實在太乾, 應該要在醬料上下一點功夫. 炸薯角算是不過不失, 但不夠熱.最後最後想說的是氣氛: 由於只有我們七個人, 感覺有如包場, 也有感是"阻住別人收工". 員工態度冷淡, 燈光也暗, 感覺不太自在, 與門口那清新綠色的裝修反差很大. 音樂也是怪怪的, 在歌與歌之間總有一些奇怪, 似廣告的聲音/對白, 如果真的希望改善客人的體驗, 請好好考慮播放一些令人舒坦的音樂. 唯一可說的是: 價錢不貴, 地點方便, 而且不用等位.…查看更多

人在中環，午餐有時候是身不由己的。午市人龍長排長有的一樂，唯有在周末上班才去。失落一:一心想食心愛的鵝脾飯，卻没有鵝脾！Are you kidding me? fine. 就叫叉鵝飯。(後記:30秒後說普通話的遊客卻可以點鵝脾瀨……) 失落二: 鵝皮不脆，肉乾，然後又沒有给我酸梅醬。 (問了兩次，終於賞賜。) 原因可能是多數客人只會點鵝脾，鵝肉因而放得太久？失落三: 招牌蜜汁叉燒瘦和乾(那刻想起穿著紅底的方力申)，蜜汁失蹤，要靠賞賜的酸梅醬補救。與其說是招牌菜，那其實是自拆招牌之作。或者，一樂其實只有燒鵝脾，其他燒味連cafe de central都好味過佢。…查看更多

與男友家人食飯, 因此訂座點菜我都無份參與, 只係負責食. 之前一直只知道去西貢食海鮮, 之後先知原來去有一星米芝蓮既六福, 所以滿心期待.首先是等位, 由於餐館要先讓首輪客人離開, 於是八點輪的客人就要在窄巷中等候, 在三十度的氣溫下, 人--都--癲.終於坐低左, 大家興高采烈咁點菜, 仲提醒待應講早已訂左魚湯同, 腩仔, 風沙雞. 八點半人齊於是叫起菜, 點知幾分鐘後待應就話無曬魚湯同腩仔, 全檯鼓譟, 問待應不是早就訂好? 訂黎做咩? 待應只推說沒有也沒辦法, 一邊講對唔住一邊逃走...之後, 由於我地有十個人, 於是我地叫佢將例牌加大一份或半份, 可惜待應幾乎次次漏單, 十分混亂. 難道有米芝蓮不愁生意, 服務生都心不在焉, 是旦交貨? anyways, 應該講下我地可以食到既食物:椒鹽豆腐 -- 好味既, 雖然聽講好貴. 外脆內軟, 椒鹽味道剛剛好, 我食左兩件. 白灼墨魚 -- 勝在鮮味十足, 就好似去"chok"墨魚時d墨魚, 有人仲食到成口墨汁而不知情, 所以食呢碟野要加倍小心.油鹽水蜆 -- 呢個係代替魚湯/腩仔既, 蜆好肥美, 唔覺得煮法有咩特別.豉油王炒麵 -- 好食, 唔太咸, 但未至於驚為天人. 脆皮風沙雞 -- 本身鍾意食雞, 可能唔太中肯, 不過呢個真係好好食, 皮脆肉滑, 調味適中, 明顯我食左好多件, 呢個係推介, 當然我唔知幾多錢.沙薑雞腳 -- 賣相一般, 但係味道甚佳, 上檯時是微溫的, 與平時酒樓那些冰凍雞腳不同, 也可能因此六福的雞腳較彈牙.炒白菜仔 -- 正常, 無特別, 只係為左要一d fiber而點.蜜糖欖菜骨 - 好好味, 甜甜地而肉本身好soft. 係一碟大人小朋友都會鍾意食既. 呢個我都推介.椒鹽鮑魚 -- 名大於實, 因為椒鹽左之後d鮑魚已經無咩鮮味, 賣相就應該好吸引外國遊客既.食物overall係okay, 只係服務就不值一星米芝蓮. …查看更多

晚飯前外出跑步, 經過才想起這間曾在OPENRICE見過的新店, 於是決定一試. [忘了拍照...]弟弟先到找位子, 他說人挺多, 只剩下吧檯. 沒所謂, 反正店子小小, 又可與肥美的三文魚"對望", 而且店子的裝修很有心思, 貫徹"木"的主題, 挺cozy. 我點了SUSHI SET A: 甜蛋X2, 龍蝦沙律軍艦X2 , 蟹棒X2, 八爪魚X2, 並加10元改成定食, 有湯和中華沙律. ($38+$10) - 湯非常好喝! 不只有豆腐和seaweed, 還有三文魚粒, 非常鮮甜!! 我們齊聲讚好. (後來看由牆上的飲食男女報導得知湯是用魚的幾個部份煲三小時而成. 難怪!) - 蛋不錯, 色澤美而不太甜. 其他都OKAY, 較喜歡龍蝦沙律軍艦.)弟弟點的三文魚+魚子都十分吸引, 偷吃了些魚子, 很新鮮. 份量很足. ($58+10)中華沙律和後加的螺肉也可以, 只是不知道為什麼吃了螺肉就很口渴.:(其實以前大角咀曾有一間很用心經營的日本食店, 可惜在我中學的時候就結束了. 我一定會再來黑木堂支持用心製作的食物 :) …查看更多

住在大角咀超過廿年, 以前這兒由金家樂獨大, 近年隨著愈來愈多新樓, 而大角咀租金相對便宜, 有愈來愈多有誠意的食肆.放工有時經過阿嬤廚房都會被它紅色的招牌吸引, 而且我想起同街的高湯麵館和茶餐廳也撐不住,真擔心阿嬤會步它們後塵. 但母親大人某天試過後說不錯, 於是周末趁假期一試....環境不錯, 落地玻璃, 剛好晴天, 陽光灑進餐廳, 店內又播著周杰倫. 心想: 果然是台灣食店, 哈哈. 看看餐牌, 沒有午市套餐, 不過點主品可以約半價加台式飲品.1. 紅燒牛肉麵 - HK$30本來想試鹽酥雞, 但見餐牌推介的是紅燒牛肉麵, 上檯時, 很大碗啊. 金錢展很大塊, 湯的色澤也很好. 金錢展第一口吃下時有些腥味, 但再吃下去就沒有, 而且愈來愈好吃, 下次應該問問台主為何第一口會有腥味...湯很濃, 有些藥材味? 不肯定, 但很好喝, 也不會令人感到口渴, 真材實料. 麵身很好. 基本上是物有所值.2. 豆乾 + 五花腩 - HK$9為了想多試店內的招牌菜而加了兩款食物. 豆乾一般, 五花腩就很好, 不覺油膩, 又很入味. 下次可以再食.3. 珍珠奶茶 - 跟餐加HK$6 (單品$14)挺好, 偏甜, 但可以接受, 珍珠好多呢~~~總的來說, 阿嬤廚房是很有誠意的餐廳, 店員們看似是一家人, 感覺親切. 吃飯時剛好遇上旁邊數名匯豐職員, 她們問阿嬤在哪裡, 店員說阿嬤是她的媽媽, 80多歲在台灣...AH...真的假的? 下次想聽聽她們說台灣國語呢...周杰倫的可愛女人..是我走的時候在播的音樂. 一頓讓人愉快的台式午餐!…查看更多