黃金閣

营业中

休息中

最近派往信德中心工作，平時午飯時間很趕，及比較人多。其實，中心內食店選擇不算少，但大部分係快餐形式，想坐低慢慢飲杯茶，食個包，傾吓計，比較難！今次，偶然機會，有人看到傳單，知道黃金閣有優惠，做特價，大家起哄，齊齊去試新嘢！地方很寬敞，光潔明亮，靠窗有景色，坐得舒服，招呼很不錯！獲知原來星期六，及日，午餐點心及小菜，有八折優惠，大家開心食….全部點心，即時制作，不是預先做好的，新鮮熱辣，當然，味道佳！傳統點心款款皆有水準，值得一提，傳統的臘腸卷，個包很鬆軟，臘腸不肥膩，不過瘦，唔鞋口，唔韌，真係好味道到，唔停得口吖！👍👍特別是小菜，見真功夫，椒鹽九肚魚，香脆可口，椒鹽份量足，九肚魚鮮嫩！ $78香芋雞粒炒飯，份量大，香味撲鼻，香芋正，飯炒得乾身，大家吃得很飽足！小食$20，琥珀合桃，一大兜，食到停唔到口！非常滿意的一餐，值得推介，必會再來！