為食小龍女的個人專頁

原先上個星期去荃灣個間食金田慶祝紀念日, 但係因為太多人, WALK IN去到已經無位, 咁好啦, 最後BOOK左星期一既8點,不過睇間鋪其實得好少位, 2個人要坐迴轉枱~~BAD~~ 因為收工要去葵涌買鞋, 諗住買完先去金田 , 係搭小巴個陣老公拎左張金田咭片出黎, 話原來葵涌都有間分店(新開) , 咁緊係打去問有無位先啦, 好好彩, 有位喎, 因為新開關係, 收費係$168再加一, (但係無任何信用咭優惠) , 之後就即刻打電話去荃灣金田同佢講我地轉去葵涌金田, 吾想HOLD住佢張枱麻~~`去到覺得門口吾錯, 幾光猛, 但係入面既裝修就吾係好得, 好似茶餐廳咁, 冷氣不足, 好在有卡位同電視 服務方面:我覺得吾錯, 侍應有禮貌 , 會不斷同你加茶, 比起其他既放題, 係要叫先會加但係食物方面要講一下:刺身~~ 係吾凍架,仲有d暧~~ 三文魚色澤深, 吾太新鮮, 魷魚同我想像中吾同, 好大塊, 但係好腥, 甜蝦不過不失 (侍應放刺身上枱後好細心咁同你講, 而家d天氣好熱, 提議你盡快食, 吾好返咁耐, 算吾錯的)炸物~ 一口芝士, 出黎個陣都已經硬晒,仲以為入面會係溶溶地添 炸蝦天婦羅反而ok , 串燒~ 雞翼(淋晒, 應該浸左好耐), 雞軟骨(不過不失) , 牛舌(無味), 燒三文魚(呢個ok) , 鯖魚(超硬) , 黑椒腸(好燶, 難食) , 羊鞍(好so) , 豬軟骨(好鞋) , 所有野上枱既時候賣相已經吾ok , 結果真係吾好味蒸蛋吾好味, 面豉湯好咸, 連芝士焗蠔都吾好味 , 豬骨湯拉都無乜味最最最難食係~~吾知叫乜鬼米紙定米卷, 個汁好臭, 好難食, 同埋個 ~泡菜白爪魚~ 係完全放棄成晚最好味係蝦天婦羅, 甜蝦剌身 同埋連既甜品外, 其他都吾得埋單2個人$370價錢雖然ok , 但相信我吾會再去, 始於大失所望~~如果要去都寧願去荃灣愉景既友勢~~~…查看更多

其實原先我吾係想食田中架 , 咁岩真係十番尋日休息 , 所以要轉陣~~~男友提議去田中睇下 , 行過去見到門口出奇到無人等喎 , 去到就可以比我地入去喇 , 係一張4人枱 , 但係我地2個都吾敢將自己個袋放係隔離囉 , 一來D職員望住晒 , 二來開始多左人黎食 , 叫左三文魚刺身 , 壽司有三文魚 , 尤魚蟹子 , 蟹子 , 鰻魚 , 甘蝦 同 一盆蟹子沙律 , 都係$180 , 吾知係咪只可以食45分鐘 , 所以一叫完無耐 , 吾洗10分鐘已經上晒菜 , 三文魚剌身好有口感 , 最重要係夠凍, 其他都OK , 反而覺得個蟹子沙律最吾好食 , 元朗咁多間 , 最好食既蟹子沙律係千之壽 , 食完之後都吾敢坐耐D , 一食完就走喇 , 如果你話太多人食..要等好耐位 , 我未必會再去食 , 吾洗等位就話可以食多次既如果D位可以寬多少少會好D囉, 如果肥多少少想坐都會迫到人地後面無位坐 , 服務快 , 同埋吾洗叫都有人幫手加菜 , 算吾錯架喇…查看更多

身為消費者我覺得吾好味係要講, 好味既就要開口讚 呢間德福閣比我既印象就係細得黎譜 , 冷氣吾夠 , 位與位之間迫之餘..仲要比人夾囉 , 唉...都算喇 , 第二D酒店BUFFET都無話一定SET死6點半就6點半先可以拎野食 , 但呢間真係好例外 , 真係等到佢6點半先叫人出去拎野食 , 由我坐個個位行20步..已經可以行完整個野食區, 剌身係切定再REFILL既 , 都OK既開頭 , 但多左人之後 , 就得返好少可以夾喇 , 熱盤我更加吾想講 , 唉..得個5-6樣 , LUNCH BUFFET都吾會得咁少野食掛 , 菜心 , 西蘭花炒菇 , 有咖喱 , 有炒飯 , 有咕嚕魚..印象好似得咁多 , 重出都係出返個D野 , 豬腳薑吾好食 , 生蠔好細隻 , 連甜品區更加吾想講 , 得個焦糖布丁OK , 但係好甜 , 仲話以生果做主題 , 得西瓜同哈蜜瓜咋喎 , 咁都得 , 係咪有D呃人呀 , 以$200咁既價錢 , 我覺得吾值囉 , 真係寧願食其他野好過食呢到 不過如果講服務 , 就可以接受既 , 如果怕熱既人真係吾好去 , 因為我同隔離枱都要一路食 一路撥風…查看更多

星期五臨收工前上網見到長沙灣有間松記糖火好似好好味咁,所以收工即刻同男友搭巴士落去搵喇,好彩男友仔識路,落左車行一陣就到,不過聽到有d人話有假既松記..所以我地搵個時都特別小心..因為驚去錯鋪頭,如果去錯既話我寧願唔食喇..周圍係咁望,我男友原來一早就見到,仲問我見唔見郅添,我話應該仲未到掛,佢話咁大個牌你都見唔到..呵呵..原來終於都到喇,我去個陣時得2-3個人係到食緊,原來2個人去食既話(佢好似唔多鐘意2個人坐4個人既枱架),不過我地都無諗住位4人枱..雖然知道有咩出名好味,但係都睇下個餐牌有d咩食先..睇完都係叫幻彩明珠同埋哈囉,佢仲會問要唔要奶添,由於唔知要定唔要好食..都係要啦,起碼會有d奶味(應該會好d既)..果真我覺得加左奶幾好味,哈囉有好多料,白色個d我唔敢肯定係唔係豆腐,有粟米..好多好多,我覺得好好味,男友個個幻彩明珠都唔錯,好多生果,d西米又好大粒,好有咬口,不過我都係覺得哈囉好味d,同埋唔算貴呀,10幾蚊黎講咁多料,又好味,份量都ok..對我黎講,簡直係滿足呀,不過唔可以成日落去..一個月1-2就夠喇…查看更多

其實起衫我聽到澳洲牛奶公司呢個名既時候我真係以為係食雪糕咁上下既鋪頭,但係就估唔到原來係一間餐廳黎既,早幾日我一收工就即刻同男朋友落左去佐敦喇..未去之前睇到好多食評話公司三文治好得,又多料,咁就試下啦,一去到又唔係好多人喎,岩岩有卡位,好彩做足準備,唔係就真係有排諗呀,一個常餐(要炒蛋,要多士,要通粉),同埋要一個公司三文治..d野食好快就黎到喇,大家都望住件多士,因為的確係比面個d大好多既..而且仲好好味添,d蛋都唔錯,不過男友仔就鐘意落d鹽,佢話咁樣好食d喎,食落個通粉就無咩咁特別,可能我個日去食個碗淋左少少啦,不過唔緊要,我最主要都係想試下個公司三文治係咪真係咁得,一上枱就有四大舊..而且仲好多料添,有d酸瓜係到幾開胃,對於我個人黎講,我真係好鐘意食,最後個常餐有一杯野飲,我地就要左凍奶茶,都幾有茶味,呵呵,真開心呀,終於可以試到,唔洗成日心掛掛,下次經過都會再去食架p.s.其實我覺得呢間鋪頭係服務都尚算唔錯呀,d員工好齊心,而且仲好快手添…查看更多