momojelly的个人专页

去Musea行街平時都好鍾意食food court，因為真係好多選擇同埋成日有新嘢～ 今次就見到呢間OOMAKI，咁岩見到員工出餐見到啲手卷擺得好靚💖 就算唔係好肚餓都心郁郁試吓！今次我地兩個人去，嗌咗一個極品壽司盒、OOMAKI招牌自創手卷 (蟹肉蟹膏蘆筍卷、三色三文魚卷、榮螺芥辣八爪魚卷同埋三重吞拿魚腩卷)極品壽司盒除咗你哋見到分四格之外，仲另外會有一個麵豉湯～上面嘅沙律菜好新鮮，炸餃子同天婦羅都好香脆，炸粉唔會好厚～壽司質素高，上面嘅刺身好新鮮唔會有奇怪嘅味道～Nice至於OOMAKI招牌自創手卷方面，見唔見到啲topping滿滿的！！好足料啊！個人最喜歡蟹肉蟹膏蘆筍卷，蟹肉蟹膏同埋蘆筍嘅口感相映成趣，creamy得黎又有蘆筍嘅爽脆口感！其他手卷由於材料新鮮嘅關係，其實一定唔會出錯！！建議大家見到雖然咁靚都唔好狂影相影咁耐，因為我影得太耐相嘅關係到最後啲紫菜有少少淋咗😵‍💫😵‍💫最後最後提提大家，而家佢嘅招牌自創手卷做緊買二送一！！如果大家去記住買夠三件啊…查看更多

上次食OOMAKI嘅時候係晚餐，經過見到呢間G bar已經覺得好靚，嗰陣時仲要見到有pair情侶食緊個海鮮拼盤！！勁吸引！！今次lunch time出嚟拎嘢梗係要試吓～精選海鮮拼盤：以$238呢個價錢來講絕對值得，雖然佢唔係話超級新鮮但係勝在海鮮種類幾多，兩個人絕對夠食！個人喜歡上面嘅蜆肉，鮮味十足～另外仲俾咗三款醬你點～芝士焗海鮮白醬意粉：海鮮好足料，見唔見到有幾隻蝦、青口同埋蜆！！玫瑰士多啤梨綠茶同懷舊雪糕紅豆冰都係正正常常，我嗌咗少冰但係都係好多冰😂😂😂 如果可以少啲冰就好了～原來憑單據食OOMAKI可以有半價優惠！！早知食完呢間先食OOMAKI🥹🥹 店員另外同我哋推介左原來海皮出邊有間G bar gelato，所以我同朋友上咗去食士多啤梨雪糕雞蛋仔，雪糕口味我揀咗檸檬薑，好好食呀！！！大家拎到食物嘅時候記住盡快食，而家天氣咁熱啲雪糕好快溶，會整到啲雞蛋仔濕晒！！所以快啲食呀要雞蛋仔外脆內軟，配埋雪糕真係好正！…查看更多

友人係烤魚同酸菜魚嘅忠粉，見親面都會話不如一齊去食～ 適逢我入元朗國搵友人(想探佢隻貓貓😍)，晚飯當然都要喺元朗附近食！友人作為街坊，試過佢地午市嘅魚湯米線覺得好正，同埋話夜晚會轉做烤魚menu！咁梗係要試下💖店舖雖然有紙質menu，但可用QR code自助落單～ 招牌烤魚有六款口味同四種魚揀，今次我地試麻辣小辣嘅江團魚😆 江團魚係侍應推介我地試的，因為口感比較扎實啖啖魚，泥味又唔會重～果！然！江團魚真係成條啖啖肉又不會fishy，我平時唔多鍾意食烤魚因為啲魚成日都碎濕濕好難夾 (我唔識揸筷子lol)，但江團魚每一下夾佢都係大大嚿肉好正好滿足！私心建議條魚來到嘅時候，就算啲醬汁滾起咗都等佢煮一陣，條魚會易夾啲同埋入味啲～😍😍😍💖我哋額外加咗個烤魚輔菜組合，有金菇、大豆芽、芹菜同埋蓮藕，不過個人略嫌份量比較少，可能要再嗌多啲配料或配菜先夠豐富～我哋仲嗌咗三串串燒，分別係燒花枝丸、燒麻吉同埋燒雞中翼～燒花枝丸面頭有啲辣粉，同埋燒得好焦香，好食！蕭馬吉最有驚喜，因為面頭應該有加咗一啲鹹鹹甜甜嘅醬汁先至燒，入面嘅麻薯有咬口～至於燒雞中翼就不過不失啦正常發揮。我嗌咗杯白桃味乳酸 (少甜少冰)，分量大大杯！但我略嫌仲係有啲太甜太多冰了🥲🥲寫食評嘅時候先發現呢間餐廳原來暫時未有任何評價！！希望之後會有越來越多好評，因為我覺得魚嘅質素真係幾好，要encore！同埋員工服務態度好好，好主動介紹同埋睇吓你有咩需要～ 下次等我試吓啲魚湯米線先😍😍…查看更多

同友人喺附近上完堂，肚餓見到原來咁近有一間車仔麵～我同友人都超喜歡食車仔麵，梗係即刻入去試下。去既時候係有下午茶既時段，見到下午茶都有一啲台式菜式嘅選擇～鍾意嘅朋友仔都可以試吓，但我哋淨係想食車仔麵成間舖冇坐對面嘅枱，只有自修室格局嘅枱，唯有同朋友平排坐:)小店用QR code落單，方便快捷。我嗌左自選三餸車仔麵：惹味麻辣湯底 (小辣)、油麵、瑞士汁雞翼、炸年糕麻吉燒、鹵香肉燥。真實用家評價：雞翼正常，冇特別入味/軟熟鹵香肉燥味道好，但上菜時已經係室溫狀態LOL炸年糕麻吉燒其實即係打邊入邊有舊年糕仔嘅魚蛋 (車仔麵圖左手邊嗰兩粒黃色野)，本身仲以為啲乜嘢嚟LOL惹味麻辣湯底其實係一味死辣，冇麻辣湯底嘅層次，同埋湯頭偏鹹，令你唔會想忽好多湯連埋啲面一齊食。總括而言未必會有下次，因為唔係太好食，不過如果附近冇選擇而你又超級想食車仔麵嘅話都可以試吓嘅。…查看更多

同友人行donki，見隔離就係牛繁，自己住呢頭其實一直都冇食過，大家都肚餓就不如試吓～Weekend lunchtime原來都有一人餐～我地兩個都係嗌S2 薄切牛胸花、特選薄切肩胛片、薄切牛舌套餐，我另加左個大人氣溫泉蛋拌飯一人刪除咗頭先講嘅牛，仲包左前菜同飲品～平心而論食呢間冇得同平時食開一啲靚嘅燒肉比較，來呢度一定係食性價比，百幾蚊燒肉食到飽仲想點～ 不過單論產品質素，牛係略嫌切得太薄令其容易失去口感的。大人氣溫泉蛋拌飯好好食，雖然其實佢只係飯素+紫菜+日本米+溫泉蛋嘅組合，但係好簡單嘅嘢放埋一齊其實都好正～仲要大大碗，good！總括而言如果你對燒肉好高要求梗係唔好嚟，但係心血來潮過吓口癮就絕對冇問題👍🏻…查看更多

想來呢間主題Cafe好耐，但原來好難book位！大家記住而家一定要through佢地ig book，openrice/ call過去已經唔可以預約～ 預約嘅部份會見到有得揀普通枱，定係同公仔坐嘅公仔枱😍 據聞而家好似得返企鵝(?)可以book，其他公仔已經full晒啦入正題先，遠處見到間餐廳已經好興奮😍 我作為一個十分喜愛角落生物嘅少女(?) 見到呢啲超級靚嘅裝飾真係好開心～真心既，我對主題餐廳嘅嘢食冇乜期望，因為我覺得通常都係得個樣😂 所以保險少少我嗌咗一半角落生物主題食物同埋另一半係普通Menu食物～角落小伙伴包：其實即係奶黃、豆沙同原味饅頭，係真係平時酒樓食嗰啲饅頭嘅味，冇乜特別～但係樣子搭救真係好可愛😂雜草玄米抹茶奶蓋沙冰：本身我其實唔鍾意飲沙冰，但為咗要個可愛嘅杯所以嗌😂 玄米嘅味道就唔係好飲到，但係抹茶味道濃郁，奶蓋都好厚實，其實味道幾好。不過濃郁嘅口感真係有少少滯。肉燥乾拌麵：肉燥分量好足，每一啖麵都可以撈到滿滿肉燥👍🏻 不過略嫌麵條彈性不足，冇咩咬口。肉燥味道還好的～總括而言，其實對呢一餐係幾滿意的，雖然嘢食味道唔係超好食，但係職員嘅服務態度好好，好願意幫手影相同埋好有禮貌，唔會覺得你阻住佢執嘢😂 同埋啲公仔真係好得意，喜歡角落生物嘅你哋唔可以錯過！！…查看更多

一直以來都幾鍾意寫食評，同埋so far我冇食嗰啲我真心認為好難食嘅餐廳，通常都只係極度普通/麻麻哋。但今次終於遇上我第一間一定要比劣評嘅餐廳，我想講真係難食到核爆。今次嗌左蜆肉闊條麵 (嗱我想講難食到就算我影低咗張相我都完全唔記得係乜嘢汁其實)，我想講呢碟嘢真係難食到核爆！！其實一上菜我都知賴嘢，見到碟嘢啲水多到咁😂 蜆肉基本上七成都有沙，啲意粉淋到唔知想點，直頭係完全冇咬口嗰隻。成碟意粉冇味，見唔見到我落咗幾多黑椒⋯⋯其實真係食得勁唔開心，但為咗唔浪費食物我塞晒落肚之後直頭係有失落嘅感覺。不過杯咖啡係正正常常嘅。另外係其實你話如果嘢食普通但係環境搭救都OK，但係又唔係喎，環境比較細之餘仲要所有冷氣機都滴水係咩玩法LOL 一路食嘅時候有店員爬梯拎住個地拖係個天花板度抹倒汗水，啲冷氣又周不時滴水落嚟我手臂⋯⋯有冇人feel到我幾無奈⋯⋯總結一定冇下次，當然見到佢有咁都好評我唔可以一刀切話佢所有嘢都難食，可能其他人食其他嘅菜式唔錯呢～但只可以話今次用餐體驗係超級差，嚇怕咗以後都唔會再去了😂…查看更多

其實已經嚟過呢間嘢好多次，因為經常出沒於荔枝角～一直都想寫關於佢嘅食評但係次次都唔記得，終於要的起心肝！！我每一次嚟呢間餐廳都係食意粉，每一次都係幾好食的so far每一次都係大大份，足料！今次係下午茶時段過去，嗌咗呢個香蒜欖油意粉配煙鴨胸。見唔見到啲煙鴨胸有幾多塊！真係好足料㗎。咁樣先買單六七十蚊咁抵仲想點～～我覺得當然佢唔係好識到你話要特登入嚟食，但係如果有機會經過就絕對要試吓。我每一次食都係唔錯的…查看更多

工作最近有啲忙碌好少出去行街，難得出銅鑼灣醒起NAMI，之前食過覺得氣氛好好啲嘢又幾好食😍😍😍唔知係唔係太耐冇去呢，見到多咗好多嘢食～今次我哋兩個人都嗌咗好多嘢，食到好飽！前菜六品御付：呢個係嗌一鍋三燒送既，好啱打咭😍 入面有枝豆、一啲時令海鮮、紫菜、沙律、玉子etc. 正式食飯之前有少少嘢食，又有咁多選擇，幾開心！精選一鍋三燒 ($598)鐵板燒：呢個部份我興奮得滯唔記得咗影😂 但係啲牛肉真係好好食😍😍😍🔥 入口即溶又重牛味～ 略嫌南瓜同番薯份量有啲少，但味道都幾好的。壽喜燒：啲牛靚其實點食都開心😂😂 唯一覺得嘅係壽喜燒嘅醬汁有啲淡，如果可以濃返啲就好了。Shiyabu Shiyabu：啲海鮮同蔬菜都好新鮮😍😍 不過覺得個portion有啲搞笑，豆腐只有每人一件，娃娃菜又淨係得幾塊😂全餐飯最值得一讚既啲牛真係好食，入口即溶的😍😍 三食既transition好快，員工好留意食客既進食速度～ 唔會令你有迫你趕住食既感覺～整體來講覺得食物質素幾好，員工做嘢又勤力，同之前來果次一樣，餐廳環境氣氛都好好～食得好開心😆😆😆❤️…查看更多

同朋友去圓方行街，喺戲院附近見到有劉一手。繼上一次喺又一城食過，覺得好好食，點知原來喺圓方都開咗！而家既劉一手同gaia group合作，感覺比以前更加有規模同埋有質素呢。下午時段原來有半自助火鍋一人套餐有任食既料真係幾吸引。劉一手我當中最鍾意嘅係湯底，除咗最經典既招牌一手辣方麻辣紅油之外，滋潤椰子雞湯都係好正椰子雞湯好清甜，識嘅途中不斷拎啲出嚟飲主食我哋揀咗牛($268)，美國三角肥牛同美國牛頸脊都幾好味，充分退冰同牛肉味濃！任食既部分有好多唔同既菜、丸同海鮮，下午任食來講絕對夠食！職員態度同埋服務都好好，本身仲附有圍裙～咁大家嚟食嘢就唔使驚整污糟啦推介推介！…查看更多

周不時得閒都會出沙田行街，行晒成個新城市之後行左過隔離沙田廣場，見到呢間的的骰骰嘅舖頭，見到玻璃櫃入面有好多滷味 作為滷味控嘅我即刻行入去睇吓。呢間應該係新鋪，我未聽過個名，但係舖頭嘅裝修都幾有台灣嘅味道。醒起聽日要去同朋友car camping，所以決定買啲一盒盒分比朋友食。今次我揀咗口水雞半隻、活力雞中翼、紅油脆耳同埋麻辣爽肚。首先我想講，盒口水雞超足料，成盒野直頭係重嫁！！！醬汁超濃味，要麻有麻要辣有辣，好鍾意個醬汁。佢唔係真係好似大陸嗰啲四川辣，而係香港人都好接受到果種辣~ 隻雞好滑，好啱送飯。紅油脆耳係我本次最愛！超爽口超好咬！個辣仲要好惹味，好好食好開心呀！麻辣爽肚個辣其實好正，但對我呢個食譚仔三小辣既人來講有啲太辣，我唔係好食得哂。但爽肚既部分好好食，好爽口！整體來講好滿意，一定會再買黎食(P.S. Sorry唔多相，因為我地太急食哂😂)…查看更多

我平日太鍾意食西餐，好少食其他菜😂 今日去完利東街行街，行行下見到呢間餐廳，話食正宗潮州菜，門面又幾靚，所以決定試吓🤪😜其實喺門口我望到個餐牌，首先最吸引我嘅係個✨菜膽火腿翅！😍 呢個翅得呀，湯頭清甜，冇味精，入面嘅翅絕對足料。不過如果除咗娃娃菜同埋翅之外，有其他配料就更加好，例如金華火腿😛😛✨梅醬拌海蜇：醬汁酸酸甜甜仲有微辣，好好食！上面有好多青瓜絲，同海蜇好夾，令人好開胃😘✨煎九肚魚烙：一上枱見到好似煎餅咁覺得好新奇，即刻問老闆，老闆話呢個菜式係好地道嘅潮州菜，入面有芹菜、九肚魚同埋葱，加入麵粉同蛋漿，混合煎製而成嘅。呢個好有驚喜，因為從來未食過，食落口感有啲似韓式煎餅😂，但入邊嘅九肚魚好嫩滑，仲要冇骨！✨芝麻落湯錢：其實就好似我哋平時食開嘅糖不甩，糯米糍上邊鋪咗黑白芝麻同埋砂糖，甜甜鹹鹹幾好味😋整體來講呢餐食得好開心，員工服務態度又好好，下次一定會再過嚟食✨✨😍…查看更多

去到時代廣場行街，梗係要食埋晚飯先返屋企！時代廣場樓上有呢間greyhound，有好多年冇食過啦以前成日食又一城嗰間，今日經過就入去試吓啦。我覺得嘢食嘅份量比以前大左！兩個人嗌三個小食兩個主菜飽到癲咗😂 要打包拎啲返屋企😂個人覺得海鮮冬陰功炒螺絲粉同埋脆炸粟米蟹肉餅配甜酸醬最好味冬陰功好夠濃味，又有足夠嘅海鮮！蟹肉餅好脆又大件，食到停唔到口。食咗咁多嘢兩個人埋單人均三百幾蚊我覺得okay~ 下次唔使嗌咁多嘢食，但整體食物質素幾好!!!…查看更多

電話無啦啦壞左既我要出又一城Apple Store，竟然見到有劉一手。我以前食過一次覺得好普通，但印象中記得明明執哂。見到門口有個店員，我忍唔住問「你地唔係係香港執哂啦咩？」Lolololol 問完都心諗我做咩咁直接。點知店員話原來以前果間真係執哂，而家呢間係新既，已經轉左手，同香港既Gaia Group合作緊。我即刻係到諗，轉哂手咁咪即係可以比多次機會？XD我地嗌左：⭐️湯底（麻辣黃油鍋&雞）：想點！！個雞湯超好飲！！！好清甜又好夠味，仲要好足料！一來到既時候我飲左兩碗先捨得開始碌野食！麻辣黃油鍋就正常發揮，就係平日食到好味既麻辣～⭐️美國牛小排（全份）：質素幾好，未至於入口即化但係牛肉味好出。就算湯底咁濃都好，碌完都會食到牛肉既味～⭐️日本皇帝蟹柳：以78蚊4條既價值黎講，我就嫌佢性價比幾低。佢係好粗既，都係啖啖肉既，但味道冇特別的。⭐️牛黃喉：呢個我鍾意！平時出面食既牛黃喉咪切到一片片既，呢個係切到連住一條條咁（唔知我講咩就睇圖啦）。我鍾意呢個切法既口感！牛黃喉好新鮮，勁彈牙～⭐️正宗芝士丸 (六粒)& 芋絲：就係普通芝士丸同芋絲。⭐️手打牛筋丸 (六粒)：我冇特別鍾意，就算手打都未覺好彈牙～口感偏扎實～⭐️重慶小麵：比我想像中大份，好夠食。要煮耐少少。⭐️雜菌拼盤：有冬菇丶金菇同秀珍菇～⭐️紅糖糍粑：其實呢個好好味，不太甜，口感煙——，上菜時又熱辣辣好新鮮。但係可能因為我地係一次過落單，所以佢竟然係第一個上既菜LOL。所以如果你地想當佢係甜品，記住遲啲先加單！整體來講幾滿意呢餐飯，店員既服務態度好好。但係兩個人食個lunch成千銀就有啲驚⋯⋯ 正當我覺得太貴既時候竟然見到原來佢地而家有lunch set & late owl set！！！平幾多！！！下次黎可以再試下～（P.S. 打完呢刻我好掛住個雞湯，好想食哈哈哈）…查看更多

難得出cwb，梗係要食個晚飯先返屋企！NAMI店舖位置好方便，就係exactly燈籠街樓上鋪。我地嗌左：⭐️NAMI卷：卷物上面有黑魚子丶海膽同金箔，內餡就係三文魚籽同吞拿魚腩飯。個卷雖然得兩個但係超大粒！好足料！佢地用既魚生好新鮮！好好食。⭐️辛口明太子稻庭冷烏冬：見唔見到又係海量三文魚籽lol，又係好足料。烏冬係冷食黎既，好彈牙。味道其實好好但食到後期有啲膩～ 但冇怪佢既始終係cream base。⭐️月見雞肉串：呢個好好食！啖啖肉的串串上面有好多蔥花，配上一隻好味既雞蛋，好滿足！⭐️牛肉涮涮鍋：雖然得六塊牛肉（其實一個食夠哂但因為我地兩個人分所以覺得唔夠喉XD），但牛既質素好高！係入口即化既程度黎嫁！呢個小套餐除了個鍋，仲配有茶碗蒸（正常發揮）丶烏冬丶兩粒丸同沙律，其實都幾多野！鍋有大量蔬菜丶豆腐丶冬菇etc. 不過一個令我有少少失望既位係，個湯底勁淡！我食唔出有咩味，可能太清了。⭐️自創手卷：入面有細細粒帶子同三文魚籽，個人覺得冇咩特別。太多醬料令到帶子味道唔太出。⭐️菠蘿雪葩：我好鍾意呢個！好好味。菠蘿味濃，口感軟滑，外觀又靚仔！（P.S. 我地食食下有位同事打鼓，答謝黎光臨的食客，請大家每人一杯sake仔，都幾得意。）整體來講幾滿意呢餐飯，幾高質，店員既服務態度又好好。一定會再返黎食！…查看更多