微胖子的個人專頁

以前讀大學成日去源記，見呢幾日落陰陰細雨，有種濕凍嘅感覺，想食啲食啲野潤下所以完飯去幫襯。(睇到枱頭剪報先知原來已經有160年歷史)本身食得太飽掙扎要唔要蛋好，點知阿哥仔一句「叫埋啦！我地呢隻叫『千年難得一見蛋』」見到gag人就忍唔住默默咁跟住人走⋯⋯比印象中淡左少少？不過仍然好味，蓮子去芯唔苦澀，始終最正係隻蛋❤️桑寄生入味又唔膩口， 對女人好有益(補血氣)。如果唔係太飽我一定食埋芝麻糊⋯⋯…查看更多

同media partners 搵個就腳嘅地方食個casual lunch，加上想帶新黎香港嘅鬼佬試下點心，要乾淨企理、坐得相對上舒服、無咁嘈、又唔好太貴⋯就你啦唐宮小聚！上星期打去卜先知原來11:30開始1st round，13:15要交枱。本身打算卜12點的，如果只可以食到點三，時間上又唔係太好駛，所以平日卜位要留意下。卒之食個early lunchInterior 比較新派，唔似傳統中菜館，主要用藍白色調。不過坐位比較狹窄。要放多啲枱嘛⋯明嘅⋯不過要坐入去梳化位真係有啲難度，考慮到微胖子條腿都有咁上下粗度，要推開枱先入到去 =///=一坐落去真係有少少嚇親哈哈，以為啲蟻係真⋯玩味重的碟子👍掛住講野都無好好影過食物。芥末雲耳($49定48？)蠻開胃的，雖然賣相黑漆漆，不過鬼佬鐘意食 fungus，覺得用wasabi 整幾好味春卷普通，不過唔知係咪stereotype 總覺得每次叫，外國人都會清曬佢。茄子賣相好討好的，不過味道一般。雞絲粉皮同腸粉都係正常無咩特別黃金四季豆幾過癮，唔會太咸，四季豆本身亦頗清甜黎到都總要叫一叫松露香菇包($49/3個)，外表睇落係一個冬菇，實際上係包。表面龜裂嘅部分灑上可可粉，入面釀滿雞脾菇、香菇同truffle，幾香口好味今次主要食點心，份量偏小，選擇款式較少(唔好expect係傳統茶樓嘅點心紙咁)，但係都叫精緻，亦唔重味精，唔會令你食完好口渴。不過男士未必夠飽，要叫多點。我地5個人食大概800蚊左右。值得一讚係服務，由帶位到落單上菜加菜都主動同smooth，差不多到時間亦唔會瘋狂收碟，當然佢會提提你埋單先，但整體幾舒服總括而言，雖然都係食裝修>食野 (L Place嘅餐廳通常都係咁？)，但係食物ok又有得卜位，不失為lunch 嘅好option ==========唐宮小聚 Social Place (中環)地址 : 中環皇后大道中139號The L.Place 2樓電話 : 3568 9666==========…查看更多

車仔麵 ❤ 諗到車仔麵就好開心 ヽ(✿ﾟ▽ﾟ)ノ 基本上每到 lunch time 車仔麵都會穩坐係TOP 3 options，雖然每次同事都話要食清d，不過一諗起車仔麵湯底同辣醬既香辣…就會乖乖咁狗衝去買 (́◉◞౪◟◉‵) 車仔麵店灣仔都有幾間 (但有1,2間真係可以難食到無辦法食完1/4碗)，行遠少少去銅鑼灣榮記食雞翼尖都好爽yy…不過相比之下翻食再翻食既都係車仔麵之家!灣仔晏頓街，OZO Wesley Hong Kong Hotel隔離車仔麵之家店面非常細，無枱無櫈，人人立食。你可以選擇面壁食食完將碗放係下面個格，會有人去清理或者企係巷仔食(有風味D) 會有一大條人龍係隔離，不過大家見怪不怪 次次經過都見到十幾二十個人排緊隊，不過唔駛放棄，因為店員好快手，你諗得食咩黎好快就到你。為左唔好拖慢所有人既進度，最好諗好咩麵底同咩餸，因為個個點餸都好似打仗咁趕 (會因為緊張而窒窒地 =///= )。排隊去到呢個位會透過玻璃窗見到裡面點單 (開始流口水)排到門口會見到雜誌報導介紹魷魚，轉個灣入去店員就會嗌「下一個!」我懷疑佢一日入面講得最多就係呢句入到門口就要叫定麵底，係呢間我覺得餸好味過麵，所以通常都叫淨餸拎走。同事通常叫油麵，男士可以叫加大份量飽肚D (e.g. 大油麵)。行多幾步入到呢個位就會見到menu，6-7蚊一個餸，不過睇得黎你都已經要落單點菜咯! 熱騰騰唔記得自己叫左5定6餸，埋單$45。拎番公司慢慢嘆必食係魷魚，爽口，鍾意食魷魚鬚可以講明要鬚。蘿蔔清甜無渣、冬菇入味，豬紅稍稍用力咬落彈口食落去滑嘟嘟。另一推介係平時我唔食既酸齋，呢度酸甜度剛剛好，又唔會好似出面d酸齋咁一pad野死甜死酸浸死佢，反而有少少外脆內腍。其他雞翼豬皮丸類就一般普通啦。重點中既重點係佢既辣醬，本身湯底帶少少甜，加上辣醬完全起左畫龍點睛既效果。唔食辣既人都不妨點小辣 因為微胖子怕熱，通常都拎番公司食。或者行遠少少 (一段路仔啦) 拎去政總出面食，吹下風，加多杯涷檸茶或紅樂… 正呀 (*´∀`)~♥ ＝＝＝＝真金白銀去食野然後有感而發的分界線＝＝＝＝車仔麵之家地址: 灣仔晏頓街1號A電話: 2529 6313…查看更多

曾經有一碗超好味又好抵食 (NTD25) 既滷肉飯擺響我面前，但係我無去珍惜，到無左既時候先至後悔莫及，塵世間最痛苦莫過於此。如果個天可以俾個機會我番轉頭既話，我會……以前經常出trip去台北，成街都滷肉飯，價錢平到d錢跌左都唔覺所以唔識得好好咁珍惜滷肉飯，轉左工無咩點去台北先發現其實有d掛住回憶中既滋味，但無奈香港冇咩好地道又抵食既滷肉飯…突然機會就來了！有日無啦啦見到觀塘工廈入面有間台灣餐廳未食過喎，就入去試下囉。星期日傍晚6點左右打去問需唔需要卜位，有位先生話唔需要啦你2位而家過黎walk in就可以了。門牌～ 感覺好台灣。店入面有好多隻長頸鹿公仔小小的門口，以前學校磚頭的感覺因為打完電話知道walk-in都可以所以完全放心行陣街既2人組去到小時光果陣已經係7點半左右，一入門口有個小小小小既等位area已經聚滿人，所以都係要等位的。等位area既牆上有呢一排好可愛既制…好忍手無去啪佢，所以唔知其實係咪仲work。如果有人試左可唔可以話我知？一望入去是這樣子的～小小的空間都擠滿了人。出面冷氣嚴重不足，已經開左風扇不過都係好焗，再入面近收銀會好一點。所以如果你或朋友或男女朋友好易燥底請務必坐入d相中既小哥係waiter，製服蠻可愛的，女生係著白色shirt格仔百摺裙 （當日見到貓耳…唔知係唔係定番呢？）洗手間典型學校書架，等位等開餐時可以拎野睇下（？）主要係漫畫營造學校感覺我地細個日對夜對到大個發現G.O.D.賣千幾蚊一張飲恨自己以前走寶既櫈！風扇都可以係影相位餐廳入面，過左直行就係涼快一點點既區域，可惜我係坐係焗爐區牆上書架堆滿左漫畫，等野食既時候宅性大發刨左一陣棋魂同BleachMenu～ 好好說明了怎樣點餐，不過都被夾住了。建議留多d margin 將內容放係text area入面…不然看不見啦 （汗）入去坐定後侍應會俾menu你，自己行出去點餐付錢。好似好多台灣店咁，佢會俾部電子牌你，當佢閃紅燈時即係野食ready好可以自己去拎。順帶一提take order收錢的好像是一位台妹～我唔知佢識唔識聽廣東話不過她會跟你講國語就是了。再順帶一提記得係拎野食時拎埋餐具哦，奄尖少爺就係因為唔記得所以搞到行左2轉番到黎黑在下的圓臉（明明都唔關我事…淚）好似IKEA咁食完自己清理盤子，不過現場所見都係麻煩了侍應先生小姐清理的由收銀處望出去 同台妹鍛鍊完國語了～微胖子點左2個套餐（麻醬拌麵＋滷肉飯），加左滷水蛋一碟同一杯百香果梳打。免收加一，盛惠＄175。點了麻醬拌麵加百香果梳打，麵雖然簡單，不過是不錯吃的（碎碎念一下：少爺叫我去點餐話食咩都得，好啦，微胖子我點完之後佢話「下點解？點解係呢個麵？」我：「……咁你想食咩你咪點囉又係你話無所謂」少爺：「我想知你本住咩rationale去點呢樣」我：「……」所以話處女座男人心海底針…點解唔直接話你想食咩呢…抓狂中）滷肉飯餐～只能說滷得不夠入味…另外點了滷水蛋。感受同上。百香果梳打～我好鍾意百香果，去親台灣都要買黎飲，就連係香港COCO既百香雙響炮我都照殺！不過呢杯野真係超。級。甜！ 如果就咁飲會糖尿，所以佢都好貼心俾左杯冰你 ，不過一杯冰唔足以令佢少甜…微胖子最後老點左少爺行幾次去拎冰，總共用左4杯冰去溝淡佢 （怕甜既人要小心）長頸鹿杯sss食野時對面坐左一對應該剛剛進入熱戀期既大學情侶，你完全感覺到果種身體既微微刺探，掂下縮下，不著痕跡打探下對方屋企，小動作眉目傳情…哇青春到丫！微胖子只可以怒bear住少爺敢怒不敢言，然後忍唔住好港女咁講「你睇下人地幾sweet！」少爺一手抄起書架既漫畫就pia左落微胖子個頭度「我地都好sweet丫，唔sweet咩」微胖子 ：「……sweet…… T___T」。食左大約1小時跟住就再係餐廳入面周圍行下，店入面既interior decoration其實做得幾好，真係有營造到學校氣氛。擺設 1擺設 2 擺設 3 － 超有圖書館感覺的書架同門口出面既m＆m先生講拜拜咯總括而言，小時光主要係食環境多過食食物，好適合年青人嘻嘻哈哈聚會，或者兩小無猜去的～大人去當然唔係問題，只係你會發現回憶總是美好的，長大後已經無法再回到那段快樂的時光，勉強回想都只會徒添傷悲，所以嘛…有時有d野…不如不見。…查看更多