栗子win的个人专页

呢間餐廳嘅空間感，令人覺得好舒服，地方夠寬敞，職員只會喺你有需要嘅時候先行過嚟，又冇限時，同朋友可以暢所欲言。食物嘅選擇好多，掙扎過後我哋揀咗青醬雞肉長通粉。平時啲餐廳肉好有限，但佢呢碟性價比好高，幾乎每一啖長通粉都有雞肉。個汁唔會太杰或者太稀，長通粉嘅口感軟硬適中。嘢飲叫咗杯熱嘅宇治抹茶鮮奶，優質抹茶粉沖泡後呈現鮮亮的翠綠色，層次分層明顯（抹茶、牛奶、奶泡），攪拌後變成溫柔的淺綠，拉花技術不錯，打卡一流！淡淡的青草香，甜中帶一絲微苦。牛奶的綿密與抹茶的細膩應完美融合，無顆粒感，甜度啱啱好。最後梗係要叫個甜品，我同朋友分別叫咗檸檬同藍莓蛋糕，各有千秋，檸檬好fresh，職員會問我哋想唔想焗熱嚟食，好細心。…查看更多

商場嚟講，呢間分店都算幾大，裝修又靚，轉角位有間房仔，靜靜地傾吓偈幾好！Lunch set嘅選擇都幾多元化，朋友揀咗牛油果多士配沙律，牛油果熟度剛剛好，沙律菜新鮮，特別欣賞沙律醬汁，酸甜度拿捏得好好，多士鬆軟，成個配搭好Fresh，份量適中。佢另外加錢叫咗杯iced cappaccino，咖啡味都幾香。我自己就要咗個雜菌意粉配黑松露醬，好欣賞佢嘅意粉咁彈牙，而且好掛汁。嘢飲要咗iced matcha latte，淨係賣相已經賞心悅目。但要令我最驚喜嘅都係佢嘅法式多士，即叫即整，好滿足。…查看更多

捉緊暑假尾巴，同朋友聚一聚。大家今次想食中菜，於是找了銅鑼灣的粵菜餐館嘗一嘗，地點十分方便，並易於尋找，地鐵或巴士下車後行數分鐘就到。星期一的晚上不算太多人，餐廳內餐台間隔寬敞，不怕被其他台的食客聽到或影響，可以與朋友們暢所欲言放心交談。店舖新開張，但菜式種類亦算多。我們點了一個孖寶套餐，內包含有雞及大蝦伊麵，再加一碟小菜，菜式份量充足，我們食得很飽足，仍有餘需要打包。海南文昌雞，此菜令我有驚喜，雞肉多汁有鮮甜味。文昌雞皮薄少油脂，不肥肥膩，同時肉亦滑，不像普通的雞皮厚肥脂多，不知不覺食多了好幾塊。上湯大蝦伊麵，上湯味濃，材料充足，伊麵偏軟身，對我來是剛剛好。原本以為孖寶應該不會好大碟，但原來份量都很充足，我們都吃不完。鮮百合蜜豆炒淮山，有我喜歡的淮山。原本都擔心朋友不喜歡淮山滑滑濕濕的感覺，但朋友都表示不介意，所考慮了一下決定叫此菜。菜式比想像好，先拖油的淮山沒有滑滑濕濕的狀態，變得有點爽口脆滑，蜜豆及鮮百合亦十分鮮甜可口，下次想值得再叫！店員服務十分殷勤，店員會不時留意客人需要，勤快熱收起已用得碟，又會不時為我們換骨碟及加茶水。…查看更多

父親節同爸爸拍拖去 帶佢食好野雖然佢係咁話無任食 食唔飽不過食到入口即融既和牛後 佢都融化左 呢片薄切encore 左一次，沾蛋食 真係入口即融又滑肉質好嫰，肥瘦比例好好和牛牛小排 唔可以燒太耐要好好睇住火喉牛肋骨 唔差 但無咩特別 始終醃左 唔太食到牛本身既香肉眼厚切 真係太厚易燒過火 就鞋 要好專心 成餐飯食得好忙 同埋覺得可以係餐牌加番每樣野既享用方法同燒既建議時間 如果唔係好易浪費食材不過整體都開心 牛高質星期一至買仲有生啤買二送一，爸爸先肯放膽叫。 不過二人位有小小太迫 ，好彩侍應見到我地食完就即清走 ，就還算好。…查看更多

之前喺度食佢嘅西多士配自家製海鹽焦糖醬，一直念念不忘想encore，今日終於同朋友再黎！呢度除咗嘢食，地點同環境都係另一個吸引我嘅地方。雖然佢係喺海港城入邊，但環境安靜而舒服。今日係我第一次是佢嘅iced mint chocolate，因為天氣熱，想飲啲凍而fresh嘅甜嘢，呢杯真係最好嘅選擇！佢嘅薄荷味好濃，但唔會蓋過咗朱古力味，平衡得啱啱好。而主食我就叫咗自家製香草牛肉漢堡，佢嘅黑松露味好重好香，配上拉絲嘅芝士，口感好豐富！最後當然係我期待已久嘅西多士，依然外脆內軟，一啲都冇令我失望。…查看更多

同老公難得二人世界行下海傍見到文化中心開左一間好靚既野行去望下餐牌先知原來係牧羊少年既餐廳就同老公入去回味一下當年成日係牧羊入面傾行程既日子想想當年「說走便走」的旅行入到去俾個氛圍感染左，好似做左文青咁。室內種有植物，好似城中綠洲既感覺。個設計好特別同舒服。叫左兩杯飲品試下，熱情果乳酸同檸檬特飲。熱情果味好濃好香，偏甜而檸檬特飲個味幾好，份量調得唔錯，值得一試。松露醬薯條好香好脆，即叫即炸，黑松露味好香食到唔停口。海鮮拼盤，有5款海鮮，魚好滑身，有小小辣味，大蝦燒得好香。漢堡五花肉好juicy ，個包好脆，烘得剛剛好。最驚喜係呢個拼盤個cheese 同ham都好好食，同老公爭食呢間餐廳整體好舒服，望出去有水在流動，都幾寫意，連老公都讚既地方。下次要再試埋個happy hour 既位置。…查看更多

難等同屋企人黎大埔，想食埋飯先番，就見到呢間homeland.見到有兒童餐，阿女雙眼發光，入面哥哥姐姐又好nice , 所以就入左去。 餐牌說話令人感到呢度真係家的感覺，令人放鬆輕鬆舒服。 叫左金菊花茶飲輕鬆下，最近訓覺都麻麻地，呢度餐牌會寫埋各款茶有咩功能，岩晒我呢種睇功能選野既人。 自家製牛肉芝士pizza 有小小辣，芝士味濃，餅底夠脆。阿女勁鍾意呢款車車通粉，係小朋友口味，唔太濃味。呢度亦好細心，會俾小朋友餐具。 安格斯牛，5成熟，都夠份量，熟度剛剛好，可怕湊住女，只好急急食。呢個漢堡又好玩又好食，芝士再熱d會更好，欣賞有呢份心，薯條粗切，係我最愛。…查看更多

呢間餐廳，真係好適合情侶，一嚟食物超高質，二來環境夠暗夠靜夠舒服，又冇時間限制，可以喺浪漫嘅環境下傾吓計。揀咗佢嘅龍蝦意粉，本來冇帶着咩期望，但一試真係愛上！佢嘅意粉質地非常彈牙，又夠乾身，cream同洋蔥味都好濃烈。大概半隻嘅龍蝦，亦都好爽口鮮甜，份量俾兩個人share剛剛好，強烈推薦！喺呢啲環境點少得嚟杯酒，$70 Hoegaarden超大杯！夠冰凍。佢酒類嘅選擇十分多，如果好飲得，其實可以考慮吓佢嘅free flow-packages，抵過去出面酒吧。…查看更多

係下雨天同老公收工黎到科學園重遊一下求婚畫面行到呢間望落都好chill既餐廳早食 人唔多 聽下音樂 好有feel 叫左個凱撒沙律、龍蝦意粉同肉眼扒沙律菜好新鮮，芝士味好出，老公好鍾意，無咩汁岩晒老公食。份量唔算太多，不過都高質，估唔到意蝦都俾左好大舊，意粉掛汁，食到停唔到，老公得兩啖可食。 肉眼5成熟，鮮嫩多汁，唔會乾淨淨。 配菜都好香。如果唔係岩岩好番，一定叫drink list 飲品，好多選擇，又吸引。 下次再試。…查看更多

同朋友去深水埗睇玩具同精品，行到累見到呢間名好靚既餐廳，好似外國餐廳咁，前面有bar 位，後面食野。係咁大雨下，俾呢度音樂薰陶左，個人都慢落黎，坐低叫左兩個set 。泰式黃金蝦意大利飯好有驚喜，好creamy ,蛋黃味濃，同朋友爭住食。烤雞就正常，不過不失。見呢度有手工啤，matching 都特別，同朋友試下， 都好重麥味 ，成功俘虜左我地兩個，下次再黎chill過…查看更多

唔經唔覺，一年多無自己同朋友外面食晚餐，除左疫情😷主因係要湊女，藉住出外做野，想食埋飯先番，就即興約朋友食飯，選左呢間勁近地鐵站既餐廳，方便到時走。因為早食，人流唔太多，可以靠近窗邊靜靜地睇下風景，等朋友黎。d人好好見我拎咁多野，俾左張大小小既枱我，等我有位放野。鍾意呢度既二人set,岩晒我呢d典型選擇困難症。酸忌廉脆煙肉薯條🍟好鍾意呢個配搭，令成個口感唔油膩，係咁點佢既酸忌廉，加埋係冷冷地 配埋熱辣辣薯條，食唔停口。 牛肝菌帆立貝忌廉汁意大利粉🍝同個friend都讚佢個汁整得好好，出面好小食到呢個菌既香味，配埋意粉，個汁剛好掛晒係麵度，唔會太濕太乾，好想encore既意粉。西冷牛扒🍽我地叫七成，但切開仲係保留肉汁，唔好煎到乾晒，謝謝廚師咁認真去烹調，平時食七成會變左食牛肉乾，呢度絕對無呢個情況。美中不足以為意大利雪糕係雪芭果類，原來係某牌子雪糕，不過芝士蛋糕好有驚喜，好creamy . 最開心全晚既就係兩個肥妹都叫左杯朱古力，又靚又濃味，成晚講唔停，好舒服既cafe .重點餐廳既音樂係播朋友最鍾意既日文歌。…查看更多

疫情下往外走呢度有室外坐既地方望住水塘景食野感覺空曠一點往郊外走係舒服既食物價格係偏貴去趁呢d地方都想食一丁但係個價👉👈最後都係叫左碟頭飯不過都有驚喜蔥油豬扒係大件既、味道都唔錯、蛋流心，合格以上泰式雞飯就無咩特別，唔算係出色，雞唔鞋口，個醬就都一般。個西多幾乎每枱都叫新鮮食果陣係好鬆軟，口感都特別係三樣食物入面最欣賞既杯奶茶一般建議正門入去 等人安排坐位較好大家都亂坐就會好混亂#疫情好去處 #親子遊 #美中不足係多野飛黎飛去#壁畫係靚既#食物比起榮昌好似無咁好#但環境就較好較悠閒#南屋仔 #上年10月開#好多單車人#可帶狗餐廳 …查看更多

無意發現呢度，感覺好小清新，有野餐感覺，又有好多自然光入餐廳，被小白窗吸引。🍛雜菌蜆肉意大利飯意大利飯夠creamy 蜆肉好鮮味，意大利飯燉既時間剛好，唔會太淋或太硬身。🍔牛油果藜麥流心蛋漢堡個包好有心整 烘好晒先再塗牛油 小細節令成個包同牛油溶為一體牛油果用檸檬撈過，更加入味同開胃🧇窩夫香蕉係用焦糖燒過，又香又甜又脆，加埋熱辣辣既窩夫同movenpick既雪糕，為下午茶畫上完美既句號。 呢度既佈置好文青 好有feel 令人會舒緩過來。…查看更多

做完一個大project，同事話食餐好，所以帶咗我嚟呢度。餐廳環境舒適，出面個景又靚。佢嘅set lunch包咗Starter、main、drinks & dessert，一條龍服務,岩晒我選擇困難。頭盤揀咗buffalo wings，餐廳好細心地炸咗雞翼，然後汁另上。雞翼熱辣辣，而且咬落去有汁，勁Juicy；個汁亦都夠辣夠惹味。主菜就揀咗肉眼扒，佢可以揀薯條或者飯，但肚餓都可以食到一隻牛嘅我揀咗飯。佢嘅steak有好大陣炭燒味，飯比較軟綿綿。最後甜品係朱古力蛋糕，配左鮮cream,好傳統既配搭，好滿足。…查看更多

呢間自助餐選擇好小熱食選擇較多，但都只限一d好基本既炒粉麵飯，日式都係得好小選擇，魚生同青瓜壽司。 中式就燒味同點心，西裝都特別有芝士黑松露炒飯。不過其他就係普通烤蔬菜。最吸引同回本係生蠔同龍蝦，質素都高上。雖然今期送客人鮑魚同冬菇都好食，但真係主菜唔吸引，食兩轉好快就食甜品。甜品選擇都係唔多，雖然有movenpick 雪糕，但其他蛋糕都唔太吸引。呢度既野都好一般，只可以說唔差，但呢個價錢相信係其他地方可以會有更多選擇。…查看更多