救救用心去做的小店的个人专页

因為，方便同事放工趕來聚會，於是，放棄灣仔分店，揀選呢間分店怎料….去到人山人海，枱與枱之間十分狹窄，背貼背，四周都有擺放輪椅。心諗個市好番嗱，人人出來食飯消費！後來，知悉原來是長者團體聚餐會！經侍應催促去揀蟹，因怕稍後人多要輪候，匆匆忙忙之下，揀選一隻7.3斤的大蟹@$298一斤（全個魚缸最大啲），我哋有6個人，可以盡情享受！半個鐘左右，蟹擺上枱，外觀頗正常，size 龐大，剪開分享時，水汪汪的，肉質非常林，撕開蟹殼，肉係一塊塊狀，沒有一絲絲的，冇鮮甜味，而且，帶酸味! 氣憤！點叫冬瓜盅，成個鐘頭都未上枱，多番催促，原來，張單搞亂咗，上枱時冇個冬瓜，只用湯碗裝 - 冬瓜湯，湯只有小量冬瓜….. 唉！其他小菜，味道普通！下次，不會嚟！貼錢買難受！分店水準很大差距！…查看更多

很懷以前的街邊檔，熱鬧嘅！款款美食，都係甘好味！甘地道！所以，時時去！但俱住矣….今日幫趁，真係難食到一個點！非常失望！煎蝦米腸粉，蝦米都冇一粒，腸粉煎到好硬身，絕對唔係煎脆底！冇味冇道。生菜魚肉，生菜就係啲菜頭菜尾，細細片，魚肉不彈牙，好硬，好似一舊麵粉，預製咗好耐咁！食到火起，所以冇影相，要加一，點都唔值米芝蓮！以後不再來！…查看更多

每晚放工，落車已經約11:50，此分店，是必經之路，有時肚餓，便走進去買小食…雖然，只有數分鐘便關門，佢哋仍然接order ，開爐整蕷果批 - 我的至愛，交到我手上時，熱辣辣，食落脆卜卜，內裹的蘋果餡十分juicy，不過甜！同時，佢哋必會交帶一句，小心食呀，剛剛出爐，好燙熱，唔好焫親個嘴及脷….好service !! 堪稱全港最好食嘅蘋果批，係呢間分店！👍👍👍…查看更多

人人都讚好嘢！今次就自己親自去嘗試！冰廳地方不大，環境不錯，有落地大玻璃，卡位為數不少，坐得頗舒服。選了- 咖喱牛肉飯 +凍檸茶！不用等太耐，好快速食物便上枱，外觀ok，份量小，咖喱味濃郁，有少少回甘及有辣味，馬來風味，牛肉只有數小塊，尚算合格，伴碟的炸薯條，是現成的薯片，而最大的敗筆係溫吞吞的，飯也是微暖⋯⋯食起上嚟有奇怪的感覺，好似食緊翻熱隔夜餸咁！失望嘅！下次不會來！…查看更多

聞名已久，今日專誠幫趁⋯⋯到達時即早上11點左右，店內已經很多人客，一個人容易等到位… 不過，店小而地方比較淺窄，枱與枱之間很貼近…而待應…. 板口板面的…可能太忙啊！點叫了…窩貼present 得並不吸引，有點隨意，但皮脆肉香，不油膩，有口感！豆漿也很不錯！下次要試水吧的凍奶茶或凍鴛鴦！菜肉雲吞擔擔麵，色、香、味、俱佳，上枱時，見到已經想即刻食，令人垂涎三尺，麵條彈牙，擔擔麵湯底香味撲鼻，很濃郁，不過咸，菜肉雲吞，有五隻，皮薄餡靚，菜及肉比例平均，正！意猶未盡，雖然已經飽到上心口，單尾再叫小籠包，外型討好，每啖都有豐富的湯汁，皮滑溜又夠薄，好正吖！真係名不虛傳！下次再來！…查看更多

有同事極力推介，說什麼也好食，物超所值….今日姑且一試，食店內尚算整齊啲，卡位同卡位之間，有足夠空間＇每張卡位背頂，都加高了玻璃磚，大家都看不到前後，增加privacy !!因為，到達時是中午1200，有午餐套餐供應，款式頗多，令人有選擇性困難，急不可待，點叫了水餃套餐，（因為頗吸引） 有十二隻水餃，前菜，湯，及凍飲加$3 !等候了大約15分鐘才上枱，可能包餃子需時看到實物時＇有點失望，賣相不吸引，水餃皮較厚，白菜及豬肉的餡料，比較乾硬，沒有應有濕潤的肉汁！至於，前菜拍小黃瓜，平凡！最失敗係青菜湯。好似喝開水一般，淡而無味！下次不來了！…查看更多

最近派往信德中心工作，平時午飯時間很趕，及比較人多。其實，中心內食店選擇不算少，但大部分係快餐形式，想坐低慢慢飲杯茶，食個包，傾吓計，比較難！今次，偶然機會，有人看到傳單，知道黃金閣有優惠，做特價，大家起哄，齊齊去試新嘢！地方很寬敞，光潔明亮，靠窗有景色，坐得舒服，招呼很不錯！獲知原來星期六，及日，午餐點心及小菜，有八折優惠，大家開心食….全部點心，即時制作，不是預先做好的，新鮮熱辣，當然，味道佳！傳統點心款款皆有水準，值得一提，傳統的臘腸卷，個包很鬆軟，臘腸不肥膩，不過瘦，唔鞋口，唔韌，真係好味道到，唔停得口吖！👍👍特別是小菜，見真功夫，椒鹽九肚魚，香脆可口，椒鹽份量足，九肚魚鮮嫩！ $78香芋雞粒炒飯，份量大，香味撲鼻，香芋正，飯炒得乾身，大家吃得很飽足！小食$20，琥珀合桃，一大兜，食到停唔到口！非常滿意的一餐，值得推介，必會再來！…查看更多

經朋友大力推薦，今日前來午膳，果然很有水準，胡椒蝦十分野味，蝦肉新鮮爽口，彈牙，黑椒牛柳粒，牛柳油脂分布分均，有入口即溶的感覺，食極都唔停口！蒜蓉炒菜心，青嫩，好！乾炒牛河，火候功夫夠，絕不油膩！此食店值得再去，試其他菜式！…查看更多

每次上親去，都見到長人龍，沒有耐性等待！直至今日才有機會去嘗試！到達時是下午三時左右，沒有太多人客，亦沒有人龍，匆匆跑過去，發現牛筋腩，雞腳已經沽清，油面亦賣晒，唯有退而求其次要米粉，揀餸只揀了出名的魚餅，蘿蔔及大腸！朋友揀選蘿蔔，牛雜….因為第一次幫襯，唔識果度的規矩，以為可以用八達通，原來只可以用現金，所以忙亂一輪，支付現金，動作稍為慢咗少少，當時後面並沒有人等待，收銀小姐高聲呼喝，找回$10嘅時候，遞到好埋我對眼，俾我睇，真係咁嘅Service，嚇怕人。我沈得住氣！到找位置坐的時候，又係大聲戚喝一輪，因為坐錯枱…. 唉，未食都俾人多番喝罵….亦可以沈住氣！😕🙁戲肉係嚟食好嘢吖嘛，魚餅真好味道，大腸又靱又無味，蘿蔔味道普通，值得一讚係米粉，柔軟嫩滑，湯底係清湯，不過咸，頗不錯！朋友彈牛雜，沒有味道，煮得未夠火候，唔夠腍，唔入味，佢嘅觀感係普通！呢篇食評係我哋自費，不是鱔稿！並且，我哋係土生土長的港人也！其實，出咗名都唔使咁趾高氣揚嘅，所謂一山還有一山高！後話： 食完牛什面，徒步行過去惠記外買咖喱羊腩及燒鴨，侍應個個笑面迎人，態度和善，非常難得！唔怪之得係嗰度幾十年，口碑載道！👍👍…查看更多

平時假日會幫襯，因為，順路返工，我通常會叫常餐，蕃茄牛肉通粉，火腿，或煎雙蛋，多士！凍飲加$3 !價錢 ： $58 (不算平）多士 ： 不是即做，冷及硬，有時燒焦鷄旦 ： 一早做好，不熱凍啡 ： 啡還啡，水還水，冰還冰，沒有什麼味道蕃茄湯 ： 惟一尚算可取今日，可氣是，送上來的多士，如常般冷及硬不在話下，前面有牛油，後面是沙津醬，攪咩呀！解釋係擺左落外賣內，原來放錯，所以，馬上拎番出嚟俾我食！😱😱😱完全吾覺得需要更換另一片差到一個點…查看更多

朋友極力推介，本來沒有什麼信心，當行到店前，發現，原來係政府保育的古老建築物，馬上增加興趣！ 進入店內，佈置得古色古香，洋溢著懷舊氣氛！ 店內有電梯上二樓，被編排在騎樓位置的枱，看到車水馬龍的街道，可惜，枱與枱之間很接近，隣枱談話很嘈雜…晚餐有兩個時段，我哋食早段，1800-1930，爭取時間要馬上叫餸….沒有前菜，亦沒有功夫茶奉上….肯定係新派潮菜不得不提一點是，待應很有自己待客的一套，沒有太多笑臉，可能工作太忙，進餐時，要求多一只公用的匙羹， 方便大家夾𤐶烙，都「不可以」呀！回應係用筷子夾就可以喇…..😔唉！大致上，菜式味道不錯，鵝三寶- 滷水鵝片鵝肝鵝掌，滷水味道香濃，不太鹹！最精彩，梅汁炆豬手，豬手入味，肉質柔軟，不肥膩，酸酸甜甜令人覺得很開胃！煎𤐶烙，是油炸，不是煎，外層脆口，但食吾到𤐶仔….總括來說，價錢方面，有點貴⋯⋯…查看更多

朋友大力推介，大家孤且一試！旺角站的朗豪坊出口，向海皮方向直行，行到盡頭便是希爾頓花園酒店，不難搵！酒店內惟一的中菜館 - 雀巢，地方不很大，雅致整齊，枱與枱的距離有足夠空間，感覺良好！原本，大家預備散叫小炒，後來，見套餐吸引，改變決定…. 套餐2位起帶來驚喜，每道菜是每位用的，水準平均，portion 頗大，味道方面不錯👆爵士湯，真材實料，花膠大大片，滋潤順喉叉燒，正梅頭，半肥瘦，甘香味美懷舊錦鹵雲吞，皮脆，料足，酸甜味適中梅菜蒸魚，魚肉香滑，魚皮充滿骨膠原👍👍方魚菜心，清甜荷葉飯，成隻鮑魚甜品，茶菓，椰汁糕，桂圓紅棗糖水，食完有滿足感每人$470 （包括加一），抵食，值得才來！…查看更多

聞名不如見面，果然係好嘢！因為，係週末，booking 差不多全滿，只有下午5點半才有枱，諗都唔使諗，即刻訂枱！準時到達，已經滿座！木枱有歲月痕跡，枱面中間鋪上葡式的瓷磚，很有特色！西洋菜湯，很地道，味道美，配香脆豬仔飽，正！葡國鷄及清湯浸蜆，正宗，有水準馬介休球，非常之精彩，食落很有魚味，淡淡然的，但不會太咸，咸味很適中…燒乳豬例牌，份量也不小，入味，皮脆，肉滑最聞名的鴨飯，飯十分柔輭，粒粒分明，混入鴨肉，很夾，味道香甜又美味👍👍👍果然，沒有嚟錯，值得推薦！…查看更多

最近，週末去澳門一日遊，到處人山人海，名勝更加人迫得水洩不通。以免向隅，吃飯更加要預早book 定位，但平時最心愛及必食的餐廳，全部fully booked ! 正徬徨之際，有朋友大力推薦此四川菜館，居然可以訂到位，大家抱住姑且一試的心情去呢！此四川菜館位處於氹仔美高梅酒店內，門面很有特色！ceiling 特別高，令人不會有侷促的感覺！高掛的水晶燈飾十分璀璨，營造氣氛很cosy 及relaxing ! 食物非常有特色，辣度可以自由挑選，很不錯！前菜- 杞子萵筍，清爽可口口水手撕雞 - 麻辣味適中，吃落有回甘。回味無窮….鷄肉柔輭滑嫩，食到停唔到口！最後要留番麻辣汁，用來撈擔擔面….香辣雲吞，皮薄餡靚，滑溜溜，容易入口和牛蘿蔔絲酥餅- 和牛味美，酥餅外層不油膩，非常鬆脆！燒鴨手抓餅 - 手扒餅好好食，燒鴨亦鮮嫩可口，兩樣味道都很夾！米通鍋貼 - 外型特別，外層的薄脆又薄，又香，又脆口，鍋貼煎到金黃色，肉汁很豐富，有爆汁的危險！絕對值得推薦！因為，篇幅及相片關係，精彩相片不能盡錄，可惜！…查看更多

餐廳裝修有特色，充滿南美的風情，全部全部深啡色的木枱木櫈…餐廳有一列大玻璃𥦬，光線充足，可望街景…被安排坐在靠𥦬的位置，既有溫暖的陽光照射，又可望到車水馬龍的街外景色。有種很leisure 的感覺⋯⋯Menu 的set lunch 頗多選擇每款set lunch ，有三度菜 - starter，side order 及main Starter 揀選了melted cheese - 很肥膩，重口感，cheese 半溶，用奉上的麵包乾點食，很滿足⋯⋯長型的香草麵包，很香，很柔軟細緻，食到吾停得口，要添食….Side order - potato au gratin - 即係mashed potato ，焗得外層很香脆，內裏的薯蓉軟綿綿，好味主角： hanger steak ，要medium rare ，份量大份，牛味重，肉質鮮，只係用grill 的烹調方式，保存原味原味，juicy 及嫩滑…吃了1/2 已經吃不下了，惟有打包返屋企…非常滿意的一餐，值得推薦！…查看更多