行下海傍見到文化中心開左一間好靚既野
行去望下餐牌先知原來係牧羊少年既餐廳
就同老公入去回味一下當年成日係牧羊入面傾行程既日子
想想當年「說走便走」的旅行
入到去俾個氛圍感染左，好似做左文青咁。
室內種有植物，好似城中綠洲既感覺。
個設計好特別同舒服。
叫左兩杯飲品試下，熱情果乳酸同檸檬特飲。
熱情果味好濃好香，偏甜而檸檬特飲個味幾好，份量調得唔錯，值得一試。
松露醬薯條
好香好脆，即叫即炸，黑松露味好香食到唔停口。
海鮮拼盤，有5款海鮮，魚好滑身，有小小辣味，大蝦燒得好香。
漢堡五花肉好juicy ，個包好脆，烘得剛剛好。
最驚喜係呢個拼盤
個cheese 同ham都好好食，同老公爭食
呢間餐廳整體好舒服，望出去有水在流動，都幾寫意，連老公都讚既地方。下次要再試埋個happy hour 既位置。
