EvaLeung5784的个人专页

這天經過想打發一下時間，便來到這間無限時任坐的餐廳。餐廳位於的這個廣場整體人流不多，但商場有不少娃娃機，孩子們及情侶應該可以在這裡度過一整天。餐廳除了出餐及收銀處有店員外，其他地方都沒有服務員，所以用餐後要自己好好收拾。然而，這裡的整潔度很好，大概是因為食客們都挺有公德心吧！食物方面，我吃的是全日早餐。以烹調技術來說，全日早餐可算是十分簡單，但不難發現全日早餐的材料質量不錯。這裡的香腸及煙肉都是質量比較好的那種，雖說煙燻肉類並不健康，但其實加工肉的脂肪量及原料的差異可以很大...…查看更多

今天到太古城中心工作，晚上便約朋友在這邊吃飯。朋友挑選了一間非常有情調的餐廳，我心想肯定價錢不菲，然而這裡的價錢合理，服務稱心，如果開在我家附近，我肯定會經常來。這裡的麵包非常好吃，外皮香脆，裡頭軟滑，並帶點煙靭，我十分喜歡。店家會主動refill麵包，非常大方。這樣美味的麵包真的是百吃不厭！我們點了一份四季薄餅（Four Season）。薄餅分成了四個區域，因此同一個薄餅有四種口味！四種口味分別是辣蝦、牛肉、香草蕃茄及芝士。我最喜歡的口味是芝士，這個口味除了濃郁的芝士香外，它還配上了水潤的黃瓜，配搭很特別，有趣又好吃！餅底則跟麵包的質地十分相似，同樣是很好吃的。…查看更多

朋友相約一同前往尖沙咀，今次朋友安排食日本料理 沒想到朋友竟然選擇了一餐如此味美的。朋友安排了一家日本小店，餐廳主打廚師發板，也就是說完全不知道吃什麼，所有東西也交由廚師給我們安排。餐廳的廚師發板也分為幾個級別，而我們選了最普通，最簡單的。期待已久的即將來臨，餐廳由兩位人家處理，當然其中一個就是主廚，而另外一位就是負責其他瑣碎事情的。食物方面，其實和一般的日本人主理餐廳差不多，但是正正因為師傅在你前面，你吃的不只是一份食物，而是一份充滿深度的交流。餐廳自家製甜品，更是令我充滿喜悅。下次再食過，希望儲多啲錢，試下貴啲嘅。…查看更多

當人人都去食拉麵嘅時候， 我同朋友都一定要去見識一下， 但係今次我哋嘅目標，絕對唔係拉麵咁簡單。其一就係為咗見識下自動販賣機嘅威力， 朋友就係點左拉麵一大碗， 佢嘅評價 就係份量十足，味道不錯， 口感豐富， 可惜選擇不多。 而我 重點推介的，就是於自動販賣機內，銷售的蘋果汁。 口感一流 ，作為有氣嘅蘋果汁， 果汁量算係突出，足足有10個巴先， 果味十足。唯一可惜，帶有少量沉澱物，視覺上令到蘋果汁看起來比較混濁。下次再嚟到我叫拉麵， 再為大家好好推薦一下，另外，其實果汁喺某日本大型超市都有。…查看更多

前往尖沙咀，本來打算購買日用品，沒想到在中途見到一名舊同學，我倆決定吃點東西，聚一聚。牛舌唐揚， 在菜單上沒有的， 是寫在黑板上的一種食品， 外皮炸得香脆可口， 最驚喜沒想到內裏的牛舌，肉質豐富， 令人吃了一片， 還想吃另一片。店員十分推薦華味料系列， 被熱情的店員推薦了很久，決定點一份。 華味鳥，其實就係日本嘅雞，不過佢食嘅食物係天然食材。華味鳥煙燻雞刺身， 視覺上以為係生雞，好擔心，入口味道比較鹹，但煙燻味十足，最重要雞夠滑身，同埋入口完全冇血腥味。華味鳥雞腎串，華味鳥雞皮串，華味鳥雞翼串，華味鳥雞心串，華味鳥雞尾串。 真係心肝脾肺腎， 諗得到嘅都出曬嚟， 個人認為同一般串燒， 分別唔大， 係味道上面少咗一陣 新疆嘅味道。甲羅燒， 一般嘅甲羅燒， 都會係用鵪鶉蛋， 冇諗過佢係原隻大雞蛋擺喺上面， 本身仲擔心蛋味唔夠出突出。 估唔到味道都唔錯， 蟹膏味十足，配合埋蛋嘅香味，加上香脆既多士， 味道口感都一流。下次都要再食過 不過一定唔會再食內臟 因為怕膽固醇超標…查看更多

星期五放工參加朋友的家庭聚會，跟著他們一家大細一齊去食自助餐。朋友的小孩最喜歡吃壽司，吃得津津有味，看著孩子吃得高興，我亦十分滿足。食自助餐都要均衡飲食，要多吃蔬菜。我最喜歡鮑魚汁煮菜，好好味，鮑汁都味道很濃，菜亦很多汁！除了自取的食物外，餐廳還會奉上龍蝦。龍蝦肉質比較結實，味道偏鹹，但整體來說有龍蝦很驚喜。雖然龍蝦有驚喜，但我最欣賞意粉。意粉是即煮的，誠意滿分！意粉質地軟硬適中，而且調味適中！甜品方面，選擇不算多，但味道亦算可以，可以淺嘗。…查看更多

生日是一個十分特別的日子，所以要與至愛品嚐美味的料理！前菜是一個冰涼的蕃茄，蕃茄甜甜酸酸，而且好多汁，十分開胃。我們品嚐了不少串燒，我最鐘意林檎紅薑豬肉卷。林檎即是蘋果，蘋果很爽口、香甜，而且跟紅薑及豬肉的味道很匹配。月見免治豚肉串亦十分美味，月見即是生雞蛋黃，我的食法是整散蛋黃當醬汁用。雖然我覺得豚肉串口感有點單一，但它的味道很好，很濃郁。主食是豚骨湯拉麵，湯底味道香濃、可口。拉麵富彈性，相當不錯！甜品方面是柚子雪葩，它的柚子味道很重，就好似食緊結了冰的柑汁。整體來說，我十分喜歡依間餐廳，作為生日飯是很合適的！…查看更多

兩個人打邊爐，肚皮空間有限，配料始終不可能點太多，想食好啲，只能點一個比較好的湯底。花膠鯊魚骨膠原鍋，光聽名字就知道是養顏滋陰的補湯。湯底味道很好，十分滋潤，但不會油膩。它的味道濃郁，但感覺上是輕盈的。另外，湯底中有不少花膠和鯊魚骨，它們都是沒有味道的食材，所以配搭上美味的湯底，花膠及鯊魚骨都變得十分可口!骨膠原鍋附送了一份泡飯。米飯雖然炸過，但不會油膩。把米飯泡在美味的湯底中約20秒，米飯吸收一點骨膠原湯後，米飯變得濕潤，但依然帶一點的脆脆，這就是最佳的品嚐時間。…查看更多

朋友相約於旺角食東西，兩個人不約而同都想吃西餐，旺角嘅西餐種類太多，不過兩個窮人去食，都要搵間價錢合理，大眾化啲。好彩兩個都唔算太肚餓，所以就一於兩個人食一份餐，簡簡單單又一日。前菜廚師濃湯， 足料，入口口感一流， 熱辣辣咁放入口， 都算係一種享受。 我同朋友都講，如果佢仲有一個包送， 咁真係無械可擊。軟殼蟹松露汁意粉， 冇諗過原隻軟殼蟹咁拎上嚟， 淨係呢樣已經加分性價比十足， 軟殼蟹炸到外皮鬆脆，一放入口已經可以吞落肚， 至於意粉口感一流，軟硬適中， 唯一美中不足， 我兩個得松露汁有點小，如果可以再濕啲，一定更好食。雜莓沙冰， 我哋兩個都好後悔，因為真係好普通，我哋甚至覺得喺街邊飲十幾蚊杯嘅比佢更好。…查看更多

朋友相約一齊搭船，去三家村食飯，港島區返工就有呢個好處，出九龍唔使同人逼， 可惜班船十分鐘一班，走咗就要等， 去到超級好，朋友一早訂定位， 超級方便，入去就可以叫嘢食， 店員推薦刺身拼盤，至於我哋就加咗個馬友一夜干，福岡岩蠔， 同和果子拼芝士餅。刺身拼盤八種剌身，池魚，拖羅，海膽，帶子，左口魚，鮑魚，油甘魚同蝦。 當中我覺得最驚喜嘅就係海膽。 新鮮海膽完全唔腥， 入口仲有一陣陣嘅海水同鮮甜。馬友一夜干， 都係上網見到好多人食，一於試一試 ，估唔到真係同網上評價一樣，外面燒到脆卜卜，裏面肉質鮮嫩 有日本風味之餘不失香港特色。和菓子拼芝士餅， 芝士餅似係返貨嘅貨色， 比較普通 ，至於和果子，我認真係好靚味道比較甜。有緣再嚟過。…查看更多

放工與朋友相約於尖沙咀見面，幾個月冇見嘅舊同事， 冇諗過今次出來，大家細味過去， 喺言語之中都得知他將會轉工， 面對將來嘅新挑戰， 今晚我哋更加要衝出香港，體驗日本文化， 食燒肉。從朋友口中得知， 日本平價連鎖燒肉店， 到達香港， 所以今次嘅目標都係去。壺漬牛肋條， 算係燒肉之中最簡單最確切 嘅食物， 但係如果想品嚐食物嘅鮮味，佢未必係首選， 但係睇會壺漬物嘅好處，就係可以知道鋪頭嘅醬料工力如何。燒出真功夫 ，方為大師傅，我嘅功力真係唔錯。還點了宮崎和牛，嚴選霜降黑毛和牛西冷， 脂肪比率較高， 未必適合健康人士， 但係牛味十足， 適合愛牛之人。冇日本咁平 但係好又一餐唔好又一餐， 量力而為。…查看更多

去開尖沙咀，便到這間相機先食的餐廳。之前我曾到訪這間餐廳，感覺上食物的精緻不改，而且食物選擇多了許多。我們點了一份墨魚蝦滑漢堡 $88及一份溫泉蛋卡邦尼扁意粉 $78。漢堡包十分鬆軟，而蝦滑算是彈牙，味道適中，配上香脆的薯條，是不錯的。扁意粉軟硬度適中，但醬汁分量太多，雖然調味沒有問題，但意粉水分多了點。飲品方面，我的飲品是法藍皇室伯爵茶 $48。我以為是一壺的，但原來是杯裝。茶味比一般的很濃郁，但伯爵茶的芬芳跟一般的沒有大分別。…查看更多

今個農曆新年前，公司特別多嘢做，年尾又多應酬，今晚約咗朋友落酒吧傾偈，鬆一鬆啖氣。去到太子酒吧街，求其搵咗間環境清靜，坐得舒服，就行咗入去，叫幾款小食。巴塞隆拿多士 : 四片法式麵，焗得脆卜卜。每塊上面都放有不同的美食，有牛油果配鹹蛋黃，又有啲放蝦仔、有啲又放魷魚仔、又有新鮮銀魚仔配番茄，每一片都有自己嘅風格。仲可以配沙律菜一同食，又變成另一種味道。西班牙脆皮豬腩肉 : 睇落以為好肥嘅燒腩肉，原來佢係非常好食嘅五層腩，一啲都唔覺肥膩。 豬皮燒得脆脆嘅，腩肉又甘香又美味。作為送酒小食，絕對一流。 不過因為聽朝要趕返工，唔可以飲酒。所以朋友陪我飲水果特飲。完成手頭上工作，一定要再約朋友過嚟，在摸住酒杯底，食住美食，再來傾下偈。…查看更多

老友嗰間公司年尾出雙糧，當然要請我食飯，我哋去咗荃灣食日本料理。先呢一份福丸特製沙律，夠曬多魚生又新鮮，有好多蟹仔仲有海葡萄，再配埋新鮮沙律菜同酸酸味嘅醬汁，一齊食特別開胃醒神。再來活龍蝦刺生二食，雖然刺生比較少，但勝在夠鮮甜，每人幾件特別回味。再配過味噌龍蝦湯，又有另外一種鮮味。當然不可缺少就是我最喜歡嘅牛油果軟殼蟹卷。脆卜卜嘅軟殼蟹比暖笠笠嘅壽司飯包住，上面配埋牛油果同蟹籽一食就停不了。我哋仲叫咗一個唐揚雞軟骨做小食，不會有太多炸粉黏著，而且新鮮炸起卜卜脆。因為我哋兩個都唔識飲酒，所以叫咗果汁梳打 ; 相信如果配日本清酒更好味。…查看更多

今日約咗朋友去西灣河文娛中心睇表演，時間上早，所以周圍行下，發現附近有間新開嘅餃子店，就入去試下。竟然見到有重慶酸辣粉，我非常興奮，馬上叫咗一碗同埋幾隻 椰菜木耳豬肉餃。重慶酸辣粉 : 酸酸辣辣零舍開胃，配上木薯粉特別好味，而且仲有芫荽同蔥配埋新鮮嘅花生，令胃口大開食過不停。清湯椰菜木耳豬肉餃 : 餃子皮薄餡靚。三樣配料比例適中，食落又爽口又好味。有好嘢梗要同朋友分享，叫埋朋友過嚟嘆番餐，佢再叫多幾款小食。涼拌陳醋木耳 : 又健康又好食。簡簡單單木耳加上陳醋，灑上少少芝麻配埋芫茜，又清香又爽口。醉雞翼 : 雞中翼又大隻又入味，仲有陣陣酒香味，真係食過不停。特別要講依樽自家樽裝凍奶茶，真係冇得頂，茶味濃郁，但又唔會遮蓋啲奶香，飲唔曬仲可以攞走。樣樣都咁好食，但個肚食唔落，唯有下次再嚟食。…查看更多