KathrynLWT的个人专页

book左枱食dinner，去到同我地講今日有啲Full要坐高枱，其實我有book位 你full吾full 都應該安排好位置，另外個位其實係冇乜問題 只要講反 安排左高枱位置就ok，有冇好提full吾full，講到好似我地walk in感，完全不被尊重。另外，想要杯水 一位就講話要俾錢開水，問另一位有冇top water 又話有，俾左水之後 食到最尾 要加杯水，就講話要開水先得，講話個同事新黎吾知，但個個人冇制服着西裝，吾係老細係啲咩？有咩新職員可以吾洗着制服？ 重點仲要態度好差，好似欠左佢感。啲嘢食又未去到超級好食，只係正常。一間高價位嘅餐廳 做到感，吾可以再幫襯。…查看更多

整體黎講就係吾洗試，質量同價錢吾成正比。店內冷氣太強，好大風吹住個人同啲嘢食 引致食物凍得好快。本身有個蠟燭台熱住啲蟹黃醬 但係店完一開始就會問洗吾洗幫手倒落啲麵/飯到 跟手就收反個蠟燭台，所以個蠟燭台係可以話零用處。現場職員感覺吾係好熟練，中間仲踢到椅腳，成個人Chok左一下，如果當刻飲緊湯應該原地爆炸。味道方面，有蟹黃蟹肉 但係芡汁太多，食落吾係太有蟹味，二百幾蚊黎講係吾合格。跟餐個湯同埋小食係平平淡淡乜冇特別。小籠包就真係好食，多湯有蟹味。另外甜品就意外地好食，好香嘅姜味 湯圓係細細粒 食落吾會太飽，但係個餡就好少 冇左湯圓個種滿足感。…查看更多

食物 👑👑👑環境 👑👑👑服務 👑👑👑👑抵食 👑👑👑👑👑特色 👑👑再來一次 ✔️CP值超高日式餐廳，平日嘅晚市book位吾算緊張 前一日仲可以book，不過當日入座都見到full booking。今次試左Openrice 特盛の二人前 餐卷，可以話超抵 大滿足之選！大胃王必試‼️‼️ 季節刺身三款都鮮甜有厚度，依個價位上係十分有驚喜😆 鹽燒三文魚頭好大份好香口👍 鰻魚飯團外貌打卡一流，不過食落就有啲普通🫢 優惠價$368 (42 折) 享用【七福神和食亭】七福神和食亭 特盛の二人前 全11品 (堂食) (原價$888) 季節刺身三品盛 🐠慢煮日本產蕯摩雞胸沙律 一貫🥗鮮海蜆味噌湯 二本🫕麻辣風吉列大雞扒配他他醬 一本🍗忌廉蟹肉餅二本🦀青唐辛子豆腐煮 /麻辣風温泉玉子冷豆腐 一貫 （任選一款）🍽鹽燒三文魚頭 一本🐟鐵板燒慢煮牛舌 一貫🐮鹿兒島鰻魚飯團🍙/黑松露鰻魚炒飯 （任選一款）生忌廉吉士銅鑼燒/柚子生忌廉吉士芭菲 一本🍧（任選一款）青柑桔提子梳打 二品🍸 ***二人前の四人餐👧🏻 好多嘢食 正吖👦🏻 睇下個menu。。想食個餃子👧🏻 好吖。。一陣嗌一陣 。。。吾記得左嗌👦🏻 好飽 食完未👧🏻 仲未。。好彩冇嗌🙂👦🏻 係米搞錯左啲嘢？？4人餐黎wor #七福神和食亭📍佐敦彌敦道311-313號1樓 #日式 #佐敦 #CP值 #大份量 #刺身 #優惠…查看更多

食物 👑👑👑👑環境 👑👑👑服務 👑👑👑抵食 👑👑👑👑特色 👑👑👑👑再來一次 ✔️ 銅鑼灣 灣仔交界嘅一間吾太顯眼嘅舖頭～一行入去就聽到一枱韓國人高談闊論，韓國人認證嘅感覺🤣 都見到吾少一個人黎食嘅客人，感覺好家庭式 好似香港魚蛋河感🍜 餐牌選擇吾多，得麵類同埋餃子 價錢都吾貴，嘢食都大份好食，好正宗嘅韓式小店🎎 雙拼餃子🥟大大隻嘅韓式蒸餃，粉絲餡料飽滿，外皮有口感，絕對要試‼️ 牛骨湯刀削麵🍜湯底清甜 味道吾算濃郁，如果食開重口味人士可能未必啱食，作為吖婆代表 就好滿意 吾重味 又冇乜味精，食落好舒服 炸醬麵🍝不敗經典，正宗嘅味道 同時 維持一貫風格，吾會太過濃味，食就感食曬都完全吾會覺得鹹或者膩 ****誤會大了👧🏻 ar ummmm👨🏻‍💼 👋 👧🏻 haha ummmm👦🏻 你做咩👧🏻 佢好似吾識廣東話👨🏻‍💼 你好想食啲咩？👧🏻 🫣🫣🫣 #自家製韓國刀削麵 (駱克道)銅鑼灣駱克道397號金禧大廈地舖 #刀削麵 #韓式 #銅鑼灣 #灣仔 #炸醬麵 #餃子 #牛骨湯 #大份量…查看更多

CP值超高日式餐廳，平日嘅晚市book位吾算緊張 前一日仲可以book，不過當日入座都見到full booking。今次試左Openrice 特盛の二人前 餐卷，可以話超抵 大滿足之選！大胃王必試‼️‼️ 季節刺身三款都鮮甜有厚度，依個價位上係十分有驚喜😆 鹽燒三文魚頭好大份好香口👍 鰻魚飯團外貌打卡一流，不過食落就有啲普通🫢 食物 👑👑👑環境 👑👑👑服務 👑👑👑👑抵食 👑👑👑👑👑特色 👑👑再來一次 ✔️***二人前の四人餐👧🏻 好多嘢食 正吖👦🏻 睇下個menu。。想食個餃子👧🏻 好吖。。一陣嗌一陣 。。。吾記得左嗌👦🏻 好飽 食完未👧🏻 仲未。。好彩冇嗌🙂👦🏻 係米搞錯左啲嘢？？4人餐黎wor …查看更多

中高價位特色cafe，星期日下就2點左右去到，諗住冇book位應該要等，但入座吾夠一半，即時就有位。環境打卡一流，粉紅色花花景 嘢食全部都好靚，加埋兔兔店長，影一輯靚相冇走雞，食物方面算啱啱好合格，不過價位偏高，2人set加嘢飲埋單700蚊。餐湯合格嘅羅宋湯，入面好多蔬菜粒粒，全部都一樣大細，味道口感豐富黑松露意粉忌廉味較重，黑松露味唔算太突出，可以話味道幾平衡，個人學得黑松露味重啲會更好豬肋骨肉質juicy 軟腍 一切就切得開仲保留肉汁，BBQ風味 偏甜口味 冇乜酸味。另外配菜嘅薯條 好有驚喜，食落好香濃嘅薯仔味 同時超級香脆，而且外面都有小小調味粉 加強風味蜜糖菊花茶較甜嘅一款熱茶 菊花味道香甜 不過菜味就冇乜，飲完都可以叫職員加熱水 草莓牛奶因為有隻熊仔先嗌，味道係好麻麻，好普通士多啤梨味嘅牛奶，而且好細一杯，依個價位感覺好冇誠意…查看更多

位於工厦樓上單位，裝修設計超有心機 無論枱櫈定環境都好似copy感款。不過環境有啲吵，同朋友傾計嘅話都要幾大聲下先聽到，隔離枱嘅距離都好近 聽到曬隔離講咩，所以如果係約會 生日 周年紀念個啲 想靜靜傾計 依單就吾係好啱。食物質素不過不失，份量都吾算大。中價位黎講 食環境吾錯，食物質素不能要求太多～魚糕湯叫左細份嘅2個人食啱啱好，入而有串串魚糕 同埋 塊狀嘅魚糕。味道同一般嘅冇乜分別，期望吾好太大就覺得好食加啦。作為魚糕湯fans，當日飲左好多湯 結果好口渴，睇黎都吾少“師傅”係入面吞拿魚蛋捲同自己係屋企整冇分別，食落冇乜厚度，味道都吾突出，蛋都吾滑吾香，完全可以吾洗嗌。飯卷一個好普通嘅飯卷 好似小學郊遊自己整個啲，不過韓式飯卷黎講麻油味唔夠香，入面嘅餡味道吾突出 所以食落冇乜特別味道醬油炸雞味道吾錯鹹鹹甜甜感樣，但係吾太韓式，食落似係炸完掃啲汁上去感樣…查看更多

平日lunch Time 時間去到拎飛大約要等15分鐘左右，見到好多反工人士貌似放lunch黎食，相信平日lunch時段都吾洗等好耐。1點幾入座，食到接近2點就開始冇乜人。如果平日想食可以2點後 or 12點半前 錯開放lunch時間 應該位都吾洗等。食物質素可以話CP值超高，百幾蚊嘅餐已經可以食到和牛，牛舌，吾介意食反普通牛五花仲大大份量。肉類味道都好吾錯，紫菜飯超好味，咖啡飯就吾好提 冇乜事都係吾好嗌。點餐係用QR Code落單，即刻手機俾錢再出餐，餐具都係櫃桶拎，面前又有齊醬料，社恐人士恩物 全程吾洗同人交流。…查看更多

平日晚餐時間7點左右，吾算太多人 一行6人去到都即刻有位。超級欣賞嘅地方係雖然好繁忙，但係服務態度一流，香港人情味 家的感覺，好啱遊客體驗嘅地道潮州菜。職員姨姨超級好人介紹吾同菜式，亦幫手套餐轉湯，上菜快到閃電感，酒樓風格 茶餐廳速度，見未人齊主動幫手叫停出菜，見你食完都會走黎問下你食吾食湯水。餸菜味道非常啱啱好，最重要嘅係冇乜師傅（味精）味！吖婆口味嘅我 代表清淡派俾個like佢，但重口味人士可能未必啱你。 炸嘅吾知咩餅超好食，口感超豐富 有啲蘿蔔絲 又有啲肉感，好香口！粟米蛋花魚肚羹，好滑蛋花好均勻，值得一試。白切雞口感嫩滑，啱啱好熟嘅程度，另附嘅姜蓉乜冇辣味 見到入面有小小紅紅地色嘅嘢，但食吾出係乜。蒸魚肉質嫩滑，魚片夠彈，調味啱啱好帶出個鮮味，好吾錯！其他冇講就乜冇特別嘅意思～～～…查看更多

平日晚餐時段walk in，感啱有位即時可以入座。餐廳位於大厦高層，仲有落地玻璃窗，勁好feel，但係價位偏高。如果book到窗邊位，表白 紀念日 嘅不二之選，但有個缺點係枱同枱好近，環境有啲吵，因為座位多。菜式係韓式炸雞同pizza為主，外加小小韓式副食。 蜜糖蒜香＋甜辣烤雞蜜糖蒜香烤雞上面有乾蒜片，食落超級香口 有蒜香但完全冇辣味，值得一試。相反甜辣就冇感有特色，較為普通 同埋食得多會膩。 魚糕湯湯底飲落蔬菜嘅清甜帶小小胡椒味，飲到上曬癮，配合炸雞食 完美幫助解膩。而且材料豐富完全馬虎各式各樣嘅魚糕餅每樣都有幾件，仲有少少蔬菜。黎到一定要試！…查看更多

星期六lunch時段1點去到都冇乜人，大約5枱客左右 30％入座率，我地坐左3個鐘都吾會俾人趕，相信吾book位都冇咩問題。服務上如果可以放一壺水俾客人自己斟就最好，因為個杯好細 職員又吾會主動斟 要飲就有啲麻煩。環境好有特色，八十年代Disco 加 韓風嘅感覺。空間感十足，枱與枱間相隔一定空間，餐廳中間位置更預留走動空間，不過張櫈係韓式筒櫈吾太好坐。場內燈光偏紫調，打卡影相就吾太好睇。餐牌內容設計為特色韓美 Fusion，冇乜傳統韓式餐廳有嘅菜式，反而多左好多美式小食，同埋酒類飲品。湯品類同麵類選擇都較少，小食都較美式。整不過不失，除左環境冇乜特別，新鮮感食下就ok。 黑松露芝士炸醬面用鐵盆持續加熱方式上枱，不過得來個底會變麵餅。上枱個陣睇住芝士慢慢溶化，撈落啲麵到 芝士控一定要試。不過麵本人就冇乜特別味道，炸醬味都吾太特出，黑松露味可以話完全冇。由於本人吾鍾意食芝士，最愛嘅黑松露味又冇，對我黎講就完全吾合格。 Black 炸雞外層包住一層黑色加甜鹹味嘅醬，餐牌寫係黑胡椒味，但完全食吾出，似豉油味多啲。炸衣夠脆 肉質鮮嫩，不過不失。 泡菜芝士蛋捲蛋味清甜有陣高湯味，相信係有調味，中間包住泡菜同芝士，芝士都係可以拉到絲。不過整體吾係太夾，泡菜同芝士一軟一脆，味道一酸一鹹，食落都係怪怪的。…查看更多

環境時尚新式 似啱啱開冇幾耐嘅餐廳，當日平日夜晚7點15分 前一日book枱都仲book到。服務態度好好 主動同我地講 一份係有幾多粒 醬料邊到拎。醬料區好乾淨 企理，要有嘅都有齊 補充速度都好快。 椰子雞湯底湯底超級清甜，直接飲都好好飲，但係吾知點解滾起會有勁多泡。見到其他枱都有叫吾同嘅湯底全部都好香，相信其他湯底都可以一試。 肉類我地叫左最平嘅set，牛肉軟糯 豬肉都吾會柴300幾一位黎講 質素都吾錯。魚類都有，食落都吾會有腥味。 火鍋配料各類丸，餃子，海鮮，連鴨血都有，可以話想食嘅都大致有齊，質素都合格，仲有超長蟹柳條🤣 飲品都係用QR Code 落單，選擇都有好多，而且有特色食品，今次試左佢個香芋鮮奶，整體味道較淡 好一般，勝在有得揀，同埋可以走甜，減肥得黎都可以飲到…查看更多

環境採光超好，大玻璃 裝修設計都好適合打卡 木系設計。當天星期六1點15左右到達 入座率有80%左右，好多都Book左位，所以建議book位 可以坐到窗口位 打到靚卡。我地冇book位就冇得坐空邊位啦。 意大利黑松露雞肉意粉 上碟熱辣辣都好大碟，食落口好香黑松露味 都吾係媒氣味，勁多雞胸同菇 醬汁都好 Creamy 完美包住所以食材，意粉吾會太淋 煮得較硬身 食落都似優質嘅意粉。整體感覺啱啱好，濃厚醬汁配較硬身嘅意粉吾會太 Heavy 忌廉茄粒醬肉丸意粉食落係甜甜地嘅鮮茄味，可以選擇辣同吾辣 小辣都可以，今次選擇左吾辣 味道係小朋友會鐘意嘅鹹甜口味，冇乜番茄嘅酸味。肉丸份量都算多 有8粒，食落係好真嘅肉味 肉粒較大 爽彈較有口感 吾係好多面粉個種。炸魷魚配芥末籽蛋黃醬炸得好脆 上枱熱辣辣，冇炸過龍 入面仲keep到個爽彈，個醬好似麥樂雞蜜糖芥末。整體但就較為普通。…查看更多

環境乾淨清幽，坐得都幾舒服，職員服務都周到 入座後即時俾左杯凍水，仲飲到小小檸檬味。當日星期日，1點半左右入座都吾洗排隊。 蟹粉小籠包：超級好食一定要嗌，入口好鮮味，係d肉中間夾住蟹膏，建議吾洗點醬，食反原個鮮味，點醬會有小小搶左個味。 豬肉小籠包：鮮甜皮薄，個肉好滑 完全食吾到一DD筋，應該係自己手打嘅豬肉餡。 雞絲粉皮：冰冰涼涼 花生醬同麻醬嘅味道，個味道香得黎係薄嘅，所以吾會太膩。 大排擔擔麵：個炸豬排超級好食，佢外面個脆漿用左蛋黃 好香脆，上面淋左小小糖漿，個味都好特別。擔擔麵個湯好濃好傑，好似食緊花生醬感。本身叫左吾辣，後尾另外拎左佢地嘅辣油加落去，超香 即刻冇感膩。佢地個辣油偏香吾太辣嘅，落多左都吾怕。一定要叫有辣嘅，好食好多…查看更多

價值同質素不成正比，服務亦未如理想。唯一好處係吾洗排隊，晚飯時間8點左右去到 都吾係等左5分鐘左右。銅鑼灣店係以餐廳送餐型式 用手機落單，就吾係迴轉壽司黎。黎單時都發現好多嘢食都已經sell out, 都冇乜嘢可以食到。整體售價係算幾高，但食物質素其實同壽司郎差吾多，大吞拿魚仲要覺得壽司郎好食d。服務上都可以話冇乜，店員上碟個陣 直接放係枱邊 乜都冇講 同茶餐廳都冇乜分別。覺得連第一次都吾洗試，嘢食都冇咩好講 全部好普通～…查看更多