shinsekai的个人专页

12月尾同朋友去左Hotel ICON食下午茶，黎一個聖誕節短聚～一早聽聞酒店旗下既The Market buffet好full booking，所以去Green食下午茶都唔敢怠慢，預早兩星期打電話book枱當日去到Green唔算太多人有預約，而到左預約時間亦立即獲安排入座是次下午茶係以Godiva為主題，亮點係可以任食Godiva軟雪糕！甜點set未到既時候首先送上一盤鬆餅，份量唔少，顧及要「留肚」食甜點所以只先淺嘗一塊～老實說呢set甜品主要都係打卡之用，我同朋友唔算係朱古力既狂熱fans所以食到中間都開始有d吃不消但好彩佢既鹹點同甜點比例尚算平均，所以唔會有一種食到好膩既感覺，但任食既軟雪糕其實最後只食到一杯食淨既鬆餅同杯裝雪糕都只有打包回家Green大堂光線充足、環境寬敞，而食物質素都算唔錯，閒時以呢個價錢同朋友黎傾下計都係一個好選擇…查看更多

一月初同朋友到呢間cafe閒聚，位置比較隱蔽，要由加連威老道走入內街再行去商業大廈一入cafe既感覺係 － 好大油煙味！雖然環境寬敞，但要留太耐就唔算係理想既地方～食物方面都多選擇 ：雖然係晚市時段，但因為我同朋友都唔係太肚餓，所以只係叫左兩款小食同一款甜品share 水牛城雞翼配藍芝士醬 - $62雞翼醬汁少辣惹味，反而芝士醬味道並唔算太突出 黑松露薯條 - $60所有薯條配上黑松露都唔會差得太遠～值得一試 紅豆窩夫配抹茶冰淇淋 - $76賣相吸引～味道亦唔錯！最欣賞係窩夫唔算太甜，配上抹茶雪糕既微苦味剛剛好 自家製玫瑰草莓梳打 - $58呢杯梳打飲品有驚喜，除左外表打卡用一流外，味道清新微甜，比起appetizer來得更開胃…查看更多

一早聽聞係荔枝角番工既朋友不時讚區內餐廳既質素，星期日下晝途經荔枝角就去左呢間位於工廈既Ulyssa by Aldou～餐廳主打fusion菜，糅合東南亞以及西式美食，set lunch都有唔同既菜式選擇，唔夠喉更加可以另叫小食香煎紐西蘭肉眼扒8安士配薯菜 燒汁 - $118點左肉眼扒5成熟，外表看似正常，但一咬落去比medium rare更生...見到其他人叫東南亞菜似乎都冇咩太大問題，但呢塊隨意反兩反既牛扒實在令人卻步雖然用餐日期已經係兩個月前，當時想上黎打篇食評但不了了之最近無意睇到呢間餐廳既食評發現有食客同我一樣有牛扒過生既問題，決定要打番呢篇食評希望餐廳真係可以留意食客既意見，改善一下個別菜式既質素…查看更多

九份茶舍係九龍新界都已經有好幾間分店，今個月黎到屯門開新分店，係置樂萬寶商場地下，屯門官立中學對面～星期六下晝唔算太多人排隊黑糖瀑布珍珠鮮奶（細）- $26Order時有問店員走冰，但店員表示走冰做唔到掛糖效果，只可以盡量少冰，出到黎效果都ok黑糖珍奶微甜不膩，但嫌珍珠唔夠煙韌，應該煮得唔夠耐，整體水準不俗，下次會試下招牌芋圓另外有樣唔方便係屯門店只收現金，暫時未有八達通 Payme 等其他付款方法…查看更多

平日係港島上班，收工之後都鐘意去天后覓食，貪夠多質素高既本地餐廳是晚同朋友豪一豪，去位於炮台山同天后中間既蠔灣食餐好既獎勵一下自己餐廳位於英皇道轉入去既水星街～唔算太難搵入到去大約有八至十張枱，幸運地揀左星期四去食人數唔太多，店員都有時間慢慢介紹有d咩食同埋餐廳推介～店員會就當日既新鮮食材推介海鮮拼盤裡面配搭咩海鮮，而黎到蠔灣當然叫生蠔啦！另外都要左原隻海膽、帶子同活北寄貝另外有Live Lobster Set，呢個龍蝦三食分別有龍蝦刺身，龍蝦湯同龍蝦意粉～由於未試過食龍蝦刺食，出於好奇所以豪氣地再加呢一set 海鮮拼盤 (價錢根據所選食材)非常澎湃既陣容，總共叫左6款生蠔，分別係左至右排列South Africa Rock、Coffin Bay、同4款法國生蠔店員建議我地左至右淡至濃味順序食落去，南非生蠔出名肥美清甜，呢隻都唔例外，既creamy又清甜，配上白酒一流而澳洲既Coffin Bay海水味比較出，肉質比較爽口，其餘4款法國蠔就海水鹹味再重d同甜d不得不提當然係放係檸檬片上既龍蝦刺身，肉質非常爽勁而味道亦好鮮甜～ 鵝肝多士 - $198除左拼盤同龍蝦亦叫左一個主食，而呢個main絕對有驚喜！餐廳打正旗號以海鮮拼盤同龍蝦做招徠，但呢個鵝肝多士好出色！鵝肝咬落去非常juicy，入口即溶，配上多士令鵝肝食落有甜香而不油膩～ 龍蝦湯龍蝦三食既龍蝦湯亦不欺湯，湯夠濃稠而龍蝦味道好出～ 燴龍蝦意粉最後龍蝦三食既意粉，我同朋友無因為饞嘴叫得太多野食而冷落呢碟意粉，只因為啖啖都係龍蝦肉，實在停唔到口餐廳食物既質素足以令我再encore，下一次豪唔起既時候或者會選擇同朋友叫幾款生蠔配上白酒黎一個light dinner～…查看更多

同朋友今日lunch去左開平道1號Cubus 7樓玄鮨由於12點鐘已經去到，餐廳開始有一兩枱客入座，眼見餐廳環境好闊落同舒服就算lunch set都有10款可以揀，侍應話頭4款都係餐廳推介既set，所以同朋友都分別揀左2同4試下呢間米芝蓮餐廳有幾好味～ 刺身定食lunch set - $330定食包前菜、白飯、麵豉湯同煮物，非常豐富！刺身種類都唔欺場，總共有7款，包括拖羅、活北寄貝、油甘魚等等～如果鐘意海膽就建議揀特上lunch set，除左有海膽亦會有茶碗蒸拖羅入口完全感受到油脂平均分佈，散發出魚甘香味，而活北寄貝亦鮮甜爽口，總括所有食材都好新鮮！ 三色丼 - $420三色丼lunch set有前菜、茶碗蒸同埋烏冬或Soba二選一而丼飯就由海膽、三文魚籽、拖羅蓉配上醋飯組成，海膽都差唔多有1/6板而味道亦夠鮮甜，拖羅蓉配上醋飯亦係一絕～食完丼飯已經忘記左一早揀好既Soba～侍應等完成丼飯再上菜午餐包咖啡或甜品，是日有黑芝麻雪糕，為整個午餐畫上完美句號雖然整體午市價位不低，但以餐廳環境同埋食物質素，絕對有興趣再黎試晚市既Omakse～…查看更多

同屋企人一行三人去YOHO MALL食lunch，見到莆田唔駛等位所以就直接入座～除左係旁邊既翠園排得太過份之外，亦都受到莆田既招牌菜蟶子吸引入左黎任揀兩款平dd，所以三個人就揀左兩款不同煮法既蟶子試下 蒜蓉蒸蟶子 - $109蟶子略嫌有沙同較鹹，勝在蟶子夠鮮同爽口搭夠 叁芭爆蟶肉 - $109可能無殼既關係，食唔到有沙，而且用炒既方法整更加惹味，顯得肉質更爽口，比較推介呢款蟶子～除左蟶子，都點左d小食同主食試下味同飽番個肚 冰浸苦瓜 - $49幾有驚喜既一道小食，蘸上蜜糖既苦瓜有種食涼拌青瓜既感覺～ 莆田荔枝肉 - $89叫完發現被騙，因為只有幾粒荔枝肉，碟菜都係以咕嚕肉為主，雖然係咁，咕嚕肉酸酸甜甜開胃之餘，肉質亦夠爽嫩 莆田扁肉湯 - $22味道略鹹，但扁肉皮入面既豬肉好結實，口感十足食左兩道有豬肉既菜式，發現莆田除左蟶子之外，有豬肉既菜式都係唔錯既選擇 興化炒米粉 - $86米粉好幼身比較少食，望落細細碟但三個人食都剛剛好，但老實說性價比就一般喇香港唔算有好多專門食福建菜既餐廳，如果家人想治下思鄉病都可以考慮一試呢～…查看更多

經過新蒲崗，對呢個區非常陌生，但記得早前有網媒介紹呢間堅果奶店鋪，自己亦係台灣飲過唔錯，就試下香港既NUTTEA係咪做到同一水準店鋪係萬迪廣場一樓，一上扶手梯就到～唔算難搵而店內裝橫都好簡潔，窗旁都有位置俾大家坐低輕鬆嘆茶～ 葡萄堅果奶蓋茶 - $36店員提點我如果選擇走糖味道會比較酸，但考慮到有奶蓋本身應該有少少甜度，為左健康d就決定走糖結果出到黎好驚喜，因為市面好多台式飲品過到黎香港味道總會有d落差，但呢間NUTTEA竟然同我係台灣店飲既奶蓋無咩分別～而雖然走左糖，葡萄唔算好酸，反而整體飲落清甜，絕對無奶精味價錢略貴，但飲得出係落足料，對奶製品過敏既人，絕對係值得一試～如果你都願意俾$4x飲喜茶，呢間NUTTEA都唔會令你失望…查看更多

是日同朋友到佐敦食晚餐，Plato位於近柯士甸道既內街吳松街～地鋪都好易搵餐廳遠處望落都夠大，好彩6點幾入到去都唔算多人，侍應即刻安排入座同朋友分別揀左Set Dinner - 蒜片欖油白酒鮮蜆天使麵同埋西班牙黑毛豬鞍架～等大約5分鐘就有餐湯同麵包條，正常忌廉湯味道好驚喜只係等左大約15分鐘就有豬鞍架，廚房都好快手！西班牙黑毛豬鞍架 - $258肉質唔算好嫩，但勝在醬汁夠惹味，亦有薯仔、車厘茄做配菜，食晒成份女仔黎講都好夠飽再等多5分鐘朋友order既天使麵都黎到喇～蒜片欖油白酒鮮蜆天使麵 - $168唔好以為貨不對辦，其實係一堆火箭菜遮住左d蜆，裡面大約都有10隻蜆非常足料～如果係附近想坐得闊落d同朋友夜晚食飯傾下計，都可以一試呢～…查看更多

久仰春水堂大名，難得係高鐵站都有珍奶鋪，當然要試一試過江龍珍奶始祖有幾厲害星期日既黃昏唔算多人，排兩三個就可以買到，但等拎飲品就要15分鐘左右～珍珠鐵觀音奶茶 - $31茶底夠濃，有真正既茶香味，但又唔會蓋過奶味，比例剛剛好失色既係珍珠，走甜既我知道珍珠多數用糖水煮，所以春水堂既珍珠都唔例外，有一定甜度不過採用既珍珠比較細粒，而中間似係未煮得熟所以有d硬，所以珍珠味道ok，但口感有d差如果下次再試應該都係試純茶/奶茶系列～…查看更多

由10年前開始食佐敦既麵麵店，雖然食材同以前都已經好唔同（例如炸燒賣呢類小食已經唔存在）但比起好多車仔麵佢既餸真係選擇多同埋份量夠～係太古城附近呢個都係飽肚lunch之選平日既我鐘意食淨餸，貪佢d餸多過叫麵底車仔麵淨餸（4餸）- $51叫左生菜底，而另外三餸分別係雞翼、墨魚卷同豬腸即使麵底都有兩隻雞翼同兩條墨魚卷，而淨餸份量再加一，超抵食！雞翼係滷水汁煮成，夠入味同大隻；墨魚卷都可以算係鎮店之寶，因為好多時都會賣晒/未煮得切下一round，呢款餸亦少係其他車仔麵見到而麵麵店既豬腸味道較濃，未必人人可以接受到，同埋因為份量多，所以食到一半都覺得有d膩雖然只係淨餸，但飽肚感十足～另外佢地有自家制辣菜甫，可以取餐時自己添加…查看更多

漁獲浜燒打正旗號食浜燒，但由於曾經試過佢最出名既特上漁獲浜燒盛合，所以今次轉戰小食同丼飯！燒明太子 - $98雖然我係明太子既忠實粉絲，但單獨食真係好鹹！如果你係自己一個孤軍作戰，又或者無另外叫丼飯配食，就唔太建議order～唐拐芝麻雞翼 - 58雞翼夠香而肉質夠嫩口，係性價比較高既一道小食蒜片煎牛舌 - $98牛舌外脆內嫩，份量同平時食既串燒亦不太大分別極上漁獲魚生丼 - $328由吞拿魚腩、馬糞海膽、赤身、油甘魚、三文魚籽、三文魚組成既丼，除左份量唔欺場，刺身質素亦好高！可以食得出全部食材都好新鮮，尤其係赤身清爽得黎亦帶甘甜～雖然餐廳定價較高，但總算係物有所值既一餐…查看更多

又一城EXP經常大排長龍，難得經過見到唔係太多人等，拎左飛等大約5分鐘就可以入去食lunch喇～大蝦牛油果醬薄餅 - $98見到唔少食客都有點呢款pizza，應該都係一個safe option結果都冇令人失望，蝦同牛油果都好足料，而且感覺好清新，唔似平時覺得食pizza有種好油膩既味道水牛城雞翼 - $58由於我不太喜愛buffalo wings，都係因為友人想叫而試左一隻，不過不失～馬來西亞沙嗲雞串 - $54沙嗲配既醬汁好惹味，不過雞串略嫌乾身，感覺似燒烤過左火喉～整體黎講pizza比起小食更出色，或者下次有機會會試埋其他口味pizza或者pasta…查看更多

據聞雲貴風係屯門數一數二既米線鋪，而且經常「唔憂做」閉店休息星期日夜晚大約8點幾黎到，一個人亦要等大約15分鐘，已經見識到佢受歡迎既程度～門口位亦張貼「突然」休息既日子，相信唔係平日經過或者時常黎幫襯既熟客，有機會摸門釘餐牌簡單易明，就係不同口味既米線，配搭一餸或者另外加餸既價錢，係屯門市內都算親民豬腸小鍋米線 - $31等位既時候樓面已經幫手落order，唔算太食得好辣既我叫左少少辣，湯底夠濃好開胃，而米線都夠淋同入味抵讚既係豬腸都算乾淨而唔會有臭味，為成碗米線加分不過始終係小店，店入面環境好迫同埋都要預左同幾個人一齊搭台，所以都見唔少人係排隊等外賣性價比咁高，終於明白點解咁多街坊排晒隊等堂食同外賣～…查看更多

是日到南港島行山，行山前想醫肚又不想到連鎖快餐店，輾轉行到去One Island South既Sensory Zero曾經試過太古城既分店，黎到黃竹坑既分店當然要試下明火煮食既食物啦～餐廳裝份簡單，但勝在空間感夠大，有時間的確可以chill一個下午～蒲燒三層鰻魚滑蛋飯 - $95呢個係推介食物，鰻魚夠肥美同厚身，而滑蛋亦煮得夠嫩口白飯採用日本米，全部食材都好高質素，份量亦夠大～對於係黃竹坑呢個美食沙漠黎講，有呢間cafe的確增添不少上班族既午膳選擇…查看更多